شينحۋا اگەنتتىگىنىڭ 3 - ايدىڭ 12 - كۇنى بەيجيڭنەن بەرگەن حابارى (تىلشىلەر جاڭ شۇيدۇڭ، لين حۇي، ليۋ حۇي). ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتىنىڭ 6 - ءماجىلىسى 3 - ايدىڭ 12 - كۇنى تۇستەن كەيىن بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ ءماجىلىستى باسقاردى.
ءماجىلىس مەملەكەتتىك ساياسي كەڭەس 13 - كەزەكتى كوميتەتى 2 - ءماجىلىسىنىڭ تۇراقتى كوميتەتتىڭ قىزمەتىنەن بايانداما جونىندەگى قاۋلىسىن (جوبا)، ساياسي كەڭەس 13 - كەزەكتى مەملەكەتتىك كوميتەتى ۇسىنىس جوبا كوميتەتىنىڭ ساياسي كەڭەس 13 - كەزەكتى كوميتەتى 2 - ءماجىلىسىنىڭ ۇسىنىس جوبالاردى قاراپ تەكسەرۋ جاعدايى جونىندەگى بايانداماسىن (جوبا)، مەملەكەتتىك ساياسي كەڭەس 13 - كەزەكتى كوميتەتى 2 - ءماجىلىسىنىڭ ساياسي قاۋلىسىن (جوبا) ماقۇلدادى. ءماجىلىس جوعارىداعى حۇجاتتاردىڭ جوبالارىن 3 - ايدىڭ 13 - كۇنى تۇستەن بۇرىن اشىلاتىن مەملەكەتتىك ساياسي كەڭەس 13 - كەزەكتى كوميتەتى 2 - ءماجىلىسىنىڭ جابىلۋ سالتىندا قاراۋعا تاپسىرۋدى ۇيعاردى.
ماجىلىستەن ىلگەرى ۋاڭ ياڭ مەملەكەتتىك ساياسي كەڭەستىڭ 18 - رەتكى ءتوراعالار جيىنىن باسقارىپ اشىپ، مەملەكەتتىك ساياسي كەڭەس 13 - كەزەكتى كوميتەتى 2 - ءماجىلىسىنىڭ جاعدايى جونىندەگى دوكلاتتى تىڭداپ، ءتۇرلى باياندامالاردى جانە قاۋلىلاردى (جوبا) قارادى.
مەملەكەتتىك ساياسي كەڭەس 13 - كەزەكتى كوميتەتى 2 - ءماجىلىسى اشىلعاننان بەرى، جۇڭگو كوممۋنيستىك پارتياسىنىڭ پارمەندى باسشىلىعىندا، ءماجىلىستىڭ كەڭەستىك ءتارتىبى مەن كۇن ءتارتىبى بويىنشا ءساتتى اشىلدى. مۇشەلەر تۇراقتى كوميتەتتىڭ قىزمەت بايانداماسىن، ۇسىنىس جوبا قىزمەت جاعدايى بايانداماسىن جانە ءتۇرلى قاۋلىلاردى (جوبا) مۇقيات قاراپ، مەملەكەتتىك ساياسي كەڭەستىڭ ءبىر جىلدان بەرگى ءتۇرلى قىزمەتتەردە قول جەتكىزگەن جاڭا ىلگەرىلەۋشىلىكتەرىن، جاڭا ناتيجەلەرىن تولىق تۇراقتاندىردى، ۇسىنىس - پىكىر بەرۋدىڭ جانە ورتاق تانىم ۇيىستىرۋدىڭ ءتۇرلى قىزمەتتەرىن اناعۇرلىم ويداعىداي ىستەپ، حالىق ساياسي كەڭەس ءتۇزىمىنىڭ اناعۇرلىم تولىسۋىن، اناعۇرلىم تۇلعالانۋىن ىلگەرىلەتۋ، ارناۋلى كەڭەستىك قۇرىلىمى رولىن ويداعىداي ساۋلەلەندىرۋ جونىندە پىكىر جانە ۇسىنىس بەردى. مۇشەلەر ءوز سالاسىنىڭ ءىس جۇزىندىك جاعدايىنا بىرلەستىرىپ، ۇكىمەت قىزمەتىنەن باياندامانى، جوسپار بايانداماسىن جانە مەجە ەسەپ بايانداماسىن، شەتەل ساۋداگەرلەرى قارجى قوسۋ زاڭى جوباسىن جانە ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ قىزمەت بايانداماسىن مۇقيات تالقىلاپ، سالالاردىڭ كەڭەسىنە، تالقىسىنا بەلسەنە قاتىناسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە جۇڭگو كوممۋنيستىك پارتياسىنىڭ 19 - قۇرىلتايىنىڭ رۋحىن دايەكتىلەندىرۋدى، تياناقتاندىرۋدى ارقاۋ ەتىپ، نازاردى جاپپاي دوڭگەلەك داۋلەتتى قوعام ورناتۋدا شەشۋشى جەڭىسكە جەتۋگە شوعىرلاندىرىپ، ءۇش ۇلكەن قامال الۋ شايقاسىن ويداعىداي جۇرگىزۋ، جوعارى ساپالى دامۋدى جۇزەگە اسىرۋ سياقتى ءتۇيىندى مىندەتتەرگە تىعىز ساباقتاستىرىپ، مىندەتىن مۇقيات اتقارىپ، جاۋاپكەرلىگىن مۇقيات ادا ەتىپ، جۇرت تىلەگىن كەڭ كولەمدى توعىستىرىپ، ورتاق تانىمدى ۇيىستىرىپ، اقىل - پاراساتتى ۇيىستىرىپ، كۇشتەردى ۇيىستىرىپ، سۇبەلى تابىستارعا قول جەتكىزدى.
مەملەكەتتىك ساياسي كەڭەستىڭ ورىنباسار ءتوراعالارى جاڭ چيڭلي، ليۋ چيباۋ، پابالا گىلەلاڭجيە، دۇڭ جيانحۋا، ۋان گاڭ، حى حوۋحۋا، لۋ جانگۇڭ، ۋاڭ جىڭۋي، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ، گاۋ يۇنلۇڭ ماجىلىسكە قاتىناستى.
