تيانشان تورابى   ›   جاڭالىقتار   ›   ەل ءىشى حابارى

ساياسي كەڭەس 13 - كەزەكتى كوميتەتىنىڭ 2 - ءماجىلىسى ءۇشىنشى جالپى جيىنىن وتكىزدى

ۋاڭ ياڭ قاتىناستى

   شينحۋا اگەنتتىگىنىڭ 3 - ايدىڭ 10 - كۇنى بەيجيڭنەن بەرگەن حابارى (تىلشىلەر جاڭ شۇيدۇڭ، لين حۇي، ليۋ حۇي). مەملەكەتتىك ساياسي كەڭەس 13 - كەزەكتى كوميتەتىنىڭ 2 - ءماجىلىسى 3 - ايدىڭ 10 - كۇنى تۇستەن كەيىن حالىق سارايىندا ءۇشىنشى جالپى جيىنىن وتكىزدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ جيىنعا قاتىناستى. 15 مۇشە مادەنيەت قۇرىلىسى جانە قوعامدىق قۇرىلىس توڭىرەگىندە جارىس ءسوز سويلەدى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت شۋجيچۋىنىڭ شۋجيى، ورتالىق كوميتەت ۇگىت ءبولىمىنىڭ باستىعى حۋاڭ كۇنميڭ، سونداي - اق جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ قاتىستى تاراۋلارىنىڭ جاۋاپتىلارى جيىنعا قاتىناسىپ، جارىس ءسوزدى تىڭدادى.

  مۇشە دىڭ چۇندۇڭ سوزىندە بىلاي دەدى: قالىڭ جاستار مەن جاس وسپىرىمدەردى دۇرىس تۇرعى، عىلمي نازاريا، وزىق وي ارقىلى قوعامدى تانۋعا، دۇنيەنى تانۋعا جەتەكتەپ، ماركسيزمدىك عىلمي نازارياعا بەرىك سەنىم ورناتىپ، وتاندى جانە حالىقتى قىزۋ سۇيەتىن، مەملەكەتكە جانە قوعامعا ۇلەس قوساتىن، جۇڭحۋا ۇلتىنىڭ ۇلى گۇلدەنۋى ءۇشىن قۇلشىنا كۇرەس جاساۋدى مۇرات تۇتاتىن وسكەلەڭ رۋح ورناتۋ، شىنايى، ىزگى، كوركەم ءومىر تالپىنىسىن ۇستانۋ، ىزگى نيەتتى، ارداقتى ادامگەرشىلىك قاسيەت سومداۋ كەرەك.

  مۇشە لۇي يتاۋ سوزىندە بىلاي دەدى: جاڭا ءداۋىر كورنەكتى ادەبيەتشىلەرگە، كوركەمونەرشىلەرگە، نازارياشىلارعا ۇندەۋ تاستاۋدا. ادەبيەت - كوركەمونەرشىلەر، ءسوزسىز، ءداۋىر بورىشىنا تاباندى بولىپ جانە ونى امالياتتا ايگىلەپ، نازاردى داۋىرگە شوعىرلاندىرۋدى، ءداۋىردى زەردەلەۋدى، ءداۋىردى بەينەلەۋدى تۋىندى جاراتۋشىلاردىڭ قىزمەت جاۋاپكەرلىگى ەتىپ، سوتسياليستىك ادەبيەت - كوركەمونەردىڭ ”حالىقشىلدىق“ رۋحىنان جازباي، حالىققا سارا تۋىندى ۇسىنىپ، تاماشا مورالمەن سالتقا جەتەكشىلىك ەتىپ، جۇڭگو حيكاياسىن ويداعىداي بايانداۋ كەرەك.

  مۇشە ياۋ ايشيڭ جۇڭگو دەموكراتيانى ىلگەرىلەتۋ قوعامى ورتالىق كوميتەتى اتىنان سويلەگەن سوزىندە بىلاي دەدى: جۋىق جىلداردان بەرى ەلىمىزدە جۇڭحۋا ۇلتىنىڭ مادەنيەت قۇن بەتالىسىن ايگىلەيتىن ءارى ءبىرشاما جوعارى كوركەمدىك دەڭگەيگە يە، كورەرمەندەر ۇناتاتىن ءبىر توپ ۇزدىك مادەنيەت ونىمدەرى جارىققا شىقتى. الايدا قازىر تاياز، كەلەكەلى، تۇرپايى، جارامساق مادەنيەت ونىمدەرىنىڭ ءالى دە بار ەكەنىن كورە بىلۋگە ءتيىستىمىز. سوندىقتان ءداستۇرلى مادەنيەتكە مۇراگەرلىك ەتۋ مەن ساۋلەلەندىرۋگە باسا ءمان بەرىپ، رەفورما جاساۋدىڭ، دامۋدىڭ ۇلى جەتىستىكتەرىن جىرلاۋعا تاباندى بولىپ، ۇزدىك مادەنيەت ونىمدەرى ارقىلى جاستار مەن وسپىرىمدەردىڭ جۇڭگوعا ىنتاسىن جەتىلدىرۋىمىز كەرەك.

  مۇشە گاۋ شياۋمەي جۇڭگو گومينداڭ توڭكەرىستىك كوميتەتى ورتالىق كوميتەتى اتىنان سويلەگەن سوزىندە بىلاي دەدى: سابيلەر تاربيەسى مەملەكەتتىڭ بولاشاعىنا قاتىستى، بالا تاربيەلەۋدەگى قوعامدىق ۋايىم الدىندا، اماناتتاپ تاربيەلەۋ جاعىنداعى قىزمەت وتەۋدىڭ ولقىلىقتارىن تولىقتاپ قانا قالماستان، ونان دا ماڭىزدىسى ونى نەگىزدىك الەۋمەتتىك قىزمەت وتەۋ جۇيەسىنە ەنگىزىپ، ءتۇزىم قۇرىلىسى تۇرعىسىنان جۇيەلى جوسپارلاپ، ىشكەرىلەي شەشۋ كەرەك. قوعامدىق اماناتتاپ تاربيەلەۋدى قولداۋ جۇيەسىن جوعارى دەڭگەيدە قايتا قۇرىپ، قوعامدىق قۇرىلىمداردىڭ ءوز ارتىقشىلىقتارىن ساۋلەلەندىرۋىنە مۇمكىندىك بەرىپ، اماناتتاپ تاربيەلەۋگە قىزمەت وتەۋدىڭ اقاۋسىز ەكولوگياسىن قالىپتاستىرۋدى ۇسىنىس ەتەمىن.

  مۇشە تيان گاڭ جۇڭگو دەموكراتيالىق وداعى ورتالىق كوميتەتى اتىنان سويلەگەن سوزىندە بىلاي دەدى: وقىتۋشى − وقۋ - اعارتۋدىڭ نەگىزى، وقۋ - اعارتۋدى گۇلدەندىرۋدىڭ قاينارى، وقىتۋشىلار قوسىنىن باسقارۋ ءتۇزىلىسى رەفورماسىن تەرەڭدەتۋ، وقىتۋشىلاردىڭ مامىلەسىن جانە قوعامدىق ورنىن كوتەرۋ، مەملەكەتتىك پەداگوگيكالىق ءتالىم - تاربيە بازاسىن قۇرۋ، اۋىل - قىستاق وقىتۋشىلار قوسىنى قۇرىلىسىن كۇشەيتۋ سياقتى 4 جاقتان وقىتۋشىلار قوسىنى قۇرىلىسىن اناعۇرلىم كۇشەيتۋ كەرەك.

  مۇشە راۋ زىحى سوزىندە بىلاي دەدى: ”عىلىم تاعانىن“ بەكەمدەپ، ەلىمىزدىڭ وزەكتى تەحنيكاداعى ”قىلقىنۋ“ ماسەلەسىن شەشۋ كەرەك. باستى دامىعان ەلدەردىڭ بارلىعى نەگىزدىك زەرتتەۋدىڭ ستراتەگيالىق ورنالاستىرۋلارىن كۇشەيتۋدە، ءبىز، ءسوزسىز، تەز ارادا نەگىزدىك زەرتتەۋدەگى ولقىلىقتاردى تولىقتاۋىمىز كەرەك. عىلىم - تەحنيكا قىزمەتكەرلەرى مەملەكەتتىڭ عىلىم نەگىزىن بەكەمدەۋ ءۇشىن كۇش شىعارىپ، جاڭالىق اشۋ ۇلگىسىندەگى مەملەكەت جانە وسىزاماندانعان قۇدىرەتتى ەل قۇرۋ نىساناسىنا قاراي ارشىندى قادام تاستاۋ كەرەك.

  مۇشە لي يانحۇڭ سوزىندە بىلاي دەدى: قازىر جاساندى زەردە دامۋدىڭ العاشقى مەزگىلىندە تۇر، الايدا، الدەقاشان اسا زور جاڭعىرتۋ كۇشىن ايگىلەدى. ءپان سالاسىن اتتاعان كاسىپتىك مامانداردى، جاساندى زەردە كاسىپورىندارىنىڭ ۋاكىلدەرىن، كاسىپتىك تۇتىنۋشىلاردى جانە الەۋمەتتى، ت.ب جاقتاردى جاساندى زەردە جۇيەسىن زەرتتەۋگە جانە جوعارى دەڭگەيدە جوبالاۋعا ۇيىمداستىرىپ، كاسىپتەردىڭ اقاۋسىز دامۋىن ىلگەرىلەتىپ، جاڭا كەزەكتەگى تەحنيكا توڭكەرىسىندە ىرىقتى ۇقىقتى مەڭگەرۋ كەرەك.

  مۇشە ۋاڭ يميڭ سوزىندە بىلاي دەدى: جۇمىستانۋ ەكونوميكانىڭ دامۋىنداعى ”ماڭداي الدى ءىرى ءىس“. ”ورنىقتى جۇمىستانۋ“ مىندەتىن ويداعىداي تياناقتاندىرىپ، نازاردى قۇرىلىمدىق جۇمىستانۋ قىسىمىنا اۋدارىپ، ءتۇيىندى وڭىرلەرگە جانە ءتۇيىندى ادام شوعىرىنا كوڭىل ءبولىپ، ءتۇيىندى كاسىپ سالالارىن جۇمىستاندىرۋمەن قولداۋدى ، ءتۇيىندى رايوندارعا جۇمىستاندىرۋمەن كومەك كورسەتۋدى، ءتۇيىندى ادام شوعىرىن جۇمىستاندىرۋمەن سۇيەمەلدەۋدى نىعايتۋ ارقىلى ساياساتتىڭ باعىتتامالىلىعىن كۇشەيتۋ كەرەك.

  مۇشە جياۋ حۇڭ جۇڭگو شارۋا - جۇمىسشى دەموكراتيالىق پارتياسى ورتالىق كوميتەتى اتىنان سويلەگەن سوزىندە بىلاي دەدى: ەلىمىزدىڭ راك اۋرۋىنان ساقتانۋىندا جانە ونى ەمدەۋىندە جالپى جاقتان تەڭسىزدىك، جەتكىلىكسىزدىك ورىن تەبۋدە، سالاماتتى جۇڭگو ستراتەگيالىق جوباسىن اتقارۋدا راك اۋرۋىن ەمدەۋدى ەڭ ماڭىزدى ءتۇيىن ەتىپ، راك اۋرۋىنان قامال الۋدىڭ مەملەكەتتىك ارەكەت جوسپارىن ۇيىمداستىرىپ، ىسكە قوسىپ، جوبانىڭ جەتەكشىلىگىن كۇشەيتىپ، قامال الۋ ءتۇيىنىن كورنەكتىلەندىرىپ، ۇيىمدىق قامتاماسىزدىقتى نىعايتىپ، راك اۋرۋىنان ساقتانۋدىڭ جانە ونى ەمدەۋدىڭ جۇڭگوشا سوتسياليزم جولىن قاراستىرۋ، اشۋ كەرەك.

  مۇشە چىن بايليڭ سوزىندە بىلاي دەدى: قارتتار قىزمەتىن ويداعىداي ىستەۋ بۇقارانىڭ باقىتىنا سايادى. قارتتاردى كۇتىمدەۋدىڭ تۇرلىشە قاجەتىنە ساي نىساناعا الىپ قىزمەت ەتىپ، قارتتاردى ۇيدە كۇتىمدەۋدىڭ ارنايىلانۋى، الەۋمەتتىك اۋماقتا قارتتاردى كۇتىمدەۋگە قىزمەت ەتۋدىڭ قولايلىلانۋى، قۇرىلىمداردا قارتتاردى كۇتىمدەۋگە قىزمەت ەتۋدىڭ ولشەمدەنۋى، قىزمەت ەتۋ قوسىنىنىڭ ماماندانۋى سياقتى شارالاردى قولدانىپ، كۇتىمدەۋدى نەگىز ەتكەن قارتتاردى نەگىزدىك كۇتىمدەۋگە قىزمەت ەتۋدى ءتۇيىندى تۇردە ويداعىداي شەشۋ كەرەك.

  مۇشە نۋو مين سوزىندە بىلاي دەدى: جۇڭگو كوممۋنيستىك پارتياسىنىڭ 18 - قۇرىلتايىنان بەرى، مەملەكەت شىعارعان ءبىرسىپىرا ەمدەۋ رەفورماسى ساياساتتارى حالىققا اناعۇرلىم كوپ ناقتى تيىمدىلىكتەر جانە باقىت اكەلدى. ۇكىمەت قىزمەتىنەن باياندامادا حالىق تۇرمىسىن اناعۇرلىم ويداعىداي قامسىزداندىرۋ جانە جاقسارتۋ جونىندە جاڭا ورنالاستىرۋ جاسالدى، وسى ورنالاستىرۋلاردى شىنايى تياناقتاندىرىپ، پارتيانىڭ حالىققا ءتيىمدى ساياتتارىن حالىققا جەتكىزۋ كەرەك.

  مۇشە شۇي شياۋ جۇڭگو كوممۋنيستىك جاستار وداعى ورتالىق كوميتەتى، مەملەكەتتىك جاستار بىرلەستىگى اتىنان سويلەگەن سوزىندە بىلاي دەدى: كاسىپتىك قامسىزداندىرۋدى كەمەلدەندىرىپ، كاسىپ سالاسىن باسقارۋدى ساپالىلاندىرىپ، گۋمانيتارلىق قامقورلىقتى كۇشەيتىپ، جەدەل جولداما جەتكىزۋشى ازاماتتاردىڭ اناعۇرلىم كوڭىلدى، اناعۇرلىم الاڭسىز، اناعۇرلىم بەلسەندى بولۋىنا مۇمكىندىك تۋدىرۋ كەرەك. جەدەل جولداما جەتكىزۋ كاسىپورىندارىنىڭ پارتيا، وداق ۇيىمدارى قۇرىلىسىن كۇشەيتىپ، جەدەل جولداما جەتكىزۋ كاسىپ سالاسىندا جۇمىسشى ۇيىمىن جەدەل قۇرىپ، ەڭبەكاقى، جالاقى، يگىلىك مامىلەسى، ەڭبەك كۇشەمەلىلىگى سياقتى جاقتاردا جەدەل جولداما جەتكىزۋشى ازاماتتاردىڭ زاڭدى ۇقىق - مۇددەسىن قورعاۋ كەرەك.

  مۇشە جاڭ حايدي سوزىندە بىلاي دەدى: قوعامدانعان اماناتتاپ كۇتىمدەۋ قىزمەت وتەۋى سالماقتى مۇگەدەك ادامداردىڭ ءارى ولاردىڭ تۋىس - تۋعاندارىنىڭ ەڭ رەال، ەڭ كوكەي تەستى قاجەتى. سالماقتى مۇگەدەك ادامداردى اماناتتاپ كۇتىمدەۋگە قىزمەت وتەۋ كەدەيلەردى سۇيەمەلدەۋدىڭ ماڭىزدى جاعى. سالماقتى مۇگەدەك ادامداردى اماناتتاپ كۇتىمدەۋگە قىزمەت وتەۋدىڭ سايكەستى ساياساتتارىن، شارالارىن جەدەل كەمەلدەندىرىپ، قارجى جاقتان كەپىلدىك ەتۋ ءتۇزىمىن اقاۋسىزداندىرىپ، اۋىل - قىستاقتارداعى سالماقتى مۇگەدەك ادامداردى اماناتتاپ كۇتىمدەۋگە قىزمەت وتەۋدى جەدەل دامىتىپ، اماناتتاپ كۇتىمدەۋگە قىزمەت وتەۋدىڭ كاسىپتىك ورەسىن جوعارىلاتۋ كەرەك.

  مۇشە ماۋ ۋانچۇن سوزىندە بىلاي دەدى: ەلىمىزدىڭ رەفورما جاساپ، ەسىك اشۋى سانسىز اسۋلاردى، سانسىز كەشۋلەردى باستان كەشىردى، ءالى دە تالاي تاۋ اسىپ، تاس باسادى. ورتاق تانىمدى ىشكەرىلەي ۇيىستىرىپ، باتىلدىقپەن جاڭالىق اشىپ، دارىندىلاردى كەڭىنەن قابىلداپ، حاينان ەركىن ساۋدا سىناق رايونىن جەدەل قۇرىپ، رەفورما جاساۋدىڭ، ەسىك اشۋدىڭ اناعۇرلىم جوعارى ورەدەگى جاڭا جاعدايىن تۇلعالاۋ كەرەك.

  مۇشە ۋ ۋيرىن سوزىندە بىلاي دەدى: جۇڭگو اي بارلاۋدا بەيبىت پايدالانۋ، سەلبەسىپ تەڭ يگىلىككە كەنەلۋ سىندى نەگىزگى پرينسيپكە تاباندى بولىپ، شەكسىز دە شەتسىز عارىشتىڭ سىرىن اشىپ، الەم كەڭىستىگىنەن بەيبىت پايدالانۋدىڭ جۇڭگو جولىن سالدى. اي بارلاۋ رۋحىن كۇش سالا ساۋلەلەندىرىپ، الەم كەڭىستىگىن بارلاۋدىڭ جۇڭگوشا جولىمەن اۋىتقىماي ءجۇرىپ، جۇڭحۋا ۇلتىنىڭ ۇلى گۇلدەنۋى ءۇشىن ۇلەس قوسىپ، ادامزاتتىڭ الەم كەڭىستىگىنەن بەيبىت پايدالانۋى ءۇشىن اناعۇرلىم كوپ جۇڭگو اقىل - پاراساتىن، جۇڭگو كۇش - قۋاتىن ارناۋىمىز كەرەك.

  جيىندى جىڭ جيانباڭ باسقاردى. ليۋ چيباۋ، ۋان گاڭ، ما بياۋ، چىن شياۋگۋاڭ، لي بين، حى ليفىڭ، جىڭ جيانباڭ، شاۋ حۇڭ جيىنعا اتقارۋشى ءتوراعا بولدى.

  مەملەكەتتىك ساياسي كەڭەستىڭ ورىنباسار ءتوراعالارى جاڭ چيڭلي، دۇڭ جيانحۋا، حى حوۋحۋا، لۋ جانگۇڭ، ۋاڭ جىڭۋي، لياڭ جىنيىڭ، شيا باۋلۇڭ، ياڭ چۋانتاڭ، باتىر، ۋاڭ يۇڭچيڭ، سۋ حۇي، گۋ شىڭزۋ، ليۋ شينچىڭ، حى ۋي، گاۋ يۇنلۇڭ جيىنعا قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى