تيانشان تورى
تيانشان تورى   ›   جاڭالىقتار   ›   سۋرەتتى حابار

شينجياڭ ۋاكىلدەر ۇيىرمەسى باس شۋجي شي جينپيڭنىڭ گانسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقانداعى ماڭىزدى ءسوزىنىڭ رۋحىن جەتكىزدى، ۇيرەندى

  سەنىمدى بەكەمدەپ، قايتپاس قايسارلىقپەن شايقاسقا اتتانىپ، شىنايى يگەرىپ، ناقتى ىستەپ، كەدەيلىكتەن ارىلتۋدان قامال الۋ مىندەتىنىڭ دەر كەزىندە ورىندالۋىنا شىنايى كەپىلدىك ەتۋ كەرەك

  چىن چۋانگو ءسوز سويلەدى، ەركىن يمىرباقى، شوكىرات زاكىر، شاۋكەت يمىن، سۇن جينلۇڭ قاتىناستى  

  تىلشىلەر ياۋ تۇڭ، سۇي يۇنيان، لي ياڭ 3 - ايدىڭ 8 - كۇنى بەيجيڭنەن حابارلايدى. 3 - ايدىڭ 8 - كۇنى تۇستەن بۇرىن 13 - كەزەكتى مەملەكەتتىك حالىق قۇرىلتايىنىڭ 2 - ماجىلىسىندەگى شينجياڭ ۋاكىلدەر ۇيىرمەسى جالپى جيىن وتكىزىپ، باس شۋجي شي جينپيڭنىڭ گانسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقانداعى ماڭىزدى ءسوزىنىڭ رۋحىن مۇقيات جەتكىزدى، ۇيرەندى. شينجياڭ ۋاكىلدەر ۇيىرمەسىنىڭ باستىعى، مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق پارتكومنىڭ شۋجيى چىن چۋانگو جيىندى باسقاردى ءارى ءسوز سويلەدى.

  مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى جانە مەملەكەتتىك حالىق قۇرىلتايىنىڭ ۋاكىلدەرى شوكىرات زاكىر، شاۋكەت يمىن، سۇن جينلۇڭ قاتارلىلار جيىنعا قاتىناستى.

  چىن چۋانگو بىلاي دەپ اتاپ كورسەتتى: پارتيانىڭ 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى جاپپاي دوڭگەلەك داۋلەتتى قوعام ورناتۋ جالپى جاعدايىن ارقاۋ ەتىپ، كەدەيلەردى سۇيەمەلدەۋ، وركەندەتۋ قىزمەتىن ەل باسقارۋداعى ماڭىزدى ورىنعا قويىپ، جاپپاي دوڭگەلەك داۋلەتتى قوعام ورناتۋداعى ءۇش ءىرى قامال الۋ شايقاسىنىڭ ءبىرى ەتىپ، كەدەيلىكتەن ارىلتۋدان قامال الۋدا شەشۋشى ىلگەرىلەۋشىلىككە قول جەتكىزۋدى ىلگەرىلەتتى. باس شۋجي شي جينپيڭ گانسۋ ۋاكىلدەر ۇيىرمەسىنىڭ باياندامانى قاراۋىنا قاتىناسقانداعى ماڭىزدى سوزىندە كەدەيلىكتەن ارىلتۋدان قامال الۋ جونىندە تاعى دا ايقىن تالاپ قويىپ، ءبىزدىڭ زەيىن - زەردە، كۇش - قۋاتتى شوعىرلاندىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە تاباندىلىقپەن باتىل تۇردە قول جەتكىزۋىمىزگە العا باسۋ بەتالىسىن كورسەتتى، قۇدىرەتتى قوزعاۋشى كۇش ازىرلەدى. ”ءتورت تانىم“دى مىقتاپ ورناتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، جاۋاپكەرشىلىك سەزىمدى، بورىشتىلىق سەزىمدى جانە كوكەي تەستىلىك سەزىمدى شىن مانىندە كۇشەيتىپ، سەنىمدى بەكەمدەپ، نىسانانى كوزدەپ، شىنايى يگەرىپ، ناقتى ىستەپ، جاۋاپكەرشىلىكتى تياناقتاندىرىپ، ستيلگە بۇرىلىس جاساپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە تاباندىلىقپەن، باتىلدىقپەن قول جەتكىزۋ كەرەك.

  ءبىرىنشى، ارىننان قايتپاي، بەرىك سەنىمنەن اۋىتقىماۋ كەرەك. ءسوزسىز، جەڭىسكە جەتۋ سەنىمى مەن ارىنىنان قايتپاۋ بەكىمىن نىعايتىپ، قايتپاس قايسارلىقپەن شايقاسقا اتتانىپ، قيىندىقتان تايسالماي العا ۇمتىلىپ، تولىق جەڭىسكە جەتپەي استە شەپتەن قايتپاي، اسقاق جىگەر، تاسقىنداعان ىنتا، جالىندى سەرپىنمەن كەدەيلىكتەن ارىلتۋدان قامال الۋ مىندەتىنىڭ دەر كەزىندە ورىندالۋىنا شىنايى كەپىلدىك ەتۋ كەرەك.

  ەكىنشى، شىندىقتى ءىس جۇزىنەن ىزدەپ، نىسانانى كوزدەپ العان بەتتەن قايتپاۋ كەرەك. ”ەكىدەن تارىقتىرماۋ، ۇشتە قامتاماسىز ەتۋ“دى تىعىز ارقاۋ ەتىپ، ءارى ءىس جۇزىندىك جاعدايدان اۋىتقىماۋ، ولشەمدى وسىرمەۋ، اراندى اشا بەرمەۋ، ءارى كەدەيلىكتەن ارىلتۋدا جالعاندىق ىستەمەۋ، ولشەمدى تومەندەتپەۋ، ساپاعا ىقپال جاساماۋ؛ ءارى تالاسپاي، ءارى ادەيى كەشىكتىرمەي، 2020 - جىلى قازىرگى ولشەم استىنداعى اۋىل - قىستاقتاعى كەدەيلەردىڭ بارلىعىنىڭ كەدەيلىكتەن ارىلۋىنا شىنايى كەپىلدىك ەتىپ، مۇلدە كەدەيلىكتى جويىپ، كەدەي اۋدانداردىڭ بارلىعىنىڭ كەدەيلىك قالپاعىن الىپ تاستاۋىنا، وڭىرلىك تۇتاس تۇلعالىق كەدەيلىك ماسەلەسىن شەشۋگە شىنايى كەپىلدىك ەتۋ كەرەك.

  ءۇشىنشى، شارالاردى كۇشەيتىپ، سوڭىنا دەيىن يگەرىپ، ەنجارلىقتان اۋلاق بولۋ كەرەك. كەدەيلىكتەن ارىلتۋدىڭ ساپاسىن باستى ورىنعا قويۋعا تاباندى بولىپ، ”التى دالمە - دالدىك“تى تياناقتاندىرىپ، ”7 ءبىر توپ“تى ىلگەرىلەتىپ، ”ءۇش سەرپىندى ارتتىرۋ“دى ىلگەرىلەتىپ، ”توعىزدى ايقىنداۋ“دى تياناقتاندىرىپ، قىزمەت شارالارىن، ادىستەرىن اناعۇرلىم كەمەلدەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ورنالاستىرۋلارىنىڭ ەگجەي - تەگجەيلى تياناقتاندىرىلۋىنا، ناقتى ونىمدىلىك كورسەتۋىنە شىنايى كەپىلدىك ەتۋ كەرەك.

  ءتورتىنشى، شىنداپ كىرىسىپ، قيىن تۇيىندەردى شەشۋگە قۇلشىنىپ، ماسەلەلەردى قاتاڭ جونگە سالۋ كەرەك. شىندىققا جۇگىنۋ، ناقتى ءىس ىستەۋ، شىنايى يگەرىپ، ناقتى ىستەۋ سىندى تاڭداۋلى ستيلدى كۇش سالا ساۋلەلەندىرىپ، كەدەيلىكتەن ارىلتۋدان قامال الۋ قىزمەتىندە ورىن تەپكەن فورماشىلدىق، تورەشىلدىك جايتتەرىن ىشكەرىلەي جونگە سالىپ، ”جالعان ۇلگىدەگى“ كەدەيلىكتەن ارىلتۋدان، ”ەسەپ جاساۋ ۇلگىسىندەگى“ كەدەيلىكتەن ارىلتۋدان، ”كورسەتكىش ۇلگىسىندەگى“ كەدەيلىكتەن ارىلتۋدان، ”تۇراقسىز ۇلگىدەگى“ كەدەيلىكتەن ارىلتۋدان، وڭاي ولجا تابۋدان، وتىرىك ناتيجەدەن باتىل تۇردە اۋلاق بولىپ، كەدەيلىكتەن ارىلتۋدىڭ ساپاسىن شىن مانىندە ءوسىرىپ، ناعىز كەدەيلەردى كەدەيلىكتەن ارىلتۋ، كەدەيلىكتەن شىنايى ارىلتۋ كەرەك.

  بەسىنشى، دەڭگەيدى ءوسىرىپ، جاۋاپكەرشىلىكتى بۇلجىماي تياناقتاندىرۋ كەرەك. كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدى ”ەكىنى قورعاۋ“دى ورىنداۋدىڭ ناقتى بەينەسى ەتۋگە تاباندى بولىپ، 5 دارەجەلى شۋجيلەر بىرگە يگەرۋگە، ءار دارەجەلى پارتكومدار مەن ۇكىمەتتەر بىردەي يگەرۋگە، ءار دارەجەلى ورىندار، تاراۋلار سەلبەسىپ يگەرۋگە تاباندى بولىپ، كەدەي اۋدانداردىڭ كەدەيلىك قالپاعىن الىپ تاستاعانىمەن جاۋاپكەرشىلىكتى الماۋ، كەدەيلىك قالپاعىن الىپ تاستاعانىمەن ساياساتتى الماۋ، كەدەيلىك قالپاعىن الىپ تاستاعانىمەن كومەكتەسۋ - سۇيەمەلدەۋدى تاستاماۋ، كەدەيلىك قالپاعىن الىپ تاستاعانىمەن باقىلاۋ - باسقارۋدى توقتاتپاۋ كەرەك.

  التىنشى، ستيلدى تۇزەتىپ، ءتارتىپتى قاتايتىپ، ستيلگە بۇرىلىس جاساۋدى توقتاتپاۋ كەرەك. پارتيانى جاپپاي قاتاڭ جونگە سالۋ تالابىن كەدەيلىكتەن ارىلتۋدان قامال الۋدىڭ جالپى بارىسىنا ءسىڭىرىپ، كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەلەرىن ارنايى جونگە سالۋدى ۇزدىكسىز تەرەڭدەتىپ، پارتيا قۇرىلىسىن ويداعىداي يگەرۋ ارقىلى كەدەيلىكتەن ارىلتۋدى جەبەپ، ”ون كەرەك، ونعا قاتاڭ تيىم سالۋ“دى ورىنداپ، كەدەيلەردى سۇيەمەلدەۋ قىزمەتىنىڭ ناقتى بولۋىنا، كەدەيلىكتەن ارىلتۋ بارىسىنىڭ تياناقتى بولۋىنا، كەدەيلىكتەن ارىلتۋ ناتيجەسىنىڭ شىنايى بولۋىنا تاڭداۋلى ستيل ارقىلى شىنايى كەپىلدىك ەتۋ كەرەك.

   مەملەكەتتىك حالىق قۇرىلتايىنىڭ ۋاكىلدەرى نايىم ياسىن، شى داگاڭ، لي ۋي، لو دۇڭچۋان، پىڭ جيارۇي، عانيبات سابىكەي ۇلى، ابدىرىقىپ ءتۇمۇرنياز قاتارلىلار جيىنعا قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.