تيانشان تورى   ›   جاڭالىقتار   ›   شۋجي ەستەلىگى

شينجياڭ ۋاكىلدەر ۇيىرمەسى ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ باياندامالارىن ۇزدىكسىز قارادى

چىن چۋانگو، ەركىن يمىرباقى، شوكىرات زاكىر، شاۋكەت يمىن، سۇن جينلۇڭ باياندامانى قاراۋعا قاتىناستى

  تىلشىلەر ياۋ تۇڭ، سۇي يۇنيان، لي ياڭ 3 - ايدىڭ 13 - كۇنى بەيجيڭنەن حابارلايدى. 3 - ايدىڭ 13 - كۇنى تۇستەن بۇرىن جانە تۇستەن كەيىن 13 - كەزەكتى مەملەكەتتىك حالىق قۇرىلتايىنىڭ 22 - ماجىلىسىندەگى شينجياڭ ۋاكىلدەر ۇيىرمەسى گرۋپپالار جيىنىن وتكىزىپ، ەڭ جوعارى حالىق سوتى مەكەمەسىنىڭ قىزمەتىنەن باياندامانى، ەڭ جوعارى حالىق پروكۋراتۋراسىنىڭ قىزمەتىنەن باياندامانى ۇزدىكسىز قارادى.

  شينجياڭ ۋاكىلدەر ۇيىرمەسىنىڭ باستىعى، مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق پارتكومنىڭ شۋجيى چىن چۋانگو، مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى جانە مەملەكەتتىك حالىق قۇرىلتايىنىڭ ۋاكىلدەرى شوكىرات زاكىر، شاۋكەت يمىن، سۇن جينلۇڭ قاتارلىلار باياندامانى قاراۋعا قاتىناستى. ەڭ جوعارى حالىق پروكۋراتۋراسىنىڭ ورىنباسار باس پروكۋرورى جاڭ شۋەچياۋ جانە ەڭ جوعارى حالىق سوتى مەكەمەسىنىڭ، ەڭ جوعارى حالىق پروكۋراتۋراسىنىڭ قاتىستى تاراۋلارىنىڭ جاۋاپتىلارى جيىنعا قاتىناسىپ، پىكىردى تىڭدادى.

  جاڭ شين، گو شياۋحۇڭ، ەرجان جۋانعان ۇلى، سۇن چۇنۋاڭ قاتارلى ۋاكىلدەر بىلاي دەپ قارادى: پارتيا 18 - كەزەكتى ورتالىق كوميتەتىنىڭ ءتورتىنشى جالپى ءماجىلىسىنىڭ ”اتقارۋدىڭ قيىن بولۋىن شىنايى شەشۋ“ جونىندەگى ورنالاستىرۋىن دايەكتىلەندىرۋ، تياناقتاندىرۋ ءۇشىن، ەڭ جوعارى حالىق سوتى مەكەمەسى 2016 - جىلى 3 - ايدا ”2 — 3 جىل ىشىندە اتقارۋدىڭ قيىن بولۋ ماسەلەسىن نەگىزىنەن شەشۋ“دى ورتاعا قويدى. 3 جىلدان بەرى حالىق سوتى مەكەمەسى بار كۇشپەن قامال الىپ، بۇقارانىڭ اڭىسى كۇشتى كورنەكتى ماسەلەلەردەن ءبىر توبىن شەشىپ، جۇڭگوشا ەرەكشەلىككە يە اتقارۋ ءتۇزىمىن، مەحانيزمىن جانە ۇلگىسىن نەگىزىنەن قالىپتاستىرىپ، زاڭمەن جونگە سالۋ قۇرىلىسىن جانە قوعامدىق سەنىمدىلىك قۇرىلىسىن جەبەدى، ”اتقارۋدىڭ قيىن بولۋىن نەگىزىنەن شەشۋ“ سىندى كەزەڭدىك نىسانانى ۋاعىندا ورىندادى. نىسانانىڭ جۇزەگە اسۋىنداعى شەشۋشى ءتۇيىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ مەملەكەتتى زاڭمەن جاپپاي جونگە سالۋ ستراتەگياسىنىڭ اتقارىلۋىندا، شەشۋشى ءتۇيىن رەفورمانى تەرەڭدەتۋ ارقىلى قيىن ماسەلەلەردى شەشۋدە، شەشۋشى ءتۇيىن ينفورماتسيالاندىرىپ دامۋ قامداعان عىلىم - تەحنيكا تىرەگىندە. كەلەسى قادامدا ”اتقارۋدىڭ قيىن بولۋىن نەگىزىنەن شەشىم ەتۋ“ جەتىستىكتەرىن ۇزدىكسىز بەكەمدەپ، اتقارۋدىڭ قيىن بولۋىن شەشۋدىڭ باياندى مەحانيزمىن اقاۋسىزداندىرۋ كەرەك.

  جاۋ جينلۇڭ، ءمامتيمىن ابدۇعيني، جاڭ يان، فاتيما قاتارلى ۋاكىلدەر مىنالاردى ۇسىنىس ەتتى: نەگىزگى ساتىنىڭ نەگىزدىك قۇرىلىسىن كۇشەيتىپ، توڭكەرىستىك بايىرعى رايوندارداعى، ۇلتتىق وڭىرلەردەگى، شەكارا وڭىرلەردەگى، كەدەي وڭىرلەردەگى سوت مەكەمەسى قۇرىلىسىن قولداۋ سەرپىنىن كۇشەيتۋ كەرەك. وقۋ - اعارتۋ، جۇمىسقا ورنالاسۋ، قارتتاردى كۇتىمدەۋ، ەمدەۋ، تۇتىنۋ، ۇيلەنۋ، وتباسى سياقتىلارعا ساياتىن دەلولاردى زاڭ بويىنشا قاراپ، تەكسەرىپ، حالىق تۇرمىسى سالاسىنداعى كورنەكتى ماسەلەلەردى شەشۋدى جەبەۋ كەرەك.

  مۇقيات جارمۇقامەت ۇلى، ۋاڭ يانچيڭ، مۋسا مامەت قاتارلى ۋاكىلدەر بىلاي دەپ قارادى: ەڭ جوعارى حالىق پروكۋراتۋراسى پارتيا مەن حالىقتىڭ تاپسىرماسىن ەستە بەرىك ساقتاپ، حالىقتى وزەك ەتىپ، جۇڭگوشا الەۋمەتتىك يگىلىك ارىز - شاعىمدارىن تەكسەرۋ جولىن باتىلدىقپەن اشتى، مۇنىڭ باستاماسىنىڭ ونىمدىلىگى جاقسى بولدى. تۇتاس ءبىر جىلدا دەلو تۇرعىزىپ ءبىر جاقتى ەتكەن ازاماتتىق ىستەر الەۋمەتتىك يگىلىك ارىز - شاعىمدارى، اكىمشىلىك ىستەر الەۋمەتتىك يگىلىك ارىز - شاعىم دەلولارى ەكولوگيالىق ورتانى جانە بايلىقتاردى قورعاۋ، ازىق - تۇلىك، ءدارى - دارمەك حاۋىپسىزدىگى، مەملەكەت مەنشىگىندەگى قازىنا - مۇلىكتى قورعاۋ، مەملەكەت مەنشىگىندەگى جەردەن پايدالانۋ ۇقىعىن وتكەرمەلەۋ، قاھارمانداردىڭ ۇقىق - مۇددەسىن قورعاۋ سياقتىلارعا سايادى. دەلونى ءبىر جاقتى ەتۋ ارقىلى لاستانعان، بۇلدىرىلگەن ەگىستىك جەرلەردى، سازداۋىت جەرلەردى، ورمانداردى، جايلىمداردى جونگە سالۋعا قۋزادى، قاتتى كۇيدەگى جاراقسىز زاتتاردى، تۇرمىس قوقسىقتارىن تازالاۋعا قۋزادى، جالعان، ساپاسىز ازىق - تۇلىكتەردى جانە جالعان ءدارى - دارمەكتەردى، سونداي - اق اتكەزشىلىك ەتىلگەن ءدارى - دارمەكتەردى تەكسەرىپ ءبىر جاقتى ەتۋگە، جيناپ الۋعا قۋزادى، مەملەكەت مەنشىگىندەگى قازىنا - مۇلىكتى قايتارىپ الۋعا قۋزادى، ەكولوگيانى قالپىنا كەلتىرۋ، قورشاعان ورتانى جونگە سالۋ قاراجاتىن تولەتىپ الدى، زاڭعا قايشىلىق ىستەۋشىلەردىڭ زيانعا ۇشىراعان الەۋمەتتىك يگىلىكتەردى قالپىنا كەلتىرۋى ءۇشىن، ءسوزسىز، ”اقى تولەۋىن“ ورىندادى. الەۋمەتتىك يگىلىك ارىز - شاعىمدارىن تەكسەرۋ ءتۇزىمىن كەمەلدەندىرىپ، باقىلاۋ - جەتەكشىلىك ەتۋگە، جۇيەگە تۇسىرۋگە ءمان بەرىپ، دەلولاردى ءبىر جاقتى ەتۋ كولەمىن كەڭەيتۋگە قۇلشىنىپ، ساپاعا، ونىمدىلىككە اناعۇرلىم ءمان بەرۋ كەرەك.

  نۇر مامەت، شۇي تاۋ، ءورنيسا قادىر، لياۋ چاۋياڭ، ادالات ازەز قاتارلى ۋاكىلدەر مىنالاردى ۇسىنىس ەتتى: باقىلاۋ - تەكسەرۋدى ءتۇيىلىستىرۋ، سايكەستىرۋ مەحانيزمىن كەمەلدەندىرىپ، قىزمەتتىك قىلمىستاردى زاڭ بويىنشا جازالاپ، ءىرىپ - شىرۋگە قارسى تۇرۋ كۇرەسىندە فۋنكتسيالىق رولىن تولىق ساۋلەلەندىرۋ كەرەك. قوعامدىق جونگە سالۋعا بەلسەنە قاتىناسىپ، دەلولاردا اڭىس ەتىلگەن نىسايلى ماسەلەلەردى جانە باسقارۋداعى ولقىلىقتاردى بايقاۋعا قىراعى بولىپ، تەكسەرۋ ۇسىنىستارىن دەر كەزىندە العا قويىپ، ءبىر دەلونى ءبىر جاقتى ەتىپ، ءبىر ءوڭىردى جونگە سالۋدى ورىنداۋعا قۇلشىنۋ كەرەك.

  مەملەكەتتىك حالىق قۇرىلتايىنىڭ ۋاكىلدەرى نايىم ياسىن، شى داگاڭ، لي ۋي، لو دۇڭچۋان، پىڭ جيارۇي، عانيبات سابىكەي ۇلى، ابدۇرىقىپ ءتۇمۇرنياز قاتارلىلار جيىنعا قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.