(ساياسي كەڭەس 13 - كەزەكتى مەملەكەتتىك كوميتەتىنىڭ 2 - ماجىلىسىندە 2019 - جىلى 3 - ايدىڭ 13 - كۇنى ماقۇلداندى)
ساياسي كەڭەس 13 - كەزەكتى كوميتەتىنىڭ 2 - ءماجىلىسى كەزىندە ساياسي كەڭەس مۇشەلەرى، ساياسي كەڭەسكە قاتىناسقان ورىندار مەن ساياسي كەڭەستىڭ ارناۋلى كوميتەتتەرى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزىپ، ءبىرىنشى 100 جىلدىق كۇرەس نىساناسىن جۇزەگە اسىرۋداعى شەشۋشى ماسەلەلەردى، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋ سىندى ءىس جۇزىندىك ماسەلەلەردى ءتۇيىن ەتىپ، ۇسىنىس جوبالار ارقىلى بەلسەنە، اقىل - كەڭەس بەردى.
3 - ايدىڭ 7 - كۇنى ساعات 17گە دەيىن جيىنى 5113 نۇسقا ۇسىنىس جوبا تاپسىرىپ الىندى. «ۇسىنىس جوبا قىزمەت ەرەجەسى» مەن «ۇسىنىس جوبالاردى تەكسەرۋ قىزمەتىنىڭ ەگجەي - تەگجەيلى ەرەجەسى»نە نەگىزدەلىپ مۇقيات تەكسەرۋ جۇرگىزدى. تەكسەرۋ ارقىلى تىزىمگە الىنعانى 3859 نۇسقا، بىرىكتىرىپ ءبىر جايلى ەتىلگەنى 133 نۇسقا، ۇسىنىس جانە پىكىرگە اينالعانى 1121 نۇسقا. تىزىمگە الىنعان ۇسىنىس جوبادا مۇشەلەر ۇسىنعان ۇسىنىس جوبا 3499 نۇسقا بولىپ، %90.67ىن ۇستادى؛ كوللەكتيۆ ۇسىنعان ۇسىنىس جوبا 360 نۇسقا بولىپ، %9.33ىن ۇستادى. جالپى تۇلعالىق جاقتان قاراعاندا، مۇشەلەردىڭ ساپا جونىندەگى تانىمى جاپپاي كۇشەيىپ، ۇسىنىس جوبا ۇسىنۋدا اناعۇرلىم بايىپتى، تاقىرىپ تاڭداۋدا اناعۇرلىم شوعىرلى، تەكسەرۋ - زەرتتەۋى اناعۇرلىم تىڭعىلىقتى، العا قويعان ۇسىنىستارى اناعۇرلىم ناقتى بولدى، ساپاسى كورنەكتى دارەجەدە جوعارىلاپ، مىندەت وتەۋ، ۇسىنىس قويۋداعى جاۋاپكەرشىلىك پەن بورىشتىلىق ايگىلەندى.
تىزىمگە الىنعان ۇسىنىس جوبالاردىڭ ىشىندە ەكونوميكالىق قۇرىلىس جاعىنداعى ۇسىنىس جوبا 1484 نۇسقا بولىپ، جالپى ساننىڭ %38.46 ىن ۇستادى؛ ساياسي قۇرىلىس جاعىنداعى ۇسىنىس جوبا 308 نۇسقا بولىپ، %7.98 ىن ۇستادى؛ مادەنيەت قۇرىلىسى جاعىنداعى ۇسىنىس جوبا 266 نۇسقا بولىپ، %6.89ىن ۇستادى؛ قوعامدىق قۇرىلىس جاعىنداعى ۇسىنىس جوبا 1336 نۇسقا بولىپ، %34.62ىن ۇستادى؛ ەكولوگيالىق وركەنيەت قۇرىلىسى جاعىنداعى ۇسىنىس جوبا 350 نۇسقا بولىپ، %9.07ىن ۇستادى؛ باسقا جاقتارداعى ۇسىنىس جوبالار 115 نۇسقا بولىپ، %2.98ىن ۇستادى. اڭىس ءبىرشاما شوعىرلى بولعان ۇسىنىستار:
ءبىرىنشى، ءۇش ءىرى قامال الۋ شايقاسىن ۇزدىكسىز ويداعىداي جۇرگىزۋ جاعىندا، باستىسى، شەكتەن اتتاماۋ ويىنا تاباندى بولىپ، فينانس بازارىنىڭ قالىپسىز تولقۋىنان ساقتانىپ، جەرگىلىكتى ۇكىمەتتەردىڭ قارىز حاۋىپ - قاتەرىن ۇيلەسىمدى ءبىر جايلى ەتۋ؛ كەدەيلىكتەن ارىلتۋدان قامال الۋدى اۋىل - قىستاقتاردى گۇلدەندىرۋمەن ۇشتاستىرىپ، كەدەيلىكتەن ارىلتۋدىڭ تابىستارىن بەكەمدەپ، قايتا كەدەيلەسۋدەن ۇتىمدى ساقتانۋ؛ اتموسفەرانىڭ لاستانۋىنان ساقتانۋ جانە ونى تىزگىندەۋدىڭ ۇلكەن ساندى مالىمەت ورتالىعىن قۇرىپ، ەكولوگيالىق ورتانى باقىلاۋ - ولشەۋ تورى قۇرىلىسىن ىلگەرىلەتىپ، كوگىلدىر اسپاندى قورعاۋ شايقاسىن جەڭىستى جۇرگىزۋ، ت. ب.
ەكىنشى، ەكونوميكانىڭ ورنىقتى، اقاۋسىز دامۋىن ساقتاۋ جاعىندا، باستىسى، اكىمشىلىك پەن ساۋدانىڭ باۋىرمال، پاك، جاڭاشا قاتىناسىن قالىپتاستىرىپ، حالىقتىق ەكونوميكانىڭ دامۋ ورتاسىن ساپالىلاندىرۋ؛ جاساۋ كاسىبىنىڭ جوعارى ساپالى دامۋىن ىلگەرىلەتىپ، قامداۋ جاعىنداعى قۇرىلىمدىق رەفورمانى بەلسەنە ىلگەرىلەتۋ؛ ”قارجىلاندىرۋدى ورنىقتىرۋدى“ ءبىر تۇتاس سايكەستىرىپ، بازار سەنىمىن سەرپىلتۋ؛ عىلىم - تەحنيكالىق جاڭالىق اشۋدى ىلگەرىلەتىپ، جاڭا - كونە قوزعاۋشى قۋاتتاردىڭ اۋىسۋىن جەدەلدەتۋ؛ كىرىس ءبولىسى ءتۇزىمىن رەفورمالاۋ تەبىنىن كۇشەيتىپ، تۇتىنۋدىڭ ساپاسىن جاقسارتىپ، دارەجەسىن كوتەرۋدى ىلگەرىلەتۋ؛ ۇساق ديقان قوجالىقتارى مەن وسى زامانعى اۋىل شارۋاشىلىعىنىڭ دامۋىن ورگانيكالى ۇشتاستىرۋدى جەبەۋ؛ نەگىزدىك قۇرىلعىلاردىڭ كەم - كەتىگىن تولىقتاپ، وڭتۇستىكتىڭ سۋىن سولتۇستىككە جەتكىزۋ ينجەنەرياسىنىڭ كەشەندى تيىمدىلىگىن ساۋلەلەندىرۋ؛ گۋاڭدۇڭ - شياڭگاڭ - اۋمىن ۇلكەن شىعاناق ءوڭىرىنىڭ، چاڭجياڭ ەكونوميكالىق بەلدەۋىنىڭ، بەيجيڭ - تيانجين - حىبەيدىڭ، چاڭجياڭ اتىراۋىنىڭ وڭىرلىك دامۋىن ىلگەرىلەتىپ، ”ءبىر بەلدەۋ، ءبىر جولدى“ بىرگە كوركەيتۋ، ت. ب.
ءۇشىنشى، سوتسياليستىك دەموكراتيالىق ساياسيدى دامىتۋ جاعىندا، باستىسى، زاڭ جاساۋ جانە وعان وزگەرىس ەنگىزۋ قىزمەتىن ىلگەرىلەتىپ، ۇكىمەت قيمىلدارىن جاپپاي زاڭمەن جونگە سالۋ ارناسىنا ءتۇسىرىپ، ءادىليا ءتۇزىلىسى رەفورماسىن تەرەڭدەتۋ؛ ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ جانە كەشەندى اكىمشىلىك زاڭ اتقارۋ رەفورماسىن تەرەڭدەتىپ، باقىلاۋ، جاۋاپقا تارتۋ مەحانيزمىن كەمەلدەندىرۋ؛ ”ءتورت بۇرىس ستيلدى“ باتىل تۇزەتىپ، ”حۇجات باستىلىق پەن ءماجىلىس باستىلىقتى“ جونگە سالۋ؛ جاڭا داۋىردەگى حالىق ساياسي كەڭەسى قىزمەتىن كۇشەيتىپ جانە جاقسارتىپ، يدەيالىق ساياسي جەتەكشىلىكتى كورنەكتىلەندىرۋ، ت. ب.
ءتورتىنشى، سوتسياليستىك مادەنيەتتى گۇلدەندىرۋ جاعىندا، باستىسى، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋدى وراي ەتىپ، قىزىل مادەنيەت بايلىقتارىن قورعاۋدى جانە پايدالانۋدى اناعۇرلىم كۇشەيتۋ؛ سوتسياليستىك وزەكتى قۇن كوزقاراسىنىڭ مەكتەپتەردە جالپىلاسۋىن ىلگەرىلەتۋ؛ نەگىزگى الەۋمەتتىك مادەنيەتتىك قىزمەت وتەۋدىڭ قامتۋ كولەمى مەن قولدانىلۋىن جوعارىلاتۋ؛ مادەنيەت شارۋاشىلىعىنىڭ جوعارى ساپالى دامۋىن ىلگەرىلەتۋ؛ جۇڭگو جايلى تارتىمدى اڭگىمەلەر شەرتىپ، جۇڭحۋا مادەنيەتىنىڭ ىقپال كۇشىن ارتتىرۋ؛ دەنە تاربيە، قوعامدىق ۇيىمداردىڭ اقاۋسىز دامۋىن دەمەپ، جالپى حالىقتىق دەنە شىنىقتىرۋ قيمىلدارىن كەڭىنەن ورىستەتۋ، ت. ب.
بەسىنشى، حالىق تۇرمىسىن ويداعىداي قامتاماسىز ەتۋ جانە جاقسارتۋ جاعىندا، باستىسى، جۇمىستانۋ قۇرىلىمىن ساپالىلاندىرىپ، جوعارى ساپالى جۇمىستانۋدى جەبەۋ؛ كاسىپتىك وقۋ - اعارتۋ رەفورماسىن كۇش سالا ىلگەرىلەتىپ، جالپىعا ءتيىمدى مەكتەپكە دەيىنگى ءبىلىم بەرۋمەن قامداۋدى كوپ ءتۇرلى جولدارمەن كەڭەيتۋ؛ راكقا قارسى ءدارى - دارمەك سياقتى ادام جانىنا اراشاشى بولىپ، قاتەرلى حالدەن قۇتقاراتىن جاقسى دارىلەردى ەمدەلۋدى قامسىزداندىرۋ ەسەبىنەن كوتەرۋگە ەنگىزىپ، ەمدەلۋدى قامتاماسىزداندىرۋ بويىنشا وزگە جەردە ەمدەلۋدىڭ ەسەبىن دەر كەزىندە جابۋ ءتۇزىمىن كەمەلدەندىرۋ؛ زەينەتكەرلىككە قىزمەت وتەۋ جۇيەسى قۇرىلىسىن ىلگەرىلەتىپ، ”ەمدەۋ، كۇتىمدەۋ، الدىن الۋدىڭ توعىسۋ“ىن جەبەۋ؛ تۇرعىنداردىڭ الەۋمەتتىك اۋماقتى وڭاۋعا ات سالىسۋىن ىلگەرىلەتىپ، بىرگە قۇرىپ، بىرگە باسقارىپ، تەڭ يگىلىكتەنەتىن جاعداي قالىپتاستىرۋ، ت. ب.
التىنشى، ەكولوگيالىق قۇرىلىستى كۇشەيتۋ مەن جاسىل دامۋدى ىلگەرىلەتۋ جاعىندا، باستىسى، ءتۇيىندى الاپتار مەن جاعا - جيەككە تاياۋ تەڭىز ايدىندارىن جان - جاقتىلى وڭاۋدى ىلگەرىلەتۋ؛ تازا ەنەرگيانى دامىتىپ، ەنەرگيا قۇرىلىمىن بىرتىندەپ رەتتەۋدى جۇزەگە اسىرۋ؛ تۇيىندە سىناق ەتۋ تاجىريبەلەرىن جالپىلاستىرىپ، تابيعي بايلىق، مال - مۇلىك قارىز كەستەسىن جاساۋ قىزمەتىن كەمەلدەندىرۋ؛ ەكولوگيالىق تولەم بەرۋدىڭ ”قان جاساۋ ۇلگىسىندەگى“ باياندى مەحانيزمىن زەرتتەپ، ورتا ەكونوميكاسى ساياساتىن جاقسارتۋ، ت. ب.
جەتىنشى، ۇلتتار ىنتىماعىن قورعاۋ جانە ەلىمىزدە ءدىندى جۇڭگوشالاندىرۋ باعىتىنا تاباندى بولۋ، چياۋمين ىستەرى ساياساتىن تياناقتاندىرۋ، مەملەكەت قورعانىسى مەن ارميا قۇرىلىسىن كۇشەيتۋ، ”ءبىر ەل، ەكى ءتۇزىم“ باعىتىن جاپپاي دۇرىس دايەكتىلەندىرۋ، وتاننىڭ بەيبىت بىرلىككە كەلۋ اياق الىسىن تەزدەتۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ سياقتى جاقتاردا ۇسىنىستاردى العا قويدى.
ءماجىلىس جابىلعاننان كەيىن، ۇسىنىس جوبالار اتقارۋعا جاۋاپتى ورىنداردىڭ ءبىر جايلى ەتۋىنە تاپسىرىلىپ، ءتۇيىندى ۇسىنىس جوبالاردى اقىلداسىپ سارالايدى جانە ءتوراعالار ءماجىلىسى تەكسەرىپ بەكىتكەننەن كەيىن اتقارىلۋىن قۋزاۋ قىزمەتى ورىستەتىلەدى.
بۇل رەتكى ءماجىلىستىڭ ۇسىنىس جوبالاردى قابىلداۋ ۋاقىتى اياقتاعاننان كەيىن، تاپسىرىپ الىنعان ۇسىنىس جوبالار تەكسەرىپ ەستەلىككە الىنعاننان كەيىن جايشىلىقتاعى ۇسىنىس جوبانى اتقارۋعا جاۋاپتى ورىنداردىڭ ءبىر جايلى ەتۋىنە تاپسىرىلادى.
(شينحۋا اگەنتتىگىنىڭ 3 - ايدىڭ 13 - كۇنى بەيجيڭنەن بەرگەن حابارى)
