تيانشان تورى
تيانشان تورى   ›   ۇيرەنۋ   ›   شولۋ

ءتۇزىمنىڭ ومىرشەڭدىك كۇشىن قاۋلاتىپ، گۇلدەنۋدىڭ ۇلى كۇشىن ۇيىستىرايىق

  − 13 - كەزەكتى مەملەكەتتىك حالىق قۇرىلتايى 2 - ءماجىلىسىنىڭ اشىلعاندىعىن قىزۋ قۇتتىقتايمىز  

  ”كۇن جىلىنىپ، جان - جانۋار جادىرادى، جىلدىڭ باسى كوكتەممەنەن باستالادى“. بۇگىن 13 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى بەيجيڭدە اشىلدى، 3000عا جۋىق مەملەكەتتىك حالىق قۇرىلتايى ۋاكىلى ءبىر اراعا باس قوسىپ، مەملەكەت ىستەرىن بىرگە كەڭەسىپ، ۇلى جوسپاردى بىرگە اقىلداسادى. بۇل ەلىمىزدىڭ ساياسي ومىرىندەگى ءىرى ءىس، ءماجىلىستىڭ اشىلعاندىعىن قىزۋ قۇتتىقتايمىز!

  كوكتەمدە گۇل اشىپ، كۇزدە ماۋەلەگەن مول ءونىم جىلى بولدى. وتكەن ءبىر جىل پارتيا مەن مەملەكەت ىستەرىنىڭ دامۋىنداعى ايرىقشا جىل بولدى. الماعايىپ تا كۇردەلى حالىقارالىق ورتا جانە جاپالى دا اۋىر ەل ىشىندەگى رەفورما، دامۋ، ورنىقتىلىق مىندەتى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى ەل ءىشى، حالىقارا سىندى ەكى ۇلكەن جاعدايدى جاپپاي كوزدە ۇستاپ، قىزمەتتەردى ورنىقتىلىق بارىسىندا ىلگەرىلەتۋدەي نەگىزگى ارناعا تاباندى بولىپ، جوعارى ساپالى دامۋ تالاپتارىن تياناقتاندىرىپ، سىرتقى ورتاداعى تەرەڭ وزگەرىستەرگە ۇتىمدى توتەپ بەرىپ، ەكونوميكانىڭ ۇزدىكسىز اقاۋسىز دامۋىن جانە قوعامنىڭ جالپى جاعدايىنىڭ ورنىقتىلىعىن ساقتاپ، جۇڭگو كەمەسىن تولقىن جارا العا ىلگەرىلەتىپ، ورنىقتى قاداممەن ۇزاق ساپارعا بەت الدىردى. وتكەن ءبىر جىل 13 - كەزەكتى مەملەكەتتىك حالىق قۇرىلتايىنىڭ جانە ونىڭ تۇراقتى كوميتەتىنىڭ زاڭ بويىنشا مىندەت اتقارعان العاشقى جىلى. ءبىر جىلدان بەرى، 13 - كەزەكتى مەملەكەتتىك حالىق قۇرىلتايى جانە ونىڭ تۇراقتى كوميتەتى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، حالىق قۇرىلتايى قىزمەتىنىڭ دۇرىس ساياسي بەتالىسىنا كەپىلدىك ەتىپ، نەگىزگى زاڭدى اتقارۋدا تىڭ قادامدار باسۋدى جەبەپ، جاڭا داۋىردەگى زاڭ شىعارۋ قىزمەتىن كۇشەيتىپ جانە جاقسارتىپ، حالىق قۇرىلتايىنىڭ باقىلاۋ قىزمەت مىندەتىن زاڭ بويىنشا اتقارىپ، ۋاكىلدەرمەن تىكە بايلانىس جاساۋ ارناسىن كەڭەيتىپ، ءار جاقتاعى قىزمەتتەردە قوماقتى تابىستارعا قول جەتكىزىپ، تاماشا باستامانى جۇزەگە اسىردى. اماليات مىنانى دالەلدەدى: تەك باستان - اياق پارتيانىڭ جاپپاي باسشىلىعىنا تاباندى بولعاندا، باستان - اياق حالىقتى وزەك ەتۋگە، حالىقتىڭ قوجايىن بولۋىنا كەپىلدىك ەتۋگە تاباندى بولعاندا، باستان - اياق جالپى جاعدايدى ارقاۋ ەتە وتىرىپ قىزمەتتەردى جوسپارلاۋعا، ىلگەرىلەتۋگە تاباندى بولعاندا، باستان - اياق زاڭدا بەلگىلەنگەن قىزمەت مىندەتتەرىن اتقارۋعا، زاڭ بويىنشا ىستەۋگە بۇلجىماي تاباندى بولعاندا، باستان - اياق دەموكراتيالىق ورتالىقتاندىرۋ ءتۇزىمى پرينسيبىنە تاباندى بولعاندا عانا، جاڭا داۋىردەگى حالىق قۇرىلتايى قىزمەتىن اناعۇرلىم جاقسى ىستەۋگە بولادى.

  ”اياق كيىمنىڭ بىردەي بولۋى قاجەتسىز، تەك اياققا جايلى بولسا بولعانى؛ باسقارۋدىڭ بىردەي بولۋى قاجەتسىز، تەك حالىققا ءتيىمدى بولسا بولعانى“. مەملەكەت توپىراعىنا تامىر تارتىپ، جەتكىلىكتى ءنار سىمىرگەن ءتۇزىم عانا ەڭ سەنىمدى، ەڭ جارامدى بولادى. بيىل − مەملەكەتتىك حالىق قۇرىلتايى قۇرىلعاندىعىنىڭ 65 جىلدىعى. 65 جىلدان بەرى، اسىرەسە، رەفورما جاساعان، ەسىك اشقاننان بەرى، حالىق قۇرىلتايى ءتۇزىمى ۇزدىكسىز بەكەمدەلىپ جانە دامىپ، تاسقىنداعان ومىرشەڭدىك كۇشىن ايگىلەدى. پارتيانىڭ باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىنە تاباندى بولۋدىڭ ءتۇبىرلى تۇزىمدىك ورنالاستىرۋى رەتىندە، حالىق قۇرىلتايى ءتۇزىمى جۇڭگوشا سوتسياليزم ءتۇزىمىنىڭ ماڭىزدى قۇرامداس بولىگى رەتىندە جۇڭگونىڭ مەملەكەتتى جونگە سالۋ جۇيەسى مەن جونگە سالۋ قابىلەتىنە تىرەك بولعان ءتۇبىرلى ساياسي ءتۇزىم بولدى. اماليات مىنانى تولىق دالەلدەدى: جۇڭگونىڭ ساياسي دامۋ تاريحىنداعى، ءتىپتى، دۇنيە ءجۇزىنىڭ ساياسي دامۋ تاريحىنداعى ءداۋىر بولگىش مانگە يە بۇل جاڭاشا ساياسي ءتۇزىم جۇڭگونىڭ مەملەكەت جاعدايى مەن ءىس جۇزىندىگىنە ۇيلەسەتىن، سوتسياليستىك مەملەكەتتىڭ سيپاتىن ايگىلەيتىن، حالىقتىڭ قوجايىن بولۋىنا كەپىلدىك ەتەتىن، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى قامتاماسىز ەتەتىن جاقسى ءتۇزىم بولدى. جاڭا تاريحي باستامادا، حالىق قۇرىلتايى تۇزىمىنە تاباندى بولىپ جانە ونى كەمەلدەندىرىپ، وسى ءتۇزىمنىڭ ابزالدىلىعى مەن ەرەكشەلىگىن تولىق ساۋلەلەندىرىپ، ءتۇزىمنىڭ ومىرشەڭدىك كۇشىن ۇزدىكسىز قاۋلاتقاندا عانا، مەملەكەتتىڭ گۇلدەنىپ - كوركەيۋىنە، باي، قۇدىرەتتى بولۋىنا، قوعامنىڭ ادىلدىگىنە، تۋراشىلدىعىنا، حالىقتىڭ باقىتىنا، ەسەن - ساۋلىعىنا بەرىك ساياسي كەپىل ازىرلەۋگە بولادى.

  حالىق تاريحتى جاراتۋشىلار، ۇلى ارماندى جۇزەگە اسىرۋدىڭ كۇش قاينارى. ۇلى ارمان رۋحىن ساۋلەلەندىرىپ، ۇلتتىڭ گۇلدەنۋىنىڭ ۇلى كۇشىن ۇيىستىرساق، ەشقانداي كۇش ءبىزدىڭ العا ىلگەرىلەۋ قادامىمىزعا كەدەرگى بولا المايدى. بيىل − جاڭا جۇڭگو قۇرىلعاندىعىنىڭ 70 جىلدىعى. 70 جىلدان بەرى، پارتيامىز حالىقتى باستاپ دۇنيەدەگى كەرەمەتتەردى جاراتىپ، ۇلتتىڭ گۇلدەنۋىنىڭ جارقىن كەلەشەگىن قارسى الدى، وسىلاردىڭ بارلىعى پارتيا مەن حالىقتىڭ ىنتىماقتاسا كۇرەس جاساۋىنان كەلگەن. حالىق قۇرىلتايى ءتۇزىمىنىڭ قۇدىرەتتى ومىرشەڭدىك كۇشكە جانە ايقىن ابزالدىلىققا يە بولۋىنىڭ شەشۋشى ءتۇيىنى، ونىڭ حالىققا تەرەڭ تامىر تارتقاندىعىندا، حالىقتىڭ حالىق قۇرىلتايى ارقىلى مەملەكەتتىڭ ۇقىعىن جۇرگىزۋىن قولداعاندىعىندا جانە وعان كەپىلدىك ەتكەندىگىندە، حالىقتىڭ قوجايىن بولۋىن مەملەكەتتىڭ ساياسي تۇرمىسى مەن قوعامدىق تۇرمىسىندا ناقتى، رەال تۇردە تياناقتانۋىنا كەپىلدىك ەتكەندىگىندە. سوتسياليستىك وسىزاماندانعان قۇدىرەتتى ەل ورناتۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ساپارىندا، حالىق قۇرىلتايى ءتۇزىمى ارقىلى مەملەكەت پەن ۇلتتىڭ كەلەشەك تاعدىرىن ۇزدىكسىز حالىققا تابىستاپ، ازاماتتاردىڭ ساياسيعا تارتىپپەن ارالاسۋىن ءار ساتى، ءار سالا بويىنشا كەڭەيتىپ، اناعۇرلىم كەڭ كولەمدى، اناعۇرلىم تولىق، اناعۇرلىم اقاۋسىز حالىق دەموكراتياسىن دامىتىپ، حالىقتىڭ ۇنىنە قۇلاق ءتۇرىپ، حالىقتىڭ تىلەگىنە جاۋاپ قاتىپ، حالىق ەڭ كوڭىل ءبولىپ وتىرعان، ەڭ تىكە، ەڭ رەال مۇددە ماسەلەلەرىن ۇزدىكسىز شەشسەك، ءسوز جوق، تاسقىنداعان كۇش ۇيىستىرىپ، ميللياردتاعان حالىقتىڭ ۇلى ارمانىن جۇزەگە اسىراتىن بولامىز.

  جاڭا ءداۋىر كۇرەسكەرلەردىڭ ءداۋىرى، ءجۇز ميلليونداعان حالىق قۇلشىنا العا ۇمتىلۋدا، ارمانعا قۇلاش سەرمەۋدە. 13 - كەزەكتى مەملەكەتتىك حالىق قۇرىلتايىنىڭ جانە ونىڭ تۇراقتى كوميتەتىنىڭ مىندەت اتقارۋى ”قوس 100 جىل“دىقتىڭ تاريحي توعىسۋ ساتىنە تۋرا كەلدى، بورىش داڭقتى، جاۋاپكەرشىلىك اۋىر. قالىڭ ۋاكىلدەردىڭ حالىقتىڭ اراسىنان كەلگەن، حالىققا تامىر تارتقان ابزالدىلىقتارىن تولىق ساۋلەلەندىرىپ، مۇقيات مىندەت اتقارىپ، جاۋاپكەرشىلىكتەرىن ادا ەتىپ، حالىققا ەتەنە جاقىن بولىپ، حالىقتىڭ جاعدايىن قاداعالاپ، حالىقتىڭ پاراساتىن ۇيىستىرىپ، بۇكىل ەلدەگى ءار ۇلت حالقىمەن بىرگە قايراتتانا العا ىلگەرىلەپ، جاڭا ساپاردا تىڭ دا اناعۇرلىم زور كەرەمەتتەر جاراتۋىن كۇتەمىز.

  ءماجىلىستىڭ تولىق تابىستى بولۋىن تىلەيمىز!

  (شينحۋا اگەنتتىگىنىڭ 3 - ايدىڭ 4 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.