تيانشان تورى
تيانشان تورى   ›   جاڭالىقتار   ›   سۋرەتتى حابار

شينجياڭ ۋاكىلدەر ۇيىرمەسى ۇكىمەت قىزمەتىنەن باياندامانى ۇزدىكسىز قارادى

  چىن چۋانگو، ەركىن يمىرباقى، شوكىرات زاكىر، شاۋكەت يمىن، سۇن جينلۇڭ قاراۋعا قاتىناستى 

  تىلشىلەر ياۋ تۇڭ، سۇي يۇنيان، لي ياڭ 3 - ايدىڭ 6 - كۇنى بەيجيڭنەن حابارلايدى. 3 - ايدىڭ 6 - كۇنى تۇستەن بۇرىن جانە تۇستەن كەيىن 13 - كەزەكتى مەملەكەتتىك حالىق قۇرىلتايىنىڭ 2 - ماجىلىسىنە قاتىناسقان شينجياڭ ۋاكىلدەر ۇيىرمەسى ۇكىمەت قىزمەتىنەن باياندامانى ۇزدىكسىز قارادى.

  شينجياڭ ۋاكىلدەر ۇيىرمەسىنىڭ باستىعى، مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق پارتكومنىڭ شۋجيى چىن چۋانگو، مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى جانە مەملەكەتتىك حالىق قۇرىلتايىنىڭ ۋاكىلدەرى شوكىرات زاكىر، شاۋكەت يمىن، سۇن جينلۇڭ قاتارلىلار قاراۋعا قاتىناستى. مەملەكەتتىڭ مينيسترلىك، كوميتەتتەرىندەگى قاتىستى جاۋاپتى جولداستار جيىنعا قاتىناسىپ، پىكىر تىڭدادى.

  ۋاكىل شاۋكەت يمىن بىلاي دەدى: ۇكىمەت قىزمەتىنەن بايانداما شي جينپيڭنىڭ جاڭا ءداۋىر جۇڭگوشا سوتسياليزم يدەياسىن، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن تۇتاس بارىسىنا ءسىڭىرىپ، بۇكىل ەلدەگى ءار ۇلت حالقىنىڭ ورتاق تىلەگىن تولىق بەينەلەگەن، ول − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرى مەن ورنالاستىرۋلارىن تياناقتاندىرۋدىڭ ”قۇرىلىس چەرتوجى“، زەيىن - زەردە مەن كۇش - قۋاتتى شوعىرلاندىرۋدىڭ، ءورىس اشا العا ىلگەرىلەۋدىڭ ”مىندەتناماسى“، ەلىمىزدىڭ ەكونوميكالىق، قوعامدىق دامۋىنىڭ ءىس جۇزىندىك جاعدايىنا تولىق ۇيلەسەدى، قالىڭ حالىق بۇقاراسىنىڭ تاماشا تۇرمىسقا دەگەن ۇمتىلىسىنا تولىق ۇيلەسەدى، مەن بۇكىلدەي قۇپتايمىن. ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرىپ، تياناقتاندىرىپ، پارتيانىڭ باسشىلىعىن حالىق قۇرىلتايى قىزمەتىنە باستان - اياق ارقاۋ ەتۋگە تاباندى بولىپ، رەفورما، دامۋ، ورنىقتىلىق مىندەتتەرىن ورىنداۋعا اناعۇرلىم جاقسى دەم بەرىپ، زاڭمەن جونگە سالۋدان اناعۇرلىم جاقسى پايدالانىپ، حالىقتىڭ ۇقىق - مۇددەسىن قامتاماسىز ەتىپ، حالىقتىڭ قۇت − ىرىسىن اسىرىپ، حالىق قۇرىلتايىنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋداعى فۋنكتسيالىق رولىن اناعۇرلىم جاقسى ساۋلەلەندىرىپ، جۇڭگوشا سوتسياليستىك شينجياڭ قۇرۋعا تىڭ ۇلەستەر قوسۋىمىز كەرەك.

  ۋاكىل شى داگاڭ بىلاي دەدى: ۇكىمەت قىزمەتىنەن بايانداما شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، وتكەن ءبىر جىلداعى قىزمەتتەرگە شىندىقتى ءىس جۇزىنەن ىزدەي وتىرىپ، وبيەكتيۆ تۇردە، جان - جاقتى ايالداعان، بيىلعى ەكونوميكالىق، قوعامدىق دامۋدىڭ جالپى تالابى مەن ساياسات بەتالىسىن جۇرت تىلەگىنە جاقىنداستىرا، عىلمي، ۇيلەسىمدى العا قويعان، قىزمەت شارالارىن پارمەندى تۇردە ورنالاستىرعان، ول − ۇيتقىنى قورعاعان، جۇرت تىلەگىنە ەتەنە جاقىن، سەنىمدى شوعىرلاندىرعان جاقسى بايانداما، مەن تولىق قۇپتايمىن. ءسوزسىز جەڭىسكە جەتۋ سەنىمىن نىعايتىپ، جويقىن كۇش توپتاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، حالىقتى وزەك ەتكەن دامۋ يدەياسىنا تاباندى بولىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازۋعا جاڭا ءارى ءتىپتى زور ۇلەس قوسۋىمىز كەرەك.

  ۋاكىل لو دۇڭچۋان بىلاي دەدى: ۇكىمەت قىزمەتىنەن بايانداما شي جينپيڭنىڭ جاڭا ءداۋىر جۇڭگوشا سوتسياليزم يدەياسىن تۇتاس بارىسىنا ءسىڭىرىپ، پارتيا 19 - قۇرىلتايىنىڭ رۋحىن ايگىلەپ، بىلتىرعى قىزمەتتەردى شىندىقتى ءىس جۇزىنەن ىزدەي وتىرىپ قورىتىندىلاپ، بيىلعى مىندەتتەردى شىنايى دا ۇيلەسىمدى ەتىپ ورنالاستىرىپ، حالىقتى وزەك ەتكەن دامۋ يدەياسىن ايگىلەگەن، ول − سەنىمدى سەرپىلتكەن، جۇرت جۇرەگىنە جىلۋلىق باعىشتاعان جاقسى بايانداما، مەن تولىق قۇپتايمىن. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ مەملەكەتتى زاڭمەن جاپپاي جونگە سالۋ جونىندەگى شەشىمدەرى مەن ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، جۇڭگوشا سوتسياليستىك زاڭمەن جونگە سالۋ نازارياسىن دايەكتىلەندىرىپ، زاڭمەن جونگە سالۋ قۇرىلىسى جوباسىن كەمەلدەندىرىپ، زاڭ شىعارۋ قىزمەتىنىڭ ساپاسى مەن ونىمدىلىگىن ءوسىرىپ، زاڭنىڭ اتقارىلۋىن كۇشەيتىپ، رەفورما، دامۋ، ورنىقتىلىق قىزمەتىن ىلگەرىلەتۋگە تاماشا زاڭمەن جونگە سالۋ ورتاسىن ازىرلەۋىمىز كەرەك.

  ۋاكىل پىڭ جيارۇي بىلاي دەدى: ۇكىمەت قىزمەتىنەن باياندامادا قىزمەتتەر شىندىقتى ءىس جۇزىنەن ىزدەۋ نەگىزىندە قورىتىندىلانعان، قىزمەتتەر عىلمي، ءدال ورنالاستىرىلعان، مەن تولىق قۇپتايمىن. ءبىز ”ءتورت تانىم“دى مىقتاپ ورناتىپ، ”ءتورت سەنىم“دى بەكەمدەپ، ”ەكىنى قورعاۋ“دى باتىل ورىنداپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسى ۇلى تۋىن بيىك ۇستاپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن دايەكتىلەندىرىپ، ورنىقتىلىقتى قورعاۋ، شەكارانى قورعاۋ قىزمەت جاۋاپكەرشىلىگى مەن بورىشىن تىڭعىلىقتى وتەپ، ءۇش ۇلكەن قامال الۋ شايقاسىن باتىل تۇردە ويداعىداي جۇرگىزىپ، جوعارى ساپالى دامۋدى كۇش سالا ىلگەرىلەتىپ، بيڭتۋان رەفورماسىن ۇزدىكسىز تەرەڭدەتىپ، وڭتۇستىككە قاراي دامۋدى جەدەل ىلگەرىلەتىپ، حالىق تۇرمىسىن شىن مانىندە قامتاماسىز ەتىپ جانە ونى جاقسارتىپ، بيڭتۋان مەن جەرگىلىكتى ورىننىڭ توعىسپالى دامۋىن تەرەڭدەتىپ، پارتيا ورتالىق كوميتەتىنىڭ قامقورلىعىنا، سونداي - اق ءار جاقتىڭ قولداۋىنا تاڭداۋلى ناتيجەلەرمەن جاۋاپ قايتارۋىمىز كەرەك.

  ۋاكىل عانيبات سابىكەي ۇلى بىلاي دەدى: ۇكىمەت قىزمەتىنەن باياندامادا شي جينپيڭنىڭ جاڭا ءداۋىر جۇڭگوشا سوتسياليزم يدەياسى جاپپاي دايەكتىلەندىرىلگەن، ول − تۋدى بيىك ۇستاعان، بەتالىسى ايقىن، رەفورمادا جاڭالىق اشقان، شىندىققا جۇگىنىپ ناقتى ءىس ىستەگەن، جۇرت تىلەگىن جۇمىلدىرعان، سەنىمدى سەرپىلتكەن جاقسى بايانداما، تولىق قۇپتايمىن. باقىت كۇرەسپەن كەلەدى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن تاباندى، باتىل تۇردە دايەكتىلەندىرىپ، تياناقتاندىرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋگە كۇش قوسۋىمىز كەرەك.

  ۋاكىل ابدىرىقىپ ءتومۇرنياز بىلاي دەدى: ۇكىمەت قىزمەتىنەن بايانداما − حالىققا قىزمەت ەتكەن، ناقتى ءىس تىندىرعان، قايراتتاندىراتىن جاقسى بايانداما، مەن تولىق قۇپتايمىن. بىلتىردان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ءتۇرلى - ءتۇستى سىن - سايىستار مەن قيىنشىلىقتاردى جەڭىپ، پارتيا مەن مەملەكەت ىستەرىندە جاڭا كەلەلى جەتىستىكتەرگە قول جەتكىزدى، بۇل ادامدى شىن جۇرەكتەن قۋانتادى جانە ماقتانىش سەزىم باعىشتايدى. بىزدە شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرى مەن ورنالاستىرۋلارىن ويداعىداي دايەكتىلەندىرىپ، ءوز رولىمىزدى ويداعىداي ساۋلەلەندىرىپ، دىنگە سەنەتىن قالىڭ بۇقارانى ىنتىماقتاستىرىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن اناعۇرلىم جاقسى رولىمىزدى ساۋلەلەندىرۋگە سەنىم دە، بەكىم دە بار.

  ۋاكىلدەر قۇرماش سىرجان ۇلى، مين شياۋچيڭ، رۋحيام ماتسايد، ياسىن سىدىق، جاڭ شين، يوۋ لياڭيىڭ، مۇساجان نۇردۇن، قايسار ابدىكەرىم، مامەت جۇما، نياز اشىم، پارحات روزى، اكبار ءماتناسىر، حى شيڭلياڭ، جوۋ شۇييۇڭ، شۇي تاۋ، ادىل ابدىرىزاق، لاچين بايكا گرۋپپالار جيىنىندا جەكە - جەكە لەبىز ءبىلدىردى. كوپشىلىك مىنالاردى ءبىلدىردى: ۇكىمەت قىزمەتىنەن باياندامانى قۇپتايمىز. بىلتىر ەلىمىزدىڭ ەكونوميكالىق، قوعامدىق دامۋىندا قول جەتكەن ناتيجەلەر شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى، باس شۋجي شي جينپيڭنىڭ رول ۇستاپ جول باستاۋىنىڭ ارقاسى. ءبىز باس شۋجي شي جينپيڭنىڭ تاپسىرماسىن قاشاندا ەستە بەرىك ساقتاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرىپ، ”ەكىنى قورعاۋ“دى ءىس جۇزىندىك ارەكەتىمىز ارقىلى امالياتتا ايگىلەپ، وتاننىڭ شينجياڭىن ونان ارى كوركەم ەتىپ قۇرىپ شىعامىز.

  مەملەكەتتىك حالىق قۇرىلتايىنىڭ ۋاكىلدەرى نايىم ياسىن، لي ۋي باياندامانى قاراۋعا قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.