تيانشان تورى   ›   جاڭالىقتار   ›   ماڭىزدى حابارلار

شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ مەملەكەتتىك حالىق قۇرىلتايى ماجىلىسىندەگى ءىشىنارا ۋاكىلدەر ۇيىرمەلەرىنىڭ باياندامانى قاراۋىنا جەكە - جەكە قاتىناستى

  3 - ايدىڭ 7 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 13 - كەزەكتى مەملەكەتتىك حالىق قۇرىلتايىنىڭ 2 - ماجىلىسىندەگى گانسۋ ۋاكىلدەر ۇيىرمەسىنىڭ باياندامانى قاراۋىنا قاتىناستى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

    2020 - جىلى كەدەيلىكتەن ارىلتۋدان قامال الۋ نىسانالىق مىندەتىن ورىنداۋعا نەبارى 2 جىل ۋاقىت قالدى، ءدال قازىر ەڭ ماشاقاتتى كەز، سوندىقتان، ءسوز جوق، قىزمەتتى تاباندىلىقپەن ويداعىداي ىستەۋ كەرەك، تولىق جەڭىسكە جەتپەيىنشە، استە شەپتەن قايتۋعا بولمايدى. بەرىك سەنىمنەن اۋىتقىماۋ كەرەك. نسانانى كوزدەپ العان بەتتەن قايتپاۋ كەرەك. ماسەلەلەردى قاتاڭ جونگە سالۋ كەرەك. جاۋاپكەرشىلىكتى بۇلجىماي تياناقتاندىرۋ كەرەك. ستيلگە بۇرىلىس جاساپ، ەنجارلىقتان اۋلاق بولۋ كەرەك.

  كەدەيلىكتەن ارىلتۋدان قامال الۋ قىزمەتىندە ورىن تەپكەن فورماشىلدىق، تورەشىلدىك جايتتەرى كەدەيلىكتەن ارىلتۋدان قامال الۋدىڭ ءونىمدى تۇردە ىلگەرىلەتىلۋىنە ىقپال جاسايدى. بۇقارا اڭىس ەتكەن ”جالعان ۇلگىدەگى“ كەدەيلىكتەن ارىلتۋ، ”ەسەپ جاساۋ ۇلگىسىندەگى“ كەدەيلىكتەن ارىلتۋ، ”كورسەتكىش ۇلگىسىندەگى“ كەدەيلىكتەن ارىلتۋ، ”تۇراقسىز ۇلگىدەگى“ كەدەيلىكتەن ارىلتۋ سياقتى ماسەلەلەرگە ايرىقشا ءمان بەرىپ ءارى ونى باتىل جويىپ، كەدەيلىكتەن ارىلتۋدىڭ ساپاسىن ءوسىرىپ، ناعىز كەدەيلەردى كەدەيلىكتەن ارىلتۋ، كەدەيلىكتەن شىنايى ارىلتۋ كەرەك.

  كەدەيلىكتەن ارىلتۋدان قامال الۋ مىندەتىن ورىنداي الۋ - الماۋدىڭ تەتىگى ادامدا، كادرلار قوسىنىنىڭ ستيلىندە. پارتيانى جاپپاي قاتاڭ جونگە سالۋ تالابىن كەدەيلىكتەن ارىلتۋدان قامال الۋدىڭ جالپى بارىسىنا ءسىڭىرىپ، ستيل قۇرىلىسىن كۇشەيتىپ، كەدەيلەردى سۇيەمەلدەۋ قىزمەتىنىڭ ناقتى بولۋىنا، كەدەيلىكتەن ارىلتۋ بارىسىنىڭ تياناقتى بولۋىنا، كەدەيلىكتەن ارىلتۋ ناتيجەسىنىڭ شىنايى بولۋىنا شىنداپ كەپىلدىك ەتۋ كەرەك.

  شينحۋا اگەنتتىگىنىڭ 3 - ايدىڭ 7 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى جاۋ لىجي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ 3 - ايدىڭ 7 - كۇنى 13 - كەزەكتى مەملەكەتتىك حالىق قۇرىلتايىنىڭ 2 - ماجىلىسىندەگى ءىشىنارا ۋاكىلدەر ۇيىرمەسىنىڭ باياندامانى قاراۋىنا جەكە - جەكە قاتىناستى.

  شي جينپيڭ گانسۋ ۋاكىلدەر ۇيىرمەسىندە باياندامانى قاراۋعا قاتىناستى. ماجىلىستە تاڭ شياۋميڭ، ۋاڭ تاۋ، ياڭ يان، ۋاڭ گاڭ، لياڭ چيانجۋان، فۋ كاڭنيان، دۇڭ ساييۇن، فان پىڭ قاتارلى 8 ۋاكىل جەتەكشى كاسىپتەردى جەتىلدىرۋ، ەكولوگيالىق ورتانى قورعاۋ، بايلىقتان جوعارى ونىممەن پايدالانۋ، حالىق باسقارۋىنداعى عىلىم - تەحنيكا كاسىپورىندارىنىڭ دامۋىن قولداۋ، ەلەكتروندىق ساۋدا ارقىلى كەدەيلەردى سۇيەمەلدەۋ، مادەنيەت ايگىلى ماركالارىن الۋەتتەندىرۋ، كەدەي وڭىرلەردەگى حالىقتىڭ ساپاسىن ءوسىرۋ، سىرتقا ەسىك اشۋ دەڭگەيىن جوعارىلاتۋ سياقتى ماسەلەلەر توڭىرەگىندە ىركەس - تىركەس پىكىرلەرىن ايتتى. شي جينپيڭ ماڭىزدى ءسوز سويلەدى. شي جينپيڭ گانسۋدىڭ سوڭعى 2 جىلداعى قىزمەتىن تۇراقتاندىرىپ، گانسۋداعى قالىڭ كادرلار مەن بۇقارانىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن دايەكتىلەندىرىپ، قىزمەتتىڭ ورنىقتىلىق بارىسىندا ىلگەرىلەۋ سىندى جالپى ارناسىنان جازباي، جاڭا دامۋ ۇستانىمىن تاباندىلىقپەن دايەكتىلەندىرىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ، ورنىقتىلىقتى قورعاۋ قىزمەتتەرىن جاپپاي ويداعىداي ىستەپ، رەفورما جاساۋدى، ەسىك اشۋدى كۇش سالا تەرەڭدەتىپ، ەكونوميكالىق دامۋدىڭ جاڭا دەمەۋشى قۋاتىن كۇشەيتىپ، قورشاعان ورتانى قورعاۋ جانە وڭاۋ سەرپىنىن ارتتىرىپ، قوعامدىق ىستەردىڭ دامۋىن جەدەلدەتىپ، حالىقتى اۋقاتتاندىرىپ، گانسۋدى گۇلدەندىرۋدىڭ جاڭا جاعدايىن ۇزدىكسىز اشۋىن ءۇمىت ەتتى. شي جينپيڭ بىلاي دەپ اتاپ كورسەتتى: 2020 - جىلى كەدەيلىكتەن ارىلتۋدان قامال الۋ نىسانالىق مىندەتىن ورىنداۋعا نەبارى 2 جىل ۋاقىت قالدى، ءدال قازىر ەڭ قينالاتىن كەز، سوندىقتان، ءسوز جوق، قىزمەتتى تاباندىلىقپەن ويداعىداي ىستەۋ كەرەك، تولىق جەڭىسكە جەتپەي استە بەل شەشۋگە بولمايدى. بەرىك سەنىمنەن اۋىتقىماۋ كەرەك. پارتيانىڭ 18 - قۇرىلتايىنان بەرى، پارتيا ورتالىق كوميتەتى جاپپاي دوڭگەلەك داۋلەتتى قوعام ورناتۋ جالپى جاعدايىن ارقاۋ ەتىپ، كەدەيلەردى سۇيەمەلدەۋ، وركەندەتۋ قىزمەتىن ەل باسقارۋدىڭ كورنەكتى ورنىنا قويىپ، كەدەيلىكتەن ارىلتۋدان قامال الۋ شايقاسىن جاپپاي باستادى. پارتيانىڭ 19 - قۇرىلتايىنان كەيىن، پارتيا ورتالىق كوميتەتى كەدەيلىكتەن ارىلتۋدان قامال الۋ شايقاسىن ويداعىداي جۇرگىزۋدى جاپپاي دوڭگەلەك داۋلەتتى قوعام ورناتۋداعى ءۇش ءىرى قامال الۋ شايقاسىنىڭ ءبىرى ەتتى. سوڭعى جىلدارى كەدەيلىكتەن ارىلتۋدان قامال الۋدىڭ سەرپىنى بۇرىن بولماعان دەڭگەيدە زور، كولەمى بۇرىن بولماعان دەڭگەيدە كەڭ، ىقپالى بۇرىن بولماعان دەڭگەيدە تەرەڭ بولىپ، شەشۋشى سيپاتتى ىلگەرىلەۋشىلىككە قول جەتكىزدى. مۇنداي ناتيجەگە قول جەتۋ، راسىندا، وڭاي ەمەس، ادامزاتتىڭ كەدەيلىككە قارسى تۇرۋ تاريحىنىڭ جاڭا پاراعىن جازدى. الداعى 2 جىلداعى كەدەيلىكتەن ارىلتۋدان قامال الۋ مىندەتى ءالى دە جاپالى، اۋىر، ەندى قالعانىنىڭ بارلىعى ەرەكشە كەدەي، ەرەكشە قيىن ماسەلەلەر، بارلىعى وڭاي ءتىس باتا بەرمەيتىن اۋىر تۇيىندەر. كەدەيلىكتەن ارىلتۋدان قامال الۋ شەشۋشى كەزەڭگە نەعۇرلىم تاياعان سايىن، ءسوزسىز جەڭىسكە جەتۋ سەنىمىن سولعۇرلىم بەكەمدەي ءتۇسۋ، سولعۇرلىم ارىنىنان قايتپايتىن بەكىم بولۋ، قايتپاس قايسارلىقپەن شايقاسقا اتتانىپ، قيىندىقتان تايسالماي العا ۇمتىلىپ، شىنايى يگەرىپ، ناقتى ىستەپ، دالمە - ءدال شارا قولدانىپ، كەدەيلىكتەن ارىلتۋدان قامال الۋ مىندەتىنىڭ دەر كەزىندە ورىندالۋىنا شىنايى كەپىلدىك ەتۋ كەرەك. نىسانانى كوزدەپ العان بەتتەن قايتپاۋ كەرەك. كەدەيلىكتەن ارىلتۋدان قامال الۋدىڭ ولشەمى − كەدەيلەردىڭ ”ەكىدەن تارىقپاۋىن، ءۇش جاقتان قامتاماسىز ەتىلۋىن“، ىشەر اس، كيەر كيىمنەن تارىقپاۋىن، مىندەتتى وقۋ - اعارتۋ، نەگىزدىك ەمدەلۋ، تۇرعىن ءۇي حاۋىپسىزدىگى جاقتارىنان قامتاماسىز ەتىلۋىن ورنىقتى تۇردە جۇزەگە اسىرۋ. كەدەيلىكتەن ارىلتۋ ولشەمىندە، ءىس جۇزىندىك جاعدايدان اۋىتقۋعا، ولشەمدى وسىرۋگە، اراندى اشۋعا بولمايدى، سونداي - اق جالعاننان كەدەيلىكتەن ارىلتۋعا، ولشەمدى تومەندەتۋگە، ساپاعا ىقپال جاساۋعا بولمايدى. كەدەيلىكتەن ارىلتۋدان قامال الۋدىڭ دۇرىس بەتالىسىن يگەرىپ، نىسانانىڭ وزگەرمەۋىنە، نىسانا وزەگىنەن اۋىتقىماۋعا شىنايى كەپىلدىك ەتىپ، مۇلدە كەدەيلىك ماسەلەسىن كۇشتى شوعىرلاندىرا وتىرىپ شەشىپ، كەدەي ەمەس اۋداندارداعى، قىستاقتارداعى كەدەيلەردى قولداۋدى كۇشەيتىپ، كەدەي اۋدانداردى كەدەي تىزىمىنەن شىعارۋ ولشەمى مەن ءتارتىبىن قاتاڭ اتقارىپ، كەدەيلىكتەن ارىلتۋ تابىستارىنىڭ تاريحتىڭ سىنىنان وتۋىنە شىنايى كەپىلدىك ەتۋ كەرەك. ماسەلەلەردى قاتاڭ جونگە سالۋ كەرەك. كەدەيلىكتەن ارىلتۋدان قامال الۋ قىزمەتىندە ورىن تەپكەن فورماشىلدىق، تورەشىلدىك جايتتەرى كەدەيلىكتەن ارىلتۋدان قامال الۋدىڭ ءونىمدى تۇردە ىلگەرىلەتىلۋىنە ىقپال جاسايدى. بۇقارا اڭىس ەتكەن ”جالعان ۇلگىدەگى“ كەدەيلىكتەن ارىلتۋ، ”ەسەپ جاساۋ ۇلگىسىندەگى“ كەدەيلىكتەن ارىلتۋ، ”كورسەتكىش ۇلگىسىندەگى“ كەدەيلىكتەن ارىلتۋ، ”تۇراقسىز ۇلگىسىندەگى“ كەدەيلىكتەن ارىلتۋ سياقتى ماسەلەلەرگە ايرىقشا ءمان بەرىپ ءارى ونى باتىل جويىپ، كەدەيلىكتەن ارىلتۋدىڭ ساپاسىن ءوسىرىپ، ناعىز كەدەيلەردى كەدەيلىكتەن ارىلتۋ، كەدەيلىكتەن شىنايى ارىلتۋ كەرەك. كەدەيلىكتەن ارىلتۋدان قامال الۋ ەڭ سوڭعى ساتكە نەعۇرلىم تاياعان سايىن جۇمىس سەرپىنىن سولعۇرلىم كۇشەيتۋ كەرەك، وڭاي ولجا تابۋعا، وتىرىك ناتيجەگە استە بوي ۇرۋعا بولمايدى. جاۋاپكەرشىلىكتى بۇلجىماي تياناقتاندىرۋ كەرەك. كەدەيلىكتەن ارىلتۋدان قامال الۋ − ءسوز جوق، جەڭىسپەن جۇرگىزىلۋگە ءتيىستى سۇراپىل شايقاس. ءار دارەجەلى پارتكومدار مەن ۇكىمەتتەر جاۋاپكەرشىلىكتى باتىل ارقالاپ، كۇش سالا وتىرىپ تۇيىندەردى يگەرىپ، ولقىلىقتاردى تولىقتاپ، ءالسىز تۇستاردى كۇشەيتۋ كەرەك. باسشىلىق ءتۇزىلىس پەن قىزمەت مەحانيزمىن كۇشەيتىپ، كەدەيلەردى سۇيەمەلدەۋدىڭ ۇلكەن جاعدايىنان جازباي، دالمە - ءدال كەدەيلىكتەن ارىلتۋ جالپى جوباسىن دايەكتىلەندىرىپ، كەدەيلەردى سۇيەمەلدەۋدى ەرىك - جىگەر جاعىنان سۇيەمەلدەۋمەن، اقىل - پاراسات جاعىنان سۇيەمەلدەۋمەن ۇشتاستىرۋدى كۇشەيتىپ، قايتا كەدەيلەسكەندەردى جانە جاڭا پايدا بولعان كەدەيلەردى دەر كەزىندە سۇيەمەلدەپ كومەكتەسۋ كەرەك. كەدەي اۋداندار كەدەيلىك قالپاعىن الىپ تاستاعاننان كەيىن، بىردەن اتقارىپ وتىرعان ىستەردى قايىرىپ قويۋعا، جۇكتى تاستاۋعا، بەلدى بوساتۋعا بولمايدى، قالعان كەدەيلەردى كەدەيلىكتەن ارىلتۋ ماسەلەسىن ۇزدىكسىز ورىنداپ، كەدەيلىك قالپاعىن العانمەن جاۋاپكەرشىلىكتى الماۋ، كەدەيلىك قالپاعىن العانمەن ساياساتتى الماۋ، كەدەيلىك قالپاعىن العانمەن كومەكتەسۋ - سۇيەمەلدەۋدى تاستاماۋ، كەدەيلىك قالپاعىن العانمەن باقىلاۋ - باسقارۋدى توقتاتپاۋ كەرەك. ستيلگە بۇرىلىس جاساپ، ەنجارلىقتان اۋلاق بولۋ كەرەك. كەدەيلىكتەن ارىلتۋدان قامال الۋ مىندەتىنىڭ ورىندالعان - ورىندالماندىعىنىڭ تەتىگى ادامدا، كادرلار قوسىنى ستيلىندە. پارتيانى جاپپاي قاتاڭ جونگە سالۋ تالابىن كەدەيلىكتەن ارىلتۋدان قامال الۋدىڭ جالپى بارىسىنا ءسىڭىرىپ، ستيل قۇرىلىسىن كۇشەيتىپ، كەدەيلەردى سۇيەمەلدەۋ قىزمەتىنىڭ ناقتى بولۋىنا، كەدەيلىكتەن ارىلتۋ بارىسىنىڭ تياناقتى بولۋىنا، كەدەيلىكتەن ارىلتۋ ناتيجەسىنىڭ شىنايى بولۋىنا شىنايى كەپىلدىك ەتۋ كەرەك. كەدەيلىكتەن ارىلتۋدان قامال الۋدا اڭىس ەتىلگەن كادرلاردىڭ ستيل ماسەلەسىن دەر كەزىندە تۇزەتىپ، كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەلەرىن ارنايى جونگە سالۋدى تەرەڭدەتىپ، پارتيا قۇرىلىسىن يگەرىپ، كەدەيلىكتەن ارىلتۋدى جەبەۋ ءتۇزىمى مەحانيزمىن كەمەلدەندىرىپ، تياناقتاندىرىپ، كەدەي وڭىرلەردەگى اۋىل - قىستاق نەگىزگى ساتى پارتيا ۇيىمى قۇرىلىسىن كۇشەيتىپ، كەدەيلەردى سۇيەمەلدەۋدىڭ ءبىرىنشى شەبىندەگى كادرلارعا قامقورلىق جاساۋدى جانە قامتاماسىز ەتۋدى كۇشەيتۋ كەرەك. شي جينپيڭ ەڭ سوڭىندا كوپشىلىكتىڭ اسقاق جىگەرمەن، تاسقىنداعان ىنتامەن، جالىندى سەرپىنمەن كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە جاپپاي قول جەتكىزۋگە، جاپپاي دوڭگەلەك داۋلەتتى قوعامدى دەر كەزىندە ورناتۋعا جاڭا ءارى ءتىپتى زور ۇلەس قوسۋىن تالاپ ەتتى.

  لي كىچياڭ گۋاڭدۇڭ ۋاكىلدەر ۇيىرمەسىنىڭ، چيڭحاي ۋاكىلدەر ۇيىرمەسىنىڭ باياندامانى قاراۋىنا جەكە - جەكە قاتىناستى. گۋاڭدۇڭ ۋاكىلدەر ۇيىرمەسىندە، لي شي، ما شيڭرۇي، حى گۇيفاڭ قاتارلى ۋاكىلدەر لەبىز ءبىلدىردى. لي كىچياڭ بىلتىر گۋاڭدۇڭنىڭ ەكونوميكالىق، قوعامدىق دامۋىندا قول جەتكەن ناتيجەلەرىن تولىق تۇراقتاندىرىپ، مىنالاردى ءۇمىت ەتتى: گۋاڭدۇڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىن دايەكتىلەندىرىپ، ەكونوميكالىق اينالىمنىڭ ۇيلەسىمدى ارالىقتا بولۋىن كۇش سالا ساقتاپ، جۇمىسقا ورنالاسۋدى، اسىرەسە، سىرتتان كەلگەن جۇمىسكەرلەردىڭ جۇمىسقا ورنالاسۋىن ورنىقتىرىپ، بۇكىل ەلدىڭ دامۋىندا ۇزدىكسىز تۇردە اۋىر جۇك ارقالاۋى، ۇلەس قوسۋى كەرەك. رەفورما جاساۋدا، ەسىك اشۋدا بەلسەنە ىزدەنىس جاساپ، حالىقارالىق ماڭداي الدى ساۋدا ورتاسىن قالىپتاستىرۋدا، بازاردىڭ ومىرشەڭدىك كۇشىن قاۋلاتۋدا جۇرەكتىلىكپەن تولقىننىڭ الدىندا بولىپ، شياڭگاڭمەن، اۋمىنمەن بىرگە گۋاڭدۇڭ، شياڭگاڭ، اۋمىن ۇلكەن شىعاناق رايونى قۇرىلىسىن ىلگەرىلەتىپ، جوعارى دەڭگەيلى، تەڭ يگىلىككە كەنەلەتىن حالىقارالىق ەكونوميكالىق سەلبەستىك جاڭا تۇعىرىن بىرگە قۇرۋ كەرەك. جاڭالىق اشۋ ارقىلى دەم بەرۋ جاعىندا ۇزدىكسىز كۇش سالىپ، كوپ بولىپ شارۋاشىلىق قۇرۋدى، جالپى جۇمىلىپ جاڭالىق اشۋدى كۇش سالا ىلگەرىلەتىپ، ءتىپتى كوپ شەشۋشى وزەكتى تەحنيكالاردان قامال الىپ، وزىق جاساۋ كاسىبى مەن وسى زامانعى قىزمەت وتەۋ كاسىبىن الۋەتتەندىرىپ، جاڭا، كونە دەمەۋشى قۋاتتاردىڭ الماسۋىن جەدەلدەتىپ، جوعارى ساپالى دامۋدى ىلگەرىلەتۋدە الدىڭعى لەكتە ءجۇرۋ كەرەك. حالىق تۇرمىسىن قامتاماسىز ەتىپ جانە جاقسارتىپ، جۇڭحۋانىڭ تاڭداۋلى ءداستۇرلى مادەنيەتىن ساۋلەلەندىرىپ، حالىق بۇقاراسىنىڭ تاماشا تۇرمىسقا دەگەن قاجەتىن قاناعاتتاندىرۋ كەرەك. چيڭحاي ۋاكىلدەر ۇيىرمەسىندە ۋاڭ جيانجۇن، ليۋ نيڭ، بايجيا زاشي قاتارلى ۋاكىلدەر بەلسەندىلىكپەن لەبىز ءبىلدىردى. لي كىچياڭ بىلاي دەدى: بىلتىر چيڭحاي شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ەكونوميكالىق دامۋدا، حالىق تۇرمىسىن جاقسارتۋدا تىڭنان العا باستى. جاڭا دامۋ ۇستانىمىنا تاباندى بولىپ، ەكونوميكالىق دامۋ مەن ەكولوگيالىق ورتانى قورعاۋدى سايكەستى ىلگەرىلەتىپ، ەكونوميكانىڭ ورنىقتى اينالىمىن ساقتاپ، جاسىل ەكونوميكانى، اينالمالى ەكونوميكانى كۇش سالا دامىتىپ، كەلەلى ەكولوگيالىق ينجەنەريالاردى اتقارىپ، ”جۇڭحۋا سۋ مۇناراسىن“ ويداعىداي قورعاپ، مەملەكەتتىڭ ەكولوگيالىق حاۋىپسىزدىك قالتقىسىن بەكەم ورناتۋ كەرەك. كاسىپ قۇرىلىمىنىڭ دەڭگەيىن ءوسىرىپ، ىشكى كومەسكى كۇشتى اشىپ، سىرتقى كۇشتەردەن شەبەرلىكپەن پايدالانىپ، تازا ەنەرگيا، ساياحات سياقتى ەرەكشە باسىمدىققا يە كاسىپتەردى دامىتىپ، ساۋدا ورتاسى، نەگىزدىك قۇرىلعىلار سياقتى جۇمساق، قاتتى ورتا قۇرىلىسىن كۇشەيتىپ، ءتىپتى كوپ كاسىپورىندار مەن دارىندىلاردى چيڭحايدىڭ دامۋىنا ات سالىسۋعا تارتۋ كەرەك. ورتالىقتىڭ قولداۋىن، ءار جاقتىڭ سەلبەسۋىن وزىندىك كۇرەسپەن ۇشتاستىرىپ، كەدەيلىكتەن ارىلتۋدان قامال الۋدى تەرەڭدەتىپ، ”ينتەرنەت +“ وقۋ - اعارتۋ، ەمدەۋ سياقتىلاردى دامىتىپ، حالىق تۇرمىسىنداعى ”ولقىلىق “تاردى جەدەل تولىقتىرىپ، ۇلتتار ىنتىماعىن نىعايتىپ، ءار ۇلت بۇقاراسىنىڭ تۇرمىس دەڭگەيىن ۇزدىكسىز ءوسىرۋ كەرەك.

  لي جانشۋ شاندۇڭ ۋاكىلدەر ۇيىرمەسىندە باياندامانى قاراۋعا قاتىناستى. ليۋ جيا - ي، گۇڭ جىڭ، گو رۇي قاتارلى ۋاكىلدەردىڭ لەبىزىن مۇقيات تىڭداعاننان كەيىن، لي جانشۋ بىلاي دەدى: جۇڭگوشا سوتسياليزم جاڭا داۋىرگە ءوتتى، اناعۇرلىم سانالى تۇردە باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن قورعاپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن جول باستاپ، باعدار بەلگىلەپ، تىلەك توعىستىرىپ، كۇش بىرىكتىرىپ، ءتۇرلى قىزمەتتەرگە جەتەكشىلىك ەتۋ جانە ونى ىلگەرىلەتۋ كەرەك. شاندۇڭنىڭ باس شۋجي شي جينپيڭنىڭ شاندۇڭ قىزمەتى جونىندەگى ماڭىزدى نۇسقاۋلارى مەن تالاپتارىن مۇقيات ۇيرەنۋىن، دايەكتىلەندىرۋىن، جاڭا دامۋ ۇستانىمىن دايەكتىلەندىرىپ، ەكولوگيانى الدىمەن ويلاستىرۋدى، جاسىل دامۋدى باعدار ەتەتىن جوعارى ساپالى دامۋدىڭ تىڭ جولىن قاراستىرۋىن، ەكونوميكالىق دامۋدىڭ ساپا وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن ىلگەرىلەتۋىن ءۇمىت ەتەمىن. كەدەيلىكتەن ارىلتۋدان قامال الۋ شايقاسىن ويداعىداي جۇرگىزۋدى اۋىل - قىستاقتى گۇلدەندىرۋ ستراتەگياسىن اتقارۋمەن جاندى ۇشتاستىرىپ، اۋىل - قىستاقتى گۇلدەندىرۋدىڭ شاندۇڭ ۇلگىسىن قالىپتاستىرۋ كەرەك. مادەنيەت ىستەرىن گۇلدەندىرىپ، دامىتىپ، يمىڭ رۋحىن زور كۇشپەن ساۋلەلەندىرىپ، جاڭا داۋىردەگى رەفورما مەن دامۋ ءۇشىن قۇدىرەتتى رۋحاني قوزعاۋشى كۇش ازىرلەپ، باس شۋجي شي جينپيڭنىڭ ”الدىڭعى قاتاردا ءجۇرۋ، جاپپاي اشۋ“ سىندى ىقىلاستى ءۇمىتىن قۇلشىنا جۇزەگە اسىرۋ كەرەك.

  ۋاڭ ياڭ تايۋان ۋاكىلدەر ۇيىرمەسىنىڭ، يۇننان ۋاكىلدەر ۇيىرمەسىنىڭ باياندامانى قاراۋىنا جەكە - جەكە قاتىناستى. ۋاڭ ياڭ تايۋان ۋاكىلدەر ۇيىرمەسىندە فۋ جىگۋان، چىن يۇن - يىڭ، چىن جۇن قاتارلى ۋاكىلدەردىڭ لەبىزىن مۇقيات تىڭداعاننان كەيىن مىنالاردى اتاپ كورسەتتى: باس شۋجي شي جينپيڭنىڭ «تايۋاندىق باۋىرلاستارعا حات» جاريالانعاندىعىنىڭ 40 جىلدىعىن ەسكە ءتۇسىرۋ جينالىسىندا سويلەگەن ماڭىزدى ءسوزى جاڭا داۋىردەگى تايۋانعا باعىتتالعان قىزمەتكە جەتەكشىلىك ەتەتىن تۇعىرنامالىق حۇجات. ءسوزدىڭ رۋحاني ءمانى مەن وزەكتى يدەياسىن ىشكەرىلەي ۇيرەنىپ، جەتە ءتۇسىنىپ، ەكى جاعالاۋدىڭ بىرلىككە كەلۋى تاريحتىڭ ۇلكەن اۋقىمى ەكەنىن تەرەڭ تانىپ، تايۋانعا باعىتتالعان قىزمەتتىڭ دۇرىس باعىتىن مىقتى يگەرۋ كەرەك. تايۋاندىق باۋىرلاستاردىڭ پىكىرىن كەڭىنەن، ىشكەرىلەي تىڭداپ، سايكەستى ساياساتتاردى كەمەلدەندىرىپ، ەكى جاعالاۋدىڭ ەكونوميكا، مادەنيەت اۋىس - كۇيىسى مەن سەلبەستىگىن جەبەۋ تۋرالى ”31 شارا“ سياقتى تايۋانعا تيىمدىلىك جاساۋ شارالارىن ناقتى تياناقتاندىرىپ، ەكى جاعالاۋدىڭ توعىسپالى دامۋىن تەرەڭدەتۋ كەرەك. ءبىر جۇڭگو پرينسيبىنە جانە ”92 - جىلعى ورتاق تانىم“عا تاباندى بولىپ، ”تايۋان تاۋەلسىزدىگى“نە باتىل قارسى تۇرىپ، اناعۇرلىم كوپ تايۋاندىق باۋىرلاستاردى ىنتىماقتاستىرىپ، ۇلت ادىلەتىنىڭ جۇگىن بىرگە ارقالاپ، ەكى جاعالاۋ قارىم - قاتىناسىنىڭ بەيبىت دامۋىن جەبەۋ، وتاننىڭ بەيبىت بىرلىككە كەلۋ ءۇردىسىن ىلگەرىلەتۋ ءۇشىن اناعۇرلىم كەسەك ۇلەس قوسۋ كەرەك. يۇننان ۋاكىلدەر ۇيىرمەسىندە ۋاڭ ياڭ رۋان چىڭفا، ما جىڭشان، يۇي لۇڭ قاتارلى ۋاكىلدەردىڭ لەبىزىن مۇقيات تىڭداعاننان كەيىن، وتكەن ءبىر جىلداعى يۇنناننىڭ رەفورمادا، دامۋدا قول جەتكىزگەن جەتىستىكتەرىن تولىق تۇراقتاندىردى. ول يۇننان باس شۋجي شي جينپيڭنىڭ يۇننان قىزمەتى جونىندەگى ماڭىزدى نۇسقاۋلارىنىڭ رۋحىن ىشكەرىلەي دايەكتىلەندىرىپ، پارتيانىڭ ۇلت ساياساتى مەن ءدىن قىزمەتى جونىندەگى نەگىزگى باعىتىن بۇلجىماستان تياناقتاندىرىپ، حالىق سانى ءبىرشاما از ۇلتتار مەن ”توتە وتكەن ۇلتتار”دىڭ دامۋىنا زور كۇشپەن كومەكتەسىپ، ۇلتتار ىنتىماعى، العاباسارلىعىندا ۇلگى كورسەتۋشى رايون قالىپتاستىرۋعا قۇلشىنۋدى ءۇمىت ەتتى. كەدەيلىكتەن ارىلتۋدان قامال الۋ شايقاسىن باتىل، ويداعىداي جۇرگىزىپ، اۋىر كەدەيلىك قورعانىن قۇلشىنا تالقانداپ، كەدەيلىكتەن ارىلتۋدىڭ ساپاسىن قۇلشىنا جوعارىلاتىپ، جاپپاي دوڭگەلەك داۋلەتتى قوعام ورناتۋ جولىندا بىردە - بىرەۋدى قاتاردان قالدىرماۋعا كەپىلدىك ەتۋ كەرەك.

  ۋاڭ حۋنيڭ شاڭحاي ۋاكىلدەر ۇيىرمەسىندە باياندامانى قاراۋعا قاتىناستى. يىڭ يۇڭ، جاڭ جاۋ - ان، حاڭ يىڭۋي قاتارلى ۋاكىلدەردىڭ لەبىزىن تىڭداعاننان كەيىن ۋاڭ حۋنيڭ مىنالاردى ءبىلدىردى: شاڭحايدىڭ دامۋى جاڭا باستامادا تۇر، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شاڭحاي قىزمەتى جونىندەگى ماڭىزدى نۇسقاۋلارىنىڭ رۋحىن ۇيرەنىپ، دايەكتىلەندىرىپ، پارتيا مۇشەلەرىن، كادرلاردى ”ءتورت تانىم”دى كۇشەيتۋگە، ”ءتورت سەنىم“دى بەكەمدەۋگە، ”ەكىنى قورعاۋ”دى ورىنداۋعا جەتەكتەۋ كەرەك. بۇكىل ەلدەگى رەفورما جاساۋدىڭ، ەسىك اشۋدىڭ اتويشىسى بولۋدى جاقسى جالعاستىرىپ، ماڭىزدى سالالار مەن شەشۋشى بۋىندارداعى رەفورمالاردى ىلگەرىلەتىپ، چاڭجياڭ اتىراۋىنىڭ اناعۇرلىم جوعارى ساپالى، ءبىر تۇلعالانا دامۋىن جەبەپ، جاڭا داۋىردەگى شاڭحاي دامۋىنىڭ ستراتەگيالىق باسىمدىعىن قالىپتاستىرۋ كەرەك. جاڭا داۋىردەگى بۇقارالىق ۇيىمدار قىزمەتىن ويداعىداي ىستەپ، بۇقارالىق ۇيىمداردىڭ پارتيانىڭ بۇقارالىق قىزمەتىندە كورنەكتىلەنۋنە، ءۇنىن جەتكىزۋىنە، رولىن ساۋلەلەندىرۋىنە مۇمكىندىك جاساۋ كەرەك. وقۋ - اعارتۋعا رەفورما جاساۋدى جانە ونى دامىتۋدى ىلگەرىلەتىپ، حالىق رازى بولاتىن وقۋ - اعارتۋدى ويداعىداي جۇرگىزۋ كەرەك. جاڭا داۋىردەگى پارتيا قۇرىلىسىنىڭ باس تالابىن دايەكتىلەندىرىپ، پارتيانى جاپپاي قاتاڭ جونگە سالۋ جاعىندا الدا ءجۇرۋ كەرەك.

  جاۋ لىجي تيانجين ۋاكىلدەر ۇيىرمەسىندە باياندامانى قاراۋعا قاتىناستى. ياڭ ماۋرۇڭ، ياڭ باۋليڭ، لي شياڭ قاتارلى ۋاكىلدەر ىلگەرىندى - كەيىندى لەبىز ءبىلدىردى. جاۋ لىجي تيانجين قىزمەتىندە قولعا كەلگەن تىڭ ناتيجەلەردى تولىق تۇراقتاندىرىپ، تيانجيننەن شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ بەيجيڭدى، تيانجيندى، حىبەيدى سايكەستىرە دامىتۋ جونىندەگى جانە تيانجيندە قىزمەت تەكسەرگەندەگى ماڭىزدى نۇسقاۋلارىن مۇقيات تياناقتاندىرىپ، ستراتەگيالىق وراي مەزگىلىن مىقتى يگەرىپ، دەربەس جاڭالىق اشۋ قابىلەتىن جوعارىلاتىپ، ناقتى ەكونوميكانى زور كۇشپەن دامىتىپ، حالىق تۇرمىسىن قامتاماسىز ەتىپ جانە جاقسارتىپ، ”بەستە وسىزاماندانعان تيانجين“دى جەدەل قۇرىپ، ناقتى ارەكەتپەن ”ەكىنى قورعاۋ“دى امالياتتا ايگىلەپ، ناقتى ونىمدىلىك ارقىلى حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋدى ءۇمىت ەتتى. جاۋ لىجي مىنالاردى باسا دارىپتەدى: ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس جوسپارلاپ ىلگەرىلەتۋدە، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدە، پارتيانى جاپپاي قاتاڭ جونگە سالۋ ماڭىزدى ستراتەگيالىق مىندەت، سونداي - اق، ماڭىزدى ساياسي كەپىلدىك بولىپ تابىلادى. تاباندىلىقپەن ستيلدى دۇرىستاپ، شىرىكتەسۋگە قارسى تۇرىپ، تۇبىرىنەن وڭاۋ مەن ۇستىنەن وڭاۋدى قاتار يگەرىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتىپ، پارتيانى جاپپاي قاتاڭ جونگە سالۋدى ۇزدىكسىز تەرەڭدەتۋ كەرەك.

  حان جىڭ جىجياڭ ۋاكىلدەر ۇيىرمەسىندە باياندامانى قاراۋعا قاتىناستى. چى جۇن، يۋان جياجۇن، جوۋ جۇڭليان قاتارلى ۋاكىلدەردىڭ لەبىزدەرىن مۇقيات تىڭداعان سوڭ حان جىڭ مىنالاردى ءبىلدىردى: بيىلعى قىزمەتتى ويداعىداي ىستەۋدىڭ تەتىگى − تياناقتاندىرۋدى مىقتى يگەرۋدە، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىمەن ورنالاستىرۋلارى بويىنشا، زاڭدىلىقتى يگەرىپ، تىلەك توعىستىرىپ، كۇش بىرىكتىرىپ، كوز الداعى كوكەي تەستى ىستەردى ويداعىداي ىستەۋمەن بىرگە، نەگىز قالايتىن، ۇزاق بولاشاققا ءتيىمدى ىستەردى دە كوبىرەك ىستەۋ كەرەك. حان جىڭ جىجياڭنىڭ قىزمەتىن تولىق تۇراقتاندىرىپ، جىجياڭنان باس شۋجي شي جينپيڭنىڭ ماڭىزدى سوزدەرىنىڭ رۋحىن مۇقيات ۇيرەنىپ، دايەكتىلەندىرىپ، ”سەگىز سەگىز ستراتەگياسى“ندا كورسەتىلگەن جولدان اۋىتقىماي ءجۇرىپ، ناقتى ىستەردى ىستەۋگە، الدا جۇرۋگە، جۇرەكتىلىكپەن تولقىننىڭ الدىڭعى لەگىندە بولۋعا تاباندى بولىپ، رەفورما جاساۋعا، ەسىك اشۋعا قايتا اتتانۋدى ىلگەرىلەتىپ، جىجياڭنىڭ دامۋىن تاعى دا جاڭا بيىككە كوتەرۋدى ءۇمىت ەتتى. چاڭجياڭ اتىراۋىن ءبىر تۇلعالاندىرىپ دامىتۋ مەملەكەتتىك ستراتەگياسىن جاپپاي تياناقتاندىرىپ، دەڭگەيدى ونان ارى جوعارىلاتىپ، جان - جاقتى، تەرەڭ سەلبەستىكتى تىڭعىلىقتى ىلگەرىلەتىپ، الدىمەن اتقارىلاتىن نىسانداردان ءبىر توبىن جەدەل جوسپارلاپ، باستاپ، مەملەكەتتىڭ دامۋىنا ۇلەس قوسۋ بارىسىندا ءوزىنىڭ جوعارى ساپالى دامۋىن ىلگەرىلەتۋ كەرەك.

  ۋاڭ چىن، لي شي، لي چياڭ، لي حۇڭجۇڭ، ياڭ شياۋدۋ، چىن شي، گو شىڭكۇن قاتارلىلار جەكە - جەكە باياندامانى قاراۋعا قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.