چىن چۋانگو ۋاكىلدەر ۇيىرمەسىنىڭ باستىقتىعىنا سايلاندى
شوكىرات زاكىر، شاۋكەت يمىن، سۇن جينلۇڭ ۋاكىلدەر ۇيىرمەسىنىڭ ورىنباسار باستىعى بولدى
تىلشىلەر ياۋ تۇڭ، سۇي يۇنيان، لي ياڭ 3 - ايدىڭ 3 - كۇنى بەيجيڭنەن حابارلايدى. ءماجىلىستىڭ ءبىر تۇتاس ورنالاستىرۋى بويىنشا، 3 - ايدىڭ 3 - كۇنى تۇستەن كەيىن 13 - كەزەكتى مەملەكەتتىك حالىق قۇرىلتايىنىڭ 2 - ماجىلىسىنە قاتىناساتىن شينجياڭ ۋاكىلدەر ۇيىرمەسى وزدەرى تۇسكەن قوناق ۇيدە جالپى جيىن وتكىزدى. مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق پارتكومنىڭ شۋجيى چىن چۋانگو جيىندى باسقاردى.
داۋىسقا سالۋ ارقىلى جالپى جيىن چىن چۋانگونى شينجياڭ ۋاكىلدەر ۇيىرمەسىنىڭ باستىقتىعىنا سايلادى، شوكىرات زاكىر، شاۋكەت يمىن، سۇن جينلۇڭ شينجياڭ ۋاكىلدەر ۇيىرمەسىنىڭ ورىنباسار باستىعى بولدى.
جالپى جيىن 13 - كەزەكتى مەملەكەتتىك حالىق قۇرىلتايى 2 - ءماجىلىسىنىڭ ءتوراعالار القاسىنداعىلاردىڭ جانە باس حاتشىنىڭ ەسىمدىگى جوباسىن، ءماجىلىستىڭ كەڭەستىك ءتارتىپ جوباسىن قارادى، تاياۋدا ءماجىلىس حاتشىلار باسقارماسى اشقان ءارقايسى ۋاكىلدەر ۇيىرمەسىنىڭ ۇيىمداستىرۋشىلارى ءماجىلىسىنىڭ رۋحىن جەتكىزدى.
چىن چۋانگو مىنانى اتاپ كورسەتتى: 13 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىندا، جاپپاي دوڭگەلەك داۋلەتتى قوعام ورناتۋدىڭ، ءبىرىنشى 100 جىلدىق كۇرەس نىساناسىن جۇزەگە اسىرۋدىڭ شەشۋشى جىلىندا اشىلعان ءبىر رەتكى توتەنشە ماڭىزدى ءماجىلىس، ەلىمىزدىڭ ساياسي ومىرىندەگى ءىرى ءىس. بۇل جولعى ءماجىلىستى ويداعىداي اشۋ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي دايەكتىلەندىرۋ، تياناقتاندىرۋ، بۇكىل پارتيانىڭ، بۇكىل ەلدەگى ءار ۇلت حالقىنىڭ كۇرەسكەرلىك رۋحىن قاۋلاتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ جولىندا قاجىماي - تالماي كۇرەس جۇرگىزىپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن سۇبەلى ناتيجەلەرمەن قۇتتىقتاۋ جونىنەن كەلەلى ماڭىز الادى. شينجياڭ ۋاكىلدەر ۇيىرمەسىندەگى ۋاكىلدەر شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەت ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”ءتورت تانىم“دى بەرىك ورناتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرۋ، تياناقتاندىرۋ كەرەك. تاسقىنداعان ساياسي ىنتامەن، كوتەرىڭكى رۋحاني كۇيمەن، كۇشتى جاۋاپكەرلىك تانىممەن، قاتاڭ مىندەت اتقارۋ رۋحىمەن نەگىزگى زاڭ مەن زاڭداردا جۇكتەلگەن مىندەتتەردى زاڭ بويىنشا اتقارىپ، ءماجىلىستىڭ ءتۇرلى باياندامالارى مەن كەڭەس جوبالارىن دەن قويا تىڭداپ جانە قاراپ، شينجياڭنىڭ ءىس جۇزىندىگىمەن تىعىز ۇشتاستىرىپ، بەلسەنە اقىل - كەڭەس بەرىپ، ءتۇرلى تارتىپكە قاتاڭ بويسۇنىپ، تاماشا وبراز ورناتىپ، ۋاكىلدەردىڭ رولىن تولىق ساۋلەلەندىرىپ، سەنىمدى، كۇش - قۋاتتى ۇيىستىرىپ، ءماجىلىستىڭ ءتۇرلى مىندەتتەرىن كۇش سالا ورىنداپ، 13 - كەزەكتى مەملەكەتتىك حالىق قۇرىلتايىنىڭ 2 - ءماجىلىسىن دەموكراتيالى، ىنتىماقتى، شىندىققا ۇمتىلعان، ەكپىندەي ىلگەرىلەگەن ءماجىلىس ەتىپ اشۋعا بەلسەنە ۇلەس قوسۋ كەرەك.
