تيانشان تورابى   ›   جاڭالىقتار   ›   كەدەيلىكتەن قۇتىلدىرۋدان قامال الۋ

وڭتۇستىك شينجياڭنىڭ اۋىل - قىستاقتارى: شاعىن اۋلادا ىستەلگەن يگىلىكتى شارۋا

  170 ميلليون يۋان 

 2015 - جىلدان باستاپ شينجياڭ جالپى 170 ميلليون يۋان تياناقتاندىرىپ، وڭتۇستىك شينجياڭداعى 4 ايماق - وبلىستاعى 33 كەدەي اۋداندا (قالا)، 300 نەشە اۋىل - قالاشىقتا، 800دەن استام قىستاقتا اۋلا شارۋاشىلىعى نىسانىن اتقارىپ، اۋىل شارۋاشىلىق كاسىپ سالاسى ارقىلى كەدەي شارۋالاردىڭ كىرىسىن ارتتىرۋىنا دەم بەرەتىن، ونى ىلگەرىلەتەتىن جاڭا تۇعىردى العاشقى ادىمدا قۇردى.

100 − 150 يۋان 

 قازىر كەدەي وتباسىلارىنىڭ ءار 1000 يۋان كىرىسىنىڭ 100 − 150 يۋانى اۋلا شارۋاشىلىعىنان كەلەدى.  

  شينحۋا اگەنتتىگىنىڭ 3 - ايدىڭ 9 - كۇنى ۇرىمجىدەن بەرگەن حابارى (تىلشىلەر گۋان چياۋچياۋ، گاۋ حان). ءتىلشى جۋىقتا تىلشىلىك بارىسىندا شينجياڭنىڭ وڭتۇستىك بولىگىندەگى اۋىر كەدەي وڭىرلەردەگى 800دەن استام كەدەي اۋىل - قىستاقتاعى كوپتەگەن شارۋالاردىڭ ”اۋلانى وزگەرتىپ، اتىزدى رەتتەۋ“ ارقىلى تاماشا ارماندارىن ىسكە اسىرعاندىعىن، شاعىن اۋلادان كەدەيلىكتەن ارىلتۋدىڭ ۇلكەن حيكاياسى جازىلعاندىعىن كوردى.

  اۋا رايى بىرتىندەپ جىلىندى، حوتان ايماعى قاراقاش اۋدانىنىڭ ەگىنشىسى اركىن جالامدين ەگىستىك جەرىندە قاربالاستىققا ءتۇستى. كورشىسىنىڭ اۋلانى وزگەرتۋ ارقىلى يگىلىككە كەنەلگەندىگىن كورىپ قىزىققان ول بيىل بوساتىپ شىعارعان جارتى مۋ جەرىنە كوكونىس جانە ءجۇزىم ەگۋدى ويلاستىرىپتى. ”وتباسىمىز بويىنشا جاس كوكونىس تۇتىنىپ قالماستان، قالعانىن ساتىپ اقشاعا “ اينالدىرامىز.

  ”بۇرىندارى كوپتەگەن شارۋالاردىڭ اۋلاسىنداعى جەر نەگىزىنەن بوس قالىپ، وعان ۇساق - تۇيەك زاتتارىن جيناپ قوياتىن، كورىنىسكە ىقپال ەتىپ قانا قالماستان، بايلىقتى دا ىسىراپ ەتەتىن“، - قاراقاش اۋدانى پۇرشاقشى اۋىلى دوڭاچما قىستاعىندا تۇراتىن قىزمەت اترەتىنىڭ ورىنباسار باستىعى اركىن احمەت ءسوزىن جالعاپ بىلاي دەدى: اۋلانى وزگەرتكەننەن كەيىن، شارۋالاردىڭ كىرىسى ارتتى، اۋلا تازارىپ، تۇرمىس ساپاسى دا اناعۇرلىم جاقساردى.

  دوڭاچما قىستاعى وڭتۇستىك شينجياڭداعى تيپتىك اۋىر كەدەي قىستاق، ادام باسىنا تۋرا كەلەتىن ەگىستىك جەر 6.0 مۋ عانا. اۋلا شارۋاشىلىعىن جاقسى ىستەۋ ءۇشىن قاراقاش اۋدانى وسى اۋىل - قىستاقتاردا ”ءۇش اۋماقتى’تۇرعىندار اۋماعى، ەگىستىك اۋماق، باعىمشىلىق اۋماق‘ ءبولۋ“ فورماسىنان پايدالانىپ، 128 مىڭ شارۋا وتباسىنىڭ اۋلاسىن وزگەرتىپ، اۋلا جەرىنەن 39 مىڭ مۋ جەردى بوساتىپ شىعاردى.

  45 جاستاعى ءابيبا مامەتيمىننىڭ كۇيەۋى سىرتقا شىعىپ جۇمىس ىستەيدى، ءوزى جىل بويى ۇيدە بوس وتىرادى. اۋلانى وزگەرتكەننەن كەيىن ءابيبا دا كىرىس كىرگىزىپ، ونى وتباسىنا پايدالاندى. ول جارتى مۋعا جەتپەيتىن ەگىستىك جەرىنە ءۇزىم سورەسىن قۇرىپ، ورتاسىنان سۋلياۋ جارعاق جابىلعان 8 قاتار قىر جاسادى. ”كۇن بىراز جىلىنعاننان كەيىن، سيىر بۇرشاق، قىزاناق ەگىپ، قىستاقتا تۇراتىن قىزمەت اترەتى بايلانىس جاساعان كوكونىس تولايىم ساتۋ بازارىنا ساتۋدى ويلاستىرىپ وتىرمىن“، - دەيدى ول.

  ونىڭ كونە قورادان وزگەرتىپ جاساعان قويان باعۋ ۇيىندە 300 نەشە قويان اسىر سالىپ ءجۇر. ”اۋىلداعى ءبىر كاسىپورىن كوجەكپەن، جەم - شوپپەن جانە تەحنيكالىق قىزمەت وتەۋمەن تەگىن قامدايدى، مەن ايىنا قويان باعۋ ۇيىنە كەتەتىن 15 يۋان اينالاسىنداعى سۋ، توك اقىسىن تاپسىرسام بولعانى“، - دەدى ءابيبا، بيىل 2 - ايدىڭ سوڭىندا 1 - توپتاعى قوياندار ساتىلىپ، ودان 2000 يۋاننان استام كىرىس تاپتى.

  اۋلا شارۋاشىلىعىمەن سايكەستىرىلگەن”كاسىپورىن ’كووپەراتيۆ‘+ شارۋا وتباسى“ ءوندىرىس تيجاراتى فورماسىنىڭ ارقاسىندا، شارۋالار وتباسى ءوندىرۋ، وڭدەۋ، ساتۋ سياقتى تۇتاس كاسىپ تىزبەگىنىڭ پايداسىن كوردى.

  ”ءوز ءۇيىمنىڭ اۋلاسىندا كوكونىس ەگۋ، قويان باعۋ توتەنشە جاقسى شىعار جول بولدى“دەدى ءابيبا، - قويان باعۋدىڭ وزىندىك قۇنى تومەن، تەحنيكامەن قامتاماسىز ەتىلەدى، ساتۋ جولى بار، ورتا ەسەپپەن 45 كۇندە ساتۋعا بولادى، جىلدىق كىرىسى 16 مىڭ يۋانعا جەتەدى.

  ”اۋلا باعىمشىلىعىن، ەگىنشىلىگىن دامىتۋ ءاربىر وتباسى كىرىسىن ورتا ەسەپپەن 600 يۋاننان استام ارتتىردى، بۇل بۇقارانىڭ ءوندىرىس، تۇرمىس شارت - جاعدايىن جاقسارتىپ قانا قالماستان، تۇرمىستاعى ناشار ادەتتەردى الاستاپ، اۋرۋدان ءونىمدى ساقتانىپ، وركەنيەتتى، ساۋ - سالامات تۇرمىس ءتاسىلىن قالىپتاستىردى“ دەدى اركىن احمەت، - جەرگىلىكتى ورىن كەدەي وتباسىلارىنىڭ اۋلاسىن وزگەرتىپ، پايدالانۋ سالىستىرماسىن جوعارىلاتىپ، كىرىستەرىن ارتتىرۋعا شابىتتاندىرۋ ءۇشىن اۋلاسىن وزگەرتىپ بولعان كەدەي وتباسىلارىنا جالپى 140 مىڭ يۋان قوسىمشا قاراجات تاراتتى، وسىلايشا، كەدەي وتباسىلارىنىڭ اۋلاسىن وزگەرتۋ بەلسەندىلىگى ايتارلىقتاي جوعارىلادى.

  ءتىلشىنىڭ اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋىنشا، 2015 - جىلدان باستاپ شينجياڭ جالپى 170 ميلليون يۋان تياناقتاندىرىپ، وڭتۇستىك شينجياڭداعى 4 ايماق - وبلىستاعى 33 كەدەي اۋداندا (قالا)، 300 نەشە اۋىل - قالاشىقتا، 800دەن استام قىستاقتا اۋلا شارۋاشىلىعى نىسانىن اتقارىپ، اۋىل شارۋاشىلىق كاسىپ سالاسى ارقىلى كەدەي شارۋالاردىڭ كىرىسىن ارتتىرۋىنا دەم بەرەتىن، ونى ىلگەرىلەتەتىن جاڭا تۇعىردى العاشقى ادىمدا قۇرعان، سونىمەن بىرگە، كەدەي وتباسىلارىنىڭ ءوزىن دامىتۋىنىڭ باياندى مەحانيزمىن قالىپتاستىرعان. قازىر كەدەي وتباسىلارىنىڭ ءار 1000 يۋان كىرىسىنىڭ 100 − 150 يۋانى اۋلا شارۋاشىلىعىنان كەلەدى ەكەن.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ادام مەن تابيعاتتىڭ جاراسىمدى داستانىن جازدى
  • قالاسى كوركەم، حالقى باي جاڭا كارتينانى كەستەلەدى
  • ءشول دالادان «جاسىل قورعان» تۇرعىزدى
  • ءشول دالا جاسىل جەلەك جامىلدى
بىزبەن بايلانىس جارناما قىزمەتى لەبىز قالدىرۋ ءبىز تۋرالى