تيانشان تورابى   ›   ۇيرەنۋ   ›   ماڭىزدى حۇجاتتار

جۇڭگو كوممۋنيستىك پارتياسى ورتالىق كوميتەت كەڭسەسى، مەملەكەتتىك كەڭەس كەڭسەسى «باياندامانى» بەكىتىپ تاراتىپ، جىجياڭنىڭ”مىڭ قىستاق ۇلگى كورسەتۋ، 10 مىڭ قىستاقتى رەتتەۋ - وڭاۋ“ ينجەنەرياسى تاجىريبەسىن ىشكەرىلەي ۇيرەندى

  اۋىل - قىستاقتىڭ قونىستانۋ ورتاسىن رەتتەۋ - وڭاۋ قىزمەتىن تىڭعىلىقتى ىلگەرىلەتەيىك

  شينحۋا اگەنتتىگىنىڭ 3 - ايدىڭ 6 - كۇنى بەيجيڭنەن بەرگەن حابارى. جۋىردا جۇڭگو كوممۋنيستىك پارتياسى ورتالىق كوميتەت كەڭسەسى، مەملەكەتتىك كەڭەس كەڭسەسى «ورتالىق كوميتەت اۋىل شارۋاشىلىق كەڭسەسىنىڭ، اۋىل شارۋاشىلىق، اۋىل - قىستاق مينيسترلىگىنىڭ، مەملەكەتتىك دامۋ جانە رەفورما كوميتەتىنىڭ جىجياڭنىڭ ”مىڭ قىستاق ۇلگى كورسەتۋ، 10 مىڭ قىستاقتى رەتتەۋ - وڭاۋ“ ينجەنەرياسى تاجىريبەسىن ىشكەرىلەي ۇيرەنىپ، اۋىل - قىستاقتىڭ قونىستانۋ ورتاسىن رەتتەۋ - وڭاۋ قىزمەتىن دەن قويا ىلگەرىلەتۋ جونىندەگى بايانداماسىن» بەكىتىپ تاراتتى ءارى حابارلاندىرۋ شىعارىپ، جەر - جەردەن، تاراۋلاردان ءىس جۇزىندىككە بىرلەستىرە وتىرىپ، مۇقيات دايەكتىلەندىرۋدى، تياناقتاندىرۋدى تالاپ ەتتى.

  حابارلاندىرۋدا بىلاي دەپ اتاپ كورسەتىلدى: پارتيا ورتالىق كوميتەتى، مەملەكەتتىك كەڭەس اۋىل - قىستاقتىڭ قونىستانۋ ورتاسىن رەتتەۋ - وڭاۋ قىزمەتىنە وسكەلەڭ ءمان بەردى. جۋىقتا باس شۋجي شي جينپيڭ مىناداي ماڭىزدى نۇسقاۋ بەردى: ”جىجياڭنىڭ ’مىڭ قىستاق ۇلگى كورسەتۋ، 10 مىڭ قىستاقتى رەتتەۋ - وڭاۋ‘ ينجەنەرياسى ەرتە باستالدى، بەتالىسى دۇرىس، ناتيجەسى جاقسى بولدى، بۇكىل ەلىمىز جونىنەن ۇلگىلىك رول اتقاردى، حالىقارادا دا مويىندالدى. تاجىريبەنى ىشكەرىلەي قورىتىندىلاپ، جەر - جەردى بەلگىلەنگەن نىسانانى بەتكە الىپ، ۇزدىكسىز كۇش شىعارىپ، باياندى ەڭبەك كورسەتىپ، كورىكتى جۇڭگو قۇرىلىسىنىڭ تىڭ پاراعىن تىنباي جازۋعا جەتەكتەۋ، قۋزاۋ كەرەك“.

  حابارلاندىرۋدا بىلاي دەپ باسا دارىپتەلدى: جەر - جەر، تاراۋلار باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، پارتيا 19 - قۇرىلتايىنىڭ رۋحىن جانە پارتيا ورتالىق كوميتەتىنىڭ، مەملەكەتتىك كەڭەستىڭ اۋىل - قىستاقتاردى گۇلدەندىرۋ ستراتەگياسىن اتقارۋ جونىندەگى ورنالاستىرۋلارىن، تالاپتارىن دايەكتىلەندىرىپ، تياناقتاندىرىپ، جىجياڭنىڭ تاجىريبەلەرىن ويداعىداي ۇيرەنىپ، جەتە ۇيرەنىپ، ويداعىداي قولدانىپ، جاندى قولدانىپ، اۋىل - قىستاقتىڭ قونىستانۋ ورتاسىن رەتتەۋ - وڭاۋ قىزمەتىن تىڭعىلىقتى ىلگەرىلەتۋ قىزمەتىن ەرتەرەك ورنالاستىرۋ، ەرتەرەك ارەكەتكە كەلۋ، ەرتەرەك ناتيجە جاراتۋ كەرەك. قىزمەت بارىسىندا، جىجياڭ ولكەسىنىڭ حالىقتى وزەك ەتكەن دامۋ يدەياسىنا باستان - اياق تاباندى بولعاندىعىنان، جاسىل دامۋ جانە ”تۇنىق سۋ، جاسىل تاۋ − باعالى بايلىق“ ۇستانىمىنا باستان - اياق تاباندى بولعاندىعىنان، سونداي - اق ونى اۋىل - قىستاقتىڭ قونىستانۋ ورتاسىن جالپىلىق وڭاۋدى ىلگەرىلەۋگە باستاۋدىڭ ناقتى امالياتىنا شىنايى اينالدىرعاندىعىنان؛ جوعارى دەڭگەيدە ىلگەرىلەتىپ، پارتيا مەن ۇكىمەتتىڭ ”ءبىرىنشى باسشىلارىنىڭ“ وزدەرى مىقتى يگەرۋىنە، ”5 دارەجەلى شۋجيلەردىڭ“ بىرگە يگەرۋىنە تاباندى بولعاندىعىنان؛ جەرگىلىكتى جاعدايعا قاراي، تۇرلەرگە ءبولىپ، جەتەكشىلىك ەتىپ، جەرگىلىكتى ورىننىڭ دامۋ كەزەڭىنە ۇيلەسۋگە تاباندى بولعاندىعىنان، نازاردى حالىق تۇرمىسىنىڭ ىرىس - قۇتىنا شوعىرلاندىرىپ، وڭايىنان قيىنعا قاراي ىستەپ، قىستاقتاردىڭ تازالىق ارەكەتىنەن باستاپ ىسكە كىرىسىپ، تۇيىندەردەن قامال الۋ ارقىلى كولەمدىك قىزمەتتەرگە باستاماشى بولۋعا تاباندى بولعاندىعىنان؛ جۇيەلى جونگە سالىپ، باياندى ەڭبەك كورسەتىپ، كەمەلدى، ناتيجەلى جونگە سالۋ مەحانيزمىن ورناتۋعا تاباندى بولعاندىعىنان؛ شىنايى قوسۋعا، فاكتورلار ارقىلى قامتاماسىز ەتۋدى كۇشەيتۋگە، كوپ نەگىزدەنگەن قارجى قوسۋ مەحانيزمىن ورناتۋعا تاباندى بولعاندىعىنان؛ ۇكىمەتتىڭ جەتەكشىلىك رولىن كۇشەيتىپ، شارۋالار تۇلعاسى مەن بازار تۇلعاسى كۇشىن جۇمىلدىرىپ، تۇتاس قوعام جابال ات سالىسقان، ىلگەرىلەتكەن جاعداي قالىپتاستىرۋعا تاباندى بولعاندىعىنان ۇيرەنۋ، ۇلگى الۋ كەرەك. جەرگىلىكتى پارتيا، ۇكىمەت ورىندارى قۇرىلىم رەفورماسى بارىسىندا، اۋىل - قىستاقتىڭ قونىستانۋ ورتاسىن رەتتەۋ - وڭاۋ قىزمەتىن ويداعىداي ۇلاستىرىپ، ءۇزىلىپ قالماۋىنا، كەشەۋىلدەمەۋىنە شىنايى كەپىلدىك ەتۋ كەرەك. 2019 - جىلدىڭ سوڭىندا مەملەكەتتىك كەڭەس ءبىر رەت زور تەكسەرۋ جۇرگىزىپ، شارالاردى اتقارۋدا پارمەندى بولماعان، جالعان بەينە كورسەتكەن، فورماشىلدىق ىستەگەن، بۇقارانى زيانعا ۇشىراتقان، ەش ناتيجەگە يە بولا الماعان جەرلەر مەن ورىنداردى سىن تەزىنە الىپ، جاۋاپقا تارتادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى