(2019-جىلى 3-ايدىڭ 13-كۇنى)
ۋاڭ ياڭ
مۇشەلەر، جولداستار:
جۇڭگو حالىق ساياسي كەڭەسى 13 - كەزەكتى مەملەكەتتىك كوميتەتىنىڭ 2 - ءماجىلىسى بارلىق مۇشەلەردىڭ بىرگە قۇلشىنۋىندا ءتۇرلى قارالاتىن ىستەردى ويداعىداي ورىنداپ، جەڭىسپەن جابىلعالى تۇر.
وسى رەتكى ءماجىلىس جاپپاي دوڭگەلەك داۋلەتتى قوعام ورناتۋدىڭ شەشۋشى جىلىنا قادام تاستاعان كەزدە اشىلدى، جۇڭگو كوممۋنيستىك پارتياسى ورتالىق كوميتەتى وسكەلەڭ ءمان بەرىپ، قاتىستى جاقتار زور كۇشپەن قولدادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلى پارتيا مەن مەملەكەتتىڭ باسشى جولداستارى ءماجىلىستىڭ اشىلۋ جيىنى مەن جابىلۋ جيىنىنا قاتىناسىپ، سالالار بويىنشا بىرىككەن گرۋپپالارعا ىشكەرىلەي ارالاسىپ، پىكىر، ۇسىنستارىن تىڭداپ، مۇشەلەرمەن ەل ءىسىن بىرگە اقىلداستى. ساياسي كەڭەس مۇشەلەرى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن مۇقيات ۇيرەنىپ جانە دايەكتىلەندىرىپ، وسكەلەڭ ساياسي جاۋاپكەرلىك سەزىممەن جانە تاريحي بورىشتىلىق سەزىممەن ۇكىمەت قىزمەتىنەن جاساعان بايانداما مەن باسقا باياندامالاردى ىشكەرىلەي تالقىلاپ، مەملەكەتتىك ساياسي كەڭەس تۇراقتى كوميتەتىنىڭ قىزمەت بايانداماسى مەن ۇسىنىس جوبا قىزمەتى احۋالى بايانداماسى سياقتى حۇجاتتاردى مۇقيات قاراپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتۋ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدى ارقاۋ ەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدى مىقتى يگەرۋدەن جازباي، ىشكەرىلەي اقىلداسىپ، بەلسەنە كەڭەس بەرىپ، كەلەلى تابىستارعا قول جەتكىزدى. وسى رەتكى ءماجىلىس دەموكراتيانى تولىق ساۋلەلەندىرىپ، ورتاق تانىمدى كەڭىنەن شوعىرلاندىرىپ، شىندىقتى ءىس جۇزىنەن ىزدەگەن، ىنتىماقتاسا ەكپىندەي ىلگەرىلەگەن ءماجىلىس بولىپ، حالىق ساياسي كەڭەسى سىندى وسى ءبىر ارناۋلى كەڭەسۋ قۇرىلىمىنىڭ دارا ابزالدىلىعىن، جۇڭگوشا سوتسياليستىك دەموكراتيالىق ساياسيدىڭ جالىندى ومىرشەڭدىك قۋاتىن ايگىلەدى.
بيىل جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى، حالىق ساياسي كەڭەسى دە 70 جىلدىعىن قارسى الماقشى. 70 جىل بوران - شاشىندى باستان وتكىزىپ، 70 جىل جىگەرلەنە العا ۇمتىلدى. جۇڭگو كوممۋنيستىك پارتياسىنىڭ باسشىلىعىندا ۇلى وتانىمىزدا كەرەمەت وزگەرىستەر بولدى، ۇلى جۇڭگو حالقى جۇڭگوشا سوتسياليزمنىڭ داڭعىل جولىمەن ارشىنداي العا ىلگەرىلەۋدە، ۇلى جۇڭحۋا ۇلتى ۇلى گۇلدەنۋ ارمانىن جۇزەگە اسىرۋعا تاريحتاعى ءارقانداي كەزدەگىدەن دە اناعۇرلىم جاقىندادى، سەنىمى مەن قابىلەتى تاريحتاعى ءارقانداي كەزدەگىدەن دە ارتا ءتۇستى. 70 جىلدان بەرى حالىق ساياسي كەڭەسى جاڭا جۇڭگونى قۇرۋ، جاڭا جۇڭگونى كوركەيتۋ، رەفورما جولىن قاراستىرۋ، جۇڭگو ارمانىن جۇزەگە اسىرۋ ايبىندى امالياتىنا بەلسەنە ات سالىسىپ، شۇعىلالى تاريحي بارىستى باستان وتكىزىپ، تاريحي ەڭبەك ءسىڭىردى. جۇڭگوشا سوتسياليزم جاڭا داۋىرگە ءوتىپ، حالىق ساياسي كەڭەسىنىڭ ساحناسى بۇرىنعىدان ارى كەڭەيدى، جاۋاپكەرشىلىگى بۇرىنعىدان دا ماڭىزدى بولا ءتۇستى. ءبىز اۋەلگى ماقساتتى ۇمىتپاي، بورىشتى ەستە بەرىك ساقتاپ، حالىق ساياسي كەڭەسىنىڭ سيپاتى مەن ورنىنا تاباندى بولىپ، حالىق ساياسي كەڭەسىنىڭ جاڭا تاريحي باعدارىن مىقتى يگەرىپ، سەنىمىمىز بەن تاباندىلىعىمىزدان بۇلجىماي، تاجىريبە قابىلداپ جانە اقىل - پاراسات جيناپ، حالىق ساياسي كەڭەسى ىستەرىن ۇزدىكسىز العا دامىتۋىمىز كەرەك.
ءبىز ۇيرەنۋدى قاستەرلەپ، ۇيرەنۋدى كۇشەيتىپ، يدەيالىق ساياسي جەتەكشىلىكتى نىعايتىپ، عىلمي نازاريامەن قارۋلانۋ تابىستارىن ىنتىماقتاسا كۇرەس جۇرگىزۋدىڭ ورتاق يدەيالىق - ساياسي نەگىزىنە اينالدىرۋىمىز كەرەك. ۇيرەنۋ ءوسىپ - جەتىلۋدىڭ، العا باسۋدىڭ ماڭىزدى ساتىسى. ۇيرەنۋگە شەبەر بولۋدىڭ ءوزى العا باسۋعا شەبەر بولعاندىق. حالىق ساياسي كەڭەسى ۇيرەنە ءجۇرىپ بۇگىنگە جەتتى ءارى ۇيرەنە ءجۇرىپ بولاشاققا جول تارتادى. جاڭا ءداۋىر، جاڭا باعدار، جاڭا بورىش الدىندا حالىق ساياسي كەڭەسى، ءسوزسىز، ۇيرەنۋ داڭقتى ءداستۇرىن جالعاستىرىپ، ۇيرەنۋدى ءار دارەجەلى ساياسي كەڭەس ۇيىمدارى مەن ساياسي كەڭەس مۇشەلەرىنىڭ ساياسي جاۋاپكەرشىلىگى، يدەيالىق - ساياسي جەتەكشىلىكتى كۇشەيتۋدىڭ ۇتىمدى جولى ەتىپ، ۇيرەنۋدى ونان ارى قاستەرلەپ، ۇيرەنۋگە بەلسەنە جاڭالىق جاساپ، ۇيرەنۋدى ۇزدىكسىز تەرەڭدەتۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى توتەنشە ماڭىزدى ورىنعا قويىپ، باس شۋجي شي جينپيڭنىڭ ەڭ جاڭا ماڭىزدى سوزدەرىنىڭ رۋحىن دەر كەزىندە ىلەسىپ ۇيرەنىپ جانە دايەكتىلەندىرىپ، باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ۇيرەنۋ، زەرتتەۋ - تالقىلاۋ قيمىلدارىنىڭ تابىستارىن بەكەمدەپ جانە تەرەڭدەتىپ، جەتە تۇسىنە، جەتىك يگەرە ءبىلىپ، ناقتاپ تياناقتاندىرۋعا كۇش سالىپ، ۇيرەنۋدى، تولعانۋدى، قولدانۋدى توعىستىرىپ، ءبىلىۋدى، سەنۋدى، ارەكەتتى بىرلىككە كەلتىرىپ، ”ءتورت تانىم“دى كۇشەيتۋدىڭ، ”ءتورت سەنىم“دى بەكەمدەۋدىڭ، ”ەكىنى باتىل قورعاۋ“دى ورىنداۋدىڭ يدەيالىق ءتۇبىرلى نەگىزىن بەكەمدەۋ كەرەك. نازاريانى امالياتپەن ۇشتاستىرۋعا تاباندى بولىپ، مىندەت جاۋاپكەرلىگىن اتقارۋ امالياتىندا يدەيالىق - ساياسي دەڭگەيدى جوعارىلاتىپ، قاعيداسىن ءتۇسىنىپ، اقيقاتقا تالپىنىپ، ءىستىڭ ءجونىن ءبىلىپ، يدەيانى، قابىلەتتى، ارەكەتتى جۇڭگو كوممۋنيستىك پارتياسى ورتالىق كوميتەتىنىڭ ورنالاستىرۋلارىنا، تالاپتارىنا جانە حالىق ساياسي كەڭەس ىستەرىن دامىتۋ قاجەتىنە قۇلشىنا سايكەستىرىپ، ۇكىمەت ىسىنە اقىل - كەڭەس بەرىپ، ات سالىسۋدا ورىندى ۇسىنىس، قيسىندى كەڭەس بەرىپ، ۇتىمدى اقىل قوسۋ كەرەك. جاڭا جۇڭگو قۇرىلعاندىعىنىڭ 70 جىلدان بەرگى قىمباتتى رۋحاني بايلىقتان تولىق پايدالانىپ، جۇڭگو كوممۋنيستىك پارتياسىنىڭ تاريحىن، بىرلىكساپتىڭ تاريحىن، حالىق ساياسي كەڭەستىڭ تاريحىن مۇقيات ۇيرەنىپ، دۇرىس تاريح كوزقاراسىن ورناتىپ، 70 جىلدىق تاريحي وزگەرىسكە توپتالعان ىشكى لوگيكانى تەرەڭدەي ءتۇسىنىپ، جۇڭگو كوممۋنيستىك پارتياسى مەن جۇڭگوشا سوتسياليزمدى ساياسي جاقتا شىنايى مويىنداۋدى، يدەيالىق جاقتا شىنايى مويىنداۋدى، نازاريالىق جاقتا شىنايى مويىنداۋدى، سۇيىسپەنشىلىك جاقتا شىنايى مويىنداۋدى ۇزدىكسىز نىعايتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسى تۋى استىندا قول ۇستاسا العا ىلگەرىلەۋ كەرەك.
ءبىز جاڭالىق اشۋدى قاستەرلەپ، جاڭالىق اشۋعا باتىل بولىپ، كەڭەستىك دەموكراتيا قۇرىلىسىن كۇشەيتىپ، ساياسي كەڭەستىڭ كەڭەستىك دەموكراتيا ءتۇزىمى ءتارتىبى مەن جۇمىس جۇرگىزۋ ءتاسىلىنىڭ كەمەلدەنۋىن ىلگەرىلەتۋىمىز كەرەك. حالىق دەموكراتياسىنىڭ ماڭىزدى جۇزەگە اسۋ فورماسى، سوتسياليستىك كەڭەستىك دەموكراتيانىڭ ماڭىزدى ارناسى جانە ارناۋلى كەڭەس قۇرىلىمى ساناتىندا حالىق ساياسي كەڭەسى جۇڭگو كوممۋنيستىك پارتياسىنىڭ ءارقايسى پارتيا - توپتارعا جانە ءار ۇلت، ءار سالا قايراتكەرلەرىنە باسشىلىق ەتۋدەگى ساياسي تۇزىمدىك ۇلى جاسامپازدىعى، ونىڭ دارا، ەرەكشە، وزگەشە ابزالدىلىعى بار. امالياتتىڭ شەگى جوق، ىزدەنۋدىڭ شەگى جوق، جاڭالىق اشۋدىڭ دا شەگى جوق. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا باسشىلىعىنىڭ حالىقتىڭ وزىنە - ءوزى قوجايىن بولۋىنىڭ، مەملەكەتتى زاڭمەن جونگە سالۋدىڭ جاندى بىرلىگىنەن جازباي، دەموكراتيالىق كەڭەسۋدىڭ ساياسي پرينسيبىن يگەرىپ، دەموكراتيالىق ورتالىقتاندىرۋ ءتۇزىمىنىڭ ابزالدىلىعىنان پايدالانىپ، جۇڭگونىڭ بايتاق دالاسىنا تامىر تارتىپ، بەلسەنە ىزدەنىس جاساپ، جاڭالىق اشىپ، حالىق ساياسي كەڭەسى قىزمەتىن جاڭا ءداۋىردىڭ قادامىنا ىلەستىرۋ كەرەك. جۇڭگوشا سوتسياليستىك ءتۇزىمدى كەمەلدەندىرۋدىڭ جانە دامىتۋدىڭ، مەملەكەتتىڭ جونگە سالۋ جۇيەسى مەن جونگە سالۋ قابىلەتىن وسىزامانداندىرۋدىڭ نىسانا - تالاپتارى بويىنشا، جۇڭگو كوممۋنيستىك پارتياسى ورتالىق كوميتەتىنىڭ ساياسي كەڭەستىڭ كەڭەستىك دەموكراتيا قۇرىلىسى جونىندەگى ماڭىزدى رەفورما شارالارىنىڭ تياناقتانۋىن ىلگەرىلەتىپ، ارناۋلى كەڭەستىك قۇرىلىمنىڭ ءتۇزىم جۇيەسىن ونان ارى كەمەلدەندىرىپ، حالىق ساياسي كەڭەس ءتۇزىمىنىڭ اناعۇرلىم تولىسۋىن، اناعۇرلىم تۇلعالانۋىن ىلگەرىلەتىپ، ساياسي كەڭەس ءتۇزىمىنىڭ ءونىمدى جۇمىس اينالىمى مەن دەموكراتيالىق ءتارتىبى ارقىلى پارتيانىڭ دارىپتەمەسىن قوعامنىڭ ءار سالاسىنىڭ ورتاق تانىمىنا جانە ارەكەتىنە اناعۇرلىم جاقسى اينالدىرۋ كەرەك. ساياسي كەڭەستىڭ كەڭەسۋ فورماسى مەن كەڭەسۋ مازمۇنىن ءوزارا سايكەستىرۋگە، كەڭەسۋ ءتارتىبى مەن كەڭەسۋ ونىمدىلىگىنىڭ ءوزارا بىرلىگىنە ءمان بەرىپ، جۇمىس جۇرگىزۋ ءتاسىلى مەن ءادىسىن مولايتىپ، وسى زامانعى ينفورماتسيا تەحنيكاسى سياقتى تاسىلدەردى قولدانىپ، ۇقساماعان پىكىرلەردى ءوزارا اۋىستىرۋ، ءتۇرلى كوزقاراس جونىندە ىشكەرىلەي پىكىرلەسۋ تەكشەسى مەن ارناسىن كەڭەيتىپ، ءىس بولسا اقىلداساتىن، كوپتىڭ ءىسىن كوپ بولىپ اقىلداساتىن ءتارتىپ پەن راي قالىپتاستىرىپ، ارناۋلى كەڭەس قۇرىلىمنىڭ ەرەكشەلىككە يە بولۋىنا، ساپالى بولۋىنا، جوعارى دەڭگەيدە بولۋىنا قۇلشىنۋ كەرەك.
ءبىز ىنتىماقتى قاستەرلەپ، ىنتىماقتى نىعايتىپ، قوس باعىتتا كۇش سالۋ قىزمەتىن كۇشەيتىپ، پارتيا مەن مەملەكەتتىڭ وزەكتى مىندەتى ءۇشىن قىزمەت ەتۋدىڭ بىرىككەن كۇشىن توپتاۋىمىز كەرەك. ىنتىماق قيىندىقتان قامال الىپ جەڭىسكە جەتۋدىڭ اسىلى. جۇڭگونىڭ توڭكەرىس، قۇرىلىس، رەفورما تاريحى − جۇڭگو كوممۋنيستىك پارتياسىنىڭ بۇكىل ەلدەگى ءار ۇلت حالقىنا باسشىلىق ەتىپ، ىنتىماقتاسا كۇرەس جۇرگىزۋ تاريحى. حالىق ساياسي كەڭەسى ۇلى ىنتىماققا، ۇلى بىرلىككە تاباندى بولىپ، بىرگە كۇرەس جاساۋ نىساناسىن بەتكە الىپ العا ىلگەرىلەۋدىڭ تۇزىمدىك جاۋھارى. حالىق ساياسي كەڭەسىنىڭ تالپىناتىن ىنتىماعى پارىقتاردى ساقتاپ، بىرلىككە ۇمتىلاتىن، بىرلىككە تالپىنىپ، ايىرماشىلىقتى جوياتىن كەڭ كولەمدەگى ىنتىماق، ورتاق ءىس، ورتاق مۇددە نەگىزىنە قۇرىلعان قۇدىرەتتى ىنتىماق. ساياسي كەڭەس ىنتىماقتى نىعايتۋدا دۇرىس باعىت پەن دۇرىس ءادىس قولدانىپ، سابىرلى دا مەيىرلى تەڭ دارەجەدە كەڭەسۋگە تاباندى بولىپ، سىن جانە ءوز - وزىنە سىن ايتۋ، تاربيە جانە ءوزىن - ءوزى تاربيەلەۋگە سۇيەنىپ، پارىقتاردى ساقتاۋ، پارىقتاردى جويۋ قىزمەتىن سابىرلىلىقپەن، بايىپتىلىقپەن ويداعىداي ىستەپ، يدەياداعى ناعىز ىنتىماقتى قالىپتاستىرۋ كەرەك. حالىق ساياسي كەڭەسىنىڭ مەملەكەتتى جونگە سالۋ جۇيەسىنىڭ ماڭىزدى قۇرامداس بولىگىندىك رولىن ساۋلەلەندىرىپ، حالىقتىڭ قۇپتاۋ - قۇپتاماۋىن جانە كۇش سالىستىرماسىن شەشۋ جاعىنا كۇش سالىپ، ۇكىمەت ىسىنە اقىل - كەڭەس بەرۋ، ات سالىسۋ مەن ورتاق تانىم شوعىرلاندىرۋعا قوس باعىتتا كۇش سالۋ ساپاسىن جوعارىلاتىپ، ساياساتتى ۇگىتتەۋ، كۇدىك - كۇماننان ارىلتۋ قىزمەتىن كوپتەپ ىستەپ، حاۋىپ - قاتەردىڭ الدىن الۋ، سايىستى ساباسىنا ءتۇسىرۋدىڭ جاقسى شاراسىن كوبىرەك قاراستىرىپ، سەنىمدى سەرپىلتۋ، ىنتىماقتاسا كۇرەس جاساۋ قايراتىنا كوبىرەك دەم بەرىپ، يدەيا مەن ارەكەتتى جۇڭگو كوممۋنيستىك پارتياسى ورتالىق كوميتەتىنىڭ ماڭىزدى جاعداي جونىندەگى عىلمي تۇجىرىمىمەن جانە ماڭىزدى قىزمەت جونىندەگى شەشىمدەرىمەن، ورنالاستىرۋلارىمەن بىرلىككە كەلتىرىپ، اقىل - پاراسات پەن كۇش - قۋاتتى جۇڭگو ارمانىن بىرگە ىسكە اسىرۋعا شوعىرلاندىرىپ، ەڭ ۇلكەن سەنترلەس شەڭبەردى قۇلشىنا سىزۋىمىز كەرەك.
جاڭا داۋىردەگى حالىق ساياسي كەڭەسىندە جاڭا ءداۋىردىڭ بەينەسى بولۋى، جاڭا داۋىردەگى ساياسي كەڭەس مۇشەلەرىندە دە جاڭا ءداۋىردىڭ وبرازى بولۋى كەرەك. ساياسي كەڭەستى ءتۇسىنۋ، كەڭەسە ءبىلۋ، ۇكىمەت ءىسىن كەڭەسۋگە شەبەر بولۋ، تارتىپكە بويسۇنۋ، قاعيدانى دارىپتەۋ، ءمورالعا ءمان بەرۋ تالابىنا ساي، مۇشەلەر قوسىنى قۇرىلىسىن جاپپاي كۇشەيتىپ، جالپى تۇلعالىق ساپا مەن مىندەت اتقارۋ قابىلەتىن كۇش سالا جوعارىلاتىپ، جاڭا بورىش ارقالاپ، جاڭا داڭقتارعا قول جەتكىزۋ كەرەك. ساياسي كەڭەستە قۇرمەتتى مۇشە بولعان ەمەس، تەك جاۋاپكەر مۇشە بار، بارشا مۇشە مىندەتتەرىن ورىنداپ، جاۋاپكەرشىلىگىن ادا ەتۋگە كوڭىل اۋدارۋى، ىنتا - ىقىلاسىن، كۇش - قايراتىن سالۋى كەرەك، كۇرەسكەرلىك بەينەسى مەن قايراتىن ساقتاپ، جاۋاپكەرلىك ارقالاۋعا باتىل، كۇرەس جۇرگىزۋگە شەبەر بولىپ، توقىراۋدان، قاجۋدان ماڭگى اۋلاق بولىپ، باستان - اياق مەملەكەت ىسىنە ىنتا قويىپ، حالىققا ىقىلاس بەرىپ، حالىق ساياسي كەڭەسى ءتۇزىمىنىڭ قاتىناسۋشىسى، امالياتتا ايگىلەۋشىسى، ىلگەرىلەتۋشىسى بولىپ، ءار جىلعى ”مۇشەلەر تاپسىرما“سىن ويداعىداي ورىنداپ، ءداۋىر شىعارعان ەمتيحانعا ويداعىداي جاۋاپ بەرىپ، جاڭا ءداۋىر ساياسي كەڭەس مۇشەلەرىنىڭ تارتىمدى كەلبەتىن ايگىلەپ، حالىق ساياسي كەڭەس ىستەرى دامۋىنىڭ شۇعىلالى داستانىن جازۋ كەرەك.
مۇشەلەر، جولداستار! جاڭا جۇڭگو قۇرىلعان 70 جىلدان بەرگى شۇعىلالى تابىستاردى جۇڭگو حالقى ۇرپاقتان - ۇرپاققا جالعاستىرا وتىرىپ جاراتقان، حالىق ساياسي كەڭەسى ىستەرىنىڭ دامۋىنا ءار كەزەكتەگى ساياسي كەڭەس مۇشەلەرىنىڭ تىنباي كۇرەس جاساۋ قاجىرى دا سىڭگەن. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، ۇزدىكسىز كۇرەس جۇرگىزىپ، جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن جانە حالىق ساياسي كەڭەسى قىزمەتىنە قويعان تالاپتارىن شىن مانىندە تياناقتاندىرىپ، ەل ءىشى - سىرتىنداعى جۇڭحۋا ۇلاندارىنىڭ جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ اقىل - پاراساتى مەن كۇش - قۋاتىن توپتاپ، جاڭا جۇڭگو قۇرىلعاندىعىنىڭ 70 جىلدىعىن ۇزدىك ناتيجەمەن قۇتتىقتاپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋ، ەلىمىزدى باي، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ جولىندا تىڭ دا اناعۇرلىم زور ۇلەستەر قوسايىق!
(شينحۋا اگەنتتىگىنىڭ 3 - ايدىڭ 13 - كۇنى بەيجيڭنەن بەرگەن حابارى)
