تيانشان تورابى   ›   ۇيرەنۋ   ›   شولۋ

جاڭا داۋىردەگى لەي فىڭ جىرىن شىعانداتايىق

فان حۇڭ - ي

  باس شۋجي شي جينپيڭ بىلاي دەپ اتاپ كورسەتتى: لەي فىڭ رۋحىنىڭ وزەكتى ءمانى ونىڭ بويىنداعى سەنىم قۋاتى، ۇلى سۇيىسپەنشىلىك تىنىسى، جان قيارلىق رۋحى، تالپىنىس جالىنى. جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن جازىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءتىپتى دە كوپ بەرىك مۇرات - سەنىمگە يە، ۇلى سۇيىسپەنشىلىك تىنىسىن جەتىلدىرگەن، جان قيار رۋحقا يە، تالپىنىس جالىنىنا تولى وسى زامانعى لەي فىڭداردىڭ ءداۋىردىڭ دامۋ اعىمىنا ات سالىسىپ، ۇلتتى گۇلدەندىرۋ ۇلى مىندەتىن ارقالاۋىن قاجەت ەتەدى.

  مۇرات - سەنىمدى بەكەمدەپ، باس نىسانانى جۇزەگە اسىرۋ ءۇشىن قاجىماي - تالماي كۇرەس جۇرگىزۋ كەرەك. لەي فىڭ ەستەلىگىنە: ”مەنىڭ مىناداي ءبىر وي - ماقساتىم بار: ءبىر نيەتپەن پارتيانى جاقتاۋ، سوتسياليزمدى جاقتاۋ، كوممۋنيزمدى جاقتاۋ“، - دەپ جازدى. حالىقتا سەنىم بولسا، مەملەكەتتە كۇش بولادى، ۇلتتا ءۇمىت بولادى. لەي فىڭنان ۇيرەنۋدە، مۇرات - سەنىمدى بەكەمدەپ، ”ءتورت تانىم “دى كۇشەيتىپ، ”ءتورت سەنىم“دى بەكەمدەپ، قاي - قاشان دا پارتيامەن ءبىر نيەت، ءبىر تىلەكتە بولىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، شەشۋشى ساتتە اتويلاپ العا شىعاتىن، مويىمايتىن، جەڭىسكە جەتە الاتىن بولىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تياناقتانىپ تامىر تارتۋىن بار كۇشپەن ىلگەرىلەتۋ كەرەك.

  ۇلى سۇيىسپەنشىلىك تىنىسىن جەتىلدىرىپ، ۇلتتاردى اناردىڭ دانىندەي تىعىز ۇيىستىرۋ كەرەك. ۇلتتار ىنتىماعى شينجياڭداعى ءار ۇلت حالقىنىڭ جانى، ۇلتتار ىنتىماعىن قورعاۋ ءار ۇلت حالقىنىڭ ءتۇبىرلى مۇددەسىن قورعاۋ دەگەندىك. مەيلى جۋاڭ شىحۋا، ۋاڭ ياننا، يوۋ لياڭيىڭ، ءانيپا الىماحۇن بولسىن، الدە، ”ۇلتتار ىنتىماعىنىڭ بەرەكەلى شاڭىراعى“ قيمىلىنا قاتىناسىپ جاتقان بۇكىل رايونداعى قالىڭ كادر، قىزمەتكەرلەر، ءار ۇلت بۇقاراسى بولسىن، ولاردىڭ ءون - بويىنان تۋىنداعان اسەرلى اڭگىمەلەر، قان مەن ءوڭىر پارقىنان اتتاپ وتكەن شەكسىز سۇيىسپەنشىلىك تۇگەلدەي ادامدى اسەرلەندىرەدى. ەشقاشان جۇپ جازىسپاعان ءار ۇلت اعا - باۋىر، اپەكە - سىڭلىلەر تۋىستىق مەيىرباندىق ارقىلى ۇلى سۇيىسپەنشىلىكتى ساۋلەلەندىرسە، جۇرەكتەر مەن جۇرەكتەر بارعان سايىن جاقىنداپ، اناردىڭ دانىندەي تىعىز ۇيىسادى.

  جان قيارلىق رۋحتى جەتىلدىرىپ، قالتقىسىز ۇلەس قوسۋ بارىسىندا ءومىردىڭ ءساليقالى جىرىن جازۋ كەرەك. جانقيارلىق رۋحتىڭ، قالتقىسىز ۇلەس قوسۋدىڭ ءمانى − مەملەكەت پەن حالىقتىڭ مۇددەسىن ماڭداي الدى ورىنعا قويىپ، بۇكىل ىنتا - پەيىلىمەن قوعامنىڭ قاجەتىن قاناعاتتاندىرۋعا كۇش قوسۋ. شينجياڭدا قالىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرعان قىزمەت اترەتتەرىنىڭ مۇشەلەرى بار، ولار وزدەرىنىڭ جىلى كىشكەنە جانۇياسىنان الىسقا كەتىپ، نەگىزگى ساتى اۋىل - قىستاق ”ۇلكەن شاڭىراعى“نا ءسىڭىپ، قىزمەت ورىندارىندا رەنىش - وكپەسىز بەرىك تۇرىپ، وكىنىشسىز ۇلەس قوسىپ، ەرلىكپەن العا ىلگەرىلەپ، تيانشاننىڭ وڭتۇستىگى مەن سولتۇستىگىندە ادالدىقتى كەستەلەپ، ءشول دالادا جاۋاپكەرشىلىك جىرىن جازۋدا، ولار ءداۋىرىمىزدىڭ ناعىز قاھارمانى دەگەن داڭققا يە بولدى. لەي فىڭ رۋحىن ساۋلەلەندىرۋدە، ءدال سولار سياقتى قالتقىسىزدىقپەن، ەرلىكپەن ۇلەس قوسۋعا پەيىل بولىپ، مەيلى قانداي قىزمەت ورنىندا بولساق تا، جارىق جانە جىلۋ تاراتۋىمىز كەرەك.

  تالپىنىس جالىنىن كۇشەيتىپ، تاۋ كەزىكسە جول سالاتىن، سۋ كەزىكسە كوپىر سالاتىن تەبىنمەن قامال الىپ، قيىنشىلىقتى جەڭىپ، ىسكەرلىك كورسەتۋگە، ناتيجە شىعارۋعا شەبەر بولۋ كەرەك. تاماشا رۋحاني كۇي − بارلىق قىزمەتتى جاقسى ىستەۋدىڭ ماڭىزدى العى شارتى، ءبىزدىڭ قيىنشىلىقتى جەڭىپ، ىستەرىمىزدەن ناتيجە شىعارۋىمىزداعى كەم بولسا بولمايتىن ماڭىزدى فاكتور. قازىر رايونىمىز جاپپاي دوڭگەلەك داۋلەتتى قوعام ورناتۋدىڭ شەشۋشى كەزەڭىندە تۇر، ءۇش ۇلكەن قامال الۋ شايقاسىن جاقسى جۇرگىزۋ، ”1 + 3 +3 + رەفورما جاساۋ، ەسىك اشۋ“دى جەبەۋ تۇگەلدەي، ءسوزسىز، جەڭۋگە ءتيىستى قيىنشىلىقتار. ءبىز لەي فىڭ جولداس سياقتى شەگە قاعۋ رۋحىمەن جۇرەكتىلىكپەن جاڭالىق اشىپ، قاجىرلىلىقپەن العا ىلگەرىلەپ، جاقسى باستاپ، جاقسى اياقتاتىپ، ىسكەرلىك كورسەتۋگە، ناتيجە شىعارۋعا شەبەر بولىپ، جاپپاي دوڭگەلەك داۋلەتتى قوعام ورناتۋ ءۇشىن شەشۋشى نەگىز قالاۋىمىز كەرەك.

  لەي فىڭ رۋحىنان بارلىق ادام ۇيرەنۋگە بولادى؛ مەيىرىم ارناۋدى بارلىق جەردە ىستەۋگە بولادى. ءبىز ءبارىمىز لەي فىڭ رۋحىنان ءنار جانە كۇش قابىلداساق بولعانى، شينجياڭنىڭ بايتاق دالاسىندا جاندى دا جالىندى لەي فىڭ حيكاياسىن جازىپ، جاڭا داۋىردەگى لەي فىڭ جىرىن شىعانداتاتىن بولامىز.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.