تيانشان تورابى   ›   ۇيرەنۋ   ›   ماڭىزدى حۇجاتتار

جۇڭگو كوممۋنيستىك پارتياسى ورتالىق كوميتەتى كەڭسەسى «فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى حابارلاندىرۋ»دى باسىپ تاراتتى

  شينحۋا اگەنتتىگىنىڭ 3 - ايدىڭ 11 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى كەڭسەسى «فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى حابارلاندىرۋ»دى باسىپ تاراتتى. تولىعى مىناداي:

  پارتيا 18 - قۇرىلتايىنان بەرى، باس شۋجي شي جينپيڭ پارتيانىڭ ستيل قۇرىلىسىن كۇشەيتىپ، فورماشىلدىقتان، تورەشىلدىكتەن ساقتانۋ جونىندە ءبىر قىدىرۋ ماڭىزدى نۇسقاۋ بەردى. تاياۋدا، باس شۋجي شي جينپيڭ ارناۋلى تۇردە ماڭىزدى بەكىتۋ جاساپ، 2019 - جىلى نەگىزگى ساتىنى مازالاپ وتىرعان كەيبىر فورماشىلدىق ماسەلەسىن شەشىپ، نەگىزگى ساتىنىڭ اۋىرتپالىعىن شىنايى جەڭىلدەتۋدى باسا دارىپتەدى. باس شۋجي شي جينپيڭنىڭ ماڭىزدى نۇسقاۋىنىڭ، بەكىتۋىنىڭ رۋحىن دايەكتىلەندىرىپ، تياناقتاندىرىپ، نەگىزگى ساتى كادرلارىنا ىرىق بەرۋ، اۋىرتپالىعىن ونان ارى جەڭىلدەتۋ، قالىڭ كادرلاردى جاۋاپكەرشىلىك ارقالاپ، ىسكەرلىك كورسەتىپ، تىنباي كۇرەس جاساۋعا ىنتالاندىرۋ ءۇشىن، ورتالىقتاعى باسشى جولداستىڭ ماقۇلداۋىمەن، 2019 - جىلدى ”نەگىزگى ساتىنىڭ اۋىرتپالىعىن جەڭىلدەتۋ جىلى“ ەتۋ ۇيعارىلدى، قازىر قاتىستى قىزمەت تالاپتارى جونىندە مىناداي حابارلاندىرۋ شىعاردىق.

  ءبىرىنشى، پارتيانىڭ ساياسي قۇرىلىسىن ءبىر تۇتاس باسشىلىققا الىپ، يدەيالىق تاربيەنى كۇشەيتىپ، پارتيالىلىقتىڭ كىرشىكسىز بولماۋ، قىزمەت ناتيجەسى كوزقاراسىنىڭ اۋساي كەتۋ ماسەلەسىن كۇش سالا شەشۋ

  شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋعا تاباندى بولىپ، ءسىڭىرۋدى، وزدەستىرۋدى تەرەڭدەتۋ جاعىنا كۇش سالىپ، نازاريالىق ۇيرەنۋ ناتيجەسىن پارتيالىلىق جەتىلىمدى كۇشەيتۋ، قىزمەت قابىلەتىن جوعارىلاتۋ، قىزمەت ستيلىن جاقسارتۋ، پارتيا ىستەرىنىڭ دامۋىن ىلگەرىلەتۋ جاعىنان ايگىلەۋ. فورماشىلدىقتان، تورەشىلدىكتەن ساقتانۋدى بۇكىل پارتيادا ورىستەتىلەتىن ”اۋەلگى ماقساتتى ۇمىتپاي، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ ماڭىزدى مازمۇنى ەتىپ، پارتيالى كادرلاردى پارتيانىڭ باستى ماقساتىن ۇمىتپاۋعا تاربيەلەپ، جەتەكتەپ، شىندىقتى ءىس جۇزىنەن ىزدەۋ يدەيالىق لۋشيانىنا تاباندى بولىپ، دۇرىس قىزمەت ناتيجەسى كوزقاراسىن ورناتىپ، جوعارىعا جاۋاپتى بولۋ مەن تومەنگە جاۋاپتى بولۋدى بىرلىككە كەلتىرۋ. باسشى ورگانداردان، ەڭ الدىمەن، ورتالىق پەن مەملەكەتتىك ورگانداردان باستاپ ىستەپ، ستيل قۇرىلىسىن ارناۋلى وڭاۋ - تۇزەتۋ ارەكەتىن جۇرگىزىپ، كۇرەس رۋحىن ساۋلەلەندىرىپ، نەگىزگى ساتىنى مازالاپ وتىرعان فورماشىلدىق ماسەلەلەرىنە جالپى بەتتىك ءبىر - بىرلەپ تەكسەرۋ جۇرگىزىپ، يدەيالىق كوزقاراس، قىزمەت ستيلى جانە باسشىلىق ءادىسى جاعىنان قاينارىن تابۋ، رەتتەۋ - تۇزەتۋدى يگەرۋ. ساياسي ءتارتىپ پەن ساياسي قاعيدانى قاتايتىپ، چينليڭنىڭ سولتۇستىك باۋرايىنداعى شي - ان اۋماعىندا بەلگىلەمەگە قايشى ساياجاي سالۋ ماسەلەسىنىڭ اشتى ساباعىن مۇقيات قابىلداپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن تياناقتاندىرۋعا دەن قويماۋ، ناقتى ىستەمەۋ، كۇش سالماۋ، جەر جاڭعىرتاتىن ۇران سالىپ، ارەكەتتە ناراۋ بولۋ ماسەلەسىنەن باتىل ساقتانىپ جانە ونى تۇزەتىپ، ”ءتورت تانىم“دى بەرىك ورناتۋ، ”ەكىنى قورعاۋ“دى ورىنداۋ تالابىن شىنايى ناقتاپ تياناقتاندىرۋ.

  ەكىنشى، ساتىلار بويىنشا حۇجات تاراتۋدى، ساتىلار بويىنشا ءماجىلىس اشۋدى قاتاڭ مەڭگەرىپ، حۇجات باستىلىق پەن ءماجىلىس باستىلىقتىڭ قايتا باس كوتەرۋ، ءورشۋ ماسەلەسىن كۇش سالا شەشۋ

  ورتالىقتىڭ «8 ءتۇرلى بەلگىلەمەسى»نىڭ جانە ونى اتقارۋدىڭ ەگجەي - تەگجەيلى قاعيداسىنىڭ رۋحىن مۇقيات دايەكتىلەندىرىپ، تياناقتاندىرىپ، ورتالىقتان باستاپ ىستەپ، ساتىلار بويىنشا حۇجاتتى جانە ءماجىلىستى بارىنشا ىقشامداپ، اۋدان دارەجەلىدەن تومەنگى ورىندارعا تاراتىلاتىن حۇجاتتاردى، اشىلاتىن ماجىلىستەردى %50 − 30 ازايتۋعا شىنايى كەپىلدىك ەتۋ. ”قىسقا، شىنايى، جاڭا“ بولۋداي جازۋ ستيلىن ساۋلەلەندىرىپ، مازمۇنداردى باتىل ىقشامداپ، سىلدىر ءسوزدى مولايتۋدان، ۇزىنسونار، ءمانسىز بولۋدان ساقتانۋ، ورتالىق باسىپ تاراتقان ساياساتتىق حۇجاتتار پرينسيپتىك جاقتان 10 بەتتەن اسپاۋ، جەرگىلىكتى ورىندار جانە تاراۋلار دا وسى بويىنشا قاتاڭ مەڭگەرۋ كەرەك. جەرگىلىكتى ءار دارەجەلى ورىندار، نەگىزگى ساتى ورىندارى ورتالىقتىڭ جانە جوعارى دارەجەلى ورىنداردىڭ حۇجاتىن دايەكتىلەندىرۋدە، تياناقتاندىرۋدا ءىس جۇزىندىكپەن ۇشتاستىرىپ، ناقتى، جارامدى شارالار بەلگىلەۋىنە بولادى، ايقىن بەلگىلەمە بولعاندارىنان سىرت، دايەكتىلەندىرۋ، تياناقتاندىرۋ پىكىرى جانە اتقارۋ ناقتى ەرەجەسى ەندىگارى جاسالمايدى. ورتالىقتىڭ حۇجاتتارىنىڭ قۇپيالىق دارەجەسىن جانە باسىپ تاراتۋ كولەمىن عىلمي تۇراقتاندىرىپ، اشىق ۇستاۋعا بولاتىندارىن اشىق ۇستاۋ. ءماجىلىستى از اشۋ، قىسقا ءماجىلىس اشۋ، ىسكە جارايتىن ءماجىلىس اشۋ. جوعارى دارەجەلى ورىنداردىڭ ءماجىلىسى پرينسيپتىك جاقتان تەك وزىنەن ءبىر دارەجە تومەن ورىندارعا دەيىن اشىلادى، بەكىتۋ ارقىلى اۋدان دارەجەلى ورىندارعا دەيىن ءماجىلىس تىكە اشىلادى، ەندىگارى ساتىلار بويىنشا ءماجىلىس اشىلمايدى. ءماجىلىس ولشەمىن الباتى جوعارىلاتۋعا، ءماجىلىس كولەمىن الباتى كەڭەيتۋگە قاتاڭ تيىم سالىنادى، بەكىتۋدەن وتكىزبەي تۇرىپ، پارتكومدار مەن ۇكىمەتتەردىڭ نەگىزگى جاۋاپتىلارىنىڭ جانە تاراۋلاردىڭ ءبىرىنشى باسشىسىنىڭ ماجىلىسكە قاتىناسۋىن تالاپ ەتۋگە بولمايدى، ماجىلىستە بىرگە بولۋدى ازايتۋ. ءماجىلىستى بىرىكتىرىپ اشۋدى، ءماجىلىستى سايكەستىرە اشۋدى دارىپتەپ، تەلەۆيزور - تەلەفون، تور بەينە كەسكىن ءماجىلىسى سياقتى تاسىلدەردى كوبىرەك قولدانۋ. ءماجىلىستىڭ ناقتى ونىمدىلىگىن جوعارىلاتىپ، نە جازىلسا سونى وقىپ بەرۋدەن، جالپىلاي پوزيتسيا بىلدىرۋدەن اۋلاق بولۋ، ءتۇن اسىرماي جەتكىزۋگە زورلانباۋ، ۇقساس ءبىر ءىستى كەڭەسىپ شەشىم جاساي الماي، قايتا - قايتا ءماجىلىس اشۋدان باتىل ساقتانۋ. ءماجىلىس، حۇجات تۇزىمىنە ونان ارى رەفورما جاساپ، ءىشىنارا جەرلەردى جانە ورىنداردى تاڭداپ، حۇجات باستىلىقتى، ءماجىلىس باستىلىقتى جونگە سالۋ قىزمەتىن تۇيىندەردە سىناق ەتۋ.

  ءۇشىنشى، جوسپارلى باسقارۋدى جانە باقىلاۋدى كۇشەيتىپ، قۋزاپ تەكسەرۋدىڭ، تەكسەرۋدىڭ، باعالاۋدىڭ تىم كوپ، تىم ءجيى بولۋ، اسىرە بەلگى قالدىرۋ ماسەلەسىن كۇش سالا شەشۋ

  «جۇڭگو كوممۋنيستىك پارتياسى ورتالىق كوميتەتى كەڭەسىنىڭ قۋزاپ تەكسەرۋ، تەكسەرۋ، باعالاۋ قىزمەتىن ءبىر تۇتاس جوسپارلاۋ، ارناعا ءتۇسىرۋ جونىندەگى حابارلاندىرۋ»ىن دايەكتىلەندىرۋدى، تياناقتاندىرۋدى ويداعىداي يگەرىپ، جالپى مولشەردى قاتاڭ مەڭگەرىپ، جىلدىق جوسپار جانە تەكسەرىپ بەكىتۋ، مالىمدەۋ ءتۇزىمىن اتقارۋ، ورتالىق پەن مەملەكەتتىك ورگانداردىڭ قاتىستى تاراۋلارى جالپىلىق قۋزاپ تەكسەرۋدى، تەكسەرۋدى، باعالاۋدى پرينسيپتىك جاقتان ءار جىلى ءبىر رەت ورىستەتەدى، اۋداندى، اۋىل - قىستاقتى جانە زاۆود، كەن كاسىپورىندارىن، مەكتەپتەردى قۋزاپ تەكسەرۋ، تەكسەرۋ، باعالاۋ ءىس تۇرلەرىن %50تىڭ ۇستىندە ازايتۋ نىساناسىن تولىق اتقارۋعا شىنايى كەپىلدىك ەتۋ. ناتيجەنى باعدار ەتۋدى كۇشەيتىپ، ءبىر جەردىڭ جانە ورىننىڭ قىزمەتىن تەكسەرۋدە، باعالاۋدا، باستىسى، ءىس جۇزىندىك ماسەلەلەر شەشىلدى مە - جوق پا، بۇقارانىڭ باعاسى قالاي بولدى دەگەنگە قاراۋ. قاتىپ - سەمگەن ءادىستى باتىل تۇزەتىپ، نەگىزگى ساتىدان كەستە تولتىرىپ، ساندى مالىمدەۋدى، ساتىلار بويىنشا ماتەريال جولداۋدى قالاعانشا تالاپ ەتۋگە بولمايدى، باسشى بەكىتتى مە - جوق پا، ءماجىلىس حۇجاتى بار ما - جوق پا، ەسەپ - قيساپ ەستەلىككە الىندى ما - جوق پا، قىزمەت ەستەلىگى بار ما - جوق پا دەگەن سياقتىلاردى قاراپايىم تۇردە قىزمەتتىڭ تياناقتانعان - تياناقتانباعاندىعىنىڭ ولشەمى ەتۋگە بولمايدى، ءۇنحات قىزمەت توبىندا، ۇكىمەت ءىسى appىندا قىزمەت جاعدايى قيما سۋرەتىن نەمەسە تۇسىرىلگەن بەينە جازبانى تاراتۋدى ءىس جۇزىندىك قىزمەتتى باعالاۋدىڭ ورنىنا اۋىستىرۋعا بولمايدى. ”ءبىر بەلەتپەن تەرىستەۋ“ ءىس تۇرلەرىن قاتاڭ مەڭگەرىپ، قيىت ەتسە بولعانى ”جاۋاپكەرشىلىك قاعازى“نا قول قويۋعا، ءتۇسىن وزگەرتىپ جەرگىلىكتى ورىنعا جانە نەگىزگى ساتىعا جاۋاپكەرشىلىكتى يتەرمەلەۋگە بولمايدى. قالانى باعالاۋعا، سالىستىرۋعا، ماداقتاپ - سيلاۋعا ساياتىن ءتۇرلى وزات ورىن قۇرۋ قيمىلىنا شوعىرلى اداقتاۋ جۇرگىزۋ، كۇشىنەن قالدىرۋعا تيىستىلەرىن كۇشىنەن قالدىرۋ، بىرىكتىرۋگە تيىستىلەرىن بىرىكتىرۋ. شارلاۋ، شارالاپ تەكسەرۋ، قورشاعان ورتانى باقىلاۋ - تەكسەرۋ، كەدەيلىكتەن ارىلتۋدان قامال الۋدى باقىلاۋ - تەكسەرۋ، باعالاۋ، ۇكىمەتتىك جالپى بەتتىك قۋزاپ تەكسەرۋ، پارتيا قۇرىلىسىن باعالاۋ سياقتىلاردا باس بولعان تاراۋلار دا نەگىزگى ساتىنىڭ پىكىرىنە قۇلاق اسىپ، تولىقتاۋ جۇرگىزىپ، ساپالىلاندىرۋ، جاقسارتۋ شاراسىن ورتاعا قويۋ. تەكسەرۋ - زەرتتەۋ، زاڭنىڭ اتقارىلۋىن تەكسەرۋ سياقتىلاردا شاقتى اداممەن بارۋ، ناقتى ونىمدىلىككە ۇمتىلىپ، نەگىزگى ساتىنىڭ قالىپتى قىزمەتىنە كەدەرگى بولماۋ.

  ءتورتىنشى، جاۋاپقا تارتۋ ءتۇزىمىن جانە ىنتالاندىرۋ، قامقورلىق جاساۋ مەحانيزمىن كەمەلدەندىرىپ، كادرلاردىڭ جاۋاپكەرشىلىك ارقالاۋعا باتىلدىق ەتپەۋ، ىسكەرلىك كورسەتۋگە باتىلدىق ەتپەۋ ماسەلەسىن كۇش سالا شەشۋ

  قاتاڭ باسقارۋ مەن ايالاۋدى ۇشتاستىرۋعا تاباندى بولىپ، شىندىقتى ءىس جۇزىنەن ىزدەپ، بەلگىلەمە، ءتارتىپ، زاڭ بويىنشا قاتاڭ جاۋاپقا تارتىپ، جۇيەلى تۇردە جاۋاپقا تارتىپ، دالمە - ءدال جاۋاپقا تارتىپ، ۇستامدىلىقپەن جاۋاپقا تارتىپ، ءبىرىن جاۋاپقا تارتىپ، ءبىر ءوڭىردى ساقتاندىرۋ ونىمدىلىگىن شىنايى كورسەتۋ. «جۇڭگو كوممۋنيستىك پارتياسىنىڭ جاۋاپقا تارتۋ ەرەجەسى»نە وزگەرىس ەنگىزۋ. جاۋاپقا تارتۋدىڭ دارمەنسىز بولۋى جانە جاۋاپقا تارتۋدى جالپىلاۋ، قاراپايىمداندىرۋ سياقتى ماسەلەلەردى ۇتىمدى شەشۋ. جاۋاپقا تارتىلعان كادرلارعا دۇرىس مامىلە جاساپ، كەسىرلى مەزگىلى تولعان، بەينەسى جاقسى بولعان كادرلاردىڭ، قاتىستى شارتتارعا ۇيلەسەتىندەرى بولسا، ىستەتۋگە تيىسىلەرىن ىستەتۋ. ءتارتىپ تەكسەرۋ، باقىلاۋ - تەكسەرۋ ورگاندارىنىڭ اشكەرەلەۋدى، شاعىم بەرۋدى ءبىر جاقتى ەتۋ قىزمەت ەرەجەسىن جاساپ، پارتيا مۇشەلەرىنىڭ ۇقىعىن قامتاماسىز ەتىپ، دەر كەزىندە كادرلاردىڭ انىق - قانىعىنا جەتىپ، اتاق - ابىرويىن ساقتاۋ، جالا جابۋ، زيانكەستىك ىستەۋ ارەكەتىن قاتاڭ تەكسەرىپ ءبىر جاقتى ەتۋ. سويلەسۋ جانە حات ارقىلى سۇراستىرۋ قىزمەت ءادىسىن جاقسارتىپ، كادرلاردىڭ قاجەتسىز پسيحيكالىق اۋىرتپالىعىن ۇتىمدى جەڭىلدەتۋ. ”ءۇشتى پارىقتاۋ“ تالابىن ناقتىلاندىرىپ، كادرلاردىڭ قىزمەت بارىسىندا جىبەرگەن اعاتتىعىنىڭ، قاتەلىگىنىڭ سيپاتى مەن ىقپالىن دۇرىس يگەرىپ، كادرلاردىڭ ءىس تىندىرۋ، شارۋاشىلىق قۇرۋ بەلسەندىلىگىن شىنايى قورعاپ، جاۋاپكەرشىلىك ارقالاۋشىلار ءۇشىن جاۋاپكەرشىلىك ارقالاۋ، جاۋاپتى بولعاندار ءۇشىن جاۋاپتى بولۋ. نەگىزگى ساتى كادرلارىن، اسىرەسە، قيىنشىلىق بار جاپالى وڭىرلەر مەن كەدەيلىكتەن ارىلتۋدان قامال الۋدىڭ ءبىرىنشى شەبىندە كۇرەس جاساپ جاتقان كادرلاردى اناعۇرلىم كوبىرەك ءتۇسىنۋ جانە ولاردى قولداۋ، ساياسات، مامىلە سياقتى جاقتاردان بەيىمدىلىك كورسەتۋ.

  بەسىنشى، ۇيىمدىق باسشىلىقتى كۇشەيتىپ، نەگىزگى ساتىنى مازالاپ وتىرعان فورماشىلدىق ماسەلەسىن شەشۋدى پارمەندى قامتاماسىز ەتۋ

  پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، ورتالىق تارابىنان فورماشىلدىقتى تۇزەتۋ، وڭاۋ، نەگىزگى ساتىنىڭ اۋىرتپالىعىن جەڭىلدەتۋ ارناۋلى قىزمەت مەحانيزمىن ورناتۋدا ورتالىق كوميتەت كەڭسەسى باستاماشى بولىپ، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى ورگانى، ورتالىق كوميتەتتىڭ ۇيىمداستىرۋ ءبولىمى، ورتالىق كوميتەتتىڭ ۇگىت ءبولىمى، ورتالىق رەفورمانى جاپپاي تەرەڭدەتۋگە باسشىلىق ەتۋ گرۋپپاسى كەڭسەسى، ورتالىق پەن مەملەكەتتىك ورگاندار قىزمەت كوميتەتى، مەملەكەتتىك حالىق قۇرىلتايى تۇراقتى كوميتەتى كەڭسەسى، مەملەكەتتىك كەڭەس كەڭسەسى، مەملەكەتتىك ساياسي كەڭەس كەڭسەسى سياقتىلار ات سالىسىپ، تياناقتاندىرۋ قىزمەتىن ءبىر تۇتاس سايكەستىرىپ ىلگەرىلەتۋگە جاۋاپتى بولادى. جەر - جەردىڭ، تاراۋلاردىڭ پارتكومدارى (پارتيا باسشىلىق گرۋپپاسى) تۇلعالىق جاۋاپكەرشىلىكتى شىنايى اتقارىپ، ءبىرىنشى باسشى باس جاۋاپتى بولىپ، پارتكوم كەڭسەسى (ءىسحانا) تياناقتاندىرۋدى سايكەستى ىلگەرىلەتىپ، فورماشىلدىقتان، تورەشىلدىكتەن باتىل ساقتانۋدى ماڭىزدى مىندەت ەتىپ، ۇتىمدى، جارامدى تۇزەتۋ، وڭاۋ شاراسىن شىعارۋ كەرەك. ساياسي شارلاۋ مەن ساياسي باقىلاۋ - تەكسەرۋدى كۇشەيتىپ، قوعامدىق پىكىر باقىلاۋىنىڭ تەبىنىن ارتتىرىپ، فورماشىلدىقتىڭ، تورەشىلدىكتىڭ تيپتىك ماسەلەلەرىن اتىن اتاپ، ءتۇسىن تۇستەپ حابارلاندىرۋ، اشكەرەلەۋ، ناقتى ءىس ىستەيتىن، ستيلى جاقسى ۇزدىك تيپتەردى دەر كەزىندە قورىتىندىلاپ جالپىلاستىرىپ، قالىڭ پارتيالى كادرلارعا ۇلگى كورسەتۋ، ونەگە ورناتۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى