تيانشان تورى
تيانشان تورى   ›   جاڭالىقتار   ›   شينجياڭ حابارلارى

ىرىق بەرۋ، اۋىرتپالىقتى جەڭىلدەتۋ شارالارى ناقتى جاسالدى، شيراقىلىقپەن ىسكە كىرىسىپ، قايراتىمىز تاسقىندادى

− رايونىمىزداعى ءار ۇلت كادرلارى «فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى حابارلاندىرۋ»دى قىزۋ تالقىلادى

  جۇڭگو كوممۋنيستىك پارتياسى ورتالىق كوميتەتى كەڭسەسى جۋىردا «فورماشىلدىقتاعى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋ جونىندەگى حابارلاندىرۋ»دى تاراتىپ، اۆتونوميالى رايونىمىزداعى ءار ۇلت كادرلارى اراسىندا قىزۋ اڭىس قوزعادى. كوپشىلىك ءبىر اۋىزدان بىلاي دەپ قارادى: «حابارلاندىرۋ» شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيانى مىزعىماستان جاپپاي قاتاڭ جونگە سالاتىن، تاباندىلىقپەن ستيل قۇرىلىسىن مىقتى يگەرەتىن بەكىمىن، ەركىن تولىق بەينەلەپ، نەگىزگى ساتى ءۇشىن ىرىق بەرەتىن، اۋىرتپالىقتى جەڭىلدەتەتىن، قالىڭ كادرلاردى جاۋاپكەرشىلىك ارقالاپ، ىسكەرلىك كورسەتۋگە ىنتالاندىراتىن ناقتى ىستەۋ باعدارىن ايقىن ورناتتى. «حابارلاندىرۋ» 2019 - جىلدى ”نەگىزگى ساتىنىڭ اۋىرتپالىعىن جەڭىلدەتۋ جىلى“ ەتىپ، نازاردى ”تورتكە كۇش سالۋ“عا شوعىرلاندىرا وتىرىپ ءبىر قاتار ناقتى دا جارامدى شارالاردى العا قويىپ، جۇرتتى ايرىقشا مەيىرگە بولەدى. كوپشىلىك مىنالاردى ءبىلدىردى: جاۋاپكەرشىلىك ارقالاپ، ىسكەرلىك كورسەتىپ، اناعۇرلىم كوپ كۇش - قايراتتى ءۇش ءىرى قامال الۋ شايقاسىن ويداعىداي جۇرگىزۋگە، جوعارى ساپالى دامۋدى ىلگەرىلەتۋگە جۇمساپ، تاسقىنداعان كۇش - قايراتپەن جاڭا داۋىرگە لايىق جاڭا ناتيجە جاراتامىز.

  - فورماشىلدىقتى تالقانداپ، شىنايى يگەرىپ، ناقتى ىستەيمىز

  ”2019 - جىل جاڭا جۇڭگو قۇرىلعاندىعىنىڭ 70 جىلدىعى، سونداي - اق جاپپاي دوڭگەلەك داۋلەتتى قوعام ورناتۋدىڭ، ءبىرىنشى 100 جىلدىق كۇرەس نىساناسىن جۇزەگە اسىرۋدىڭ شەشۋشى جىلى. ورتالىق قالىڭ نەگىزگى ساتى كادرلارىنىڭ نازار اۋدارىپ وتىرعان ماسەلەلەرىنە جاۋاپ قايتارىپ، 2019 - جىلدى ’نەگىزگى ساتىنىڭ اۋىرتپالىعىن جەڭىلدەتۋ جىلى‘ ەتىپ بەلگىلەپ، باس شۋجي شي جينپيڭنىڭ نەگىزگى ساتىنى كوڭىل تورىنە قويعان، كادرلاردى ايالاعان تەرەڭ سۇيىسپەنشىلىگىن تولىق بەينەلەدى“، - دەدى 3 - ايدىڭ 13 - كۇنى اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى پارتيا ستيلىن، ۇكىمەت ستيلىن باقىلاۋ كەڭسەسىنىڭ مەڭگەرۋشىسى رىن گۋاڭپىڭ.

  رىن گۋاڭپىڭ مىنالاردى ءبىلدىردى: ءتارتىپ تەكسەرۋ، باقىلاۋ - تەكسەرۋ ورگانىنىڭ فورماشىلدىقتى، تورەشىلدىكتى شوعىرلى جونگە سالۋعا جاۋاپتى ارناۋلى تاراۋى رەتىندە، پارتيا ستيلىن، ۇكىمەت ستيلىن باقىلاۋ كەڭسەسى باس شۋجي شي جينپيڭنىڭ ماڭىزدى سوزدەرىنىڭ جانە ماڭىزدى نۇسقاۋلارىنىڭ، بەكىتۋلەرىنىڭ رۋحىن باتىل دايەكتىلەندىرىپ، قىزمەت جاۋاپكەرشىلىگىن، بورىشىن مۇقيات اتقارىپ، ءبىر - بىرلەپ شەرتە وتىرىپ، تاباندىلىقپەن ستيلدى دۇرىستاپ، ءتارتىپتى قاتايتىپ، ”نەگىزگى ساتىنىڭ اۋىرتپالىعىن جەڭىلدەتۋ جىلى“نىڭ ءتۇرلى تالاپتارىن ناقتى تياناقتاندىرىپ، قالىڭ كادرلاردى اناعۇرلىم كوپ كۇش - قايراتتى باس نىسانانى تياناقتاندىرۋعا، ءۇش ءىرى قامال الۋ شايقاسىن ويداعىداي جۇرگىزۋگە جۇمساۋعا ىنتالاندىرادى.

  اۆتونوميالى رايوندىق پارتكوم نەگىزگى ساتى كەڭسەسى جالپىلىق ىستەر باسقارماسىنىڭ ورىنباسار باستىعى تاڭ شاۋچيڭ بىلاي دەدى: «حابارلاندىرۋ» تالماۋ جەردى ءداپ باستى، باعىتتامالىلىعى ايرىقشا كۇشتى بولدى، ءبىز، ءسوز جوق، باستاماشىلدىقپەن باتىل اتقارىپ، شىنايى تۇردە نەگىزگى ساتى كادرلارىنىڭ اۋىرتپالىعىن جەڭىلدەتىپ، نەگىزگى ساتى كادرلارىنىڭ اناعۇرلىم كوپ ۋاقىتى مەن كۇش - قايراتىن نەگىزگى ساتىعا قىزمەت وتەۋگە، بۇقاراعا قىزمەت وتەۋگە جۇمساۋىنا مۇمكىندىك جاسايمىز.

  نەگىزگى ساتى كادرلارىنىڭ قولىن بوساتىپ، اۋىرتپالىقتارىن جەڭىلدەتۋ ءۇشىن، اۆتونوميالى رايوندىق پارتكوم نەگىزگى ساتى كەڭسەسى العاشقى قادامدا بىرنەشە تياناقتاندىرۋ شاراسىن ورتاعا قويىپ، نەگىزگى ساتىنى مازالاپ كەلگەن فورماشىلدىق ماسەلەسىن جاپپاي اداقتاپ، يدەيا - كوزقاراس، قىزمەت ستيلى جانە باسشىلىق ءادىس جاعىنان توركىن - قاينارىن تابۋعا، رەتتەۋ - تۇزەتۋدى يگەرۋگە كۇش سالىپ، نەگىزگى ساتىنى مازالاپ كەلگەن فورماشىلدىق ماسەلەلەرىن شىن مانىندە شەشەدى؛ سونىمەن بىرگە، «”ۇعىسۋ، تيىمدىلىك جاساۋ، توعىستىرۋ“بويىنشا قىستاقتا تۇراتىن كادرلارعا كوڭىل ءبولۋ، قامقورلىق جاساۋ مەحانيزمىن اناعۇرلىم كەمەلدەندىرۋ جونىندەگى پىكىر» سياقتى حۇجاتتاردىڭ تياناقتاندىرىلۋىن مىقتى يگەرىپ، قىستاقتا تۇراتىن كادرلاردى قىسىمنان ارىلتىپ، اۋىرتپالىقتان جەڭىلدەتىپ، ولاردى جاۋاپكەرشىلىك ارقالاپ، ىسكەرلىك كورسەتۋگە ىنتالاندىرادى.

  - شيراقىلىقپەن ىسكە كىرىسىپ، بۇقاراعا قىزمەت وتەيمىز

  ”«حابارلاندىرۋ»دا ورتاعا قويىلعان ناقتى دا جارامدى شارالار نەگىزگى ساتى كادرلارى نازار اۋدارىپ وتىرعان ماسەلەلەرگە جاۋاپ قايتاردى“، - دەدى ونسۋ اۋدانى بوزءدوڭ قىرعىز ۇلتتىق اۋىلدىق پارتكومنىڭ مۇشەسى، اۋىلدىڭ ورىنباسار باستىعى ۋي جىشياڭ: ”نەگىزگى ساتى كادرى رەتىندە، بار ىنتا - پەيىلمەن حالىق ءۇشىن قىزمەت ەتۋ كەرەك. «حابارلاندىرۋ»دىڭ تياناقتاندىرىلۋىنا مەڭزەس، ءبىز بۇقارا ءۇشىن جاقسى ءىس تىندىرۋعا، قيىن ىستەردى شەشۋگە اناعۇرلىم كوپ ۋاقىتىمىز بەن كۇش - قايراتىمىزدى جۇمساپ، ناقتى ءىس تىندىراتىن، جاپاعا شىداپ جۇمىس ىستەيتىن قىزمەت ستيلىمەن جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە بۇكىل ىنتا - پەيىلمەن ات سالىسا الامىز“.

  ”نەگىزگى ساتى قىزمەتى كۇردەلى ءارى مىندەتى اۋىر كەلەدى، «حابارلاندىرۋ» ءدال كەزىندە شىعارىلىپ، نەگىزگى ساتى كادرلارىنىڭ جىگەرىن جانىپ، كۇش - قايراتىن تاسقىنداتىپ، كوپشىلىكتىڭ حۇجات باستىلىق پەن ءماجىلىس باستىلىقتان قۇتىلىپ، سەرگەكتىكپەن اتويلاۋىنا، بار ىنتا - پەيىلمەن ناقتى قىزمەتكە ارالاسۋىنا مۇمكىندىك جاسادى“، - دەدى ياركەن اۋدانى چىڭبەي ءمالىسى پارتيا قىزمەت كوميتەتىنىڭ شۋجيى پاڭ زىجيان: ”بۇقارانىڭ ۇنىنە قۇلاق تۇرۋگە كوبىرەك ۋاقىت جۇمساپ، بۇقارانىڭ ۋايىمىن ارىلتىپ، قيىنشىلىعىن شەشەمىز“.

  ”ءبىز اناعۇرلىم كوپ ۋاقىتىمىزدى ءىس تىندىرىپ، ناتيجە جاراتۋعا جۇمساي الاتىن بولدىق!“. «حابارلاندىرۋ»دى مۇقيات ۇيرەنگەن سوڭ، گۇما اۋدانى مۇجى قالاشىعى اسار قىستاعى ايەلدەر قىزمەتى مەڭگەرۋشىسى گۇلسىم ابباس تەرەڭ تولعانا بىلاي دەدى: ”«حابارلاندىرۋ»دا العا قويىلعان شارالاردىڭ بارلىعى وتە ءدال بولعان، ول نەگىزگى ساتى كادرلارىن ورىنسىز ىستەردەن اراشالاپ، قىستاق تۇرعىندارى ءۇشىن ناقتى ءىس، جاقسى ءىس تىندىرۋىنا مۇمكىندىك جاساي الادى“.

  - جاۋاپكەرشىلىك ارقالاپ، ىسكەرلىك كورسەتىپ، ناقتى ناتيجە جاراتامىز

  «حابارلاندىرۋ» نەگىزگى ساتىنىڭ ىرىق بەرۋدىڭ، اۋىرتپالىعىن جەڭىلدەتۋدىڭ، قالىڭ كادرلاردى جاۋاپكەرشىلىك ارقالاپ، ىسكەرلىك كورسەتۋگە ىنتالاندىرۋدىڭ ناقتى باعدارىن ورناتتى. تۇرپان قالالىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتىنىڭ گاۋچاڭ رايونى جۇزىمشىلىك قالاشىعى تەتىر قىستاعىنداعى”ۇعىسۋ، تيىمدىلىك جاساۋ، توعىستىرۋ“ بويىنشا تۇراتىن قىزمەت اترەتىنىڭ باستىعى، ءبىرىنشى شۋجي ليۋ تاۋ بىلاي دەدى: قۇلشىنا ىستەۋگە، ناقتى ناتيجەگە ءمان بەرۋ نەگىزگى ساتى كادرلارىن فورماشىلدىقتان، تورەشىلدىكتەن اۋلاق ەتۋمەن قاتار، كوپشىلىكتىڭ ءىس تىندىرىپ، شارۋاشىلىق قۇرۋ ىنتاسىن دا كۇشەيتەدى.

  ليۋ تاۋ بىلاي دەدى: كەلەسى قادامدا، ءبىز «حابارلاندىرۋدىڭ» رۋحىن ويداعىداي ۇيرەنىپ، ءتۇسىنىپ، اناعۇرلىم كوتەرىڭكى رۋحاني بەينەمەن كەدەيلىكتەن ارىلتۋدان قامال الۋ، اۋىل - قىستاقتاردى گۇلدەندىرۋ قاتارلى ءتۇرلى قىزمەتتەرگە ات سالىسىپ، قاجىرلىلىقپەن ىستەپ، ناقتى ناتيجەگە قول جەتكىزىپ، ءار ۇلت بۇقاراسىن اناعۇرلىم تاماشا تۇرمىسقا جەتكىزۋ ءۇشىن قۇلشىنامىز.

  اۆتونوميالى رايوننىڭ كەدەيلەردى سۇيەمەلدەۋ، وركەندەتۋ كەڭسەسى باقىلاۋ - تەكسەرۋ باسقارماسىنىڭ باستىعى امانگۇل ادىل بىلاي دەدى: اۆتونوميالى رايوننىڭ كەدەيلەردى سۇيەمەلدەۋ، وركەندەتۋ كەڭسەسى «حابارلاندىرۋدىڭ» تالابىنا ۇشتاستىرىپ، كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەلەرىن ارناۋلى جونگە سالۋدى ىشكەرىلەي ورىستەتىپ، كەدەيلەردى سۇيەمەلدەۋ سالاسىنداعى بۇقارانىڭ اڭىسى كۇشتى كورنەكتى ماسەلەلەردى كۇش سالا ويداعىداي ءبىر جاقتى ەتەدى. ايماق، اۋدان ەكى دارەجەلى ورىننان ءتۇرلى قۋزاپ تەكسەرۋدى، تەكسەرۋدى ءوز بىلگەنىنشە ۇيىمداستىرىپ ورىستەتپەۋدى نەمەسە ءتۇرىن وزگەرتىپ ورىستەتپەۋدى تالاپ ەتىپ، نەگىزگى ساتىنىڭ تۇزەتۋدى، وڭاۋدى يگەرۋىنە، تياناقتاندىرۋدى يگەرۋىنە جەتكىلىكتى ۋاقىت بەرىپ، پارتيالى كادرلاردىڭ قاتەلىگىن كەشىرىم ەتۋ، قاتەلىگىن تۇزەتۋ مەحانيزمىن ورناتىپ، ماسەلەلەردى تۇزەتۋ، وڭاۋدىڭ ورنىنا قاراپايىم عانا جاۋاپقا تارتۋعا قاتاڭ تيىم سالىپ، قالىڭ كادرلاردى جاۋاپكەرشىلىك ارقالاپ، ىسكەرلىك كورسەتۋگە ىنتالاندىردى.

  قوبىقسارى موڭعۇل اۆتونوميالى اۋدانى قوستولاعاي قالاشىعى پارتكومىنىڭ مۇشەسى ۇرىنتۇيا بىلاي دەدى: «حابارلاندىرۋ» نەگىزگى ساتىعا ىرىق بەرىپ، اۋىرتپالىعىن جەڭىلدەتىپ، ءبىزدىڭ ءىس تىندىرىپ، شارۋاشىلىق قۇرۋىمىز ءۇشىن ورتا ازىرلەدى، ءبىز ءۇمىتتى اقتاپ، اناعۇرلىم كوپ زەيىن - زەردەمىزدى تياناقتاندىرۋدى يگەرۋگە جۇمساپ، ىستەردى ءبىر - بىرلەپ ىستەپ، ماسەلەلەردى ءبىر - بىرلەپ شەشىپ، ءتۇرلى ساياساتتاردى ناقتاپ تياناقتاندىرىپ، ءونىم بەرۋىنە مۇمكىندىك جاراتامىز.

  (تىلشىلەر جاڭ يانفاڭ، لياڭ ليحۋا، جاڭ جىلي، پەريزات، ليۋ ي، جاڭ رۇيلين، ميھىرگۇل ناسىر، ەرىكتى ءتىلشى ياڭ جۇنيىڭ)

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.