تيانشان تورى
تيانشان تورى   ›   ۇيرەنۋ   ›   شولۋ

باس شۋجيدىڭ تاپسىرماسىن ەستە بەرىك ساقتاپ، جاڭا ءداۋىردىڭ تاماشا داستانىن جازايىق

  ۋاقىت، قاشاندا كەيبىر ماڭىزدى كەزەڭدەردە العا باسۋدىڭ باعدارىن بەلگىلەپ، اتويلاي ۇمتىلۋدىڭ كۇشىن تۋىنداتادى.

  2 جىلدىڭ الدىنداعى وسى كۇندە، باس شۋجي شي جينپيڭ 12 - كەزەكتى مەملەكەتتىك حالىق قۇرىلتايىنىڭ 5 - ماجىلىسىندەگى شينجياڭ ۋاكىلدەر ۇيىرمەسىنىڭ تالقىسىنا قاتىناسىپ، ءار ۇلت ۋاكىلدەرىمەن شىنايى پىكىر اۋىستىرىپ، مەملەكەت ءىسىن بىرگە اقىلداستى، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات − شادىمان تىرشىلىك ەتەتىن جۇڭگوشا شينجياڭ قۇرۋعا قۇلشىنۋدى باسا دارىپتەدى.

  شينجياڭنىڭ ورنىقتىلىعىنىڭ، دامۋىنىڭ شەشۋشى كەزىندە، باس شۋجي شي جينپيڭنىڭ ماڭىزدى ءسوزى وسىناۋ جەرگە دەگەن تەرەڭ قامقورلىققا جانە ءار ۇلت حالقىنا دەگەن قويۋ سۇيىسپەنشىلىككە تولى بولدى. باس شۋجيدىڭ حالىققا جاناسىمدى ستيلى، حالىقتىڭ قامىن ويلاعان ىقىلاسى تيانشان ۇلاندارىنىڭ جۇرەگىن جىلىتتى، باس شۋجيدىڭ ىقىلاستى تالىمدەرى، شىنايى تاپسىرمالارى ءار ۇلت كادرلارى مەن بۇقارانىڭ كوڭىل تۇكپىرىنە تەرەڭ ۇيالادى. 2 جىلدان بەرى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، اۆتونوميالى رايوندىق پارتكوم مەن ۇكىمەت 20 ميلليوننان استام ءار ۇلت كادر - جۇرتشىلىعىن باستاپ، باس شۋجي شي جينپيڭنىڭ ماڭىزدى ءسوزىنىڭ رۋحىن باتىل دايەكتىلەندىرىپ، تياناقتاندىرىپ، العان بەتىنەن قايتپايتىن باتىلدىقپەن، قايتپاس قاجىرلىلىقپەن رەفورماداعى، دامۋداعى، ورنىقتىلىقتاعى ءبىرسىپىرا قيىن ماسەلەلەردى شەشىپ، شينجياڭ قىزمەتىنىڭ تىڭ جاعدايىن اشتى.

  قوعام ورنىقتىلىعى مەن باياندى تىنىشتىق باس نىساناسى شينجياڭنىڭ بارلىق قىزمەتىنىڭ كوزدەۋ ءتۇيىنى جانە كۇش سالۋ ءتۇيىنى. باس شۋجي شي جينپيڭنىڭ ماڭىزدى ءسوزىنىڭ رۋحىن دايەكتىلەندىرۋدىڭ، تياناقتاندىرۋدىڭ تەتىگى نازاردى باس نىساناعا شوعىرلاندىرۋدا، باس نىسانانى تياناقتاندىرۋدا. 2 جىلدان بەرى، اۆتونوميالى رايوندىق پارتكوم جانە ءار دارەجەلى پارتيا ۇيىمدارى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىمەن، اسىرەسە، قوعام ورنىقتىلىعى مەن باياندى تىنىشتىق باس نىساناسىمەن باتىل بىرلىككە كەلتىرىپ، ”ءتورت تانىم“دى مىقتاپ ورناتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، ەش بۇلجىماستان نازاردى باس نىساناعا شوعىرلاندىرىپ، كەشەندى شارالاردى ويداعىداي اتقارىپ، شينجياڭدا جالپى جاعداي ورنىقتى، اۋقىمى مەڭگەرىمدى، بەتالىسى جاقسارعان كۇي جارىققا شىعىپ، باياندى تىنىشتىققا ىقپال جاسايتىن تەرەڭ قاتپارلى ماسەلەلەردى تۇبىرىنەن شەشۋ ءۇشىن تاماشا نەگىز قالادى.

  شينجياڭ قىزمەتىن ويداعىداي ىستەۋدە ورنىقتىلىق پەن دامۋدىڭ قاتىناسىن، ءسوز جوق، جاقسى ءبىر جايلى ەتۋ كەرەك، ورنىقتىلىق − دامۋدىڭ شارتتى نەگىزى، دامۋ − ورنىقتىلىقتىڭ پارمەندى كەپىلى. ورنىقتىلىقتىڭ پايداسىنىڭ ۇزدىكسىز جارىققا شىعۋى شينجياڭنىڭ جوعارى ساپالى دامۋىن جەبەۋگە تاماشا ورتا جاراتتى. 2 جىلدان بەرى شينجياڭ جاڭا دامۋ ۇستانىمىن دايەكتىلەندىرۋدەن جازباي، ءۇش ءىرى قامال الۋ شايقاسىن باتىلدىقپەن ويداعىداي جۇرگىزىپ، ”1 + 3 + 3 + رەفورما جاساۋ، ەسىك اشۋ“ قىزمەت ورنالاستىرۋىن تىڭعىلىقتى ىلگەرىلەتىپ، ەكونوميكانىڭ جوعارى ساپالى دامۋىن جەبەدى. شينجياڭ دالاسىنا كوز جىبەرسەك، كەدەيلىكتەن ارىلتۋدان قامال الۋدىڭ شەشۋشى شايقاسىندا باتىلدىقپەن جەڭىسكە جەتۋ − تيانشاننىڭ تۇستىگى مەن تەرىستىگىندەگى ايبىندى جارناما بولدى؛ ”كوك اسپان، جاسىل مانات، تۇنىق سۋى بار كوركەم شينجياڭ“دى قۇرۋ − ءار ۇلت جۇرتشىلىعىنىڭ ورتاق تىلەگىنە اينالدى؛ جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىنىڭ قادامى ەكپىندەي ءتۇستى؛ اۋىل - قىستاقتى گۇلدەندىرۋ ستراتەگياسى ىشكەرىلەي ىلگەرىلەۋدە؛ شينجياڭدى ساياحات ارقىلى گۇلدەندىرۋ ستراتەگياسى بار كۇشپەن اتقارىلۋدا؛ رەفورمانى ۇزدىكسىز تەرەڭدەتۋ، ەسىكتى ونان ارى ايقارا اشۋ ەكونوميكانىڭ، قوعامنىڭ دامۋ ومىرشەڭدىگىن ۇزدىكسىز كۇشەيتتى. شينجياڭ ورنىقتىلىقتىڭ، دامۋدىڭ قوس ونىمدىلىگىن، قوس جەڭىسىن جۇزەگە اسىرۋعا قۇلشىنۋ جولىندا نىق قاداممەن العا ىلگەرىلەۋدە.

  حالىقتىڭ قاجەتى ۇكىمەتتىڭ قۇلشىنۋ بەتالىسى. حالىقتىڭ ىرىس - قۇتىن ارتتىرۋ − دامۋدىڭ ءتۇبىرلى ماقساتى. 2 جىلدان بەرى، اۆتونوميالى رايوندىق پارتكوم حالىقتى وزەك ەتكەن دامۋ يدەياسىنا تاباندى بولىپ، شينجياڭدى ورنىقتىرۋ، شينجياڭدا تىنىشتىق ورناتۋ ستراتەگيالىق تۇرعىسىن شىعار ءتۇيىن ەتىپ، جۇمىسقا ورنالاستىرۋ، وقۋ - اعارتۋ، ەمدەۋ، قوعامدىق قامتاماسىزداندىرۋ سياقتى ءار ۇلت جۇرتشىلىعىنىڭ كوكەي تەستى ماسەلەلەرىن مىقتاپ ارقاۋ ەتىپ، حالىققا تيىمدىلىك جاساۋدىڭ 9 ءىرى ينجەنەرياسىن ۇزدىكسىز ىلگەرىلەتىپ، ءار ۇلت جۇرتشىلىعىنا پارتيانىڭ قامقورلىعىن جانە وتان ۇلى شاڭىراعىنىڭ جىلۋىن سەزىندىردى. سونىمەن قاتار، كەدەيلەردى دالمە - ءدال سۇيەمەلدەۋدى، كەدەيلىكتەن دالمە - ءدال ارىلتۋدى جاپپاي ىلگەرىلەتىپ، وڭتۇستىك شينجياڭداعى كەدەي وڭىرلەردى كەدەيلىكتەن ارىلتۋدان قامال الۋدىڭ نەگىزگى شايقاس مايدانى ەتىپ، ەڭ مىعىم كۇشپەن شايقاسقا اتتانىپ، شەشۋشى جەڭىسكە جەتىپ، بۇكىل ەلمەن بىرگە جاپپاي دوڭگەلەك داۋلەتتى قوعامعا جەتۋدى جۇزەگە اسىرۋ ءۇشىن قاجىماي - تالماي قۇلشىنۋ كەرەك.

  ۇلتتار ىنتىماعى − ءار ۇلت حالقىنىڭ جان تامىرى، شينجياڭنىڭ دامۋىنىڭ، العا باسۋىنىڭ ءتۇبىرلى ىرگە تاسى، سونىمەن بىرگە ءبىر ميلليارد 400 ميلليونعا جۋىق جۇڭگو حالقىنىڭ ورتاق تىلەگى. 2 جىلدان بەرى، شينجياڭداعى ءار ۇلت كادر - جۇرتشىلىعى باس شۋجي شي جينپيڭنىڭ ءتالىمىن ەستە بەرىك ساقتاپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتتى. تۇتاس رايونىمىزداعى ءبىر ميلليون 120 مىڭ كادر - قىزمەتشى مەن ءبىر ميلليون 690 مىڭ وتباسىنداعى ءار ۇلت نەگىزگى ساتى جۇرتشىلىعى قانداس تۋىستاردان ارمان جاقىنعا اينالىپ، بارىس - كەلىس بارىسىندا تۇسىنىستىكتەرىن ارتتىرىپ، سۇيىسپەنشىلىكتەرىن تەرەڭدەتىپ، قول ۇستاسا سەلبەسۋ بارىسىندا، جۇڭحۋا ۇلتى ورتاق تۇلعا تانىمىن ونان ارى بەكەمدەدى. قازىر ءار ۇلت جۇرتشىلىعى اناردىڭ دانىندەي تىعىز ۇيىسىپ، شينجياڭنىڭ بايتاق دالاسىنداعى ەڭ كوركەم كورىنىستى قالىپتاستىرىپ، ۇلتتار ىنتىماعى گۇلى تيانشاننىڭ تۇستىگى مەن تەرىستىگىندە ماڭگى سولماي قۇلپىردى.

  ”كوكتەم سامالى ەسىپ، بۇتاقتار بۇرشىك اشتى“، تاعى دا ءبىر كوكتەم كەلدى. جاڭا ءداۋىردىڭ كوكتەمىنە اياق باسقان شينجياڭداعى ءار ۇلت ۇلاندارى باس شۋجي شي جينپيڭنىڭ تاپسىرماسىن ەستە بەرىك ساقتاپ، ءبىر نيەتپەن ىنتىماقتاسىپ، ەكپىندەي العا ىلگەرىلەتىپ، قۇلشىنا ۇمتىلىپ، جۇرەكتىلىكپەن ارمانعا قۇلاش سەرمەپ، وتانىمىزدىڭ شينجياڭىن ءتىپتى دە كوركەم ەتىپ قۇرىپ شىعۋ ءۇشىن قاجىماي - تالماي كۇرەس جاسايدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.