شينحۋا اگەنتتىگىنىڭ 3 - ايدىڭ 4 - كۇنى بەيجيڭنەن بەرگەن حابارى. 13 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى 3 - ايدىڭ 5 - كۇنى تۇستەن بۇرىن ساعات 9دا حالىق سارايىندا اشىلادى. ءماجىلىس مەملەكەتتىك كەڭەستىڭ زۇڭليى لي كىچياڭنىڭ ۇكىمەت قىزمەتىنەن بايانداماسىن تىڭدايدى، مەملەكەتتىك كەڭەستىڭ 2018 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2019 - جىلعى حالىق شارۋاشىلىعى مەن قوعامدىق دامۋ جوسپار جوباسى جونىندەگى بايانداماسىن تەكسەرەدى، مەملەكەتتىك كەڭەستىڭ ورتالىق پەن جەرگىلىكتى ورىنداردىڭ 2018 - جىلعى مەجە ەسەبىنىڭ اتقارىلۋ جاعدايى جانە ورتالىق پەن جەرگىلىكتى ورىنداردىڭ 2019 - جىلعى مەجە ەسەپ جوباسى جونىندەگى بايانداماسىن تەكسەرەدى. تۇستەن كەيىن، ۋاكىلدەر ۇيىرمەلەرى جالپى جيىن اشىپ، ۇكىمەت قىزمەتىنەن باياندامانى قارايدى.
مەملەكەتتىك ساياسي كەڭەس 13 - كەزەكتى كوميتەتىنىڭ 2 - ماجىلىسىنە قاتىناسىپ جاتقان مەملەكەتتىك ساياسي كەڭەستىڭ مۇشەلەرى 3 - ايدىڭ 5 - كۇنى تۇستەن بۇرىن 13 - كەزەكتى مەملەكەتتىك حالىق قۇرىلتايى 2 - ءماجىلىسىنىڭ اشىلۋ جينالىسىنا سىرتتاي قاتىناسادى. تۇستەن كەيىن، مەملەكەتتىك ساياسي كەڭەس 13 - كەزەكتى كوميتەتىنىڭ 2 - ءماجىلىسى گرۋپپالار جيىنىن اشىپ، ۇكىمەت قىزمەتىنەن باياندامانى تالقىلايدى.
ورتالىق راديو - تەلەۆيزيا باس ستانسياسى 13 - كەزەكتى مەملەكەتتىك حالىق قۇرىلتايى 2 - ءماجىلىسىنىڭ اشىلۋ جينالىسىن ۇستىنەن تىكە تاراتادى، ورتالىقتاعى باستى اقپارات قۇرالدارىنا قاراستى اقپارات سايتتارى مەن جاڭا اقپارات قۇرالدارى تۇعىرلارى ءدال ۋاقىتىندا حابارلايدى.
مەملەكەتتىك ساياسي كەڭەس 13 - كەزەكتى كوميتەتى 2 - ءماجىلىسىنىڭ اقپارات ورتالىعى 3 - ايدىڭ 5 - كۇنى تۇستەن كەيىن ”ساياسي كەڭەس مۇشەلەرىنىڭ ەلەۋلى حاۋىپ - قاتەرلەردەن ساقتانۋ جانە ونى جويۋ، كەدەيلىكتەن دالمە - ءدال ارىلتۋ، لاستانۋدان ساقتانۋ، جونگە سالۋ سىندى ءۇش ۇلكەن قامال الۋ شايقاسىنىڭ جەڭىسىنە جەتەيىك تۋرالى اڭگىمەسى“ تاقىرىبىندا تىلشىلەردى قابىلداۋ جينالىسىن وتكىزەدى.