تيانشان تورابى   ›   ۇيرەنۋ   ›   شولۋ

تانىم مەن ارەكەتتىڭ بىرلىگىنە تاباندى بولىپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتەيىك

  − باس شۋجي شي جينپيڭنىڭ ورتا جاس، جاس كادرلاردىڭ كۋرسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

  حالىق گازەتىنىڭ شولۋشىسى

  كادرلاردىڭ جاۋاپكەرشىلىك ارقالاپ، ىسكەرلىك كورسەتۋگە باتىل بولۋى ساياسي قاسيەت ءارى اكىمشىلىكپەن شۇعىلدانۋ مىندەتى.

  ”بوس ءسوز مەملەكەتكە كەسىرىن تيگىزەدى، ىسكەرلىك مەملەكەتتى گۇلدەندىرەدى دەگەن قيسىندى ەستە بەرىك ساقتاپ، تانىم مەن ارەكەتتىڭ بىرلىگىنەن، شىنايى يگەرىپ ناقتى ىستەۋدەن جازباۋ، ىسكەر بولۋ كەرەك.“ ورتالىق پارتيا مەكتەبىنىڭ (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنىڭ باستالۋ سالتىندا باس شۋجي شي جينپيڭ سان − ساناقسىز شىنىعۋدى باستان كەشىرۋ ارقىلى قابىلەت - دارىندى ءوسىرۋدىڭ، قات - قابات شىنىعۋ بارىسىندا تاجىريبە توپتاۋدىڭ كادرلاردىڭ ەسەيۋى جونىنەن ماڭىزدىلىعىن كورنەكتىلەندىرە اتاپ كورسەتىپ، قالىڭ كادرلاردى، اسىرەسە، جاس كادرلاردى تانىم مەن ارەكەتتىڭ بىرلىگى بارىسىندا ىرىقتىلىقپەن جاۋاپكەرشىلىك ارقالاپ، ىسكەرلىك كورسەتۋگە، ىسكە بىردەن كىرىسەتىن ىسكەر بولۋعا، وتىرىپ الىپ كوپىرتە سويلەيتىن ءسوز جادىلىققا سالىنباۋعا، قيىنشىلىقتاردان قامال الاتىن كۇرەسكەر بولۋعا، جاۋىن - شاشىننان قورقاتىن بالشىق بۇرحان بولماۋعا شابىتتاندىردى. باس شۋجي شي جينپيڭنىڭ ءسوزى كادرلاردىڭ كوڭىل كۇيدى دۇرىستاپ، ءوزىن جەتىلدىرۋىنە ماڭىزدى ولشەم ورناتىپ، ءىس ىستەپ، ناتيجە شىعارۋعا ايقىن ارەكەت بەتالىسىن كورسەتتى.

  تانىم ارەكەتتىڭ باستاماسى، ارەكەت تانىمنىڭ ناتيجەسى. توتەنشە كۇردەلى ەل ءىشى - سىرتى ورتاسىندا، بيلىك جۇرگىزۋدىڭ اۋىر بورىشىن ارقالاعان بىزدەر نازاريا ۇيرەنۋدى كۇشەيتىپ، جاڭا داۋىرگە، جاڭا امالياتقا تىعىز ۇشتاستىرىپ، يدەيا مەن ارەكەتتىڭ ءىس جۇزىندىگىنە تىعىز ۇشتاستىرىپ، كوپ وي جۇگىرتىپ، كوپ ويلانىپ، تەرەڭدەي ۇيرەنىپ، جەتە ءتۇسىنىپ، جاسامپاز نازاريانىڭ قاينارى نە ەكەندىگىن، امالياتتىڭ نەگىزى نە ەكەندىگىن، ستراتەگيالىق تولعانىستىڭ نە ەكەندىگىن شىن مانىندە ايقىنداۋىمىز كەرەك. وي - سانانى قارۋلاندىرۋدىڭ، امالياتقا جەتەكشىلىك ەتۋدىڭ، قىزمەتتى ىلگەرىلەتۋدىڭ تابان تىرەر تياناعى امالياتقا جەتەكشىلىك ەتۋدە، قىزمەتتى ىلگەرىلەتۋدە ەكەندىگىن؛ جەتە ۇيرەنۋدىڭ، جەتە يگەرۋدىڭ، شىنايى تياناقتاندىرۋدىڭ تابان تىرەر تياناعى شىنايى تياناقتاندىرۋدا ەكەندىگىن باسا دارىپتەۋىمىز كەرەك. جاسامپاز نازاريانى ۇيرەنۋدىڭ قالاي بولعاندىعىن، يگەرۋدىڭ قانداي بولعاندىعىن اماليات بارىسىندا قابىلداپ سىننان وتكىزۋ، جاۋاپكەرشىلىك ارقالاپ، ىسكەرلىك كورسەتۋ بارىسىندا ايگىلەۋىمىز كەرەك.

  تانىم مەن ارەكەتتىڭ بىرلىگى بارىسىندا ىرىقتىلىقپەن جاۋاپكەرشىلىك ارقالاپ، ىسكەرلىك كورسەتۋدە، شىنايى يگەرىپ، ناقتى ىستەۋ، ىسكەر بولۋ كەرەك. قالىڭ كادرلار ۇلكەن دۇرىس پەن ۇلكەن بۇرىس الدىندا ايقىن پوزيتسيا بىلدىرۋگە، قايشىلىقتار الدىندا قيىندىقتان تايسالماي العا ۇمتىلۋعا، داعدارىستار الدىندا كەۋدە كەرە العا شىعۋعا، اعاتتىقتار الدىندا جاۋاپكەرشىلىكتى ارقالاۋعا، بۇرىس ستيل، تەرىس پيعىلدار الدىندا، باتىل كۇرەسۋگە باتىلدىق ەتىپ، قايىسپاس قايسار، جاسىماس اسىل بولۋ كەرەك. ادام، ءسوز جوق، ءىس ىستەۋ بارىسىندا شىڭدالۋ كەرەك، سوندا عانا تابان تىرەپ تياناقتى تۇرا الادى. باس شۋجي شي جينپيڭ جانگو داۋىرىندەگى جاۋ كونىڭ قاعاز جۇزىندە سوعىس جۇرگىزۋىن، ەكى جين شۋەشىلەرىنىڭ قۇرعاق سوزگە سالىنىپ، ىسكە كىرىسپەۋىن تالاي رەت مىسالعا كەلتىرگەن بولاتىن، مىنە بۇل − باسشى كادرلارعا اماليات بارىسىندا شىنىعۋدى كۇشەيتىپ، ناقتى ءىس ىستەپ كۇرەس جاساۋدى ەسكەرتۋ. كادرلاردىڭ ءوسىپ جەتىلۋىنىڭ وڭاي جولى جوق، بوران - شاشىنداردى باستان وتكەرىپ، كوپ ءىستى باسىنان وتكەرگەندە عانا، بۋىنى بەكىپ، شىڭدالىپ، قابىلەت دارىنىن وسىرە الادى. ءبىر ورىندا قىزمەت ىستەگەندە، جەڭىلتەكتىككە سالىنۋعا استە بولمايدى، ورنىقتى، سالماقتى بولىپ، ناعىز شەبەرلىك يگەرىپ، شىنايى ونەر جەتىلدىرىپ، دۋماندى امالياتتى ەڭ جاقسى ساباقحانا ەتىپ، بىرنەشە رەت ”ىستىق قازانعا تۇسكەن قۇمىرىسقا“ بولىپ، قيىن ءىستى، شۇعىل جاعدايدى باستان كەشىرۋ بارىسىندا جىعىلىپ - ءسۇرىنۋدىڭ سىناعىنان ءوتۋ كەرەك.

  تانىم مەن ارەكەتتىڭ بىرلىگى بارىسىندا ىرىقتىلىقپەن جاۋاپكەرشىلىك ارقالاپ، ىسكەرلىك كورسەتۋدە، باتىلدىقپەن جاۋاپتى بولۋ، جۇرەكتىلىكپەن جاۋاپكەرشىلىك ارقالاۋ كەرەك. باتىلدىقپەن جاۋاپتى بولاتىن - بولمايتىندىعىنان، جۇرەكتىلىكپەن جاۋاپكەرشىلىك ارقالايتىن - ارقالامايتىندىعىنان ءبىر كادردىڭ پارتيالىلىعى مەن ستيلىن بايقاۋعا بولادى. ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، جاڭا دامۋ ۇستانىمىن دايەكتىلەندىرىپ، تياناقتاندىرىپ، 3 ۇلكەن قامال الۋ شايقاسىن ويداعىداي جۇرگىزىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ، ورنىقتىلىقتى ساقتاۋ قىزمەتىن جاقسى ىستەۋ سياقتىلاردىڭ ءبارى تۇگەلدەي جاۋاپكەرشىلىك ارقالاۋدى قاجەت ەتەدى، تۇگەلدەي كۇرەس رۋحىن ساۋلەلەندىرۋدى، كۇرەس قابىلەتىن جوعارىلاتۋدى قاجەت ەتەدى. اماليات بىزگە قانشالىق زور جاۋاپكەرشىلىك ارقالاعاندا عانا كوپ ءىرى ىستەر تىندىرۋعا بولاتىندىعىن، قانشالىق زور جاۋاپكەرشىلىكتى ادا ەتكەندە عانا سونشالىق زور جەتىستىككە جەتۋگە بولاتىندىعىن ءتۇسىندىردى. ءمانساپتى بولعاندا ءىس تىندىرۋدان تايساقتاۋ ومىرلىك ماسقارالىق، قانشالىق جاپالى، قيىن بولعان سايىن سونشالىق العا ۇمتىلۋ كەرەك، مىندەتتىڭ اۋىر ەكەندىگىن بىلە تۇرا ونى ارقالايتىن، قامال الىپ، قيىنشىلىقتاردى جەڭەتىن ءىس جۇزىندىك ارەكەت ارقىلى پارتياعا ادالدىقتى، حالىققا شىن ىقىلاستى ايگىلەۋ كەرەك.

  جۇڭحۋا ۇلتىنىڭ ۇلى گۇلدەنۋى استە وڭاي - وسپاق، قۇر ايعاي - سۇرەنمەن بىتە سالاتىن شارۋا ەمەس. جاڭا ءداۋىر كادرلاردىڭ كۇرەس جاساۋىن قاجەت ەتەدى، كادرلاردىڭ ىرىقتىلىقپەن جاۋاپكەرشىلىك ارقالاپ، ىسكەرلىك كورسەتۋىن قاجەت ەتەدى. ساياسي شىنىعۋدى، پارتيالىلىق شىڭدالۋدى كۇشەيتىپ، ماركسيزم نازارياسىمەن قارۋلانۋدى كۇشەيتىپ، جاۋاپكەرشىلىكتىڭ ۇلكەنىن دە ارقالاي الۋمەن بىرگە، اۋىرىن دا ارقالاي الاتىن بولعاندا، ساياسيدا ىسىلعان بولۋمەن بىرگە، جوعارى قابىلەتكە يە بولعاندا، قالىڭ كادرلار، ءسوز جوق، بورىشتى اقتاپ، ماڭىزدى تاپسىرمانىڭ ۇددەسىنەن شىعا الادى، ءبىز، ءسوز جوق، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ادالدىقپەن دايەكتىلەندىرەتىن، بۇكىل ىنتا - پەيىلىمەن حالىق ءۇشىن قىزمەت ىستەيتىن، جاڭا بورىش، جاڭا مىندەت، جاڭا تالاپقا ۇيلەسەتىن، ىستىق - سۋىقتىڭ سىناعىنان وتە الاتىن، سانى جەتكىلىكتى، ومىرشەڭدىك كۇشكە تولى جوعارى ساپالى، مامانداعان جاس كادرلار قوسىنىن قۇرىپ شىعا الامىز.

 (شينحۋا اگەنتتىگىنىڭ 3 - ايدىڭ 3 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.