2018-جىلى قىزمەت اترەتى دامىتقان كوللەكتيۆ شارۋاشىلىعى ەككەن جاڭا سورتتى رەڭدى جۇگەرى مول ءونىم بەردى، قىستاق تۇرعىندارى كەلىپ جۇگەرى جينادى، كوزدىڭ جاۋىن العان جابىسقاق جۇگەرى كورگەندە قىستاق تۇرعىنى قۋانىشىن جاسىرا الماي جۇگەرى اتىزىندا سۋرەتكە ءتۇستى.
قازىر جەر جىرتۋدىڭ قاربالاس مەزگىلى. بيڭتۋان 10-شى 183-تۋانىنىڭ «ۇعىسۋ، تيىمدىلىك جاساۋ، توعىستىرۋ» بويىنشا التاي قالاسى شىرىكشي اۋىلى اقچاپپا قىستاعىندا تۇراتىن قىزمەت اترەتى «سەرىكتەستىك+بازا+شارۋا وتباسى» ۇلگىسىن جاراتۋدى بار كۇشپەن دامىتىپ، قىستاق تۇرعىندارى ءۇشىن جابىسقاق جۇگەرى ەگۋ زاكازىمەن بايلانىس جاساپ، جابىسقاق كۇرىش ەگىلەتىن كولەمدى جىلدان-جىلعا بىرتىندەپ ۇلعايتىپ، قىستاقتىڭ ەگىنشىلىك قۇرىلىمىن ساپالىلاندىردى.
«كوپشىلىككە جابىسقاق جۇگەرى ەككىزىپ، ساتۋ جولىن شەشىم ەتۋ باستى ماسەلە»،-دەدى قىستاقتىڭ ءبىرىنشى شۋجيى، قىزمەت اترەتىنىڭ باستىعى بازارعا تەكسەرۋ جۇرگىزۋ ارقىلى جەرگىلىكتى ساۋداگەرلەرمەن، سەرىكتەستىكتەرمەن بايلانىس جاساپ، زاكاز بەرۋ ءوندىرىس فورماسىمەن ساتۋ بەكىمىنە كەلدى. قازىر 67 وتباسى جابىسقاق جۇگەرى ەگۋگە تىزىمدەلىپ، 200 مۋ جەرگە زاكاز بەرىلدى. كەلىسكەن سەرىكتەستىك قىستاق تۇرعىندارىن تۇقىم، ورگانيكالى تىڭايتقىشپەن قامداپ تۇتاس بارىسىنا تەحنيكالىق جاقتان جەتەكشىلىك ەتەدى، كۇزدە جابىسقاق جۇگەرى پىسقاندا جيناپ الۋعا جاۋاپتى بولادى، قىستاق تۇرعىندارى تەك ەگۋ مەن باعىپ-باسقارۋعا جاۋاپتى بولادى.
قىستاق تۇرعىنى حۇڭ مەي بىلاي دەدى: «بيىل، مەن 4 مۋ جەرگە جابىسقاق جۇگەرى ەگۋدى جوسپارلادىم، زاكاز بەرىلدى، ءبىز تەك قىزمەت اترەتىنەن دەن قويا تەحنيكا ۇيرەنسەك بولدى، باسقا جۇمىستارعا باس قاتىرمايمىز».
قىستاق پارتيا ياچەيكاسىنىڭ شۋجيى فىڭ جيان: «ءبىزدىڭ قىستاقتىڭ جابىسقاق جۇگەرىسى—قىزمەت اترەتى جولعا قويعان بىردەن-ءبىر كەدەيلىكتەن ارىلۋ قولى. 200 مۋ جەردەگى جابىسقاق جۇگەرىنىڭ زاكازى، قىستاق تۇرعىندارىنا مەجەمەن 500 مىڭ يۋان شاماسىندا كىرىس كىرگىزەدى».