چىن چۋانگو باسقاردى، ەركىن يمىرباقى قاتىناستى، ۋاڭ ي جيىنعا قاتىناسىپ پىكىر تىڭدادى
شوكىرات زاكىر، شاۋكەت يمىن، سۇن جينلۇڭ قاراۋعا قاتىناستى
تىلشىلەر ياۋ تۇڭ، سۇي يۇنيان، لي ياڭ 3 - ايدىڭ 11 - كۇنى بەيجيڭنەن حابارلايدى. 3 - ايدىڭ 10 - كۇنى تۇستەن كەيىن 13 - كەزەكتى مەملەكەتتىك حالىق قۇرىلتايىنىڭ 22 - ماجىلىسىندەگى شينجياڭ ۋاكىلدەر ۇيىرمەسى جالپى جيىن وتكىزىپ، جۇڭحۋا حالىق رەسپۋبليكاسىنىڭ شەتەل ساۋداگەرلەرى قارجى قوسۋ زاڭى جوباسىن قارادى.
شينجياڭ ۋاكىلدەر ۇيىرمەسىنىڭ باستىعى، مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق پارتكومنىڭ شۋجيى چىن چۋانگو جيىندى باسقاردى، مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى جيىنعا قاتىناستى. مەملەكەتتىك كەڭەستىڭ مۇشەسى، سىرتقى ىستەر مينيسترلىگىنىڭ مينيسترى ۋاڭ ي، سىرتقى ىستەر مينيسترلىگىنىڭ ورىنباسار مينيسترى جاڭ حانحۇي جانە مەملەكەتتىڭ مينيسترلىكتەرىنىڭ، كوميتەتتەرىنىڭ قاتىستى ورىندارىنداعى جاۋاپتى جولداستار جيىنعا قاتىناسىپ، ۇكىمەت قىزمەتى جونىندەگى پىكىرلەردى تىڭدادى. مەملەكەتتىك حالىق قۇرىلتايىنىڭ ۋاكىلدەرى شوكىرات زاكىر، شاۋكەت يمىن، سۇن جينلۇڭ قاتارلىلار قاراۋعا قاتىناستى.
ۋاكىلدەر قاراعان كەزدە مىنانى ءبىلدىردى: شەتەل ساۋداگەرلەرى قارجى قوسۋ زاڭىن شىعارۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ سىرتقا ەسىك اشۋدى كەڭەيتۋ، شەتەل ساۋداگەرلەرىن قارجى قوسۋعا جەبەۋ جونىندەگى شەشىمدەرى مەن ورنالاستىرۋلارىن دايەكتىلەندىرۋدەگى، تياناقتاندىرۋداعى ماڭىزدى شارا، ەلىمىزدىڭ شەتەل ساۋداگەرلەرى قارجى قوسۋ زاڭ - ءتۇزىمىن داۋىرمەن بىرگە ىلگەرىلەتۋدىڭ، كەمەلدەندىرۋدىڭ، دامىتۋدىڭ وبيەكتيۆ تالابى، سوتسياليستىك بازار شارۋاشىلىعىنىڭ اقاۋسىز دامۋىن جەبەۋدىڭ، ەكونوميكانىڭ جوعارى ساپالى دامۋىن ىسكە اسىرۋدىڭ وبيەكتيۆ تالابى، بۇل شەتەل ساۋداگەرلەرىنىڭ قارجى قوسۋىن بەلسەنە جەبەپ، شەتەل ساۋداگەرلەرىنىڭ قارجى قوسۋداعى زاڭدى ۇقىق - مۇددەسىن قورعاپ، زاڭمەن جونگە سالىناتىن، حالىقارالانعان، قولايلىلانعان تيجارات - ساۋدا ورتاسىن جاراتىپ، جوعارى ورەدە سىرتقا ەسىك اشۋدى ىلگەرىلەتۋدى زاڭمەن قامتاماسىز ەتەدى، بۇل جوبانى ءبىر اۋىزدان قۇپتايمىز.
ۋاكىلدەردىڭ ءسوزىن مۇقيات تىڭداعاننان كەيىن ۋاڭ ي بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭ نازاردى پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنا، اسىرەسە، قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، قوعامدىق جالپى جاعدايدىڭ ورنىقتىلىعىن جانە ەكونوميكانىڭ باياندى اقاۋسىز دامۋىن ساقتادى. شينجياڭنىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شينجياڭ قىزمەتىنىڭ باس نىساناسىن مىقتاپ ارقاۋ ەتىپ، قىزمەتتى ورنىقتىلىق بارىسىندا ىلگەرىلەتۋ جالپى ارناسىنا تاباندى بولىپ، جوعارى ساپالى دامۋدى بۇلجىماستان ىلگەرىلەتۋگە تاباندى بولىپ، ”شينجياڭ جاقسى جەر“ سىندى وسى التىنداي جارقىراعان ماڭدايشالىقتى ونان ارى جارقىراتۋىن ءۇمىت ەتەمىن. سىرتقى ىستەر جۇيەسى شينجياڭنىڭ قوعام ورنىقتىلىعىن جانە ەكونوميكانىڭ دامۋىن ساقتاۋىنا بۇرىنعىداي قولداۋ كورسەتەدى، شينجياڭنىڭ سىرتپەن اۋىس - ءتۇيىستى، سەلبەستىكتى تەرەڭدەتۋىن قولدايدى، شينجياڭنىڭ توڭىرەكتەگى ەلدەرمەن دوستىق بارىس - كەلىسىن بەكەمدەۋىن، دامىتۋىن قولدايدى.
حى شيڭلياڭ، پارحات روزى قاتارلى ۋاكىلدەر بىلاي دەدى: شەتەل ساۋداگەرلەرى قارجى قوسۋ زاڭىن شىعارۋ − جاڭا تاريحي شارت - جاعدايدا مەملەكەتتىڭ زاڭ شىعارۋ ارقىلى رەفورما جاساۋدى، ەسىك اشۋدى سوڭىنا دەيىن جۇرگىزەتىن سەنىمى مەن جىگەرىن كورسەتىپ، جاڭا داۋىردەگى جۇڭگونىڭ سىرتقا ەسىك اشۋداعى بەلسەندى بەينەسىن ايگىلەپ، ءداۋىردىڭ دامۋ اعىمىنا ۇيلەسىپ، جاڭا كەزەكتى جوعارى ورەدە سىرتقا ەسىك اشۋدى ىلگەرىلەتۋ، حالىقارالىق ماڭداي الدى تيجارات - ساۋدا ورتاسىن قالىپتاستىرۋ رۋحى مەن تالابىن بەينەلەپ، بۇل زاڭدى شەتەل ساۋداگەرلەرىنىڭ قارجى قوسۋىن جەبەيتىن زاڭعا، قورعايتىن زاڭعا اينالدىرۋ كەرەك.
نياز اشىم، مين شياۋچيڭ، ريزا باعداۋلەت قىزى قاتارلى ۋاكىلدەر بىلاي دەپ قارادى: ىشكى - سىرتقى قارجىنىڭ بىردەيلىگىنە تاباندى بولۋ كەرەك، شەتەل ساۋداگەرلەرىنىڭ قارجى قوسۋىنا رۇقسات ەتىلگەننەن كەيىن حالىقتىق يگىلىكتەن يگىلىكتەنەدى، مەملەكەت ىشكى قارجى مەن سىرتقى قارجىنى باقىلاۋدا، باسقارۋدا ۇقساس زاڭ - ءتۇزىم مەن قاعيدا قولدانادى. بازارلاندىرۋ، زاڭمەن جونگە سالۋ، حالىقارالاندىرۋ سىندى رەفورما بەتالىسى بويىنشا، اكىمشىلىك تەكسەرىپ بەكىتۋ رەفورماسى، مال - مۇلىك ۇقىعىن تەڭ قورعاۋدى كۇشەيتۋ سياقتى جاقتاردا قاتىستى زاڭ - ءتۇزىمدى ۇزدىكسىز كەمەلدەندىرىپ، ىشكى قارجى مەن سىرتقى قارجى ءادىل باسەكەلەسەتىن بازار ورتاسىن جاراتۋعا قۇلشىنىپ، قارجى قوسۋ ورتاسىن جاقسارتۋعا سۇيەنىپ اناعۇرلىم كوپ شەتەل ساۋداگەرلەرىن قارجى قوسۋعا باۋراۋ كەرەك.
مەملەكەتتىك حالىق قۇرىلتايىنىڭ ۋاكىلدەرى نايىم ياسىن، شى داگاڭ، لي ۋي، لو دۇڭچۋان، پىڭ جيارۇي، عانيبات سابىكەي ۇلى قاتارلىلار قاراۋعا قاتىناستى.
