13 - كەزەكتى حالىق قۇرىلتايىنىڭ 2 - ءماجىلىسى ءۇشىنشى جالپى جيىنىن وتكىزدى

شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار قاتىناستى

ەڭ جوعارى حالىق سوتى مەكەمەسىنىڭ قىزمەتىنەن باياندامانى جانە ەڭ جوعارى حالىق پروكۋراتۋراسىنىڭ قىزمەتىنەن باياندامانى تىڭدادى جانە قارادى

　　شينحۋا اگەنتتىگىنىڭ 3 - ايدىڭ 12 - كۇنى بەيجيڭنەن بەرگەن حابارى. 13 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى 3 - ايدىڭ 12 - كۇنى تۇستەن بۇرىن حالىق سارايىندا ءۇشىنشى جالپى جيىنىن وتكىزىپ، ەڭ جوعارى حالىق سوتى مەكەمەسىنىڭ قىزمەتىنەن باياندامانى جانە ەڭ جوعارى حالىق پروكۋراتۋراسىنىڭ قىزمەتىنەن باياندامانى تىڭدادى جانە قارادى.

　　شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار جيىنعا قاتىناستى.

　　ەڭ جوعارى حالىق سوتى مەكەمەسىنىڭ باستىعى جوۋ چياڭ 2018 - جىلعى باستى قىزمەتتەردى 7 جاقتان باياندادى: ءبىرىنشى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، پارتيانىڭ حالىق سوتى مەكەمەسى قىزمەتىنە شارتسىز باسشىلىعىنا تاباندى بولۋ؛ ەكىنشى، قىلمىستى زاڭ بويىنشا جازالاپ، حالىقتى قورعاۋ، مەملەكەت حاۋىپسىزدىگى مەن قوعام ورنىقتىلىعىن باتىل قورعاۋ؛ ءۇشىنشى، جاڭا دامۋ ۇستانىمىن دايەكتىلەندىرىپ، ەكونوميكانىڭ جوعارى ساپالى دامۋىنا قىزمەت وتەۋ جانە ونى قامتاماسىز ەتۋ؛ ءتورتىنشى، حالىقتى وزەك ەتۋگە تاباندى بولىپ، حالىق بۇقاراسىنىڭ ءادىليالىق قاجەتىن قۇلشىنا قاناعاتتاندىرۋ؛ بەسىنشى، ءادىليا ءتۇزىلىسى رەفورماسىن جانە زەردەلى سوت مەكەمەسى قۇرىلىسىن تەرەڭدەتىپ، سوت جۇيەسى مەن سوت قابىلەتىن وسىزامانداندىرۋدى ىلگەرىلەتۋ؛ التىنشى، پارتيانى جاپپاي قاتاڭ جونگە سالۋعا، سوت مەكەمەسىن قاتاڭ جونگە سالۋعا تاباندى بولىپ، توتەنشە مىعىم حالىق سوتى مەكەمەسى قوسىنىن قۇرۋ؛ جەتىنشى، باقىلاۋدى سانالىلىقپەن قابىلداپ، ءادىليانى حالىق ءۇشىن جۇرگىزۋدى، ءادىليادا ءادىل بولۋدى جەبەۋ.

　　جوۋ چياڭ بىلاي دەدى: پارتيا 18 - كەزەكتى ورتالىق كوميتەتى ءتورتىنشى جالپى ءماجىلىسىنىڭ ”اتقارۋدىڭ قيىن بولۋىن شىنايى شەشۋ“ جونىندەگى ورنالاستىرۋىن دايەكتىلەندىرۋ، تياناقتاندىرۋ ءۇشىن، ەڭ جوعارى حالىق سوتى مەكەمەسى 2016 - جىلى 3 - ايدا ”2 − 3 جىل ىشىندە اتقارۋدىڭ قيىن بولۋ ماسەلەسىن نەگىزىنەن شەشۋ“دى ورتاعا قويدى. 3 جىلدان بەرى حالىق سوتى مەكەمەسى بار كۇشپەن قامال الىپ، بۇقارانىڭ اڭىسى كۇشتى كورنەكتى ماسەلەلەردەن ءبىر توبىن شەشىپ، جۇڭگولىق ەرەكشەلىككە يە اتقارۋ ءتۇزىمىن، مەحانيزمىن جانە ۇلگىسىن نەگىزىنەن قالىپتاستىرىپ، زاڭمەن جونگە سالۋ قۇرىلىسىن جانە قوعامدىق سەنىمدىلىك قۇرىلىسىن جەبەدى، ”اتقارۋدىڭ قيىن بولۋىن نەگىزىنەن شەشۋ“ سىندى كەزەڭدىك نىسانا ۋاعىندا ورىندالدى.

　　جوۋ چياڭ 2019 - جىلعى قىزمەت ورنالاستىرۋىن 5 جاقتان باياندادى: ءبىرىنشى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋعا، امالياتقا جەتەكشىلىك ەتۋگە، قىزمەتتەردى ىلگەرىلەتۋگە باستان - اياق تاباندى بولۋ؛ ەكىنشى، سوتتىڭ فۋنكتسيالىق رولىن تولىق ساۋلەلەندىرىپ، ەكونوميكانىڭ ۇزدىكسىز اقاۋسىز دامۋىنا جانە قوعامدىق جالپى جاعدايدىڭ ورنىقتىلىعىنا قىزمەت ەتۋ جانە ونى قامتاماسىز ەتۋ؛ ءۇشىنشى، ءادىليانى حالىق ءۇشىن جۇرگىزۋگە تاباندى بولىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋ؛ ءتورتىنشى، جاڭا داۋىردەگى رەفورما جاساۋ، ەسىك اشۋ تۋىن بيىك ۇستاپ، ءادىليا ءتۇزىلىسى رەفورماسىن جاپپاي تەرەڭدەتۋ؛ بەسىنشى، قوسىننىڭ توڭكەرىسشىلدەنۋ، جۇيەلىلەنۋ، ماماندانۋ، كاسىبيلەنۋ قۇرىلىسىن جەدەل ىلگەرىلەتىپ، پارتيا ورتالىق كوميتەتى الاڭسىز، حالىق بۇقاراسى رازى بولاتىن جوعارى ساپالى سوت مەكەمەسى قوسىنىن شىڭداۋ، قالىپتاستىرۋ .

　　ەڭ جوعارى حالىق پروكۋراتۋراسىنىڭ باس پروكۋرورى جاڭ جۇن 2018 - جىلعى باستى قىزمەتتەردى 5 جاقتان بايانداندى: ءبىرىنشى، پروكۋراتۋرانىڭ فۋنكتسياسىن تولىق ساۋلەلەندىرىپ، جالپى جاعدايى ءۇشىن قىزمەت ەتىپ، حالىق ءۇشىن ءادىليا جۇرگىزۋ. مەملەكەتتىڭ ساياسي حاۋىپسىزدىگى مەن قوعامدىق ءتارتىپتى باتىل قورعاپ، وسكەلەڭ جاۋاپكەرشىلىك سەزىممەن قارا - سۇرقيا كۇشتەردى الاستاۋ ارناۋلى كۇرەسىنە ات سالىسىپ، 3 ءىرى قامال الۋ شايقاسىن ويداعىداي جۇرگىزۋگە ىرىقتى قىزمەت ەتىپ، ءتۇرلى كاسىپورىنداردىڭ زاڭدىق ۇقىق - مۇددەسىن تەڭ تۇرعىمەن قورعاپ، مەملەكەتتىڭ باقىلاۋ - تەكسەرۋ ءتۇزىلىسى رەفورماسىنا بەلسەنە سايكەسىپ، ازىق - تۇلىك حاۋىپسىزدىگىن زاڭ بويىنشا قورعاپ، ازامات جاسىنا تولماعاندارعا قاتىستى پروكۋراتۋرا قىزمەتىن دەن قويا جاقسى ىستەپ، دەلو ىستەۋدى تياناق ەتىپ، قوعامدىق جونگە سالۋعا ات سالىسۋ؛ ەكىنشى، ارىز - شاعىم قيمىلدارىنا زاڭدىق باقىلاۋدى كۇشەيتىپ، ءادىليانىڭ ادىلدىگىن، الەۋمەتتىك سەنىمدىلىگىن قورعاۋ. قىلمىستىق ىستەر ارىز - شاعىمىنا باقىلاۋدى تەرەڭدەتىپ، ازاماتتىق ىستەر ارىز - شاعىمىنا باقىلاۋ جۇرگىزۋگە ءمان بەرىپ، اكىمشىلىك ارىز - شاعىمعا باقىلاۋدى كۇشەيتۋ، ءادىليا قىزمەتكەرلەرىنىڭ قىزمەتتىك قىلمىستارىن زاڭ بويىنشا تەكسەرىپ ءبىر جاقتى ەتۋ، ادۆوكاتتاردىڭ كاسىپ ىستەۋ ۇقىعىنا قۇرمەت ەتۋ جانە ونى قامتاماسىز ەتۋ؛ ءۇشىنشى، الەۋمەتتىك يگىلىك ارىز - شاعىمىن زاڭ بويىنشا كەڭەيتىپ، الەۋمەتتىك يگىلىكتى قورعاۋدىڭ اسقاق بورىشىن اتقارۋ. ەكى جاق يگىلىككە كەنەلۋ، كوپ جاق يگىلىككە كەنەلۋ، بىرگە يگىلىككە كەنەلۋ ۇستانىمىن ورناتىپ، ارىز - شاعىمنان بۇرىن الەۋمەتتىك يگىلىكتى قورعاۋ ماقساتىن جۇزەگە اسىرۋدى ەڭ جاقسى كۇي ەتىپ، ارىز - شاعىم بەرۋدى جاندى زاڭ ساباعى ەتىپ، زاڭ تاسىلىنەن پايدالانىپ قاھارمانداردىڭ ار - نامىسىن قورعاۋ؛ ءتورتىنشى، پروكۋراتۋرانىڭ باقىلاۋ قابىلەتىن جوعارىلاتىپ، جاڭا داۋىردەگى اناعۇرلىم جوعارى، اناعۇرلىم قاتاڭ تالاپقا ۇيلەسۋ. پارتيانىڭ ساياسي قۇرىلىسىن ماڭداي الدى ورىنعا قويۋعا تاباندى بولىپ، ىشكى قۇرىلىمداردىڭ جۇيەلىك، قايتا قۇرىلىمداۋ سيپاتتى رەفورماسىن ىلگەرىلەتىپ، ءادىليا ءتۇزىلىسى رەفورماسىن تەرەڭدەتىپ، كاسىپ قۇرىلىسىن جاڭالىق اشا وتىرىپ ىلگەرىلەتىپ، قاتاڭ باسقارۋ قامقورلىق ەكەندىگىنە تاباندى بولۋ؛ بەسىنشى، حالىقتىڭ باقىلاۋىن قابىلداپ، پروكۋراتۋرا ۇقىعىنىڭ جۇيەلى اينالىمىنا كەپىلدىك ەتۋ.

　　جاڭ جۇن بىلاي دەدى: 2019 - جىلعى پروكۋراتۋرا قىزمەتىن ويداعىداي ىستەۋدە ەڭ ءتۇبىرلى تەتىك شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولۋدا، ەڭ شەشۋشى تەتىك حالىقتى وزەك ەتۋگە تاباندى بولۋدا، ەڭ كوكەي تەستى تەتىك قىزمەتتى ورنىقتىلىق بارىسىندا ىلگەرىلەتۋ سىندى جالپى ارناعا تاباندى بولۋدا. ءبىرىنشى، ”ورنىقتىلىق بارىسىندا ىلگەرىلەۋ“ سىندى جالپى جاعدايدى يگەرىپ، ەكونوميكانىڭ، قوعامنىڭ ۇزدىكسىز اقاۋسىز دامۋىن زاڭ بويىنشا قامتاماسىز ەتۋ؛ ەكىنشى، ”تياناقتاندىرۋ“ سىندى وزەك ءتۇيىندى يگەرىپ، كەلەلى ورنالاستىرۋلاردىڭ تەرەڭ تامىر تارتۋىن ىلگەرىلەتۋ؛ ءۇشىنشى، ”جوعارىلاتۋ“ سىندى نىسانانى يگەرىپ، جاڭا داۋىردەگى پروكۋراتۋرا قىزمەتىندە تىڭ لەپ، جاڭا ىسكەرلىك كورسەتۋ كەرەك.

　　ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى ەركىن يمىرباقى جيىندى باسقاردى. جيىن باستالعان كەزدە ەركىن يمىرباقى بىلاي دەدى: 13 - كەزەكتى مەملەكەتتىك حالىق قۇرىلتايىندا قازىر 2975 ۋاكىل بار. 3 - ايدىڭ 11 - كۇنى مەملەكەتتىك حالىق قۇرىلتايىنىڭ ۋاكىلى ۋاڭ مينگاڭ ناۋقاس سەبەبىنەن قايتىس بولدى. ءماجىلىس اتىنان ۋاڭ مينگاڭ ۋاكىلدىڭ باقىتقا قارسى قازا تاپقانىنا ازا بىلدىرەمىز.

　　جيىنعا قاتىناسۋعا ءتيىستى ۋاكىل 2974، قاتىناسقان ۋاكىل 2948، قاتىناسپاعان ۋاكىل 26، قاتىناسقان ۋاكىل سانى زاڭداعى بەلگىلەمەگە ۇيلەسەدى.

　　ءماجىلىستىڭ اتقارۋشى ءتوراعالارى يۇي ۋيگو، ما فىڭگو، ۋاڭ گۋاڭيا، ۋاڭ جيانجۇن، چى جۇن، بايىنچۇلۋ، شى تايفىڭ، ليۋ جيا - ي، ليۋ سىگۇي، سۇن جىگاڭ، دۋ جياحاۋ، لي في، لي يۇيمەي، لي ۋي، لي جيحىڭ، ۋ يۇيلياڭ، حى يتيڭ، جاڭ چيڭۋي، جاڭ شۋان، حۋ حىپيڭ، لو حۇينيڭ، گاۋ حۋچىڭ، پىڭ چيڭحۋا ءتوراعالار مىنبەسىنىڭ اتقارۋشى ءتوراعالار ورنىنا جايعاستى.