تيانشان تورى
تيانشان تورى   ›   جاڭالىقتار   ›   ماڭىزدى حابارلار

13 - كەزەكتى حالىق قۇرىلتايىنىڭ 2 - ءماجىلىسى ەكىنشى جالپى جيىنىن وتكىزدى

  شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار قاتىناستى

لي جانشۋ مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى

  شەتەل ساۋداگەرلەرى قارجى قوسۋ زاڭى جوباسى جونىندەگى تۇسىنىكتى تىڭدادى

  3 - ايدىڭ 8 - كۇنى 13 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى بەيجيڭدەگى حالىق سارايىندا ەكىنشى جالپى جيىنىن وتكىزدى. مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن كوميتەت باستىعى لي جانشۋ جالپى جيىنعا مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى.  سۋرەتتى شينحۋا اگەنتتىگىنىڭ ءتىلشىسى گاۋ جيە تۇسىرگەن

  شينحۋا اگەنتتىگىنىڭ 3 - ايدىڭ 8 - كۇنى بەيجيڭنەن بەرگەن حابارى. 13 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى 3 - ايدىڭ 8 - كۇنى تۇستەن كەيىن حالىق سارايىندا ەكىنشى جالپى جيىنىن وتكىزدى. مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن كوميتەت باستىعى لي جانشۋ جالپى جيىنعا مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جاسادى. جيىن شەتەل ساۋداگەرلەرى قارجى قوسۋ زاڭى جوباسى جونىندەگى تۇسىنىكتى تىڭدادى.

  شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار جيىنعا قاتىناستى.

  جيىنعا قاتىناسۋعا ءتيىستى ۋاكىل 2975 ادام، قاتىناسقان ۋاكىل 2948 ادام، قاتىناسپاعان ۋاكىل 27 ادام، قاتىناسقان ۋاكىل سانى زاڭداعى بەلگىلەمەگە ۇيلەسەدى.

  لي جانشۋ باياندامادا بىلاي دەدى: 13 - كەزەكتى مەملەكەتتىك حالىق قۇرىلتايى جانە ونىڭ تۇراقتى كوميتەتىنىڭ مىندەت وتەۋى ءدال ”قوس 100 جىلدىق“تىڭ تاريحي توعىسۋ كەزەڭىنە تۋرا كەلدى، مىندەت داڭقتى، جاۋاپكەرشىلىك اۋىر. ءبىر جىلدان بەرى تۇراقتى كوميتەت شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن مۇقيات ۇيرەندى جانە دايەكتىلەندىردى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا 13 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ قىزمەت ورنالاستىرۋلارىنا ساي، زاڭ بويىنشا مىندەت اتقارىپ، ءورىس اشا ىلگەرىلەپ، تاماشا باستامانى جۇزەگە اسىردى.

  لي جانشۋ وتكەن ءبىر جىلداعى باستى قىزمەتتەرگە 7 جاقتان شولۋ جاسادى: ءبىرىنشى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ جانە دايەكتىلەندىرىپ، حالىق قۇرىلتايى قىزمەتىنىڭ دۇرىس ساياسي بەتالىسىنا شىنايى كەپىلدىك ەتتىك. ارناۋلى تاقىرىپتا ۇيرەنۋگە، زەرتتەۋگە، تالقى ورىستەتۋگە ۇيىمداستىرىپ، 31 ولكە دارەجەلى حالىق قۇرىلتايى جانە قاتىستى جاقتار قاتىناسقان ۇيرەنۋ، اۋىس - ءتۇيىس جاساۋ ءماجىلىسىن اشتىق. ەكىنشى، جاڭادان وزگەرىس ەنگىزىلگەن نەگىزگى زاڭدى جاپپاي ۇيرەنىپ، ۇگىتتەپ جانە دايەكتىلەندىرىپ، نەگىزگى زاڭنىڭ اتقارىلۋىن ىلگەرىلەتۋدە تىڭ قادام تاستادىق. جاڭادان وزگەرىس ەنگىزىلگەن نەگىزگى زاڭ بويىنشا رەتتەلىپ قۇرىلعان نەگىزگى زاڭ جانە زاڭ كوميسسياسىنىڭ مىندەتى جونىندە قاۋلى شىعاردىق، نەگىزگى زاڭدى اتقارۋ جانە باقىلاۋ، نەگىزگى زاڭدى ءتۇسىندىرۋ سياقتى قىزمەت مىندەتىن ارتتىرىپ، نەگىزگى زاڭدى اتقارۋداعى قىزمەتتىك كۇش پەن ۇيىمدىق قامتاماسىزدىقتى كۇشەيتتىك. ءۇشىنشى، جاڭا داۋىردەگى زاڭ شىعارۋ قىزمەتىن كۇشەيتىپ جانە جاقسارتىپ، رەفورمالاۋ، دامۋ، ورنىقتىلىق قىزمەتىن زاڭمەن باسقارۋدى قامتاماسىز ەتتىك. 8 نۇسقا زاڭ جاساپ، 47 نۇسقا - رەت زاڭعا وزگەرىس ەنگىزىپ، زاڭدىق ماسەلەلەر مەن كەلەلى ماسەلەلەرگە قاتىستى قاۋلىدان 9ىن ماقۇلدادىق. ءتورتىنشى، حالىق قۇرىلتايىنىڭ باقىلاۋ مىندەتىن زاڭ بويىنشا وتەپ، ەكونوميكالىق، قوعامدىق دامۋ مەن رەفورمادان قامال الۋ مىندەتىن اناعۇرلىم ويداعىداي جەبەدىك. مەملەكەتتىك كەڭەستىڭ، ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ 24 قىزمەت بايانداماسىن تىڭدادىق جانە قارادىق، 6 زاڭنىڭ اتقارىلۋ جاعدايىن تەكسەردىك، 3 رەت ارناۋلى تاقىرىپتا پىكىر الدىق، 5 ءتۇرلى نىسان بويىنشا ارناۋلى تاقىرىپتا تەكسەرۋ - زەرتتەۋ جۇرگىزدىك. بەسىنشى، ۋاكىلدەرمەن بايلانىس جاساۋ ارناسىن كەڭەيتىپ، ۋاكىلدەردىڭ مىندەتىن زاڭ بويىنشا وتەۋىن قولدادىق جانە قامتاماسىز ەتتىك. تۇراقتى كوميتەت ءماجىلىسى كەزىندە 4 رەت ماجىلىسكە سىرتتاي قاتىناساتىن ۋاكىلدەردىڭ اڭگىمە ءماجىلىسىن اشىپ، مەملەكەتتىك حالىق قۇرىلتايىنىڭ ۋاكىلدەرىنەن 186 ادام ماجىلىسكە قاتىناسىپ، العا قويعان پىكىر - ۇسىنىستاردى قاتىستى تاراۋلار مۇقيات زەرتتەپ تياناقتاندىردى. التىنشى، مەملەكەتتىڭ ديپلوماتيالىق جالپى جاعدايىنا قىزمەت ەتىپ، حالىق قۇرىلتايىنىڭ شەتەلدەرمەن قارىم - قاتىناس جاساۋ قىزمەتىن ويداعىداي ىستەدىك. جەتىنشى، تۇراقتى كوميتەتتىڭ وزىندىك قۇرىلىسىن جاپپاي كۇشەيتىپ، مىندەتىن زاڭ بويىنشا اتقارۋ قابىلەتى مەن ورەسىن ۇزدىكسىز جوعارىلاتتىق. ءماجىلىس ستيلىن جاقسارتۋعا بارىنشا كۇش شىعارىپ، ءماجىلىس ءتارتىبىن كۇشەيتىپ، رۇقسات سۇراۋ ءتۇزىمىن قاتايتتىق، ۋاكىلدەردىڭ تۇراقتى كوميتەتتىڭ ماجىلىسىنە قاتىناسۋ سالىستىرماسى %98تەن جوعارى بولدى.

  لي جانشۋ بىلاي دەپ باسا دارىپتەدى: وتكەن ءبىر جىلداعى قىزمەتتەن ءبىز جاڭا داۋىردەگى حالىق قۇرىلتايى قىزمەتىن ويداعىداي ىستەۋدە ەڭ ءتۇبىرلىسى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن قورعاپ، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ جاندى بىرلىگىنە تاباندى بولىپ، پارتيانىڭ حالىققا باسشىلىق ەتىپ، مەملەكەتتى ويداعىداي باسقارۋىنا كەپىلدىك ەتۋ كەرەكتىگىن تەرەڭ ۇعىندىق.

  لي جانشۋ بىلاي دەپ اتاپ كورسەتتى: وتكەن ءبىر جىلدا قىزمەتىمىزدە پارىقتار مەن جەتەرسىزدىكتەر دە ورىن تەپتى، ءبىز وسى ماسەلەلەرگە وسكەلەڭ ءمان بەرىپ، ءارقايسى جاقتاردىڭ پىكىر - ۇسىنىستارىن كىشى پەيىلدىكپەن تىڭداپ، ءتۇرلى قىزمەتتەردى ۇزدىكسىز كۇشەيتىپ، تىنباي جاقسارتۋىمىز كەرەك.

  الداعى ءبىر جىلداعى باستى مىندەتتەر جونىندە لي جانشۋ بىلاي دەپ اتاپ كورسەتتى: 2019 - جىل − جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى، جاپپاي دوڭگەلەك داۋلەتتى قوعام ورناتۋداعى، ءبىرىنشى 100 جىلدىق كۇرەس نىساناسىن جۇزەگە اسىرۋداعى شەشۋشى جىل. تۇراقتى كوميتەت جۇڭگوشا سوتسياليزم ۇلى تۋىن بيىك ۇستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ”ءتورت تانىم“دى بەرىك ورناتىپ، ”ءتورت سەنىم“دى شىنايى بەكەمدەپ، ”ەكىنى قورعاۋ“دى باتىل ورىنداپ، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ جاندى بىرلىگىنە تاباندى بولىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس ىلگەرىلەتۋدى، ”ءتورتتى جاپپاي ىلگەرىلەتۋ“ ستراتەگيالىق ورنالاستىرۋىن سايكەستى ىلگەرىلەتۋدى مىقتاپ ارقاۋ ەتىپ، قىزمەتتى ورنىقتىلىق بارىسىندا ىلگەرىلەتۋ جالپى ارناسىنا تاباندى بولىپ، جاڭا دامۋ ۇستانىمىن دايەكتىلەندىرىپ، زاڭ شىعارۋ، باقىلاۋ، ۋاكىلدەر قىزمەتى، شەتەلدەرمەن بارىس - كەلىس جاساۋ جانە وزىندىك قۇرىلىس ورەسىن كۇش سالا جوعارىلاتىپ، جاڭا داۋىردەگى حالىق قۇرىلتايى قىزمەتىنىڭ جاڭا جاعدايىن اشۋعا قۇلشىنۋ كەرەك.

  لي جانشۋ 2019 - جىلعى باستى مىندەتتەردى 6 جاقتان بايىمدادى: نەگىزگى زاڭدى اتقارۋ جانە باقىلاۋ قىزمەتىن تاباندىلىقپەن ىلگەرىلەتۋ؛ زاڭ شىعارۋ قىزمەتىنىڭ ساپاسى مەن ونىمدىلىگىن جوعارىلاتۋعا قۇلشىنۋ؛ باقىلاۋ قىزمەتىنىڭ باعىتتامالىلىعى مەن ونىمدىلىگىن شىنايى كۇشەيتۋ؛ ۋاكىلدەردىڭ مىندەت وتەۋ قىزمەت مەحانيزمىن ۇزدىكسىز كەمەلدەندىرۋ؛ حالىق قۇرىلتايىنىڭ شەتەلدەرمەن بارىس - كەلىس جاساۋ قىزمەتىن بەلسەنە ويداعىداي ىستەۋ؛ تۇراقتى كوميتەتتىڭ وزىندىك قۇرىلىس ورەسىن جاپپاي جوعارىلاتۋ.

  مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ۋاڭ چىن شەتەل ساۋداگەرلەرى قارجى قوسۋ زاڭى جوباسى جونىندە تۇسىنىك جاسادى. ۋاڭ چىن بىلاي دەدى: شەتەل ساۋداگەرلەرى قارجى قوسۋ زاڭىن جاساۋ − پارتيا ورتالىق كوميتەتىنىڭ سىرتقا ەسىك اشۋدى كەڭەيتۋ، شەتەل ساۋداگەرلەرىنىڭ قارجى قوسۋىن جەبەۋ شەشىمدەرىن، ورنالاستىرۋلارىن دايەكتىلەندىرۋدەگى، تياناقتاندىرۋداعى ماڭىزدى شارا، ەلىمىزدىڭ شەتەل ساۋداگەرلەرى قارجى قوسۋ زاڭ ءتۇزىمىنىڭ داۋىرمەن بىرگە ىلگەرىلەۋىنىڭ، كەمەلدەنىپ دامۋىنىڭ وبيەكتيۆتىك تالابى، سوتسياليستىك بازار شارۋاشىلىعىنىڭ اقاۋسىز دامۋىن ىلگەرىلەتۋدىڭ، ەكونوميكانىڭ جوعارى ساپالى دامۋىن جۇزەگە اسىرۋدىڭ وبيەكتيۆتىك تالابى.

  ۋاڭ چىن شەتەل ساۋداگەرلەرى قارجى قوسۋ زاڭى جوباسىنىڭ دايىندالۋ بارىسىن جانە جالپى تۇلعالىق تالابىن تانىستىردى. ول بىلاي دەدى: جاڭا داۋىردەگى رەفورما جاساۋدىڭ، ەسىك اشۋدىڭ جاڭا جاعدايى مەن تالابىنا نەگىزدەلە وتىرىپ، شەتەل ساۋداگەرلەرى قارجى قوسۋ زاڭىن جاساۋدىڭ جەتەكشى يدەياسى: جۇڭگوشا سوتسياليزم ۇلى تۋىن بيىك ۇستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەت ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاپپاي ەسىك اشۋدىڭ جاڭا جاعدايىن قالىپتاستىرۋدى ىلگەرىلەتۋدىڭ، اشىق ەكونوميكانىڭ جاڭا ءتۇزىلىسىن ورناتۋدىڭ جاڭا جاعدايىنا، جاڭا تالابىنا ۇيلەسىپ، سىرتقا ەسىك اشۋ نەگىزگى مەملەكەت ساياساتىنا تاباندى بولىپ، بازارلاندىرۋ، زاڭمەن جونگە سالۋ، حالىقارالاندىرۋ سىندى رەفورما بەتالىسىنا تاباندى بولىپ، شەتەل ساۋداگەرلەرىنىڭ قارجى قوسۋىن باسقارۋ تۇزىمىنە جاڭالىق جاساپ، جاڭا داۋىردەگى شەتەل ساۋداگەرلەرى قارجى قوسۋ زاڭدىق ءتۇزىمىنىڭ نەگىزگى جۇلگەسىن تۇراقتاندىرىپ، جوعارى ورەدەگى سىرتقا ەسىك اشۋدى ىلگەرىلەتۋ ءۇشىن پارمەندى زاڭمەن جونگە سالۋ كەپىلدىگىن ازىرلەپ، سوتسياليستىك بازار شارۋاشىلىعىنىڭ اقاۋسىز دامۋىن جەبەۋ.

  ۋاڭ چىن بىلاي دەدى: شەتەل ساۋداگەرلەرى قارجى قوسۋ زاڭىن شىعارۋدا تومەندەگىدەي ماڭىزدى پرينسيپ ءتۇيىندى بويسۇنۋ ولشەمى ەتىلگەن جانە ايگىلەنگەن: ءبىرىنشى، سىرتقا ەسىك اشۋدى بەلسەنە كەڭەيتۋ مەن شەتەل ساۋداگەرلەرىنىڭ قارجى قوسۋىن جەبەۋدىڭ نەگىزگى جالپى ارناسىن كورنەكتىلەندىرۋ؛ ەكىنشى، شەتەل ساۋداگەرلەرىنىڭ قارجى قوسۋىنىڭ نەگىزدىك زاڭدىق ورنىنا تاباندى بولۋ؛ ءۇشىنشى، جۇڭگوشا ەرەكشەلىك پەن حالىقارالىق قاعيدانى ءوزارا توعىستىرۋعا تاباندى بولۋ؛ ءتورتىنشى، ىشكى، سىرتقى قارجىنىڭ بىردەيلىگىنە تاباندى بولۋ.

  ۋاڭ چىن بىلاي دەدى: جوبا 6 تاراۋدان قۇرالعان، ول جالپى ەرەجەنى، قارجى قوسۋدى جەبەۋدى، قارجى قوسۋدى قورعاۋدى، قارجى قوسۋدى باسقارۋدى، زاڭ جاۋاپكەرشىلىگىن، قوسىمشا ەرەجەنى قامتىعان، جيىنى 41 تارماق، جاڭا شەتەل ساۋداگەرلەرىنىڭ قارجى قوسۋى زاڭدىق ءتۇزىمى جونىندە نەگىزگى، ايقىن بەلگىلەمە جاسالدى. ءبىرىنشى، شەتەل ساۋداگەرلەرىنىڭ قارجى قوسۋىنىڭ شەك - شەكاراسى تۋرالى؛ ەكىنشى شەتەل ساۋداگەرلەرىنىڭ قارجى قوسۋىن جەبەۋ تۋرالى؛ ءۇشىنشى، شەتەل ساۋداگەرلەرىنىڭ قارجى قوسۋىن قورعاۋ تۋرالى؛ ءتورتىنشى، شەتەل ساۋداگەرلەرىنىڭ قارجى قوسۋىن باسقارۋ تۋرالى. ول جوباداعى قاتىستى بەلگىلەمەلەر جونىندە دە ناقتى تۇسىنىك جاسادى.

  جيىندى ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى جي بيڭشۋان باسقاردى. جيىن باستالعاندا جي بيڭشۋان بىلاي دەدى: بۇگىن ”8 - ناۋرىز“ حالىقارالىق ەڭبەكشى ايەلدەر مەرەكەسى، ءماجىلىس ءتوراعالار القاسى اتىنان ايەل ۋاكىلدەردى، ايەل مۇشەلەردى، ايەل قىزمەتكەرلەردى، بۇكىل ەلىمىزدەگى ءار ۇلت، ءار سالا ايەلدەرىن، دۇنيە جۇزىندەگى ءارقايسى ەل ايەلدەرىن مەرەكە بايلانىسىمەن قۇتتىقتايمىز جانە ولارعا تاماشا تىلەك بىلدىرەمىز.

   ءماجىلىستىڭ اتقارۋشى ءتوراعالارى ۋاڭ دۇڭفىڭ، ۋاڭ گوشىڭ، باي چۇنلي، ليۋ چي، شۇي چيلياڭ، لي شۋەيۇڭ، لي جينبين، ۋ يىڭجيە، جاڭ يەسۇي، چىن چۋانگو، چىن چيۋفا، چىن شي - ۋىن، چىن حاۋ، لين دو، دۋان چۇنحۋا، لوۋ چينجيان، حى يچىڭ، شۇي شاۋشى، يىن يسۇي، حۋاڭ جىشيان، لۋ شينشى، جياڭ چاۋلياڭ ءتوراعالار مىنبەسىنىڭ اتقارۋشى ءتوراعالار ورنىنا جايعاستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.