تيانشان تورى
تيانشان تورى   ›   جاڭالىقتار   ›   شينجياڭ حابارلارى

اۋىرتپالىقتى جەڭىلدەتىپ، جاۋاپكەرشىلىكتى جەڭىلدەتپەي، ناقتى ىسكەرلىكپەن تاماشا ناتيجە جاراتايىق

  − رايونىمىزدىڭ ۋاكىلدەرى، مۇشەلەرى «فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى حابارلاندىرۋ»دى قىزۋ تالقىلادى

  جۇڭگو كوممۋنيستىك پارتياسى ورتالىق كوميتەتى كەڭسەسى جۋىردا «فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى حابارلاندىرۋ»دى تاراتىپ، 2019 - جىلدى ”نەگىزگى ساتىنىڭ اۋىرتپالىعىن جەڭىلدەتۋ جىلى“ ەتۋدى ايقىن العا قويىپ، حۇجات باستىلىق پەن ءماجىلىس باستىلىقتىڭ قايتا باس كوتەرۋى، ءورشۋى، قۋزاپ تەكسەرۋدىڭ، تەكسەرۋدىڭ، باعالاۋدىڭ تىم كوپ، تىم ءجيى بولۋى، اسىرە بەلگى قالدىرۋ سياقتى ماسەلەلەردى كۇش سالا شەشۋ جونىندە ورنالاستىرۋ جاسادى.

  «حابارلاندىرۋ» شىعارىلعان سوڭ، رايونىمىزدان مەملەكەتتىك ەكى ماجىلىسكە قاتىناسىپ جاتقان مەملەكەتتىك حالىق قۇرىلتايىنىڭ ۋاكىلدەرى جانە شينجياڭدا تۇراتىن مەملەكەتتىك ساياسي كەڭەس مۇشەلەرىنىڭ نازارى مەن قىزۋ تالقىسىن قوزعادى. كوپشىلىك مىنالاردى ءبىلدىردى: «حابارلاندىرۋ» باس شۋجي شي جينپيڭنىڭ ستيل قۇرىلىسىن كۇشەيتۋ، فورماشىلدىقتى، تورەشىلدىكتى قاتاڭ تيۋ جونىندەگى ءبىر قاتار ماڭىزدى سوزدەرى مەن نۇسقاۋلارىنىڭ، بەكىتۋلەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، قالىڭ نەگىزگى ساتى كادرلارى نازار اۋدارىپ وتىرعان ماسەلەلەرگە جاۋاپ قايتارىپ، دالمە - ءدال شارا قولداندى، قامقورلىق، كۇش سيلادى. اۋىرتپالىقتى جەڭىلدەتىپ، جاۋاپكەرشىلىكتى جەڭىلدەتپەي، اناعۇرلىم ناقتى ستيلمەن، اناعۇرلىم مىعىم كۇش - قايراتپەن قىزمەتكە ارالاسىپ، تىلەك توعىستىرىپ، كۇش بىرىكتىرىپ، تىڭ ناتيجە جاراتامىز. - اۋىرتپالىقتى جەڭىلدەتۋ ناقتى ىسكەرلىك باعدارىن ورناتتى

  «حابارلاندىرۋ» نەگىزگى ساتىنىڭ اۋىرتپالىعىن جەڭىلدەتۋدى ارقاۋ ەتىپ، نازاردى ”4كە كۇش سالۋ“عا شوعىرلاندىرىپ، پارتيانىڭ ساياسي قۇرىلىسىن باسشىلىققا الا وتىرىپ يدەيالىق تاربيەنى كۇشەيتۋ، جاۋاپقا تارتۋ ءتۇزىمىن جانە ىنتالاندىرۋ، قامقورلىق جاساۋ ءتۇزىمىن كەمەلدەندىرۋ جاقتارىندا ناقتى دا جارامدى شارالاردى العا قويىپ، ۋاكىلدەر مەن مۇشەلەردىڭ ءبىر اۋىزدى مويىنداۋىنا جانە القاۋىنا يە بولدى.

  ”«حابارلاندىرۋ» بيىلعى جىلدى ’نەگىزگى ساتىنىڭ اۋىرتپالىعىن جەڭىلدەتۋ جىلى‘ ەتىپ بەلگىلەپ، باس شۋجي شي جينپيڭنىڭ نەگىزگى ساتىنى كوڭىل تورىنە قوياتىن، كادرلاردى ايالايتىن حالىقشىل سۇيىسپەنشىلىگىن تولىق بەينەلەدى“. ۋاكىل لي بيڭ بىلاي دەدى: باس شۋجي شي جينپيڭ 2019 - جىلعى جاڭا جىلعا ارناۋ سوزىندە ”نەگىزگى ساتى كادرلارىنىڭ ۇنىنە قۇلاق ءتۇرىپ، باتىلدىقپەن جاۋاپكەرشىلىك ارقالاپ، ىسكەرلىك كورسەتەتىن كادرلاردى قارىمدى قايراتپەن العا ۇمتىلۋعا ىنتالاندىرۋ قاجەت“ دەپ اتاپ كورسەتتى. ۇكىمەت قىزمەتىنەن بايانداما دا ”ساياسي ناتيجەسىن باعالاعاندا سوڭىنداعى ناتيجەگە قاراۋ كەرەك“ دەپ اتاپ كورسەتىلدى. جۇڭگو كوممۋنيستىك پارتياسى ورتالىق كوميتەتى كەڭسەسى دەرەۋ «حابارلاندىرۋ» شىعارىپ، قالىڭ نەگىزگى ساتى كادرلارى نازار اۋدارىپ وتىرعان ماسەلەلەرگە جاۋاپ قايتارىپ، جۇرتتىڭ بىلەك سىبانىپ، قايراتتانا ىستەيتىن قوزعاۋشى كۇشىن قاۋلاتتى.

  ۋاكىل چىن لياڭ بىلاي دەدى: ”قىستاقتا تۇراتىن كادر رەتىندە، «حابارلاندىرۋ»دى كورگەن سوڭ مەن ايرىقشا تەبىرەندىم، بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيانى مىزعىماستان جاپپاي قاتاڭ جونگە سالاتىن، تاباندىلىقپەن ستيل دۇرىستاپ، ءتارتىپتى قاتايتاتىن ايقىن پوزيتسياسىن جانە باتىل بەكىمىن تولىق ايگىلەدى. سونىمەن بىرگە، نەگىزگى ساتى كادرلارى ءۇشىن ايقىن باعدار ورناتتى، ياعني، ءسوز جوق، ناقتى ىسكەرلىك كورسەتۋ، ءسوز جوق، جاۋاپكەرشىلىك ارقالاۋ كەرەك“.

  ”«حابارلاندىرۋ»دىڭ ءار سويلەمى نەگىزگى ساتى كادرلارىنىڭ جۇرەگىنە ۇيالادى“. ۋاكىل اكبار ءماتناسىر بىلاي دەدى: «حابارلاندىرۋ» نەگىزگى ساتىنى بۇعاۋدان بوساتىپ، اۋىرتپالىقتان جەڭىلدەتەتىن، قالىڭ كادرلاردى جاۋاپكەرشىلىك ارقالاۋعا، ءىس تىندىرۋعا ىنتالاندىراتىن ناقتى ىسكەرلىك باعدارىن ورناتىپ، نەگىزگى ساتى كادرلارىنىڭ اناعۇرلىم كوپ ۋاقىتى مەن كۇش - قايراتىن كەدەيلىكتەن ارىلتۋدان قامال الۋ جانە اۋىل - قىستاقتى گۇلدەندىرۋ ستراتەگياسىن تياناقتاندىرۋ سياقتى قىزمەتتەرگە جۇمساۋىنا مۇمكىندىك جاسادى. - اناعۇرلىم جاقسى جاۋاپكەرشىلىك ارقالاپ ءىس تىندىرۋدى جەبەيدى

  حۇجات باستىلىق پەن ءماجىلىس باستىلىقتىڭ قايتا باس كوتەرۋى، ءورشۋى، قۋزاپ تەكسەرۋدىڭ، تەكسەرۋدىڭ، باعالاۋدىڭ تىم كوپ، ءجيى بولۋى، اسىرە بەلگى قالدىرۋ سياقتى كورنەكتى ماسەلەلەرگە مەڭزەس، «حابارلاندىرۋدا» ءىشىنارا قاتاڭ ولشەم بەلگىلەنىپ، ءبىرتالاي قاتاڭ شارالار العا قويىلىپ، نەگىزگى ساتى كادرلارىنىڭ ”اۋىرتپالىعىن جەڭىلدەتۋ“گە كۇش سالىندى.

  ۋاكىل اكبار بىلاي دەدى: نەگىزگى ساتى كادرلارىنىڭ اۋانىنا جاۋاپ قاتىپ، نەگىزگى ساتىنى جونگە سالۋداعى مەرەزدەرگە مەڭزەس، «حابارلاندىرۋدا» اتقارۋ سيپاتى اسا كۇشتى ”رەتسەپ“ جازىلدى.

  ”’نەگىزگى ساتىنىڭ اۋىرتپالىعىن جەڭىلدەتۋ جىلى‘ نىڭ تالابىن تياناقتاندىرۋ، ەندى ءبىر جاقتان العاندا، جاۋاپقا تارتۋ ءتۇزىمىن جانە شابىتتاندىرۋ، قامقورلىق جاساۋ مەحانيزمىن اناعۇرلىم كەمەلدەندىرىپ، ءىشىنارا كادرلاردىڭ باتىل جاۋاپكەرشىلىك ارقالاماۋ، ءىس تىندىرماۋ ماسەلەسىن كۇش سالا شەشۋ“. مۇشە بادمارا بىلاي دەدى: پارمەندى شارالار قولدانىپ، نەگىزگى ساتىنى مازالاپ وتىرعان ءىشىنارا فورماشىلدىق ماسەلەلەرىن شەشىپ، نەگىزگى ساتىنىڭ اۋىرتپالىعىن شىن مانىندە جەڭىلدەتۋ قالىڭ كادرلاردى ىسكەرلىكتى قادىرلەۋگە، جاۋاپكەرشىلىك ارقالاپ ءىس تىندىرۋعا اناعۇرلىم ويداعىداي شابىتتاندىرادى.

  ”فورماشىلدىق ماسەلەسى نەگىزگى ساتى كادرلارىنىڭ قىرۋار ۋاقىتى مەن زەيىن قۋاتىن يەلەيدى“. ۋاكىل لي بين بىلاي دەدى: مىسالى، قىزمەتتەگى ”ءىز قالدىرۋ“ سياقتى ماسەلەلەر فورماشىلدىقتى، تورەشىلدىكتى اسقىندىرىپ، كادرلاردى ”زاقىمداپ“ قانا قويماي، كادرلاردىڭ بۇقاراعا قىزمەت وتەۋ ۋاقىتىن يەلەپ، بۇقارانىڭ مۇددەسىنە جانامالاي زيان جەتكىزەدى. ”سوندىقتان اۋىرتپالىقتى جەڭىلدەتۋ نەگىزگى ساتى كادرلارىنىڭ زەيىن - زەردە مەن كۇش - قۋاتىن تياناقتاندىرۋدى يگەرىپ، بۇقارانىڭ ءىس جۇزىندىك ماسەلەلەرىن شەشۋگە نەعۇرلىم كوپ جۇمساۋىن ماقسات ەتەدى“. - جوعارى ولشەم، قاتاڭ تالاپ ارقىلى تياناقتاندىرۋدى يگەرەدى

  نەگىزگى ساتى كادرلارىنىڭ اۋىرتپالىعىن جەڭىلدەتۋ قاراماققا الۋ امالى سياقتى كورىنگەنىمەن، ءىس جۇزىندە، قوسۋ امالى. نەگىزگى ساتى كادرلارىنىڭ فورماشىلدىقتان تارتقان ازابى ازايادى، بۇقارانىڭ مۇددەسىن كوزدەۋ كۇش - قۋاتى كوبەيەدى. مۇشە بادمارا ايتقانداي، ”جەڭىلدەتۋ ولشەمدى تومەندەتۋدى بىلدىرمەيدى، كەرىسىنشە، نەگىزگى ساتى كادرلارىنىڭ قىزمەتتى اناعۇرلىم جاقسى تياناقتاندىرۋىنا اناعۇرلىم جوعارى، اناعۇرلىم قاتاڭ تالاپتار قويدى“.

  «حابارلاندىرۋدىڭ» رۋحىن ۇيرەنگەن سوڭ، رايونىمىزداعى مەملەكەتتىك حالىق قۇرىلتايىنىڭ ۋاكىلدەرى مەن شينجياڭدا تۇراتىن ساياسي كەڭەس مۇشەلەرى اناعۇرلىم باتىل ارەكەت ارقىلى زەيىن - زەردە مەن كۇش - قۋاتتى تياناقتاندىرۋدى يگەرۋگە، ناقتى ءىس ىستەۋگە جۇمسايتىندىقتارىن ءبىلدىردى.

  ۋاكىل چىن لياڭ بىلاي دەدى: كەلەسى قادامدا، ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى كۇشەيتىپ، «حابارلاندىرۋ»دىڭ رۋحىن مۇقيات ۇعىنىپ،” ءتورت تانىم“دى مىقتاپ ورناتۋ،” ەكىنى قورعاۋ“دى ورىنداۋ تالابىن شىن مانىندە ناقتاپ تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن ارقاۋ ەتىپ، كەدەيلىكتەن ارىلتۋدان قامال الۋ سياقتى قىزمەتتەردىڭ ءتىپتى ىجداعاتتى، ءتىپتى ناقتى ىستەلۋىن ىلگەرىلەتەمىز.

  ”«حابارلاندىرۋ» نەگىزگى ساتىنىڭ اۋىرتپالىعىن جەڭىلدەتىپ قانا قويماي، اسىرەسە، نەگىزگى ساتى كادرلارىنا قوزعاۋشى كۇش قوسىپ، ولاردىڭ ارىندى ارتتىرىپ، سەرگەكتىكپەن اتويلاپ العا ۇمتىلۋىنا مۇمكىندىك جاسايدى“. مۇشە يۇكسەك شىجاات بىلاي دەدى: «حابارلاندىرۋ» شىعارىلعان سوڭ، ءار دارەجەلى ۇكىمەتتەر ءتۇرلى قىزمەتتىڭ ۇقىق - جاۋاپكەرشىلىگىن اناعۇرلىم ايقىنداپ، تياناقتاندىرۋدى مىقتى يگەرۋى كەرەك. فورماشىلدىقتى، تورەشىلدىكتى تامىرىمەن الاستاۋعا كۇش سالىپ، كۇش - قۋاتتى شوعىرلاندىرا وتىرىپ، ءۇش ءىرى قامال الۋ شايقاسىن ويداعىداي جۇرگىزىپ، جوعارى ساپالى دامۋدى ىلگەرىلەتۋى كەرەك.

  ”ارقامىزداعى جۇك ءتىپتى اۋىرلادى“. ۋاكىل لي بين بىلاي دەدى: قىزمەتتە تياناقتاندىرۋدى يگەرۋدىڭ ءتۇپ تاعانى نەگىزگى ساتىدا. نەگىزگى ساتى − پارتيانىڭ باعىت - ساياساتىن تياناقتاندىرۋداعى ”ەڭ سوڭعى ءبىر شاقىرىم“، نەگىزگى ساتى كادرلارى − تياناقتاندىرۋدى يگەرۋدىڭ تەتىگى، باتىل جاۋاپكەرشىلىك ارقالاپ، حالىققا سۇيىسپەنشىلىك ورناتىپ، بۇقاراعا قىزمەت وتەپ، تياناقتاندىرۋدى مىقتى يگەرۋدىڭ نەگىزگى ساتىداعى ”سەركەسى“ بولۋىمىز كەرەك.

  (تىلشىلەر ۋاڭ شيڭرۇي، رىن جياڭ، لي ياڭ، سۇي يۇنيان، جاڭ يۇنمەي، شى شين)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.