شينحۋا اگەنتتىگىنىڭ 3 - ايدىڭ 11 - كۇنى بەيجيڭنەن بەرگەن حابارى (تىلشىلەر جاڭ شۇيدۇڭ، لين حۇي، ليۋ حۇي). مەملەكەتتىك ساياسي كەڭەس 13 - كەزەكتى كوميتەتىنىڭ 2 - ءماجىلىسى 3 - ايدىڭ 11 - كۇنى تۇستەن كەيىن حالىق سارايىندا ءتورتىنشى جالپى جيىنىن وتكىزدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ جيىنعا قاتىناستى. 15 مۇشە ساياسي قۇرىلىس جانە بىرلىكساپ ساياسي كەڭەس قىزمەتى توڭىرەگىندە ءماجىلىس جارىس ءسوزىن سويلەدى.
جۇڭگو كوممۋنيستىك پارتياسى ورتالىق كوميتەتى شۋجيچۋىنىڭ شۋجيى، ورتالىق كوميتەت بىرلىكساپ ءبولىمىنىڭ باستىعى يوۋ چۋان، سونداي - اق جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ قاتىستى تاراۋلارىنىڭ جاۋاپتى جولداستارى جيىنعا قاتىناسىپ ءسوزدى تىڭدادى.
مۇشە لي جيا بىلاي دەدى: حالىق ساياسي كەڭەسى قۇرىلعاندىعىنىڭ 70 جىلدىعىن قارسى الۋعا تاياعان تاريحي ساتتە، ءبىز، ءسوز جوق، ۇيتقىنى قورعاۋىمىز، باستان - اياق اۋەلگى ماقساتتى ۇمىتپاي، ساياسي تىلەكتەستىكتى بىرگە سومداپ، حالىق ساياسي كەڭەس ءتۇزىمىنىڭ اناعۇرلىم كەمەلدەنۋىن، اناعۇرلىم قالىپتانۋىن ىلگەرىلەتۋدىڭ، ارنايى كەڭەس ورگانى سىندى رولىن ويداعىداي ساۋلەلەندىرۋدىڭ جاڭا بورىشىن ءتىپتى دە جاقسى ارقالاۋىمىز كەرەك.
مۇشە يىن حۇڭ 3 - قىركۇيەك ءىلىمي قوعامى ورتالىق كوميتەتى اتىنان سويلەگەن سوزىندە بىلاي دەدى: كىمگە قاتىستى بولسا سونىمەن اقىلداسۋ سىندى ”دالمە - ءدال اقىلداسۋ“ − كەڭەستىك دەموكراتيانىڭ ”نەگىزگى ءتۇيىن“ىن يگەرىپ، كەڭەستىك دەموكراتيانىڭ ”جارقىن ءتۇيىن“ىن كورنەكتىلەندىردى، بۇل شەشىمدى كەمەلدەندىرۋگە، حالىق تىلەگىن جاقسارتۋعا پايدالى، حالىق ساياسي كەڭەسى ءتۇزىمىنىڭ ەرەكشە ابزالدىلىعىن كورسەتەتىن ماڭىزدى دانەكەر. اۋەلگى ماقسات پەن بورىشتى اناعۇرلىم جاقسى اتقارىپ، ساياسي كەڭەس مۇشەلەرىن نەگىزگى ساتىداعى بۇقارانىڭ اراسىنا بارىپ ىشكەرىلەي تەكسەرۋ - زەرتتەۋ جۇرگىزۋگە جۇمىلدىرىپ نەمەسە ۇيىمداستىرىپ، ”دالمە - ءدال اقىلداسۋ“دىڭ ءونىمدى ءتارتىبى جاعىندا ىزدەنىس جاساپ، كەڭەستىك دەموكراتيانىڭ ساپاسىن ۇزدىكسىز جوعارىلاتۋ كەرەك.
مۇشە جاڭ زىشي تايۋان دەموكراتيالىق اۆتونوميا وداعى ورتالىق كوميتەتى اتىنان سويلەگەن سوزىندە بىلاي دەدى: جۇڭگو كوممۋنيستىك پارتياسى ورتالىق كوميتەتىنىڭ تايۋان جونىندەگى باعىت - ساياساتتارى ەكى جاعالاۋ حالىقتارىنىڭ تىلەگىنە بارىنشا ۇيلەسەدى، ەكى جاعالاۋ حالىقتارىنىڭ اۋىس - ءتۇيىسى، بارىس - كەلىسى قارىشتاپ دامۋ كۇيىن كورسەتتى. دالمە - ءدال بولۋدى كورنەكتىلەندىرىپ، ناقتى ونىمدىلىكتى دارىپتەپ، ارنانى كەڭەيتىپ، نەگىزگى ساتىعا ءمان بەرىپ، ۇزاق ۋاقىت كوزدە ۇستاپ، ءتۇيىندى كۇشەيتىپ، ەكى جاعالاۋ حالىقتارى اراسىنداعى اۋىس - ءتۇيىستى تەرەڭدەتىپ، وتاننىڭ بەيبىت بىرلىككە كەلۋىنە كۇش قوسۋ كەرەك.
مۇشە لي جوبين چياۋمين بىرلەستىگى سالاسى اتىنان سويلەگەن سوزىندە بىلاي دەدى: چياۋميندەر ”ءبىر بەلدەۋ، ءبىر جول“ قۇرىلىسىندا ەرەكشە ابزالدىلىققا يە. شەتەلدەگى چياۋمين باۋىرلاستاردىڭ دۇنيە جۇزىنە، اسىرەسە، ”ءبىر بەلدەۋ، ءبىر جول“ بويىنداعى مەملەكەتتەرگە جاپپاي تارالۋىنداي ابزالدىلىعىن ويداعىداي ساۋلەلەندىرىپ، چياۋمين باۋىرلاستار سالاسىنىڭ جاسامپاز بايلىق ابزالدىلىعىن ساۋلەلەندىرىپ، ”ءبىر بەلدەۋ، ءبىر جول“ قۇرىلىسىنا اناعۇرلىم تەرەڭ قاتپاردا، اناعۇرلىم كەڭ سالادا ات سالىسۋ كەرەك.
مۇشە لياڭ حۋا بىلاي دەدى: گۋاڭدۇڭ - شياڭگاڭ - اۋمىن ۇلكەن شىعاناق رايونىن قۇرۋ − ”ءبىر ەل، ەكى ءتۇزىم“ ىستەرىنىڭ دامۋىن ىلگەرىلەتۋدەگى تىڭ اماليات ءارى شياڭگاڭنىڭ، اۋمىننىڭ مەملەكەتتىڭ دامۋ جالپى جاعدايىنا جەدەل كىرىسۋىنە جاڭا وراي ازىرلەدى. كەڭ كولەمدە ۇگىتتەپ، ورتاق تانىم ۇيىستىرۋ كەرەك؛ دالمە - ءدال كۇش ءتۇسىرىپ، سەلبەسىپ تەڭ يگىلىككە كەنەلۋ كەرەك؛ تاريحي مادەنيەت ابزالدىلىعىن ساۋلەلەندىرىپ، گۋمانيتارلىق شىعاناق رايونىن بىرگە قۇرۋ كەرەك. اۋمىن حىڭچين - گۋاڭدۇڭ - اۋمىننىڭ تەرەڭدەي سەلبەسۋىن جەدەلدەتىپ، مەملەكەت دامۋىنىڭ جالپى جاعدايىنا اناعۇرلىم بەلسەندىلىكپەن توعىسىپ، ”ءبىر ەل، ەكى ءتۇزىم“ امالياتىنىڭ جاڭا تاراۋىن جازۋ كەرەك.
مۇشە حۋاڭ رۇنچيۋ بىلاي دەدى: لاستانۋدان ساقتانۋدان جانە ونى جونگە سالۋدان قامال الۋ شايقاسىن جاقسى جۇرگىزۋدە، ءسوز جوق، تۇزىمگە سۇيەنۋ كەرەك، زاڭمەن جونگە سالۋعا سۇيەنۋ كەرەك. لاستاۋدى قاتاڭ جونگە سالۋدىڭ زاڭ - ءتۇزىم جۇيەسىن كەمەلدەندىرىپ، جازالاۋ تەبىنىن ارتتىرىپ، ەكولوگيالىق ورتا جاعىنداعى اكىمشىلىك زاڭ اتقارۋ مەن قىلمىستىق ىستەر ءادىلياسىن توعىستىرۋ مەحانيزمىن كەمەلدەندىرىپ، ەكولوگيالىق ورتانى قورعاۋ جاعىنداعى قۋزاۋ - تەكسەرۋ تەبىنىن ارتتىرىپ، ەكولوگيالىق ورتا جاعىنداعى سەنىمدىلىكتى جوعالتۋدى بىرلەسىپ جازالاۋ مەحانيزمىن كۇشەيتىپ، جالپىلىق ىنتالاندىرۋ مەحانيزمىن جەدەل كەمەلدەندىرىپ، ەكولوگيالىق ورتا جاعىنداعى زاڭعا قايشىلىق جاساۋدىڭ وزىندىك قۇنى تومەن بولۋ ماسەلەسىن شەشىپ، زاڭمەن جونگە سالۋ وتكىر قارۋى ارقىلى قورشاعان ورتا جاعىنداعى زاڭعا قايشى ارەكەتتەردى قاتاڭ جازالاۋ كەرەك.
مۇشە چىن يشيڭ مەملەكەتتىك ساياسي كەڭەس قوعام جانە زاڭ - ءتۇزىم كوميتەتى اتىنان سويلەگەن سوزىندە بىلاي دەدى: ءادىليالىق جاۋاپكەرشىلىك ءتۇزىمى رەفورماسى جەدەلدەدى ءارى بىرتىندەپ تەرەڭدەي ءتۇستى. جاڭاشا باقىلاۋ، باسقارۋ ءتۇزىلىس مەحانيزمىن ورناتىپ، كەمەلدەندىرىپ، سايكەستى شارالاردى كەمەلدەندىرىپ، كاسىپتى قامتاماسىز ەتۋ ساياساتىنىڭ ناقتى تياناقتانۋىن ىلگەرىلەتىپ، سوت مەكەمەلەرىنىڭ، پروكۋراتۋرالاردىڭ كومەسكى كۇشىن بارىنشا اشىپ، رەفورمانى ۇزدىكسىز تەرەڭ ىلگەرىلەتۋ كەرەك.
مۇشە كۇڭ ليڭجى سوزىندە بىلاي دەدى: ساياسي كەڭەس 13 - كەزەكتى كوميتەتى مىندەتىن اتقارعاننان بەرى، مۇشەلەردىڭ جالپى جاعدايعا قىزمەت ەتۋ ورەسى اناعۇرلىم تەرەڭدەپ، قىزمەت جاۋاپكەرشىلىگىن ادا ەتۋ مەحانيزمى اناعۇرلىم جاندانىپ، ساياسي كەڭەس قىزمەتىندە جاڭا وزگەرىستەر تۋىلدى، بۇنىڭ ءتۇبىرى − جۇڭگو كوممۋنيستىك پارتياسىنىڭ باسشىلىعىن جاپپاي كۇشەيتىپ، دۇرىس ساياسي بەتالىسقا كەپىلدىك ەتۋدە جانە وعان تاباندى بولۋدا. جاڭا ساپارعا قادام تاستادىق، ساياسي كەڭەس مۇشەلەرى ساياسيدى دارىپتەۋدى ماڭداي الدى ورىنعا قويىپ، ورتاق تانىمدى ۇيىستىرىپ، ىنتىماقتىڭ كۇشىن توپتاپ، جاڭا داۋىردەگى حالىق ساياسي كەڭەسىنىڭ بورىشىن، مىندەتىن ورىنداپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن اناعۇرلىم زور ۇلەس قوسۋىمىز كەرەك.
مۇشە شۇي شياۋحۇڭ سوزىندە بىلاي دەدى: ەلىمىزدە حريستيان ءدىنىن جۇڭگوشالاندىرۋ بەتالىسىنان جازباۋ − جۇڭگو ءدىن قوعامىنىڭ اقاۋسىز دامۋىنىڭ تالاسسىز تالعامى. ەلىمىز حريستيان ءدىنى قوعامى ”شەتەل ءدىنىنىڭ“ تاڭباسىن ۇزدىكسىز الاستاپ، ءدىن ءىلىمى بويىنشا ”ءوز - ءوزىن“ شىنايى سومداپ، جۇڭحۋا مادەنيەتىنىڭ تاڭداۋلى ءداستۇرىن ۇزدىكسىز قابىلداپ، سوتسياليستىك وزەكتى قۇن كوزقاراسىن ۇزدىكسىز ساۋلەلەندىرىپ جانە امالياتتا ايگىلەپ، سوتسياليستىك قوعامعا بەلسەنە ۇيلەسۋ كەرەك.
مۇشە ياڭ جيە سوزىندە بىلاي دەدى: جۇڭگو مۇسىلماندارى، ەڭ اۋەلى، جۇڭگونىڭ ازاماتى. دىنگە سەنەتىن ازاماتتار، ءسوز جوق، زاڭعا بويسۇنۋى، زاڭدى ۇيرەنىپ، زاڭعا سانالىلىقپەن بويسۇناتىن، ىسكە جولىققاندا زاڭمەن ساناساتىن، ماسەلەنى شەشكەندە زاڭعا سۇيەنەتىن تاماشا ادەت قالىپتاستىرۋ كەرەك. ءدىن سالاسىنداعى قايراتكەرلەر دىنگە سەنەتىن قالىڭ بۇقارانى، ءسوز جوق، ىنتىماقتاستىرىپ، جەتەكتەپ، ازامات تانىمىن باستان - اياق مىقتاپ ورناتۋ؛ مەملەكەتتە ءبىر تۇتاس قولدانىلاتىن ءتىل - جازۋدى، ءسوز جوق، ويداعىداي ۇيرەنىپ، زاڭ - ءتۇزىمدى ۇيرەنۋ، تەحنيكالىق شەبەرلىكتى ۇيرەنۋ؛ ءسوز جوق، باستاماشىلدىقپەن بولشەكتەۋشىلىككە قارسى تۇرۋ، زورلىقتى كۇش لاڭكەستىككە قارسى تۇرۋ، ءدىني ۇشقارىلىققا قارسى تۇرۋ؛ دىنگە سەنەتىن بۇقارانى پارتياعا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە، ءسوز جوق، باستاماشىلدىقپەن جەتەكشىلىك ەتۋ كەرەك.
مۇشە لي حۇيچيۇڭ سوزىندە بىلاي دەدى: ”ءبىر ەل، ەكى ءتۇزىم“ − شياڭگاڭنىڭ وتان قۇشاعىنا ورالعاننان كەيىنگى باياندى گۇلدەنۋىن، ورنىقتىلىعىن ساقتاۋىنداعى ەڭ ابزال تۇزىمدىك ورنالاستىرۋ. باسىم كوپ ساندى شياڭگاڭدىقتار ”شياڭگاڭ تاۋەلسىزدىگى“ ەلەمەنتتەرىنە قاتتى وشىگەدى، مەملەكەتتىڭ دامۋ جالپى جاعدايىنا توعىسۋ ورايىن مىقتاپ يگەرىپ، ەكونوميكانى دامىتىپ، حالىق تۇرمىسىن جاقسارتىپ، نەگىزگى زاڭ جانە ءتۇبىرلى زاڭ ۇگىت - تاربيەسىن كۇش سالا كۇشەيتىپ، قوعامنىڭ جاراسىمدىلىعىن، ورنىقتىلىعىن باستان - اياق قورعاۋ كەرەك.
مۇشە حى چيڭ سوزىندە بىلاي دەدى: جۇڭگو كوممۋنيستىك پارتياسىنىڭ 18 - قۇرىلتايىنان بەرى، جۇڭگو كوممۋنيستىك پارتياسى ورتالىق كوميتەتى باتىس پەن شىعىستى سايكەستىرۋدى كۇشەيتۋ ارقىلى جان سانى ءبىرشاما از ۇلتتارعا كومەكتەسۋدى، ولاردى سۇيەمەلدەۋدى ۇزدىكسىز ورىستەتتى، شەكاراداعى ءار ۇلت حالقىنىڭ تۇرمىسىندا زور وزگەرىستەر تۋىلدى. ءار ۇلت حالقى وڭاي - وسپاق قولعا كەلمەگەن جەتىستىكتەردى قاستەرلەپ، جۇڭگو كوممۋنيستىك پارتياسىنىڭ باسشىلىعىنا بۇلجىماستان تاباندى بولىپ، اناردىڭ دانىندەي تىعىز ۇيىسىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن ءتيىستى ۇلەس قوسۋى كەرەك.
مۇشە رىن حۇڭ بىلاي دەدى: حالىقتىڭ تىلەگى − ۇكىمەتتىڭ تالپىنىسى. ەلىمىز سالماقتى ناۋقاستاردىڭ ەمدەلۋىن قامتاماسىزداندىرۋ جاعىندا ءبىر قىدىرۋ كەشەندى شارالاردى شىعارىپ، ءتىپتى دە كوپ اجالدان اراشالايتىن، قاتەرلى حالدەن قۇتقاراتىن جاقسى ءدارى - دارمەكتەردى ەمدەۋ قامسىزداندىرۋىنا ەنگىزىپ، جۇڭگو كوممۋنيستىك پارتياسىنىڭ حالىق ءۇشىن بيلىك جۇرگىزۋ يدەياسىن جانە ىنتاسىن تولىق ايگىلەدى. نەگىزگى ساتىداعى ءبىر ەمدەۋ قىزمەتكەرى ساناتىندا ناۋقاستاردىڭ جايدارى ءجۇزىن جانە دەنساۋلىعىن قالپىنا كەلتىرۋ سەنىمىن شىنايى سەزىندىم، ءبىز پارتيا مەن ۇكىمەتتىڭ ابزال ساياساتىنا القاۋ ايتۋىمىز كەرەك.
مۇشە يۇي ليۋفىن بىلاي دەدى: كەدەيلىكتەن ارىلتۋدان قامال الۋ شايقاسىندا، نەگىزگى ساتى پارتيا ياچەيكاسى باستى تۋ سانالادى. باتىس بولىكتەگى تاۋلى وڭىردە كوپتەگەن اۋىلداستار پارتيانىڭ ابزال ساياساتىنىڭ ارقاسىندا كەدەيلىكتەن ارىلىپ، تاماشا تۇرمىسقا كەنەلدى. اۋىل - قىستاقتى گۇلدەندىرۋ جاڭا ءداۋىردىڭ جاڭا ساپارىنداعى اناعۇرلىم زور ارمان تالپىنىسى بولدى. نەگىزگى ساتى پارتيا ۇيىمىن اناعۇرلىم پارمەندى ەتىپ قۇرىپ شىعىپ، بۇقارانىڭ تىرەگى بولۋ، اۋىل - قىستاق كاسىپ سالاسىن اناعۇرلىم گۇلدەندىرە دامىتۋ، اۋىل - قىستاقتى اناعۇرلىم كوركەم ەتىپ قۇرىپ شىعۋ كەرەك.
مۇشە ليڭ يۋشى بىلاي دەدى: دۇنيە جۇزىندە ءبىر عانا جۇڭگو بار، جۇڭحۋا حالىق رەسپۋبليكاسى ۇكىمەتى بۇكىل جۇڭگوعا ۋاكىلدىك ەتەتىن بىردەن - ءبىر زاڭدى ۇكىمەت. ءبىر جۇڭگو پرينسيبىنە تاباندى بولىپ، بەيبىتشىلىك، ءبىر تۇتاستىق امالياتىن بايىتىپ، ەكى جاعالاۋدىڭ بىرلىككە كەلۋ كۇنىنىڭ جەتىپ كەلۋىن شىنايى كۇتەمىن. جۇڭحۋا ۇلتى، ءسوز جوق، گۇلدەنەدى، وتان دا، ءسوز جوق، بىرلىككە كەلەدى.
جيىندى لۋ جانگۇڭ باسقاردى. ءماجىلىستىڭ اتقارۋشى ءتوراعالارى مىنالار: پابالا گىلەلاڭجيە، حى حوۋحۋا، لۋ جانگۇڭ، شيا باۋلۇڭ، باتىر، سۋ حۇي، ليۋ شينچىڭ، گاۋ يۇنلۇڭ.
مەملەكەتتىك ساياسي كەڭەستىڭ ورىنباسار ءتوراعالارى جاڭ چيڭلي، ليۋ چيباۋ، دۇڭ جيانحۋا، ۋان گاڭ، ۋاڭ جىڭۋي، ما بياۋ، چىن شياۋگۋاڭ، لياڭ جىنيىڭ، ياڭ چۋانتاڭ، لي بين، ۋاڭ يۇڭچيڭ، حى ليفىڭ، جىڭ جيانباڭ، گۋ شىڭزۋ، حى ۋي، شاۋ حۇڭ ماجىلىسكە قاتىناستى.
