تيانشان تورى
تيانشان تورى   ›   جاڭالىقتار   ›   سۋرەتتى حابار

شينجياڭ ۋاكىلدەر ۇيىرمەسى باس شۋجي شي جينپيڭنىڭ ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقانداعى ماڭىزدى ءسوزىنىڭ رۋحىن جەتكىزدى، ۇيرەندى

  باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، اسپانى اشىق، جەرى جاسىل، سۋى تۇنىق كورىكتى شينجياڭ قۇرۋعا قۇلشىنايىق

  چىن چۋانگو ءسوز سويلەدى، ەركىن يمىرباقى، شوكىرات زاكىر، شاۋكەت يمىن، سۇن جينلۇڭ قاتىناستى

  تىلشىلەر ياۋ تۇڭ، سۇي يۇنيان، لي ياڭ 3 - ايدىڭ 6 - كۇنى بەيجيڭنەن حابارلايدى. 3 - ايدىڭ 6 - كۇنى 13 - كەزەكتى مەملەكەتتىك حالىق قۇرىلتايىنىڭ 2 - ماجىلىسىنە قاتىناسقان شينجياڭ ۋاكىلدەر ۇيىرمەسى جالپى ءماجىلىس اشىپ، باس شۋجي شي جينپيڭنىڭ ىشكى موڭعۇل ۋاكىلدەر ۇيىرمەسىنىڭ باياندامانى قاراۋىنا قاتىناسقانداعى ماڭىزدى ءسوزىنىڭ رۋحىن مۇقيات جەتكىزدى، ۇيرەندى. شينجياڭ ۋاكىلدەر ۇيىرمەسىنىڭ باستىعى، مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى ءارى ءسوز سويلەدى.

  مەملەكەتتىك حالىق قۇرىلتايىنىڭ ۋاكىلدەرى ەركىن يمىرباقى، شوكىرات زاكىر، شاۋكەت يمىن، سۇن جينلۇڭ قاتارلىلار ماجىلىسكە قاتىناستى.

  چىن چۋانگو مىنانى اتاپ كورسەتتى: باس شۋجي شي جينپيڭنىڭ ماڭىزدى ءسوزى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەكولوگيالىق وركەنيەت قۇرىلىسىن كۇشەيتۋگە، جاڭا دامۋ ۇستانىمىن دايەكتىلەندىرۋگە، ءۇش ءىرى قامال الۋ شايقاسىندا جەڭىسكە جەتۋگە ايرىقشا ءمان بەرگەندىگىن تولىق بەينەلەدى، باس شۋجيدىڭ شەكاراداعى ۇلتتىق وڭىرلەردىڭ باياندى دامۋىنا ءمان بەرگەن، كوڭىل بولگەن، شەكارا وڭىردەگى كادرلارعا، بۇقاراعا قامقورلىق جاساعان، باۋىرمال بولعان وسكەلەڭ قاسيەتىن تولىق ايگىلەدى، بۇل ىشكى موڭعۇلعا قويىلعان تالاپ بولۋمەن بىرگە، شينجياڭنىڭ ەكولوگيالىق وركەنيەت قۇرىلىسىن كۇشەيتۋىنە دە بەتالىس كورسەتتى، بويسۇنۋ ولشەمىن ازىرلەدى. ”ءتورت تانىم“دى بەرىك ورناتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، يدەيا مەن ارەكەتتى باس شۋجي شي جينپيڭنىڭ ماڭىزدى سوزدەرىنىڭ رۋحىمەن شىن مانىندە بىرلىككە كەلتىرىپ، شي جينپيڭنىڭ ەكولوگيالىق وركەنيەت يدەياسىن تاباندىلىقپەن، باتىلدىقپەن دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ جانە ماڭىزدى نۇسقاۋلارىنىڭ رۋحىن تاباندىلىقپەن، باتىلدىقپەن دايەكتىلەندىرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن تاباندىلىقپەن، باتىلدىقپەن دايەكتىلەندىرىپ، جاڭا دامۋ ۇستانىمىن تياناقتاندىرىپ، جوعارى ساپالى دامۋ تالابى بويىنشا، دامۋ مەن قورعاۋدىڭ قاتىناسىن ويداعىداي ءبىر جاقتى ەتىپ، ەكولوگيالىق وركەنيەت قۇرىلىسىن كۇشەيتىپ، لاستانۋدان ساقتانۋدان جانە ونى تىزگىندەۋدەن قامال الۋ شايقاسىن ويداعىداي جۇرگىزىپ، اسپانى اشىق، جەرى جاسىل، سۋى تۇنىق كورىكتى شينجياڭ قۇرۋعا قۇلشىنۋ كەرەك.

  بىرىنشىدەن، ساياسي دەڭگەيدى جوعارىلاتىپ، باس شۋجي شي جينپيڭنىڭ ەكولوگيالىق وركەنيەت قۇرىلىسى جونىندەگى ”ءتورت ءبىر“ ماڭىزدى بايىمداۋىن مۇقيات ۇيرەنىپ، تەرەڭدەي ءتۇسىنىپ، ەكولوگيالىق وركەنيەت قۇرىلىسىن كۇشەيتۋدىڭ، لاستانۋدان ساقتانۋدان جانە ونى تىزگىندەۋدەن قامال الۋ شايقاسىن ويداعىداي جۇرگىزۋدىڭ كەلەلى ءمانىن جەتە تانىپ، ەكولوگيالىق وركەنيەت قۇرىلىسىنىڭ ساياسي جاۋاپكەرشىلىگىن باتىل ارقالاپ، باس شۋجي شي جينپيڭنىڭ ماڭىزدى ءسوزىنىڭ رۋحىن قاز - قالپىندا ناقتاپ تياناقتاندىرۋ كەرەك.

  ەكىنشىدەن، ستراتەگيالىق تاباندىلىقتى ساقتاپ، ”تۇنىق سۋ، جاسىل تاۋ − باعا جەتپەس بايلىق، مۇزدى ءوڭىر، قارلى القاپ تا باعا جەتپەس بايلىق“ ۇستانىمىن بەرىك ورناتىپ، ەكولوگيانى الدىمەن ەسكەرۋدى، جاسىل دامۋدى باعدار ەتكەن جوعارى ساپالى دامۋدىڭ جاڭا جولىن قۇلشىنا قاراستىرىپ، ەكولوگيالىق يقۋاتتى قامتاماسىز ەتۋدىڭ نەگىزگى شەگىن، ورتا ساپاسىنىڭ حاۋىپسىزدىك تومەنگى شەگىن، جاراتىلىستىق بايلىقتاردان پايدالانۋدىڭ جوعارعى شەگىن مىقتاپ ساقتاپ، تاماشا ەكولوگيالىق ورتانى ەكونوميكانىڭ جوعارى ساپالى دامۋىنىڭ تىرەگىنە اينالدىرۋ كەرەك.

  ۇشىنشىدەن، جالپىلىق جونگە سالۋدى اتقارىپ، بايلىقتى ۇنەمدەۋدى الدىمەن ويلاسۋدى، قورعاۋدى الدىمەن ويلاسۋدى، تابيعاتتى قالپىنا كەلتىرۋدى نەگىز ەتكەن باعىتقا تاباندى بولىپ، ەكولوگيالىق ورتانى قورعاۋ قۇرىلىسىن جان - جاقتى، جالپى ءوڭىر، جالپى بارىس بويىنشا ورىستەتىپ، تاۋ، سۋ، ورمان، ەگىستىك جەر، كول، جايلىم ءبىر تۇلعالاندىرىلعان ەكولوگيانى قورعاۋدى جانە قالپىنا كەلتىرۋدى ىشكەرىلەي اتقارىپ، ەكولوگيالىق ورتانىڭ ساپاسىن ۇزدىكسىز جاقسارتىپ، ەكولوگيالىق حاۋىپسىزدىك قالتقىسىن كۇش سالا بەكەمدەپ، شينجياڭنىڭ اسپانىنىڭ اناعۇرلىم اشىق، تاۋىنىڭ اناعۇرلىم جاسىل، سۋىنىڭ اناعۇرلىم تۇنىق، ورتاسىنىڭ اناعۇرلىم كورىكتى بولۋى ءۇشىن قۇلشىنۋ كەرەك.

  تورتىنشىدەن، قىزمەت سەرپىنىن كۇشەيتىپ، ”بىتراندى، جۇيەسىز، لاستاۋشى“ نىسانداردىڭ شينجياڭعا كەلۋىنە قاتاڭ تيىم سالىپ، ەنەرگيا، كەن بايلىقتارىن اشۋدى اۆتونوميالى رايون ”ءبىر قالام“مەن تەكسەرىپ بەكىتۋ تۇزىمىنە، ورتانى قورعاۋدا ”ءبىر داۋىسپەن تەرىستەۋ“ تۇزىمىنە تاباندى بولىپ، ەڭ قاتاڭ ەكولوگيانى قورعاۋ ءتۇزىمىن جانە كەڭىستىكتەن پايدالانۋ، باسقارۋ ءتۇزىمىن، ەڭ قاتاڭ سۋ بايلىعىن باسقارۋ ءتۇزىمىن اتقارىپ، لاستانۋدان ساقتانۋدان جانە ونى تىزگىندەۋدەن قامال الۋ شايقاسىن باتىلدىقپەن ويداعىداي جۇرگىزىپ، ءار ۇلت بۇقاراسىنىڭ تاماشا ەكولوگيالىق ورتاعا دەگەن كۇننەن - كۇنگە كۇشەيگەن قاجەتىن ۇزدىكسىز قاناعاتتاندىرۋ كەرەك.

  بەسىنشىدەن، ءبىر تۇتاس جوسپارلاپ، جاپپاي ءمان بەرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، قىزمەتتى ورنىقتىلىق بارىسىندا ىلگەرىلەتۋ جالپى ارناسىنا تاباندى بولىپ، ورنىقتىلىق پەن العا ىلگەرىلەۋدىڭ ديالەكتيكالىق قاتىناسىن دۇرىس ءبىر جاقتى ەتىپ، ارتۋدى ورنىقتىرۋدى، رەفورمانى جەبەۋدى، قۇرىلىمدى رەتتەۋدى، حالىق تۇرمىسىنا تيىمدىلىك جاساۋدى، حاۋىپ - قاتەردەن ساقتانۋدى، ورنىقتىلىقتى ساقتاۋدى ءبىر تۇتاس جوسپارلاپ ىلگەرىلەتىپ، قاجىرلىلىقپەن كۇرەس جۇرگىزەتىن تاماشا ستيلدى زور كۇشپەن اسقاقتاتىپ، قيىندىقتاردان قامال الىپ، ۇدەرە العا باسىپ، ورنىقتىلىقتىڭ، دامۋدىڭ ءتۇرلى قىزمەتتەرىن تىڭعىلىقتى تۇردە ويداعىداي ىستەپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتىپ، جاڭا جۇڭگو قۇرىلعاندىعىنىڭ 70 جىلدىعىن ۇزدىك ناتيجەمەن قۇتتىقتاۋ كەرەك.

  مەملەكەتتىك حالىق قۇرىلتايىنىڭ ۋاكىلدەرى نايىم ياسىن، شى داگاڭ، لي ۋي، لو دۇڭچۋان، پىڭ جيارۇي، عانيبات سابىكەي ۇلى، ابدىرىقىپ ءتومۇرنياز قاتارلىلار ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.