تيانشان تورابى   ›   ۇيرەنۋ   ›   ماڭىزدى حۇجاتتار

ورتالىق كوميتەت كەڭسەسى «حابارلاندىرۋ» شىعاردى

فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋ كەرەك

 2019 - جىلدى ”نەگىزگى ساتىنىڭ اۋىرتپالىعىن جەڭىلدەتۋ جىلى“ ەتۋ ايقىن العا قويىلدى

  شينحۋا اگەنتتىگىنىڭ 3 - ايدىڭ 11 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى كەڭسەسى جۋىردا «فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى حابارلاندىرۋ»دى تاراتىپ، 2019 - جىلدى ”نەگىزگى ساتىنىڭ اۋىرتپالىعىن جەڭىلدەتۋ جىلى“ ەتۋدى ايقىن العا قويدى.

  جۇڭگو كوممۋنيستىك پارتياسى ورتالىق كوميتەتى كەڭسەسىنىڭ قاتىستى جاۋاپتىسى 3 - ايدىڭ 11 - كۇنى بىلاي دەپ تانىستىردى: بىلتىر جىل سوڭىندا باس شۋجي شي جينپيڭ ءبىر ماتەريالدا ماڭىزدى بەكىتۋ جازىپ، 2019 - جىلى نەگىزگى ساتىنى مازالاپ كەلگەن كەيبىر فورماشىلدىق ماسەلەلەرىن شەشىپ، نەگىزگى ساتىنىڭ اۋىرتپالىعىن شىنايى جەڭىلدەتۋدى باسا دارىپتەدى. «حابارلاندىرۋ» 2019 - جىلدى ”نەگىزگى ساتىنىڭ اۋىرتپالىعىن جەڭىلدەتۋ جىلى“ ەتۋدى ايقىن العا قويىپ، باس شۋجي شي جينپيڭنىڭ نەگىزگى ساتىنى كوڭىل تورىنە قوياتىن، كادرلاردى ايالايتىن تەرەڭ سۇيىسپەنشىلىگىن تولىق بەينەلەپ، پارتيا ورتالىق كوميتەتىنىڭ مىزعىماستان پارتيانى قاتاڭ جونگە سالاتىن، ستيل قۇرىلىسىن تاباندىلىقپەن مىقتاپ يگەرەتىن باتىل بەكىمىن كورسەتىپ، نەگىزگى ساتىعا ىرىق بەرىپ اۋىرتپالىعىن جەڭىلدەتۋدىڭ، قالىڭ كادرلاردى جاۋاپكەرشىلىك ارقالاپ، ىسكەرلىك كورسەتۋگە ىنتالاندىرۋدىڭ ناقتى باعدارىن ورناتتى. «حابارلاندىرۋ» قاتاڭ باسقارۋ مەن ەرەكشە قامقورلىق جاساۋدى ۇشتاستىرۋدان جازباي، فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋ جونىندە ىشكەرىلەي ورنالاستىرۋ جاسادى، بۇل قالىڭ كادرلاردى ناقتى ءىس ىستەۋگە ۇمتىلىپ، جاۋاپكەرشىلىك ارقالاپ، ىسكەرلىك كورسەتۋگە اناعۇرلىم ىنتالاندىرىپ، جاڭا جۇڭگو قۇرىلعاندىعىنىڭ 70 جىلدىعىن تاماشا ناتيجەمەن قارسى الۋعا ءتيىمدى.

  «حابارلاندىرۋ» نەگىزگى ساتىنىڭ اۋىرتپالىعىن جەڭىلدەتۋدى ارقاۋ ەتىپ، نازاردى ”4كە كۇش سالۋ“عا شوعىرلاندىرىپ، پارتيانىڭ ساياسي قۇرىلىسىن ءبىر تۇتاس باسشىلىققا الا وتىرىپ يدەيالىق تاربيەنى كۇشەيتۋ، حۇجات باستىلىق پەن ءماجىلىس باستىلىقتى وڭاۋ - جونگە سالۋ، قۋزاپ تەكسەرۋ، تەكسەرۋ، باعالاۋ شەكتەن تىس كوپ، ءجيى بولۋ، اسىرە بەلگى قالدىرۋ جايتتەرىن وزگەرتۋ، جاۋاپقا تارتۋ ءتۇزىمىن جانە ىنتالاندىرۋ، قامقورلىق جاساۋ ءتۇزىمىن كەمەلدەندىرۋ جاقتارىندا ناقتى دا ىسكە جارايتىن شارالاردى العا قويدى.

  قازىرگى حۇجات باستىلىق پەن ءماجىلىس باستىلىقتىڭ قايتا بەلەڭ بەرۋ، ءورشۋ ماسەلەسىنە قاراتا، «حابارلاندىرۋ» وسى جاعىندا قاتاڭ بەلگىلەمەلەر جاسادى. ءبىرىنشى، حۇجات پەن ءماجىلىستى ساتى بويىنشا، زور مولشەردە ىقشامداۋ؛ ەكىنشى، ورتالىق باسىپ تاراتقان ساياساتتىق حۇجاتتار پرينسيپتىك جاقتان 10 بەتتەن اسپاۋدى، جەرگىلىكتى ورىندار مەن تاراۋلار دا وسى بويىنشا قاتاڭ مەڭگەرۋدى ايقىندادى؛ ءۇشىنشى، جەرگىلىكتى ءار دارەجەلى ورىنداردىڭ، نەگىزگى ساتى ورىندارىنىڭ ورتالىقتىڭ جانە جوعارى دارەجەلى ورىنداردىڭ حۇجاتتارىن دايەكتىلەندىرگەندە، تياناقتاندىرعاندا ءىس جۇزىندىكپەن ۇشتاستىرىپ ناقتى، جارامدى شارا بەلگىلەۋىنە بولاتىندىعىن، ايقىن بەلگىلەمە بولعاندارىنان سىرت، دايەكتىلەندىرۋ، تياناقتاندىرۋ پىكىرىن جانە اتقارۋ ناقتى ەرەجەسىن ەندىگارى جاساماۋدى العا قويدى؛ ءتورتىنشى، ءماجىلىستى از اشۋدى، قىسقا اشۋدى، ىسكە جارايتىن ءماجىلىس اشۋدى باسا دارىپتەپ، ساتى سايىن ءماجىلىس اشۋدى تەجەۋ جونىندە بەلگىلەمە جاسادى.

  «حابارلاندىرۋ» قۋزاپ تەكسەرۋ، تەكسەرۋ، باعالاۋدا اسىرە بەلگى قالدىرۋ ماسەلەسىن شەشۋگە كۇش سالدى، ناتيجەنى باعدار ەتۋدى كۇشەيتىپ، قاتىپ - سەمگەن ءادىستى باتىل تۇزەتۋدى ايقىن العا قويدى. كەيبىر جەرگىلىكتى ورىندار مەن تاراۋلاردىڭ ”جاۋاپكەرشىلىكتى يتەرىپ تاستاۋ“ىنا، جاۋاپقا تارتۋدى جاۋاپكەرشىلىكتەن قاشقالاقتاۋدىڭ ”قالقان“ى ەتۋىنە مەڭزەس، «حابارلاندىرۋ» ”ءبىر بەلەتپەن تەرىستەلەتىن“ ىستەردى قاتاڭ تىزگىندەۋدى، قىمىس ەتسە ”جاۋاپكەرشىلىك قاعازى“نا قول قويدىرماۋدى تالاپ ەتتى. «حابارلاندىرۋ» قالالاردى سارالاۋعا، باعالاۋعا، ماداقتاۋعا ساياتىن ءار ءتۇرلى قۇرۋ قيمىلدارىنا شوعىرلى اداقتاۋ جۇرگىزىپ، ءتۇرلى قۋزاپ تەكسەرۋ، تەكسەرۋ، باعالاۋ جانە تەكسەرۋ - زەرتتەۋ قيمىلدارىن ساپالىلاندىرىپ، نەگىزگى ساتىنىڭ قالىپتى قىزمەتىنە كەدەرگىلىك جاساماۋدى دا تالاپ ەتتى.

  مۇنان سىرت، «حابارلاندىرۋ» تاعى تياناقتاندىرۋدى يگەرۋدەگى قىزمەت مەحانيزمى جونىندە ورنالاستىرۋ جاسادى، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، ورتالىق كوميتەت كەڭسەسى باستاماشى بولعان ارناۋلى قىزمەت مەحانيزمىن ورناتۋدى العا قويدى. جەر - جەردەگى پارتكوم كەڭسەلەرى پارتكومداردىڭ باسشىلىعىندا، جاۋاپكەرشىلىكتى تياناقتاندىرۋدى سايكەستىرە ىلگەرىلەتۋگە جاۋاپتى بولۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى