تيانشان تورابى   ›   جاڭالىقتار   ›   ەل ءىشى حابارى

ساياسي كەڭەس 13 - كەزەكتى كوميتەتىنىڭ 2 - ءماجىلىسى ەكىنشى جالپى جيىنىن وتكىزدى

ۋاڭ ياڭ قاتىناستى

  شينحۋا اگەنتتىگىنىڭ 3 - ايدىڭ 9 - كۇنى بەيجيڭنەن بەرگەن حابارى (تىلشىلەر جاڭ شۇيدۇڭ، لين حۇي، ليۋ حۇي). مەملەكەتتىك ساياسي كەڭەس 13 - كەزەكتى كوميتەتىنىڭ 2 - ءماجىلىسى 3 - ايدىڭ 9 - كۇنى تۇستەن كەيىن حالىق سارايىندا ەكىنشى جالپى جيىنىن وتكىزدى. 14 مۇشە ەكونوميكالىق قۇرىلىس جانە ەكولوگيالىق وركەنيەت قۇرىلىسى توڭىرەگىندە جارىس سوزگە شىقتى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ جيىنعا قاتىناستى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى حۋ چۇنحۋا، سونداي - اق جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ قاتىستى تاراۋلارىنىڭ جاۋاپتىلارى جيىنعا قاتىناسىپ، جارىس ءسوزدى تىڭدادى.

  مۇشە ياڭ ۋيمين ءسوز سويلەپ بىلاي دەدى: كەزەكتە ەلىمىزدىڭ ەكونوميكاسى جالپى جاقتان ورنىقتى، ورنىقتىلىق بارىسىندا وزگەرىس بار، وزگەرىس بارىسىندا ۋايىم بار، ەكونوميكا قۇلدىراۋ قىسىمىنا ءدوپ كەلگەنىمەن، ەلىمىز ەكونوميكاسىنىڭ ۇزاق ۋاقىت جاقسارۋداي نەگىزگى جاعدايى وزگەرگەن جوق. جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعى، بازار نەگىزگى تۇلعاسىنىڭ تىنباي جاڭالىق اشۋى، سان ميلليونداعان حالىقتىڭ ورتاق قۇلشىنىسى تۇرعاندا كوز الداعى قيىنشىلىقتى جەڭەمىز، بولاشاعىمىز، ءسوزسىز، جارقىن بولادى.

  مۇشە لين يفۋ پارتيادا، توپتا جوق قايراتكەرلەر اتىنان ءسوز سويلەگەندە بىلاي دەدى: كەزەكتە دۇنيە ءجۇزى 100 جىلدا كەزدەسپەگەن ۇلكەن وزگەرىسكە ءدوپ كەلدى، ءارقانداي وزگەرىستىڭ بارلىعىندا ”قاتەر“ مەن ”وراي“ قاتار ءومىر سۇرەدى، ۇيلەسىمدى توتەپ بەرەتىن بولساق، جۇڭحۋا ۇلتىنىڭ ۇلى گۇلدەنۋىنە كەلەلى وراي اكەلەدى. ەڭ ماڭىزدىسى، ءوز قىزمەتىمىزدى ويداعىداي ىستەپ، تاباندىلىقتى ساقتاپ، نەگىزگى قايشىلىقتى يگەرىپ، رەفورمانىڭ قامال الۋ ءتۇيىنىن ءدال تاۋىپ، جۇڭگو ەكونوميكاسىنىڭ جوعارى ساپالى دامۋدى جۇزەگە اسىرۋىن تاباندىلىقپەن ىلگەرىلەتۋىمىز كەرەك.

  مۇشە چىن جىليە مەملەكەتتىك ساۋدا - ونەركاسىپشىلەر بىرلەستىگى اتىنان ءسوز سويلەگەندە، بىلاي دەدى: باس شۋجي شي جينپيڭنىڭ حالىقتىق كاسىپورىنداردىڭ اڭگىمە ماجىلىسىندە سويلەگەن ءسوزى حالىقتىق كاسىپورىنشىلاردىڭ ”كوڭىلىن ورنىقتىرىپ“، حالىقتىق كاسىپورىنشىلاردىڭ سەنىمىن اناعۇرلىم بەكەمدەدى، كاسىپورىنداردىڭ دامۋ بەتالىسىن اناعۇرلىم ايقىندادى، ۇكىمەت پەن ساۋدا قاتىناسىن اناعۇرلىم جاقىنداتتى، كىرشىكسىزدەندىردى. حالىقتىق كاسىپورىندار ورايدى يگەرىپ، اۋقىمعا قاراي ىلگەرىلەپ، كاسىپورىنداردى كۇشەيتىپ، ساپالىلاندىرىپ، باياندى دامىتىپ، اناعۇرلىم كەڭ ورىسكە بەت الۋ كەرەك.

  مۇشە چىن شۋاڭ ءسوز سويلەپ بىلاي دەدى: حالىقتىق كاسىپورىندار جاڭا داۋىردە تاعى دا جاڭا ەڭبەك كورسەتۋ كەرەك، حالىقتىق كاسىپورىنشىلار جاڭالىق اشۋشى، كۇرەس جاساۋشى بولۋ كەرەك. حالىقتىق كاسىپورىندار جولىققان قيىنشىلىق − دامۋ بارىسىنداعى قيىنشىلىق، جەتىلۋ بارىسىنداعى مازاسىزدىق، سىن - سايىس بارىسىنان جاڭا ورايدى بايقاپ جانە يگەرىپ، قۇلشىنىس ارقىلى اناعۇرلىم زور دامۋدى جۇزەگە اسىرۋ كەرەك.

  مۇشە داي بەيفاڭ ءسوز سويلەپ بىلاي دەدى: دامۋعا جاڭالىق اشۋ ارقىلى دەم بەرۋ ستراتەگياسىن كۇش سالا اتقارىپ، تابىسقا تالپىناتىن، ساتسىزدىككە كەڭ پەيىلدىلىك تانىتاتىن گۋمانيتارلىق ورتا، پارمەندى دە ءونىمدى ساياسات ورتاسىن، ءادىل باسەكەلەسەتىن بازار ورتاسىن، ءتۇرلى دارىندىلار اعالاپ العا شىعاتىن ءوسىپ - جەتىلۋ ورتاسىن، ومىرشەڭدىك كۇشكە تولى جالپىلىق جاڭالىق اشاتىن ەكولوگيالىق ورتا قالىپتاستىرۋ كەرەك.

  مۇشە لي شىجيە جۇڭگو دەموكراتيالىق مەملەكەت قۇرۋ قوعامى ورتالىق كوميتەتى اتىنان ءسوز سويلەگەندە بىلاي دەدى: جاڭا، كونە قوزعاۋشى قۋاتتار اۋىسۋ بارىسىندا كاسىپورىندار ءدوپ كەلىپ وتىرعان جولعا يەك سۇيەپ، ”بۇرىلىس جاساۋدى قالاماۋ“، جاڭالىق اشۋدان قورقىپ، ”بۇرىلىس جاساۋعا باتىلدىق ەتپەۋ“، ناقتى قۋات جەتپەي، ”بۇرىلىس جاساي الماۋ“ ماسەلەسىنە مەڭزەس، مەملەكەت ساياساتى قولداۋىن ارتتىرۋ، جاڭالىق اشۋ تۇعىرىن كۇشەيتۋ، عىلىم - تەحنيكا دارىندىلارىمەن قامتاماسىز ەتۋ، ءبىلىم مەنشىك ۇقىعىن قورعاۋ سىندى 4 جاقتان شوعىرلى كۇش سالىپ، كاسىپورىندار نەگىزگى تۇلعالارىنىڭ جاڭالىق اشۋ ومىرشەڭدىك كۇشىن تاسقىنداتۋ كەرەك.

  مۇشە گى حۇڭلين ءسوز سويلەپ بىلاي دەدى: ”تۇرالاعان كاسىپورىن“دار ەلىمىزدىڭ جاڭا، كونە قوزعاۋشى قۋاتتار اۋىسۋىنداعى تالماۋ جەرى جانە ەكونوميكانىڭ تيبىن وزگەرتىپ، دارەجەسىن كوتەرۋدەگى قيىن ءتۇيىنى. ”تۇرالاعان كاسىپورىن“داردى ءبىر جايلى ەتۋدە مۇددەدەن كەشۋ قيىن بولۋ، جەردى ءبىر جايلى ەتۋ قيىن بولۋ، جۇمىسشى - قىزمەتشىلەردى ورنالاستىرۋ قيىن بولۋ سىندى 3 كەدەرگى ءومىر ءسۇرىپ وتىر، ءسوز جوق، تەگەۋرىندى كۇشپەن قۋزاۋشىلىق - جەتەكشىلىك ەتىپ، كوپ ءتۇرلى شارالارمەن قاتار شەشۋ كەرەك.

  مۇشە حۋاڭ شيان - ياۋ سوزىندە بىلاي دەدى: كەدەيلىكتەن ارىلتۋدان قامال الۋ شەشۋشى كەزەڭگە ءوتتى، ارحيۆ تۇرعىزىلىپ، كارتچكالاندىرىلعان وتباسىلارى مەن ارحيۆ تۇرعىزىلماي، كارتچكالاندىرىلماعان وتباسىلارى سياقتى ”6 جۇپ قاتىناس“تى ويداعىداي ءبىر جاقتى ەتۋگە ءمان بەرۋ، تەك ارحيۆ تۇرعىزىلىپ، كارتچكالاندىرىلعان وتباسىلارىنا عانا كومەكتەسۋگە - سۇيەمەلدەۋگە باسا نازار اۋدارۋ سياقتى ”6 ءتۇرلى بەيىمدەلۋ“دەن ساقتانۋ، كەدەيلەردى سۇيەمەلدەۋ ناتيجەسىن اناعۇرلىم بەكەمدەۋ، كەدەيلەردى سۇيەمەلدەۋ ساپاسىن اناعۇرلىم جوعارىلاتۋ كەرەك.

  مۇشە ليۋ يۇڭحاۋ ءسوز سويلەپ بىلاي دەدى: اۋىل - قىستاقتى گۇلدەندىرۋدى جۇزەگە اسىرۋدا كاسىپ سالاسىن گۇلدەندىرۋ − ءتۇيىن. بايلىقتىڭ ۇيىسۋىنا، كاپيتالدىڭ اۋىسۋىنا، اۋىل شارۋاشىلىعىنىڭ كۇشەيۋىنە، اۋىل - قىستاقتىڭ كورىكتەنۋىنە، دارىندىلاردىڭ كوبەيۋىنە مۇمكىندىك جاساپ، اۋىل - قىستاق كاسىپ سالاسىنىڭ توعىسا دامۋىن جەدەل ىلگەرىلەتىپ، اۋىل - قىستاقتى گۇلدەندىرۋ كاسىپ سالاسىنىڭ نەگىزىن بەكەمدەۋ كەرەك.

  مۇشە جياڭ زوجۇن ادىلەت پارتياسى ورتالىق كوميتەتى اتىنان ءسوز سويلەگەندە بىلاي دەدى: چيڭحاي - شيزاڭ ءۇستىرتى ەلىمىزدىڭ ماڭىزدى ەكولوگيالىق حاۋىپسىزدىك قالتقىسى، جۇڭحۋا ۇلتى ەرەكشە مادەنيەتىنىڭ ماڭىزدى قورعاۋ ورنى. ەكولوگيالىق حاۋىپسىزدىكتى عىلمي زەرتتەۋدى، جالپىلىق باقىلاۋ جۇيەسىن جانە قابىلەت قۇرىلىسىن، اپات حاۋىپ - قاتەرىن باعالاۋدى، تۇجىرىمداۋدى كۇشەيتىپ، قولداۋ تەبىنىن ارتتىرىپ، چيڭحاي - شيزاڭ ءۇستىرتىنىڭ اۋەلگى ەكولوگيالىق قورشاعان ورتاسىن ويداعىداي قورعاۋ كەرەك.

  مۇشە ياڭ شۋبياۋ ءسوز سويلەپ بىلاي دەدى: تۇنىق سۋ، جاسىل تاۋ كۇتىپ وتىرۋدان كەلمەيدى، ىستەۋدەن كەلەدى. ”ءماجىلىس عانا اشاتىن، ۇران عانا سالاتىن“ فورماشىلدىقپەن اينالىسۋعا بولمايدى، ءسوز جوق، بىلەك ءتۇرىپ تاستاپ قايراتتانا ىستەۋ، باتىلدىقپەن، تاباندىلىقپەن اتقارىپ، جان قيارلىقپەن ىستەۋ، بۇقارانىڭ اقىل - پاراساتى مەن كۇش - قۋاتىن توپتاپ بىرگە ىستەۋ، ماڭداي تەردى توگىپ، ناقتاپ ىستەۋ ارقىلى كورىكتى جۇڭگونىڭ جاڭا كارتيناسىن كەستەلەۋ كەرەك.

  مۇشە لان فىڭحۇي ءسوز سويلەپ بىلاي دەدى: سالىقتى ازايتۋ، اقىنى تومەندەتۋ كۇردەلى جۇيە ينجەنەرياسى، ”سالىقتى ازايتۋ“دا قاي دەڭگەيگە دەيىن ازايتامىز، ”اقىنى تومەندەتۋ“دە قانشالىق تومەندەتەمىز، مۇندا مەملەكەتتىڭ قاجەتى مەن كاسىپورىننىڭ ءومىر سۇرۋىنە، دامۋىنا تەڭ ءمان بەرۋ، ەل ءىشى مەن حالىقارالىق ەكونوميكالىق جاعدايعا تەڭ ءمان بەرۋ كەرەك. سالىقتى ازايتۋدىڭ، اقىنى تومەندەتۋدىڭ سايكەستى ساياساتتارىن كەمەلدەندىرىپ، وندىرگىش كۇشتى ازات ەتۋ مەن دامىتۋعا، بايلىقتىڭ جايعاسۋىن ساپالىلاندىرۋعا ماڭىزدى كەپىلدىك ازىرلەۋ كەرەك.

  مۇشە حۋ شياۋليان ءسوز سويلەپ بىلاي دەدى: ەلەۋلى حاۋىپ - قاتەرلەردەن ساقتانۋ جانە ونى جويۋ − كەزەكتەگى فينانس قىزمەتىندەگى ماڭداي الدى ءىرى ءىس. فينانس حاۋىپ - قاتەرىنەن ساقتانۋعا جانە ونى جويۋعا ءتيىمدى ماكرولىق ورتانى قالىپتاستىرۋ، قورعاۋ، حاۋىپ - قاتەردەن ساقتانۋ مەن ارتۋدى ورنىقتىرۋ قاتىناسىن ويداعىداي تەڭگەرۋ، ساياساتتىق كەشەندى شارانى ويداعىداي اتقارۋ سىندى 5 جاقتان ىسكە كىرىسىپ، وسى قيان - كەسكى شايقاستى ويداعىداي جۇرگىزۋ كەرەك.

  مۇشە لي داۋكۇي ءسوز سويلەپ بىلاي دەدى: ەلىمىز ءالى دە ماڭىزدى ستراتەگيالىق وراي مەزگىلىندە تۇر، سابىرلى، اشىق - جارقىن كوڭىل كۇيمەن سىن - سايىسقا ۇيلەسىمدى توتەپ بەرىپ، كۇرەسكەرلەردى قولداپ، جاڭالىق اشۋشىلاردى ىنتالاندىرىپ، جاۋاپكەرشىلىك ارقالاۋشىلاردى قورعاپ، ۇلەسكەرلەردى ۇگىتتەپ، ەكونوميكالىق دامۋدىڭ ”تۇعىر“ىن كۇشەيتىپ، زورايتىپ، رەفورما جاساۋدى، ەسىك اشۋدى اناعۇرلىم باتىل تۇردە ىلگەرىلەتىپ، جۇڭگونىڭ ەكونوميكالىق دامۋىنىڭ اناعۇرلىم جارقىن بولاشاعىن اشۋ كەرەك.

  جيىندى لياڭ جىنيىڭ باسقاردى. ءماجىلىستىڭ اتقارۋشى ءتوراعالارى مىنالار: جاڭ چيڭلي، ۋاڭ جىڭۋي، لياڭ جىنيىڭ، ياڭ چۋانتاڭ، ۋاڭ يۇڭچيڭ، گۋ شىڭزۋ، حى ۋي.

  مەملەكەتتىك ساياسي كەڭەستىڭ ورىنباسار ءتوراعالارى ليۋ چيباۋ، پابالا گىلەلاڭجيە، ۋان گاڭ، حى حوۋحۋا، لۋ جانگۇڭ، ما بياۋ، چىن شياۋگۋاڭ، شيا باۋلۇڭ، لي بين، باتىر، حى ليفىڭ، سۋ حۇي، جىڭ جيانباڭ، ليۋ شينچىڭ، شاۋ حۇڭ، گاۋ يۇنلۇڭ جيىنعا قاتىناستى.

  مەملەكەتتىك ساياسي كەڭەس 13 - كەزەكتى كوميتەتى 2 - ءماجىلىسىنىڭ جينالىس ءسوزى جالپى 3 مايدان ورنالاستىرىلدى، 3 - ايدىڭ 9 - كۇنى العاشقى جينالىس ءسوزى وتكىزىلدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى