تيانشان تورابى   ›   ۇيرەنۋ   ›   نازاريا

كادرلاردى ءمان - ماعىناسىز ىستەردەن قۇتىلدىرايىق

− ورتالىق كوميتەت كەڭسەسىنىڭ قاتىستى جاۋاپتىسى «فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى حابارلاندىرۋ» جونىندە تىلشىلەردىڭ سۇراۋىنا جاۋاپ بەردى

شينحۋا اگەنتتىگىنىڭ ءتىلشىسى

  جۇڭگو كوممۋنيستىك پارتياسى ورتالىق كوميتەتى كەڭسەسى جۋىردا «فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى حابارلاندىرۋ»دى (تومەندە قىسقارتىلىپ «حابارلاندىرۋ» دەلىنەدى) تاراتىپ، 2019 - جىلدى ”نەگىزگى ساتىنىڭ اۋىرتپالىعىن جەڭىلدەتۋ جىلى“ ەتۋدى ايقىن العا قويدى. ورتالىق كوميتەت كەڭسەسىنىڭ قاتىستى جاۋاپتىسى «حابارلاندىرۋ»دىڭ قاتىستى جاعدايى جونىندە ءتىلشىنىڭ ارناۋلى سۇحباتىن قابىلدادى.

  سۇراۋ: نەلىكتەن 2019 - جىلدىڭ ”نەگىزگى ساتىنىڭ اۋىرتپالىعىن جەڭىلدەتۋ جىلى“ ەتىلگەندىگىن تانىستىرساڭىز؟

  جاۋاپ: بىلتىر جىل اياعىندا، باس شۋجي شي جينپيڭ ءبىر ماتەريالدا ماڭىزدى بەكىتپە جاساپ، ”2019 - جىلى نەگىزگى ساتىنى مازالاپ وتىرعان كەيبىر فورماشىلدىق ماسەلەسىن شەشىپ، نەگىزگى ساتىنىڭ اۋىرتپالىعىن شىنايى جەڭىلدەتۋ كەرەك“ دەپ باسا دارىپتەگەن بولاتىن. ورتالىقتاعى باسشى جولداستىڭ تالابى بويىنشا، ورتالىق كوميتەت كەڭسەسى ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى ورگانى، ورتالىق كوميتەتتىڭ ۇيىمداستىرۋ ءبولىمى، ورتالىق رەفورمانى جاپپاي تەرەڭدەتۋگە باسشىلىق ەتۋ گرۋپپاسى كەڭسەسى، مەملەكەتتىك كەڭەس كەڭسەسى سياقتى تاراۋلارمەن بىرگە تەكسەرۋ - زەرتتەۋ گرۋپپاسىن قۇرىپ، نەگىزگى ساتىنى مازالاپ وتىرعان فورماشىلدىق ماسەلەلەرىن شەشۋ جونىندە ىشكەرىلەي تەكسەرۋ - زەرتتەۋ جۇرگىزىپ، وسى نەگىزدە «حابارلاندىرۋ»دى جازىپ، باسىپ تاراتتى.

  2019 - جىل − جاڭا جۇڭگو قۇرىلعاندىعىنىڭ 70 جىلدىعى، جاپپاي دوڭگەلەك داۋلەتتى قوعام ورناتۋداعى، ءبىرىنشى 100 جىلدىق كۇرەس نىساناسىن جۇزەگە اسىرۋداعى شەشۋشى جىل. «حابارلاندىرۋ» باس شۋجي شي جينپيڭنىڭ ستيل قۇرىلىسىن كۇشەيتۋ، فورماشىلدىقتان، تورەشىلدىكتەن باتىل ساقتانۋ جونىندەگى ءبىر قىدىرۋ ماڭىزدى ءسوزى مەن ماڭىزدى نۇسقاۋلارىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، نەگىزگى ساتىداعى قالىڭ كادرلاردىڭ كوكەي تەستى تىلەگىنە اڭىس قايتارىپ، 2019 - جىلدى ”نەگىزگى ساتىنىڭ اۋىرتپالىعىن جەڭىلدەتۋ جىلى“ ەتۋدى ايقىن العا قويدى، بۇل ماڭىزدى مانگە يە. ءبىرىنشى، باس شۋجي شي جينپيڭنىڭ نەگىزگى ساتىنى كوڭىل تورىنە قويعان، كادرلارعا قامقورلىق جاساعان تەرەڭ سۇيىسپەنشىلىگىن تولىق ايگىلەدى. باس شۋجي شي جينپيڭ 2019 - جىلعى جاڭا جىلدى قۇتتىقتاۋ سوزىندە ”نەگىزگى ساتىداعى كادرلاردىڭ جۇرەك ۇنىنە قۇلاق ءتۇرۋ كەرەك“ دەدى. نەگىزگى ساتى ءدوپ كەلگەن فورماشىلدىق مازالاۋىن باس شۋجي شي جينپيڭ تيتتەي قىلپىنان تانىپ، بۇگە - شىگەسىنە دەيىن ءبىلىپ، ءار دايىم كوڭىلىندە ساقتاپ كەلدى. باس شۋجي شي جينپيڭ بىلاي دەپ اتاپ كورسەتتى: ”مىڭ ساباق ءجىپ ءبىر ينەگە ساباقتالادى“، كوپتەگەن فورماشىلدىق ماسەلەلەرى نەگىزگى ساتى كادرلارىنىڭ زور مولشەردەگى ۋاقىتىن يەلەپ، زور مولشەردەگى زەيىن - زەردەسىن سارىپ ەتەدى، مۇنداي جاعدايدى، ءسوز جوق، وزگەرتۋ كەرەك! كادرلاردى قاجەتسىز ىستەردەن قۇتىلدىرۋ، ماتەريالمەن قامدايتىن قاربالاستىقتان ازات ەتۋ كەرەك. «حابارلاندىرۋ» باس شۋجي شي جينپيڭنىڭ نەگىزگى ساتى كادرلارىنا دەگەن تەرەڭ قامقورلىعى مەن نەگىزگى ساتىنىڭ اۋىرتپالىعىن جەڭىلدەتۋدەي ايقىن تالابىن قامتىدى. ەكىنشى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيانى مىزعىماستان جاپپاي قاتاڭ جونگە سالۋداعى، ستيل قۇرىلىسىن العان بەتتەن قايتپاي مىقتاپ يگەرۋدەگى باتىل بەكىمىن تولىق ايگىلەدى. جاڭا داۋىرگە ءوتىپ جاڭا جاعدايلارعا، جاڭا مىندەتتەرگە، جاڭا تالاپتارعا ءدوپ كەلگەندە، باس شۋجي شي جينپيڭ فورماشىلدىقتىڭ، تورەشىلدىكتىڭ قازىر پارتيا ىشىندە ساقتالعان كورنەكتى قايشىلىق جانە ماسەلە ەكەندىگىن، پارتيامىزدىڭ ۇلكەن جاۋى، حالىقتىڭ ۇلكەن جاۋى ەكەندىگىن، ءسوز جوق، باتىلدىقپەن جەڭۋ كەرەك ەكەندىگىن توتەنشە سەزگىرلىكپەن بايقادى. بىلتىر جىل سوڭىندا وتكىزىلگەن ورتالىق كوميتەت ساياسي بيۋروسىنىڭ دەموكراتيالىق تۇرمىس جيىنىندا، باس شۋجي شي جينپيڭ: نازاردى كورنەكتى ماسەلەلەرگە شوعىرلاندىرىپ، شەشۋشى بۋىنداردان كوز جازباي، ”ءتورت بۇرىس ستيل“ ماسەلەسىن شەشۋگە بار كۇشتى سالۋ كەرەك، باسىن تاۋداي، اياعىن قىلداي ەتۋگە بولمايدى، ”اياقسىز قالعان ينجەنەريا“عا اينالدىرۋعا بولمايدى، فورماشىلدىق ىستەۋگە، قول ۇشىمەن ىستەۋگە ءتىپتى دە بولمايدى، - دەپ اتاپ كورسەتتى. بيىل جىل باسىندا اشىلعان ورتالىق ءتارتىپ تەكسەرۋ كوميتەتىنىڭ ءۇشىنشى جالپى ماجىلىسىندە، باس شۋجي شي جينپيڭ بىلاي دەپ باسا دارىپتەدى: فورماشىلدىقتان، تورەشىلدىكتەن باتىل ساقتانۋدى ماڭىزدى مىندەت ەتىپ، ۇتىمدى، جارامدى رەتتەۋ - جونگە سالۋ شارالارىن الىپ شىعۋ كەرەك. «حابارلاندىرۋ» فورماشىلدىقپەن، تورەشىلدىكپەن باتىل كۇرەسۋدىڭ، ”ءتورت تانىم“دى بەرىك ورناتۋدىڭ، ”ەكىنى قورعاۋ“دى ورىنداۋدىڭ بەرىك جىگەرىن جانە ارەكەت سانالىلىعىن ايگىلەدى. ءۇشىنشى، نەگىزگى ساتىنىڭ قولىن بوساتۋ، اۋىرتپالىعىن جەڭىلدەتۋدىڭ، قالىڭ كادرلاردى جاۋاپكەرشىلىك ارقالاپ، ىسكەرلىك كورسەتۋگە ىنتالاندىرۋدىڭ ناقتى باعدارىن ايقىن ورناتتى. كەزەكتەگى رەفورمانىڭ، دامۋدىڭ، ورنىقتىلىقتىڭ جاپالى دا اۋىر مىندەتى الدىندا، بۇكىل پارتيانىڭ، اسىرەسە، نەگىزگى ساتىداعى كادرلاردىڭ بەلسەندىلىگىن، ىرىقتىلىعىن، جاسامپازدىعىن قاۋلاتۋ توتەنشە ماڭىزدى. پارتيا 19 - قۇرىلتايىنان بەرى، پارتيا ورتالىق كوميتەتى كادرلاردى جاڭا داۋىردە جاڭا جاۋاپكەرشىلىك ارقالاپ، تىڭ ىسكەرلىك كورسەتۋگە ىنتالاندىرۋ، قۋزاپ تەكسەرۋ، تەكسەرۋ، باعالاۋ قىزمەتىن ءبىر تۇتاس جوسپارلاۋ، ارناعا ءتۇسىرۋ سياقتى ساياسات - شارالاردى ىلگەرىندى - كەيىندى شىعاردى. ورتالىق ءتارتىپ تەكسەرۋ كوميتەتى فورماشىلدىققا، تورەشىلدىككە قاتىستى ءبىر توپ دەلونى تەكسەرىپ ءبىر جاقتى ەتتى ءارى اشىق جاريالادى. «حابارلاندىرۋ» قاتاڭ باسقارۋ مەن ايالاۋدى ۇشتاستىرۋدان جازباي، فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋ جونىندە ىشكەرىلەي ورنالاستىرۋ جاسادى، بۇل قالىڭ كادرلاردى ناقتى ءىس تىندىرۋدى ارداقتاپ، جاۋاپكەرشىلىك ارقالاپ، ىسكەرلىك كورسەتىپ، اناعۇرلىم كوپ كۇش - قايراتىن ءۇش ۇلكەن قامال الۋ شايقاسىن ويداعىداي جۇرگىزۋگە، جوعارى ساپالى دامۋدى ىلگەرىلەتۋگە سالىپ، جاڭا جۇڭگو قۇرىلعاندىعىنىڭ 70 جىلدىعىن ۇزدىك ناتيجەمەن قارسى الۋعا اناعۇرلىم جاقسى ىنتالاندىرۋعا ءتيىمدى.

  سۇراۋ: «حابارلاندىرۋ» نەگىزگى ساتىنى مازالاپ وتىرعان فورماشىلدىق جاعىنداعى قانداي كورنەكتى ماسەلەلەردى شەشۋگە كۇش سالعان؟

  جاۋاپ: كوپتەگەن كادر مەن بۇقارا ءىشىنارا فورماشىلدىقتىڭ كوپىرىپ، «ساياسيدا دۇرىس بولۋ» دەگەن توندى جامىلىپ الىپ، جەر جاڭعىرتاتىن ۇران سالىپ، ارەكەتتە ناراۋ بولىپ، كورنەۋدە ”ەكىنى قورعاۋ“دى ورىنداعان سياقتانعانىمەن، ءىس جۇزىندە ”ەكىنى قورعاۋ“عا زيان سالىپ وتىرعاندىعىن اڭىس ەتتى. باس شۋجي شي جينپيڭ پوزيتسيا ءبىلدىرۋ كوپ، اۋەنى جوعارى بولۋ، ارەكەتى از، تياناقتاندىرۋ ناشار بولۋ سياقتى كورنەكتى ماسەلەلەرگە مەڭزەس، قاتاڭ شارا شىعارىپ، تىڭعىلىقتى وزگەرتۋدى ءداپ باسىپ اتاپ كورسەتتى. سونىمەن قاتار، كۇش بوسقا سارىپ بولاتىن ماجىلىستەر، حۇجاتتار كوپ، ءتۇرلى اتتاعى قۋزاپ تەكسەرۋ، تەكسەرۋ، باعالاۋ كوپ، بەت - جۇزدىك ءۇشىن عانا ىستەلگەن بەلگى - ءىز قالدىرىپ باسقارۋ كوپ بولدى، ونىڭ ۇستىنە ساتى بويىنشا ۇستەمەلەپ، نەگىزگى ساتىعا توتەنشە اۋىر سالماق ءتۇسىردى. مۇنان سىرت، ءىشىنارا كادرلاردىڭ جاۋاپكەرلىك ارقالامايتىندىعىن، ءىس تىندىرمايتىندىعىن دا كورە ءبىلۋ قاجەت، مۇندا مۇرات - سەنىم ماسەلەسى، قابىلەت - دارىن ماسەلەسى بار، وبيەكتيۆ جاقتان العاندا، بۇل ءىشىنارا جەرلەر مەن تاراۋلاردىڭ جاۋاپكەرشىلىكتى قۋزاۋدا، جاۋاپكەرشىلىكتى تەكتەۋدە دالمە - ءدال بولماۋىمەن، ۇستىرتتىك ىستەۋىمەن، قاراپايىمداستىرۋىمەن قاتىستى، وسى سەبەپتى ءىشىنارا كادرلاردىڭ جاۋاپكەرشىلىگى قۋزاستىرىلۋدان، جالا جابىلۋدان قورقىپ، جۇمىس ىستەگىسى كەلمەۋىن كەلتىرىپ شىعاردى. نەگىزگى ساتىداعى كوپتەگەن كادر فورماشىلدىق ماسەلەسىن جەگىدەي جەك كورگەندەرىمەن، قۇتىلا الماي وتىرعاندىقتارىن ايتتى، فورماشىلدىقتان باتىل ساقتانۋدىڭ قامال الۋ شايقاسىن، ءسوز جوق، جۇرگىزەتىن كەز جەتتى! «حابارلاندىرۋ» نەگىزگى ساتىنىڭ اۋىرتپالىعىن جەڭىلدەتۋدى ارقاۋ ەتىپ، نازاردى ”تورتكە كۇش سالۋ“عا شوعىرلاندىرىپ، پارتيانىڭ ساياسي قۇرىلىسىن ءبىر تۇتاس باسشىلىققا الۋ ارقىلى يدەيالىق تاربيەنى كۇشەيتۋ، حۇجات باستىلىق پەن ءماجىلىس باستىلىق جايتىن رەتتەۋ - جونگە سالۋ، قۋزاپ تەكسەرۋدىڭ، تەكسەرۋدىڭ، باعالاۋدىڭ تىم كوپ، تىم ءجيى بولۋ، اسىرە بەلگى قالدىرۋ جايتىن وزگەرتۋ، جاۋاپكەرشىلىگىن قۋزاستىرۋ ءتۇزىمىن جانە شابىتتاندىرۋ، قامقورلىق جاساۋ مەحانيزمىن كەمەلدەندىرۋ سياقتى جاقتاردان ءبىرسىپىرا ناقتى دا پايدالى شارالار العا قويدى.

  سۇراۋ: «حابارلاندىرۋ» حۇجات باستىلىق پەن ءماجىلىس باستىلىق جايتىن وڭاۋ - جونگە سالۋ جونىندە قانداي قاتاڭ تالاپتار قويدى؟

  جاۋاپ: ءماجىلىس اشۋ، حۇجات شىعارۋ − پارتيامىزدىڭ شەشىم جاساۋداعى، تياناقتاندىرۋدى يگەرۋدەگى ماڭىزدى ءتاسىلى، الايدا قازىر حۇجات باستىلىق پەن ءماجىلىس باستىلىق جايتىنىڭ قايتا باس كوتەرۋ، ءورشۋ ماسەلەسى ءبىرشاما كورنەكتى بولىپ وتىر، «حابارلاندىرۋ» بۇل جاعىندا قاتاڭ بەلگىلەمە شىعاردى. ءبىرىنشى، حۇجاتتار مەن ماجىلىستەردى ساتىلار بويىنشا بارىنشا ىقشامداۋ. اۋدان دارەجەلىدەن تومەنگى ورىندارعا تاراتىلاتىن حۇجاتتاردى، اشىلاتىن ماجىلىستەردى %50 − 30 ازايتۋدى ايقىندادى. الدىمەن، ورتالىقتان باستاپ ىستەۋ، ولكە، قالا ەكى دارەجە دە بارىنشا ىقشامداۋ كەرەك. ەكىنشى، ورتالىق باسىپ تاراتقان ساياساتتىق حۇجاتتار پرينسيپتىك جاقتان 10 بەتتەن اسپاۋ، جەرگىلىكتى ورىندار جانە تاراۋلار دا وسى بويىنشا قاتاڭ مەڭگەرۋ ايقىندالدى. سيفرلانعان بەلگىلەمە شىعارۋداعى ماقسات − جازۋ ستيلىن جاقسارتىپ، حۇجات ساپاسىن جوعارىلاتۋ. ءۇشىنشى، جەرگىلىكتى ءار دارەجەلى ورىندار، نەگىزگى ساتى ورىندارى ورتالىقتىڭ جانە جوعارى دارەجەلى ورىنداردىڭ حۇجاتىن دايەكتىلەندىرۋدە، تياناقتاندىرۋدا ءىس جۇزىندىكپەن ۇشتاستىرىپ، ناقتى، جارامدى شارالار بەلگىلەۋىنە بولاتىندىعى، ايقىن بەلگىلەمە بولعاندارىنان سىرت، دايەكتىلەندىرۋ، تياناقتاندىرۋ پىكىرى جانە اتقارۋ ناقتى ەرەجەسى ەندىگارى جاسالمايتىندىعى العا قويىلدى. بۇل بەلگىلەمەنى شىعارۋداعى ماقسات − جوعارى دارەجەلى ورىنداردىڭ حۇجاتىن سول كۇيىندە، قاز - قالپىندا كوشىرۋ، ساتى - ساتى بويىنشا حۇجات شىعارۋ ماسەلەسىن شەشۋ. ءتورتىنشى، ءماجىلىستى از اشۋ، قىسقا ءماجىلىس اشۋ، ىسكە جارايتىن ءماجىلىس اشۋ باسا دارىپتەلىپ، ساتىلار بويىنشا ءماجىلىس اشۋدان ساقتانۋ جونىندە بەلگىلەمە شىعاردى. ءىشىنارا جەرلەر مەن تاراۋلاردىڭ جوعارىنىڭ رۋحىن جەتكىزگەندە نە جازىلسا سونى وقىپ بەرۋ، جالپىلاي پوزيتسيا ءبىلدىرۋ، قاساقانا ءتۇن اسىرماي جەتكىزۋ ماسەلەسىنە مەڭزەس، ”ءۇش بولمايدى“ سىندى تيىم سالۋ سيپاتىنداعى تالاپتى العا قويدى.

  سۇراۋ: «حابارلاندىرۋ»دا قۋزاپ تەكسەرۋدىڭ، تەكسەرۋدىڭ، باعالاۋدىڭ تىم كوپ، تىم ءجيى بولۋ، اسىرە بەلگى قالدىرۋ ماسەلەسىن شەشۋ جونىندە قانداي قاتاڭ شارالار العا قويىلدى؟

  جاۋاپ: ورتالىق كوميتەت كەڭسەسى «قۋزاپ تەكسەرۋ، تەكسەرۋ، باعالاۋ قىزمەتىن ءبىر تۇتاس جوسپارلاۋ، ارناعا ءتۇسىرۋ جونىندەگى حابارلاندىرۋ»دى شىعارعاننان كەيىن، جەر - جەر، تاراۋلار تالاپ بويىنشا ارناۋلى اداقتاۋ جۇرگىزدى، ورتالىقتىڭ جانە مەملەكەتتىك ورگانداردىڭ قاتىستى تاراۋلارىنىڭ قۋزاپ تەكسەرۋ، تەكسەرۋ، باعالاۋ ىستەرى 900 تۇردەن 159 تۇرگە ىقشامدالىپ، اداقتاۋ مولشەرى %82.33كە جەتتى، ءارقايسى ولكە، رايون، قالالار 12 مىڭ 771 تۇردەن 3493 تۇرگە ىقشامداپ، اداقتاۋ مولشەرى %72.65كە جەتتى، كەلەسى قادامدا جوسپارلى باسقارۋدى كۇشەيتىپ، جالپى مولشەردى قاتاڭ تىزگىندەۋ كەرەك. «حابارلاندىرۋ»دا اسىرە بەلگى قالدىرۋ ماسەلەسىن كۇش سالا شەشۋ جونىندە مىنالاردى ايقىن العا قويدى: ءبىرىنشى، ناتيجەنى باعدار ەتۋدى كۇشەيتۋ. ءبىر جەردىڭ جانە ورىننىڭ قىزمەتىن تەكسەرۋدە، باعالاۋدا، باستىسى، ءىس جۇزىندىك ماسەلەلەر شەشىلدى مە، جوق پا؟ بۇقارانىڭ باعاسى قالاي بولدى دەگەنگە قاراۋ، تەك ەستەلىكتى عانا تانۋعا، ماتەريالعا عانا قاراپ مىقتىسىن باعالاۋعا بولمايدى. ەكىنشى، قاتىپ - سەمگەن ءادىستى باتىل تۇزەتۋ. قازىر نەگىزگى ساتىداعى كادرلار داپتەر كوبەيۋ، ەستەلىك ماتەريالى كوبەيۋ، ءۇنحات قىزمەت توبى مەن الەۋمەتتىك ءۇنحات تۇعىرى كوبەيۋ سياقتى بىرنەشە كورنەكتى ماسەلەنى اڭىس ەتتى، ءىشىنارا اۋىل - قالاشىق كادرلارىنىڭ قول تەلەفونىنداعى كەدەيلەردى سۇيەمەلدەۋگە، پارتيا قۇرىلىسىنا، نىسانالىق باعالاۋعا قاتىستى ءۇنحات توبى، APP، الەۋمەتتىك ءۇنحات تۇعىرى 30دان اسقان. بۇعان مەڭزەس، «حابارلاندىرۋ» ”ءۇش بولمايدى“نى ايقىن بەلگىلەپ، ”بەلگى“گە ءمان بەرىپ، ”ناتيجە“گە ءمان بەرمەۋ، ”ءىز“عانا قالدىرىپ، ”ىقىلاس“ قويماۋ قۇبىلىستارىن شەشۋگە كۇش سالدى. ءۇشىنشى، ءىشىنارا جەرلەر مەن تاراۋلاردىڭ ”جاۋاپكەرشىلىگىن باسقالارعا يتەرىپ تاستاۋ“، جاۋاپقا تارتۋدى جاۋاپكەرشىلىكتى باسقاعا يتەرۋدىڭ ”قالقان“ى ەتۋ ماسەلەسى جونىندە ”ءبىر بەلەتپەن تەرىستەۋ“ ءىس تۇرلەرىن قاتاڭ مەڭگەرۋدى، قيت ەتسە بولعانى ”جاۋاپكەرشىلىك قاعازى“نا قول قويدىرماۋدى تالاپ ەتتى. «حابارلاندىرۋ»دا تاعى قالانى باعالاۋعا، سالىستىرۋعا، ماداقتاپ - سيلاۋعا ساياتىن ءتۇرلى وزات ورىن قۇرۋ قيمىلىنا شوعىرلى اداقتاۋ جۇرگىزۋ، ءتۇرلى قۋزاپ تەكسەرۋ، تەكسەرۋ، باعالاۋ جانە تەكسەرۋ - زەرتتەۋ قيمىلدارىن ساپالىلاندىرىپ، جاقسارتىپ، نەگىزگى ساتىنىڭ قالىپتى قىزمەتىنە كەدەرگى بولماۋ تالاپ ەتىلدى.

  سۇراۋ: «حابارلاندىرۋ»دى دايەكتىلەندىرۋدى، تياناقتاندىرۋدى قالاي ويداعىداي يگەرۋ كەرەك؟

  جاۋاپ: «حابارلاندىرۋ»دى دايەكتىلەندىرۋدىڭ، تياناقتاندىرۋدىڭ ءتۇيىنى ءار دارەجەلى پارتكومداردىڭ (پارتيا باسشىلىق گرۋپپالارىنىڭ) تۇلعالىق جاۋاپكەرشىلىگىن مۇقيات اتقارىپ، ءوز وڭىرىمەن، ءوز تاراۋىمەن، ءوز مەكەمەسىمەن بايلانىستىرىپ، قىزمەتتى ناقتى ۇستاپ، ىشكەرىلەي يگەرىپ، نەگىزگى ساتىداعى كادر مەن بۇقارانى ناقتى تابىس سەزىمىنە كەنەلتۋ، مۇندا، اسىرەسە، فورماشىلدىق ماسەلەسىن فورماشىلدىق تاسىلمەن شەشۋدەن باتىل ساقتانۋ كەرەك. «حابارلاندىرۋ»دا مىنالار ايقىن تالاپ ەتىلدى: باسشىلىق ورگاندارىنان، ەڭ الدىمەن، ورتالىق پەن مەملەكەتتىك ورگانداردان باستاپ ىستەپ، ستيل قۇرىلىسىن ارناۋلى رەتتەۋ - تۇزەتۋ ارەكەتىن ورىستەتىپ، نەگىزگى ساتىنى مازالاپ كەلگەن فورماشىلدىق ماسەلەسىنە زور اداقتاۋ جۇرگىزىپ، يدەيالىق كوزقاراسىنان، قىزمەت ستيلىنەن جانە باسشىلىق ادىستەرىنەن قاينارىن ىزدەۋگە، رەتتەۋ - تۇزەتۋدى يگەرۋگە باسا ءمان بەرۋ كەرەك. جەر - جەردىڭ، تاراۋلاردىڭ پارتكوم (پارتيا باسشىلىق گرۋپپاسى) شۋجيلەرى باس جاۋاپكەرشىلىكتى ارقالاپ، شىن مانىندە ىسكە جارايتىن شارالاردى الىپ شىعىپ، فورماشىلدىقپەن، تورەشىلدىكپەن باتىل كۇرەسۋ كەرەك. «حابارلاندىرۋ»دا تاعى تياناقتاندىرۋدى يگەرۋ قىزمەت مەحانيزمىنە دە ورنالاستىرۋ جاسالىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، ورتالىق كوميتەت كەڭسەسى باستاماشى بولاتىن ارناۋلى قىزمەت مەحانيزمىن ورناتۋ العا قويىلدى. جەر - جەردىڭ پارتكوم كەڭسەلەرى پارتكومنىڭ باسشىلىعىندا تياناقتاندىرۋدى سايكەستىرىپ ىلگەرىلەتۋ جاۋاپكەرلىگىن ۇستىنە الۋ كەرەك.

  (شينحۋا اگەنتتىگى، بەيجيڭ، 3 - ايدىڭ 11 - كۇنگى حابارى) 

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى