− ساياسي كەڭەس 13 - كەزەكتى مەملەكەتتىك كوميتەتىنىڭ 2 - ماجىلىسىندە جاسالدى
ۋاڭ ياڭ
(2019 - جىلى 3 - ايدىڭ 3 - كۇنى)
مۇشەلەر:
مەن جۇڭگو حالىق ساياسي كەڭەسى 13 - كەزەكتى مەملەكەتتىك كوميتەتىنىڭ تۇراقتى كوميتەتى اتىنان ماجىلىسكە قىزمەتتەن بايانداما جاسايمىن، قاراپ شىعۋلارىڭىزدى وتىنەمىن.
1. 2018 - جىلعى قىزمەتتەرگە شولۋ
2018 - جىل − جۇڭگو كوممۋنيستىك پارتياسى 19 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى، سونداي - اق 13 - كەزەكتى مەملەكەتتىك ساياسي كەڭەس قىزمەتى باستالعان جىل. شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، ساياسي كەڭەس مەملەكەتتىك كوميتەتى جانە ونىڭ تۇراقتى كوميتەتى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ جانە دايەكتىلەندىرىپ، جۇڭگو كوممۋنيستىك پارتياسى 19 - قۇرىلتايىنىڭ جانە 19 - كەزەكتى ورتالىق كوميتەت ەكىنشى، ءۇشىنشى جالپى ماجىلىستەرىنىڭ رۋحىن جان - جاقتىلى دايەكتىلەندىرىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى باتىل قورعاۋ“دى ورىنداپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس ىلگەرىلەتۋدى، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدى ارقاۋ ەتىپ، ىنتىماق جانە دەموكراتيا سىندى ەكى ۇلكەن نەگىزگى تاقىرىپتان جازباي، مۇراگەرلىك ەتۋ مەن جاڭالىق اشۋدى جاندى ۇشتاستىرۋعا تاباندى بولىپ، ارناۋلى كەڭەس قۇرىلىمىندىق رولىن ساۋلەلەندىرىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە اقىل - كەڭەس بەرۋ فۋنكتسياسىن مۇقياتتىلىقپەن وتەپ، اقىل - كەڭەس بەرۋ جانە ورتاق تانىم قالىپتاستىرۋ جاعىنان قوس باعىتتا كۇش شىعارىپ، جۇڭگو كوممۋنيستىك پارتياسى ورتالىق كوميتەتىنىڭ شەشىمدەرى مەن ورنالاستىرۋلارىن جانە حالىق ساياسي كەڭەس قىزمەتى جونىندەگى تالابىن تياناقتاندىرۋداعى، ەل ءىشى - سىرتىنداعى جۇڭحۋا ۇلاندارىنىڭ جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋداعى اقىل - پاراساتى مەن كۇش - قۋاتىن شوعىرلاندىرۋ ساياسي جاۋاپكەرشىلىگىن شىن مانىندە ۇستىنە الىپ، ءتۇرلى قىزمەتتەردە تىڭ ىلگەرىلەۋشىلىكتەرگە قول جەتكىزۋدى ىلگەرىلەتىپ، جاڭا داۋىردەگى حالىق ساياسي كەڭەسىنىڭ جاڭا بەينەسىن، تىڭ تىنىسىن ايگىلەدى.
ءبىر جىلدان بەرى، تۇراقتى كوميتەت جۇڭگو كوممۋنيستىك پارتياسىنىڭ حالىق ساياسي كەڭەسىنىڭ قىزمەتىنە بولعان جان - جاقتىلى باسشىلىعىنا تاباندى بولىپ، جۇڭگو حالىق ساياسي كەڭەسى سىندى وسى ءبىر ايبىندى ەسىمنىڭ وسى ءتۇزىم جۇكتەگەن بورىش جانە مىندەت ەكەندىگىن شىنايى يگەرىپ، حالىق ساياسي كەڭەسىنىڭ ساياسي ۇيىم ەكەندىگىنە، ءسوز جوق، تۋى ايقىن تۇردە ساياسيدى دارىپتەۋى كەرەكتىگىنە تاباندى بولدى؛ حالىق ساياسي كەڭەسىنىڭ حالىق دەموكراتياسىنىڭ ماڭىزدى ءتۇزىمى ەكەندىگىنە، ءسوز جوق، حالىقتى وزەك ەتىپ، مىندەتىن وتەپ، جاۋاپكەرشىلىگىن ادا ەتۋى كەرەكتىگىنە تاباندى بولدى؛ حالىق ساياسي كەڭەسىنىڭ ارناۋلى كەڭەس قۇرىلىمى ەكەندىگىنە، ءسوز جوق، شىندىققا جۇگىنىپ، ناقتى ءىس تىندىرۋ ارقىلى كەڭەسۋ قابىلەتى مەن دەڭگەيىن جوعارىلاتۋى كەرەكتىگىنە تاباندى بولدى. ءبىز نەگىز قالايتىن، ۇزاق ۋاقىت يگىلىگىن كورەتىن ىستەردى ارقاۋ ەتە وتىرىپ، 3 ءتۇرلى قىزمەتتى مىقتى ۇستادىق.
ءبىرىنشى، باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ۇيرەنۋ، زەرتتەۋ - تالقىلاۋ قيمىلىن ورىستەتتىك. شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن جۇڭگو كوممۋنيستىك پارتياسى 19 - قۇرىلتايىنىڭ رۋحىن ىشكەرىلەي ۇيرەنۋ، دايەكتىلەندىرۋ مەملەكەتتىك ساياسي كەڭەستىڭ ماڭداي الدى ساياسي مىندەتى، ءار دارەجەلى ساياسي كەڭەستىڭ يدەيالىق ساياسي قۇرىلىسىن كۇشەيتۋىنىڭ تابيعي تالابى. جۇڭگو كوممۋنيستىك پارتياسى ورتالىق كوميتەتىنىڭ بەكىتۋىمەن، 2018 - جىلى 5 - ايدان 9 - ايعا دەيىن، مەملەكەتتىك ساياسي كەڭەس جۇيەسى باس شۋجي شي جينپيڭنىڭ حالىق ساياسي كەڭەسىنىڭ قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ۇيرەنۋ، زەرتتەۋ - تالقىلاۋ قيمىلىن شوعىرلى ورىستەتىپ، ۇيرەنۋدىڭ مەملەكەتتىك جانە جەرگىلىكتى ءار دارەجەلى ساياسي كەڭەس مۇشەلەرىن تولىق قامتۋىن جۇزەگە اسىردى. مەملەكەتتىك ساياسي كەڭەستىڭ 24 ورىنباسار ءتوراعاسى 31 ولكە، اۆتونوميالى رايون، توتە قاراستى قالالىق ساياسي كەڭەستەرىنىڭ نازاريا، زەرتتەۋ - تالقىلاۋ ماجىلىستەرىنە جەكە - جەكە قاتىناستى. مەملەكەتتىك ساياسي كەڭەس جۇيەسىنىڭ نازاريا زەرتتەۋ - تالقىلاۋ ءماجىلىسىن اشىپ، شوعىرلى زەرتتەپ - تالقىلاپ، پىكىر اۋىستىرىپ، قىزمەتتى كۇشەيتۋدەگى جانە جاقسارتۋداعى ناقتىلى شارالاردى اقىلداسىپ العا قويىپ، ساياسي جاقتا، يدەيا جاقتا، قىزمەت جاعىندا تارتىمدى تابىستارعا قول جەتكىزدى. وتكەن جىلى 11 - ايدىڭ ورتا شەنىندە، باس شۋجي شي جينپيڭ ءماجىلىستى باسقارىپ اشىپ، ۇيرەنۋ، زەرتتەۋ - تالقىلاۋ قيمىلىنىڭ احۋالى جونىندەگى مالىمەتتى تىڭدادى ءارى ماڭىزدى ءسوز سويلەدى. تۇراقتى كوميتەت باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى جانە دايەكتىلەندىرۋدى نەگىزگى تاقىرىپ ەتىپ، جاڭا عاسىردان بەرى 1 - رەت ءوز قۇرىلىسىن ارناۋلى زەرتتەۋ ءماجىلىسىن اشىپ، حالىق ساياسي كەڭەسى ءتۇزىمىنىڭ ءتىپتى دە تولىسۋىن، ءتىپتى دە تۇلعالانۋىن ىلگەرىلەتۋ، ارناۋلى كەڭەس قۇرىلىمىنىڭ رولىن ويداعىداي ساۋلەلەندىرۋ سىندى جاڭا داۋىردەگى حالىق ساياسي كەڭەسىنىڭ وسى ءبىر جاڭا باعدارىن، تىڭ بورىشىن تەرەڭ يگەرىپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرۋگە، جۇڭگو كوممۋنيستىك پارتياسى ورتالىق كوميتەتىنىڭ ساياسي كەڭەس قىزمەتى جونىندەگى ورنالاستىرۋلارىن جانە تالاپتارىن تياناقتاندىرۋ تۋرالى ىشكەرىلەي ورنالاستىرۋلار جاسادى.
ەكىنشى، جاڭا داۋىردەگى حالىق ساياسي كەڭەسىنىڭ پارتيا قۇرىلىسى قىزمەتىن كۇشەيتتى. حالىق ساياسي كەڭەسى − جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگىنىڭ جانە ساياسي كەڭەسۋدىڭ ماڭىزدى قۇرىلىمى، ساياسي كەڭەستىڭ پارتيا قۇرىلىسى ساياسي كەڭەس قىزمەتىنىڭ بەتالىسى مەن دەڭگەيىنە قاتىستى. مەملەكەتتىك ساياسي كەڭەس پارتيا باسشىلىق گرۋپپاسى ساياسي كەڭەس جۇيەسىنىڭ پارتيا قۇرىلىسى جونىندە ارناۋلى تەكسەرۋ - زەرتتەۋ ۇيىمداستىرىپ، مەملەكەت بويىنشا ساياسي كەڭەس جۇيەسىنىڭ پارتيا قۇرىلىسى قىزمەتى جونىندە تۇڭعىش رەت اڭگىمە ءماجىلىسىن اشىپ، پارتيانىڭ ساياسي قۇرىلىسىن نۇسقاۋشى ەتىپ، ساياسي كەڭەستىڭ پارتيا قۇرىلىسىن ىلگەرىلەتتى. مەملەكەتتىك ساياسي كەڭەس پارتيا باسشىلىق گرۋپپاسى جۇڭگو كوممۋنيستىك پارتياسى ورتالىق كوميتەتى كەڭسەسى باسىپ تاراتقان «جاڭا داۋىردەگى حالىق ساياسي كەڭەسىنىڭ پارتيا قۇرىلىسى قىزمەتىن كۇشەيتۋ جونىندەگى پىكىرلەرىن» دەر كەزىندە ۇيرەنىپ جانە دايەكتىلەندىرىپ، پارتيالى مۇشەلەردىڭ قوس قابات ۇيىمدىق تۇرمىسقا قاتىناسۋ ءتۇزىمىن ورناتۋ سياقتى 8 ءتۇرلى ءتۇيىندى مىندەتتى العا قويىپ، مەملەكەتتىك ساياسي كەڭەس پارتيا قۇرىلىسى قىزمەتىنە باسشىلىق ەتۋ گرۋپپاسىن قۇرىپ، قىزمەتتى تياناقتاندىرۋدى مىقتى ۇستادى. جاڭا داۋىردەگى پارتيا قۇرىلىسىنىڭ باس تالابىن مۇقيات دايەكتىلەندىرىپ، پارتيانىڭ حالىق ساياسي كەڭەس قىزمەتىنە باسشىلىق ەتۋىنىڭ ۇيىمدىق جۇيەسى مەن تۇزىمدىك مەحانيزمىن اقاۋسىزداندىرىپ جانە تياناقتاندىرىپ، پارتيا ۇيىمىنىڭ ساياسي كەڭەس قىزمەتىنە باسشىلىق ەتۋ قابىلەتىن اناعۇرلىم جوعارىلاتىپ، حالىق ساياسي كەڭەسىنىڭ جاڭا داۋىردەگى بورىشىن، مىندەتىن اناعۇرلىم ويداعىداي ارقالاۋى ءۇشىن پارمەندى كەپىلدىك ازىرلەدى.
ءۇشىنشى، قىزمەت ساپاسىن جوعارىلاتۋدى اناعۇرلىم كورنەكتى ورىنعا قويدى. قىزمەت ساپاسىن جوعارىلاتۋ جاڭا داۋىردەگى پارتيا مەن مەملەكەت ىستەرىن دامىتۋدىڭ ماڭىزدى تالابى ءارى حالىق ساياسي كەڭەسىنىڭ قىزمەتىن كۇشەيتۋدىڭ جانە جاقسارتۋدىڭ كوكەي كەستى قاجەتى. ءالسىز بۋىنداردى كۇشەيتۋدى، جەتەرسىز جەرلەردى تۇزەتۋدى وزەك ەتىپ، ساپا بەتالىسىن ايقىن ورناتتى، ساياسي كەڭەس قىزمەتىنىڭ ”نە ىستەدىك“، ”قانشالىق ىستەدىك“ دەگەنگە كوڭىل بولۋدەن ”قانداي ونىمدىلىك جاراتتىق“ دەگەنگە بۇرىلىس جاساۋىن ىلگەرىلەتتى. ۇسىنىس جوبانىڭ ساپاسىن جوعارىلاتۋ جونىندەگى پىكىردى جاساپ، جايشىلىقتاعى ۇسىنىس جوبا مەن كوللەكتيۆتىك ۇسىنىس جوبانى جيناۋ تەبىنىن، ۇسىنىس جوبانى ءبىر جايلى ەتۋ جونىندە كەڭەسۋ تەبىنىن كۇشەيتتى. ءتۇرلى كەڭەسۋ، ۇكىمەت ىسىنە اقىل - كەڭەس بەرۋ قيمىلىندا سۇرىپتاۋعا الدىن الا نازار سالىپ، ۇزدىكسىز جەدەل تالقى جۇرگىزىپ، ءوزارا پىكىر اۋىستىرۋعا، كەڭەسۋ رايىن قالىپتاستىرۋعا، كەڭەسۋدىڭ ناقتى ونىمدىلىگىنە ءتىپتى دە باسا ءمان بەردى. مۇشەلەر جىلجىمالى مىندەت وتەۋ تەكشەسىن ورناتىپ، توراپتا ۇكىمەت ىسىنە الىس ارالىقتان كەڭەس بەرۋدى ورىستەتىپ، مۇشەلەردىڭ ۋاقىت شەكتەمەسىنە ۇشىراماي مىندەتىن اتقارۋىنا شارت - جاعداي جاراتتى. اڭگىمەلەسۋ، سىرلاسۋ ءتۇزىمىن تياناقتاندىرىپ، پارتيا سىرتىنداعى مۇشەلەر مەن حالىق باسقارۋىنداعى كاسىپورىنشىلار، مامان، وقىمىستىلار قاتارلىلارمەن شاعىن كولەمدە اڭگىمەلەسىپ، بۇكپەسىز سىرلاسىپ، جۇرت كوڭىلىن توعىستىردى. مۇشەلەر ساباقحاناسى مەن ماڭىزدى ارناۋلى قىزمەت ىستەيتىن مۇشەلەردىڭ ۇگىت - لەكسيا ۇيىرمەسىن قۇرىپ، قوعامعا ساياساتتى ۇگىتتەپ، جەتەلەۋدى كۇشەيتتى. ۇكىمەت ىسىنە اقىل - كەڭەس بەرۋ ساپاسىن جوعارىلاتۋ، مىندەت وتەۋ، ۇسىنىس بەرۋ، ساپا باعالاۋ قىزمەتىن ورىستەتۋدىڭ تۇزىمدىك حۇجاتىن جاسادى.
ءبىر جىلدان بەرى، تۇراقتى كوميتەت پارتيا مەن مەملەكەتتىڭ وزەكتى مىندەتىن ارقاۋ ەتىپ، ىنتىماق جانە دەموكراتيا سىندى 2 ۇلكەن تاقىرىپتىق فۋنكتسياسىن مىقتى ۇستاپ، باستىسى، تومەندەگىدەي قىزمەتتەردى ويداعىداي ىستەدى.
(1) جاڭالىق اشۋ نازارياسىمەن قارۋلاندىرۋدى كۇشەيتىپ، ورتاق يدەيالىق - ساياسي نەگىزدى بەكەمدەدى. شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن جۇڭگو كوممۋنيستىك پارتياسى 19 - قۇرىلتايىنىڭ جانە 199 - كەزەكتى ورتالىق كوميتەت ەكىنشى، ءۇشىنشى جالپى ماجىلىستەرىنىڭ رۋحىن ۇيرەنۋگە جانە دايەكتىلەندىرۋگە مۇقيات ۇيىمداستىرىپ، باس شۋجي شي جينپيڭنىڭ ماركس دۇنيەگە كەلگەندىگىنىڭ 200 جىلدىعىن ەسكە ءتۇسىرۋ جينالىسى، رەفورمالاۋ، ەسىك اشۋدىڭ 40 جىلدىعىن قۇتتىقتاۋ جينالىسى سياقتى ماڭىزدى ماجىلىستەردە سويلەگەن سوزدەرىن، جاڭادان وزگەرىس ەنگىزىلگەن نەگىزگى زاڭدى جانە ساياسي كەڭەس ۋستاۆىن ۇيرەنىپ، جۇڭگو كوممۋنيستىك پارتياسىنىڭ باسشىلىعى مەن جۇڭگوشا سوتسياليزمگە تاباندى بولۋدىڭ يدەيالىق نەگىزىن بەكەمدەدى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ اڭگىمە ءماجىلىسى ءتۇزىمىن، ءتوراعالار ءماجىلىسى توپتىق ۇيرەنۋ ءتۇزىمىن جانە تالقى ءماجىلىسى ءتۇزىمىن ورناتىپ، پارتيا باسشىلىق گرۋپپاسى نازاريا ۇيرەنۋ وزەكتى گرۋپپاسىنىڭ ۇيرەنۋىن جەتەكشى ەتكەن ۇيرەنۋ ءتۇزىمى جۇيەسىن قالىپتاستىرىپ، نازاريا ۇيرەنۋدىڭ ۇدايىلانۋىن، تۇزىمدەنۋىن ىلگەرىلەتتى. ساياسي كەڭەس مۇشەلەرىنىڭ، اسىرەسە، جاڭا مۇشەلەردىڭ ۇيرەنۋىن، تاربيەلەنۋىن كۇشەيتىپ، 500دەن استام جاڭا مۇشەنى تۇڭعىش توپتا ارناۋلى تاربيەلەدى، تۇتاس جىلدا ءار دارەجەلى ساياسي كەڭەس مۇشەلەرى مەن ساياسي كەڭەس كادرلارىنان 9200دەن استام ادامدى تاربيەلەدى. باس شۋجي شي جينپيڭنىڭ ەلىمىزدىڭ جاڭاشا ساياسي پارتيا ءتۇزىمى جونىندەگى ماڭىزدى بايىمداۋلارىن ۇيرەنۋگە جانە دايەكتىلەندىرۋگە مۇقيات ۇيىمداستىرىپ، جۇڭگو كوممۋنيستىك پارتياسى ورتالىق كوميتەتى جاريالاعان ”1 - مامىر ەڭبەكشىلەر مەرەكەسى ۇندەۋىنىڭ“ 70 جىلدىعىن ەسكە ءتۇسىرۋ قيمىلىن ورىستەتىپ، سەلبەستىك اۋەلگى ماقساتىن ەستەن شىعارماي، ۇزدىكسىز قول ۇستاسا العا باستى.
(2) ارناۋلى كەڭەس قۇرىلىمىنىڭ ەرەكشەلىگىن كورنەكتىلەندىرىپ، قوس باعىتتا كۇش سالۋداعى ابزالدىلىعى مەن رولىن ايگىلەدى. دەموكراتيانى ساۋلەلەندىرۋدى بەرەكە - بىرلىكتى نىعايتۋمەن ءوزارا توعىستىرۋ، ۇكىمەت ىسىنە ۇسىنىس - كەڭەس بەرۋ جانە ورتاق تانىمعا كەلۋ جاعىنان قوس باعىتتا كۇش سالۋعا تاباندى بولىپ، ارناۋلى كەڭەس قۇرىلىمدارىنىڭ رولىن ساۋلەلەندىردى. ءبىر رەت جالپى ءماجىلىس، 2 رەت ۇكىمەت ءىسىن ارناۋلى كەڭەسۋ تۇراقتى كوميتەت ءماجىلىسىن، 2 رەت ارناۋلى كەڭەسۋ ءماجىلىسىن، 19 رەت قوس اپتالىق كەڭەس اڭگىمە ءماجىلىسىن، 2 رەت توراپ ارقىلى ۇكىمەت ىسىنە كەڭەس بەرۋ الىس ارالىقتى كەڭەس ءماجىلىسىن، ءبىر رەت توراپ تالقى ءماجىلىسىن، 18 رەت باعىتتامالى كەڭەس ءماجىلىسىن، 4 رەت ۇسىنىس جوبانى ءبىر جايلى ەتۋ كەڭەس ءماجىلىسىن اشىپ، ۇدايىلانعان، كوپ ساتىلى، ءار جاق تارتىپپەن قاتىناسقان ۇكىمەت ىسىنە كەڭەس بەرۋ جاعدايىن اناعۇرلىم قالىپتاستىردى. جان - جاقتىلى پىكىر الىپ، كەڭەس تاقىرىبىن عىلمي تۇراقتاندىرىپ، كەڭەسۋ جوباسىن جان - جاقتىلى جاساپ، كەڭەسۋ قيمىلىن دەن قويا ۇيىمداستىرىپ، تەكسەرىپ - زەرتتەۋ تابىستارىنان پايدالانىپ، پىكىر اۋىستىرۋ ارقىلى ۇسىنىستاردى كەمەلدەندىرىپ، بىرگە كەڭەسۋ بارىسىندا كوپتىڭ اقىل - پاراساتىن توپتاپ، ۇكىمەت ىسىنە كەڭەس - ۇسىنىس بەرۋ ونىمدىلىگىن ارتتىردى. پىكىر اۋىستىرۋ سيپاتىنداعى كەڭەسۋگە باسا ءمان بەرىپ، كەڭەسۋ بارىسىندا تانىمدى تەرەڭدەتىپ، ۇسىنىس بەرۋ، قولداۋ، باقىلاۋدى كەڭەس بارىسىنا ءسىڭىرىپ، ۇكىمەت ىسىنە كەڭەس بەرۋ بارىسىن يدەيا جاقتان جەتەلەۋ، ساياساتتى ۇگىتتەۋ، كۇدىكتەن ارىلىپ، سەنىمدىلىكتى ارتتىرۋ بارىسىنا، جاعدايدى ۇعىسۋ، ەندى ءبىر تۇرعىدان وي جۇگىرتۋ، كوزقاراس اۋىستىرۋ بارىسىنا اينالدىرىپ، پارتيا مەن مەملەكەتتىڭ كەلەلى باعىت - ساياساتتارى جونىنەن ورتاق تانىم قالىپتاستىرىپ، پارتيا مەن مەملەكەتتىڭ شەشىم - ورنالاستىرۋلارىن ءبىر نيەت، ءبىر تىلەكپەن دايەكتى تياناقتاندىرۋدىڭ قۇدىرەتتى بىرىككەن كۇشىن قالىپتاستىردى.
(3) نازاردى وزەكتى مىندەتكە شوعىرلاندىرىپ، ءۇش ۇلكەن قامال الۋ شايقاسىندا جەڭىسكە جەتۋ مەن شارۋاشىلىقتا جوعارى ساپالى دامۋدى جۇزەگە اسىرۋ تۋرالى ۇكىمەت ىسىنە اقىل - كەڭەس بەرۋدى مىقتى يگەردى. كەدەيلەردى دالمە - ءدال سۇيەمەلدەۋدى، كەدەيلىكتەن دالمە - ءدال ارىلتۋدى ارقاۋ ەتىپ، ”ءۇش ءوڭىر، ءۇش وبلىس“ سياقتى اۋىر كەدەي وڭىرلەرگە بارىپ ىشكەرىلەي تەكسەرۋ - زەرتتەۋ جۇرگىزدى، اۋىر كەدەي وڭىرلەردى كەدەيلىكتەن ارىلتۋ ماسەلەسىن شەشۋ جونىندە تۇراقتى كوميتەتتىڭ ۇكىمەت ىسىنە اقىل - كەڭەس بەرۋ سيپاتىنداعى ارناۋلى ءماجىلىسىن اشىپ، ۇكىمەت ىسىنە شوعىرلى اقىل - كەڭەس بەرىپ، كەدەيلىكتەن ارىلتۋدان قامال الۋدى ىلگەرىلەتۋدە بەلسەندى رول اتقاردى. سۋ، اۋا، توپىراق سياقتىلاردىڭ لاستانۋىنان ساقتانۋ جانە ونى جونگە سالۋ ماسەلەسىنە مەڭزەس، مۇشەلەردى 14 ولكەگە، اۆتونوميالى رايونعا، قالاعا بارىپ ارناۋلى تەكسەرۋ - زەرتتەۋ جۇرگىزۋگە ۇيىمداستىرىپ، لاستانۋدان ساقتانۋ جانە ونى جونگە سالۋ بارىسىندا ساقتالعان ماسەلەلەر مەن ۇسىنىستار جونىندە تۇراقتى كوميتەتتىڭ ۇكىمەت ىسىنە اقىل - كەڭەس بەرۋ سيپاتىندا ارناۋلى ءماجىلىس اشىپ، جان - جاقتىلى ۇسىنىس قويدى؛ اۋىل - قىستاقتاردىڭ قونىستانۋ ورتاسى، ەكولوگيالىق قونىس اۋدارۋ، تەڭىز - مۇحيت بايلىعى، جاراتىلىستىق قورىق، وزەن باستىعى ءتۇزىمىن تياناقتاندىرۋ، جەدەل جەتكىزۋ كاسىبىنىڭ جاسىل دامۋى سياقتى ماسەلەلەردى نازارعا الىپ، ءبىر قىدىرۋ تەكسەرىپ - زەرتتەۋ، ۇكىمەت ىسىنە كەڭەس بەرۋ قيمىلىن ورىستەتىپ، ەكولوگيالىق وركەنيەت قۇرىلىسى ءۇشىن ۇلەس قوستى. اۋىر حاۋىپ - قاتەردەن ساقتانۋدى جانە ونى جويۋدى كوزدە ۇستاي وتىرىپ، احۋالدى مۇقيات يەلەپ، ۇكىمەت تاراۋلارى، فينانس قۇرىلىمدارى جانە كاسىپورىندار قاتارلىلارمەن ىشكەرىلەي اڭگىمە وتكىزىپ، جۇيەلىك فينانس حاۋىپ - قاتەرىنەن ساقتانۋ جۇيەسىن اقاۋسىزداندىرۋ جونىندە ارناۋلى كەڭەس ءماجىلىسىن اشىپ، ۇسىنىس بەردى.
جوعارى ساپالى دامۋدى ىلگەرىلەتۋدى، قامداۋ جاعىنداعى قۇرىلىمدىق رەفورمانى تەرەڭدەتۋدى كوزدە ۇستاپ، نەگىزدىك زەرتتەۋدى كۇشەيتۋ، كەلەلى العاشقى جاڭالىق اشۋدى جەبەۋ، جاساندى زەردە، جاڭا ەنەرگيالى اۆتوكولىك، تەڭ يگىلىكتەنەتىن شارۋاشىلىق قاتارلى جاڭادان گۇلدەنگەن كاسىپ سالالارىنىڭ اقاۋسىز دامۋىنا قولداۋ كورسەتۋ تۋرالى تەكسەرىپ - زەرتتەۋ جۇرگىزۋگە، كوزدەن كەشىرۋگە ۇيىمداستىرىپ، تۇلعالىق شارۋاشىلىقتى دامىتۋ، قامداۋ جۇيەسىنىڭ ساپاسىن جوعارىلاتۋ جونىندە ارناۋلى كەڭەسۋ ءماجىلىسىن اشتى. نازاردى حالىق باسقارۋىنداعى شارۋاشىلىقتىڭ جوعارى ساپالى دامۋىن جەبەۋگە شوعىرلاندىرىپ، حالىق باسقارۋىنداعى كاسىپورىنداردىڭ سەنىمدىلىگىن ارتتىرۋ، بازارعا كىرۋ رۇقساتىن كەڭەيتۋ، قارجى قۇراۋ قيىن بولۋدى باسەڭدەتۋ سياقتىلار تۋرالى ۇزبەي ۇكىمەت ىسىنە كەڭەس بەرىپ، حالىق باسقارۋىنداعى كاسىپورىنداردىڭ دامۋىن قولداۋ جونىندەگى ساياساتتىق شارالاردىڭ تياناقتانىپ، ءونىم بەرۋىن ىلگەرىلەتتى. اۋىل - قىستاقتاردى كوركەيتۋ ستراتەگياسىن اتقارۋدى مىقتى يگەرىپ، اۋىل شارۋاشىلىعى، اۋىل - قىستاق، شارۋالار قىزمەت قوسىنى قۇرىلىسى، اۋىل - قىستاقتاردىڭ 1 - ، 2 - ، 3 - كاسىپ سالالارىنىڭ توعىسا دامۋى مەن قالا، اۋىلدىڭ توعىسا دامۋى، ەرەكشەلىگى بار شاعىن قالاشىق قۇرىلىسى، اۋىل - قىستاق كاسىپ سالالارىنىڭ تيپىن وزگەرتىپ، دارەجەسىن جوعارىلاتۋ سياقتىلار تۋرالى تەكسەرۋ - زەرتتەۋ جۇرگىزىپ، ۇكىمەت ىسىنە كەڭەس بەردى، اۋىل شارۋاشىلىعى، اۋىل - قىستاق، شارۋالار قىزمەتى جونىندە باعىتتامالى كەڭەسۋ ءماجىلىسىن اشىپ، اۋىل شارۋاشىلىعىنىڭ، اۋىل - قىستاقتاردىڭ وسىزاماندانۋىنا دەم بەردى. بەيجيڭ - تيانجين - حىبەيدىڭ سايكەستى دامۋى، چاڭجياڭ ەكونوميكالىق بەلدەۋىنىڭ دامۋى، شىعىس سولتۇستىكتىڭ گۇلدەنۋى، حاينان ەركىن ساۋدا سىناق رايونى قۇرىلىسى، دابيەشاننىڭ جاسىل دامۋى قاتارلىلاردى ارقاۋ ەتە وتىرىپ تەكسەرىپ - زەرتتەۋ جۇرگىزىپ، اقىل - كەڭەس بەرىپ، وڭىرلەردىڭ سايكەستى دامۋىن جەبەدى. ماۋسىم سايىن ماكرولىق شارۋاشىلىق جاعدايىنا تالداۋ جاساۋ اڭگىمە ءماجىلىسىن اشىپ، جاڭا جاعداي، تىڭ ماسەلەلەردى اۋىق - اۋىق زەرتتەپ تۇجىرىمداپ، ناقتى ىستەر جونىندە پىكىر بەرىپ، ۇسىنىس قويدى.
(4) مىندەتىن حالىق ءۇشىن وتەۋدەن جازباي، حالىق تۇرمىسىن جاقسارتۋ مەن قوعامنىڭ دامۋىنا دەم بەردى. قوعامداعى باستى قايشىلىقتاردىڭ وزگەرىسىنە ۇيلەسىپ، حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدى كوزدە ۇستاي وتىرىپ ۇكىمەت ىسىنە اقىل - كەڭەس بەرىپ، دەموكراتيالىق باقىلاۋ جۇرگىزدى. نازاردى وقۋ - اعارتۋ ىستەرىن الدىمەن دامىتۋعا شوعىرلاندىرىپ، ورتا، باستاۋىش مەكتەپ وقۋشىلارىنىڭ ساباقتان سىرتقى اۋىرتپالىعى اۋىر بولۋ ماسەلەسى، جوعارى مەكتەپتەردىڭ دۇنيە بويىنشا وزىق داشۋە جانە وزىق ءپان قۇرۋ قۇرىلىسى، حالىق باسقارۋىنداعى وقۋ - اعارتۋدىڭ دامۋى قاتارلىلار جونىندە اقىل - كەڭەس بەرىپ، كۇش قوسىپ، وقۋ - اعارتۋدى حالىق رازى بولاتىنداي ويداعىداي باسقارۋدى ىلگەرىلەتتى. كاسىپتەندىرۋ، قوعامدىق قامتاماسىزداندىرۋ سياقتى بۇقارانىڭ ءتول مۇددەسىنە ساياتىن ناقتى ماسەلەلەر تۋرالى ۇسىنىس قويۋدى مىقتى يگەرىپ، ورتا، ۇزاق مەرزىمدىك حالىق سانى وزگەرىسى مەن ەكونوميكالىق، قوعامدىق دامۋ، مەملەكەتتىڭ تەڭىز - مۇحيتتا قۇتقارۋ - كومەكتەسۋ، قامتاماسىزداندىرۋىن كۇشەيتۋ، ەرىكتى قىزمەت وتەۋدى باسقارۋ ءتۇزىلىسىن اقاۋسىزداندىرۋ سياقتىلار جونىندە تەكسەرۋ - زەرتتەۋ جۇرگىزىپ، ۇكىمەت ىسىنە اقىل - كەڭەس بەردى. سالاماتتى جۇڭگو ستراتەگياسىن اتقارۋدى ارقاۋ ەتىپ، ۇكىمەتتىك شيپاحانالاردىڭ اينالىم جاڭا مەحانيزمىن كەمەلدەندىرۋ، نەگىزگى ساتىنىڭ ەمدەۋگە، دەنساۋلىق ساقتاۋعا قىزمەت وتەۋى مەن امبەباپ شيپاگەرلەر قوسىنى قۇرىلىسىن كۇشەيتۋ، قارتتاردى كۇتىمدەۋ بويىنشا قىزمەت وتەۋ جۇيەسىن كەمەلدەندىرۋ، جالپى حالىقتىق دەنە شىنىقتىرۋدى ىلگەرىلەتۋ سياقتى تالقى تاقىرىپتارى تۋرالى ىشكەرىلەي اقىلداسىپ، حالىقتىڭ دەنساۋلىعىن اقاۋسىزداندىرۋ ساياساتىنىڭ كەمەلدەنۋىن جەبەدى. زاڭمەن جونگە سالۋ قۇرىلىسىنا نازار اۋدارىپ، ازامات جاسىنا تولماعانداردى توراپ جاعىنان قورعاۋ ەرەجەسى، اسكەردەن بوساعان اسكەريلەردى قامتاماسىزداندىرۋ زاڭى، قوعامدىق ۇيىمداردى تىزىمگە الىپ باسقارۋ ەرەجەسىن جاساۋ جانە وعان وزگەرىس ەنگىزۋ، ءادىليالىق جاۋاپكەرشىلىك تۇزىمىنە جالپىلىق سايكەستى رەفورما جاساۋ تۋرالى ۇسىنىس قويىپ، اتقارۋ قيىنعا سوعۋ ماسەلەسىن نەگىزىنەن شەشۋ جونىندە قوس اپتالىق كەڭەسۋ اڭگىمە ءماجىلىسىن اشىپ، مەملەكەتتى زاڭمەن جونگە سالۋ امالياتىنىڭ تەرەڭدەۋىنە كومەكتەستى. مادەنيەتتە قۋاتتى سوتسياليستىك ەل بولۋ قۇرىلىسىن كوزدە ۇستاپ، ەڭبەك وزاتى رۋحى مەن ىسكەرلىك رۋحتى ساۋلەلەندىرۋ، قىزىل بايلىقتاردى قورعاۋ جانە پايدالانۋ، مادەنيەت جاسامپازدىعى كاسىپ سالالارىن دامىتۋ، ايگىلى تاريحي مادەنيەت قالا - قالاشىقتارىن قورعاۋ، كولەمدى بايىرعى جۇرتتاردى قورعاۋ جانە ودان پايدالانۋ، ۇلى كانال مادەنيەت بەلدەۋى قۇرىلىسى، حاتكەرلىك تاربيەسى، تەاترعا مۇراگەرلىك ەتۋ جانە ونى دامىتۋ سياقتىلار تۋرالى تەكسەرۋ - زەرتتەۋ جۇرگىزدى. مۇشەلەردى وقىتۋشىلار مەرەكەسى بايلانىسىمەن حال سۇراۋعا، عىلىم - تەحنيكا، مادەنيەت، دەنساۋلىق ساقتاۋ، دەنە تاربيە ىستەرى بويىنشا نەگىزگى ساتىعا ءتۇسۋ قيمىلىن ورىستەتۋگە ۇيىمداستىردى. ساياسي كەڭەسكە كەلگەن ارىز حاتتار مەن ارىزدانا كەلگەندەر قىزمەتىن ويداعىداي ىستەدى.
(5) ۇلى ىنتىماق پەن ۇلى بىرلىككە تاباندى بولىپ، كوپتىڭ تىلەگى مەن كۇش - قۋاتىن كەڭ كولەمدى شوعىرلاندىردى. پارتيا - توپتاردىڭ ساياسي كەڭەس قىزمەتىندەگى ورتاقتىعى بار ىستەرگە قاتىناسۋ احۋالى جونىنەن اۋىس - ءتۇيىس جاساۋ مەحانيزمىن ورناتتى، ساياسي كەڭەس ارناۋلى كوميتەتتەرى دەموكراتيالىق پارتيا - توپتار ورتالىق كوميتەتىمەن بىرگە ۇكىمەت ىسىنە اقىل - كەڭەس بەرۋ قيمىلىن وتكىزىپ، بىرلەسىپ تەكسەرۋ - زەرتتەۋ جۇرگىزدى. پارتيا سىرتىنداعى زيالىلارمەن، جالپىلىق مەنشىككە جاتپايتىن ەكونوميكا قايراتكەرلەرىمەن، جاڭا قوعامدىق جىكتەردەگى قايراتكەرلەرمەن بايلانىس جاساۋدى كۇشەيتىپ، ولاردىڭ پىكىرلەرى مەن ارىز - تالاپتارىن دەر كەزىندە اڭىس ەتتى. از ۇلت جانە ءدىن سالاسىنداعى مۇشەلەردىڭ ارناۋلى تاقىرىپتا ۇيرەنۋ، تەكسەرۋ، سالالار بويىنشا كەڭەسۋ قيمىلدارىن ورىستەتۋدە جاڭالىق اشىپ، قوعام جاعدايى مەن حالىق تىلەگىن سالالار بويىنشا اڭىس ەتەتىن ينفورماتسيا اڭگىمە ءماجىلىسىن اشىپ، ۇلتتاردىڭ جاناسۋى، ىشتەسۋى، توعىسۋى، مەملەكەتتە ءبىر تۇتاس قولدانىلاتىن ءتىل - جازۋدىڭ جالپىلاسۋى، شەكارا وڭىردەگى بۇقارانىڭ ءوندىرىس - تۇرمىسى، ۇلتتىق وڭىرلەردەگى ورتا، باستاۋىش جاتاقتى مەكتەپ قۇرىلىسى، ەلىمىزدە ءدىندى جۇڭگوشالاندىرۋ بەتالىسىنا تاباندى بولۋ، زاڭزۋلار اراسىندا تارالعان بۋددا ءدىنى دارىندىلارىن تاربيەلەۋ سياقتىلار توڭىرەگىندە ۇكىمەت ىسىنە اقىل - كەڭەس بەرىپ، ورتاق تانىمعا كەلدى. 5 ولكە - قالاعا بارىپ، باس شۋجي شي جينپيڭنىڭ شياڭگاڭ مەن اۋمىننىڭ ءار سالاسىنىڭ مەملەكەتتىڭ رەفورمالاۋ، ەسىك اشۋىنىڭ 40 جىلدىعىن قۇتتىقتاۋ ساپارلاۋ ۇيىرمەسىندەگىلەرمەن كەزدەسكەن كەزدە سويلەگەن ماڭىزدى ءسوزىنىڭ رۋحىن ۇگىتتەپ، شياڭگاڭدىق، اۋمىندىق مۇشەلەردى ىشكى ولكەلەردە تەكسەرۋ جۇرگىزۋگە ۇيىمداستىرىپ، گۋاڭدۇڭ - شياڭگاڭ - اۋمىن ۇلكەن شىعاناق ءوڭىرى قۇرىلىسىن ىلگەرىلەتۋ جونىندە تەكسەرىپ - زەرتتەۋ جۇرگىزىپ، ۇكىمەت ىسىنە اقىل - كەڭەس بەردى، شياڭگاڭ مەن اۋمىننىڭ جاستار قوعامدىق ۇيىمدارىنىڭ ۋاكىلدەرىن ىشكى ولكەلەرگە بارىپ ءومىر ۇيرەنۋگە، اۋىس - ءتۇيىس جاساۋعا ۇيىمداستىرىپ، شياڭگاڭدىق، اۋمىندىق مۇشەلەردىڭ ەرەكشە اكىمشىلىك رايون ۇكىمەتتەرى مەن اكىمدەرىنىڭ اكىمشىلىكتى زاڭ بويىنشا جۇرگىزۋىن قولداۋىنا شابىت بەرىپ، ”شياڭگاڭدى دەربەستەندىرۋ“گە تۋى ايقىن تۇردە قارسى تۇردى. ەكى جاعالاۋدىڭ نەگىزگى ساتىلاردى جونگە سالۋ تالقى مىنبەرىن وتكىزۋگە تۇڭعىش رەت قاتىناسىپ، «ەكى جاعالاۋدىڭ ەكونوميكا، مادەنيەت اۋىس - ءتۇيىس سەلبەستىگىن جەبەۋ جونىندەگى شارالار»دىڭ دايەكتى تياناقتاندىرىلۋ احۋالىن، ەكى جاعالاۋداعى جاستاردىڭ شارۋاشىلىق قۇرۋ بازاسىن دامىتۋ سياقتىلار تۋرالى تەكسەرۋ - زەرتتەۋ جۇرگىزىپ، ۇكىمەت ىسىنە اقىل - كەڭەس بەردى، تايۋان ارالىنداعى قاتىستى پارتيا - توپتارمەن، قايراتكەرلەرمەن بايلانىستى كۇشەيتىپ، ”تايۋاندى دەربەستەندىرۋ“گە باتىل قارسى تۇردى. شەتەلدەگى چياۋمين باۋىرلاستار ۋاكىلدەرىن ساياسي كەڭەستىڭ جالپى ماجىلىستەرىنە سىرتتاي قاتىناسۋعا ۇسىنىس ەتىپ، شەتەلدەگى چياۋمين باۋىرلاستاردىڭ مەملەكەتتىڭ شەتەلدەگى مۇددەسىن قورعاۋداعى رولىن ساۋلەلەندىرۋ سياقتىلار جونىنەن تەكسەرىپ - زەرتتەۋ جۇرگىزىپ، اقىل - كەڭەس بەردى.
(6) سىرتقى دوستىق بارىس - كەلىستى بەلسەنە ورىستەتىپ، تاماشا سىرتقى ورتا جاراتۋعا كۇش سالدى. مەملەكەتتىڭ سىرتقى ىستەر قىزمەتىنىڭ جالپى تۇلعالىق ورنالاستىرۋىنا ساي، جوعارى جىكتەگىلەر بارىس - كەلىسىن تىڭعىلىقتى ورىستەتىپ، شەتەلدەگى قاتىستى قۇرىلىمدارمەن، ساياسي ۇيىمدارمەن، اقپارات دانەكەرلەرى پاراسات قامبالارىمەن جانە ءار سالا قايراتكەرلەرىمەن اۋىس - ءتۇيىستى تەرەڭدەتتى. شەتەلمەن بولعان اۋىس - ءتۇيىستىڭ مازمۇنىن جانە ءتاسىلىن مولايتىپ، جۇڭگو كوممۋنيستىك پارتياسىنىڭ ەل باسقارۋداعى اڭگىمەسىن، جۇڭگوداعى ءار ۇلت حالقىنىڭ قايراتتانا العا ۇمتىلعان جاڭا داۋىردەگى اڭگىمەسىن، جاڭاشا ساياسي پارتيا ءتۇزىمى مەن حالىق ساياسي كەڭەسىنىڭ اڭگىمەسىن جاقسى اڭگىمەلەپ، ادامزاتتىڭ تاعدىرلاس ورتاق تۇلعاسىن ورناتۋ ۇستانىمىن ۇگىتتەدى جانە تانىستىردى. شەتەلدەردىڭ جۇڭگودا تۇراتىن ەلشىلەرى قاتىناسقان ساياسي كەڭەس قيمىلىن تۇڭعىش رەت وتكىزىپ، افريكاداعى 41 ەلدىڭ جۇڭگوداعى ەلشىسىن جانە افريكا وداعىنىڭ جۇڭگودا تۇراتىن ۋاكىلدەرىن مەملەكەتتىك ساياسي كەڭەسكە كەلىپ ەكسكۋرسيالاۋعا، اڭگىمە وتكىزۋگە قاتىناسۋعا ۇسىنىس ەتتى. ”ءبىر بەلدەۋ، ءبىر جول“دى بىرگە قۇرۋدى نەگىزگى تاقىرىپ ەتكەن جۇڭگو - افريكا ەكونوميكالىق، قوعامدىق القالار كەڭەسى دوڭگەلەك ۇستەل ءماجىلىسىن وتكىزىپ، مەملەكەتتىك ساياسي كەڭەستىڭ جۇڭگو - افريكا دوستىق گرۋپپاسىن قۇردى. ارناۋلى كوميتەتتەردى شەتەلمەن اۋىس - ءتۇيىس جاساۋعا ۇيىمداستىردى ءارى شەكارا سىرتىنداعى ەكونوميكا - ساۋدا سەلبەستىگى ءوڭىرى، حالىقارالىق قۇرلىق - تەڭىز ساۋداسى جاڭا وتكەلى، جۇڭگو شىعىس وڭتۇستىك ازيا وداعىنىڭ وڭىرلىك ەكونوميكالىق سەلبەستىگى، جۇڭگو - ەۆروپا كەزەكشى پويەزىنىڭ قاتىناۋى سياقتىلار توڭىرەگىندە ىشكەرىلەي تەكسەرۋ - زەرتتەۋ جۇرگىزىپ، ۇكىمەت ىسىنە اقىل - كەڭەس بەردى. جۇڭگو ەكونوميكالىق، قوعامدىق القالار كەڭەسىنىڭ ەۆروپا وداعى ەكونوميكالىق، قوعامدىق كوميتەتىمەن بىرگە 16 - رەتكى جۇڭگو - ەۆروپا دوڭگەلەك ۇستەل ءماجىلىسىن وتكىزۋىن، جۇڭگو ءدىن سالاسى بەيبىتشىلىك كوميتەتىنىڭ ازيا ءدىن بەيبىتشىلىگى ماجىلىسىنە قاتىناسۋىن قولدادى. حالىقارالىق جاعدايعا تالداۋ جاساۋ ءماجىلىسىن اشىپ، مۇشەلەردىڭ جۇڭگو - امەريكا قۇراما شتاتتارى ساۋدا قاقتىعىسىنا توتەپ بەرۋ تۋرالى دەر كەزىندە ءۇن قوسۋىن، بەلسەنە ۇسىنىس - پىكىر بەرۋىن قولداپ، پارتيا - توپتاردىڭ، ءار ۇلت، ءار سالا قايراتكەرلەرىنىڭ مەملەكەتتىڭ مۇددەسىن باتىل قورعايتىن ايقىن پوزيتسياسى مەن بەرىك سەنىمىن ايگىلەدى.
(7) حالىق ساياسي كەڭەسىنىڭ ءوز قۇرىلىسىن رەفورما جاساۋ، جاڭالىق اشۋ رۋحىمەن شىنايى كۇشەيتتى. جۇڭگو كوممۋنيستىك پارتياسى ورتالىق كوميتەتىنىڭ پارتيا مەن مەملەكەت قۇرىلىمدارى رەفورماسىن تەرەڭدەتۋ جونىندەگى شەشىمدەرى مەن ورنالاستىرۋلارىن تياناقتاندىرىپ، ارناۋلى كوميتەتتەردىڭ قۇرىلۋىن ساپالىلاندىرىپ، اۋىل شارۋاشىلىعى جانە اۋىل - قىستاق كوميتەتىن قۇردى. ءتوراعالار ءماجىلىسى تۇراقتى كوميتەتكە قىزمەتىنەن مالىمەت بەرۋ ءتۇزىمىن، ءتوراعالار ءماجىلىسى ارناۋلى كوميتەتتەردىڭ قىزمەت مالىمەتىن تىڭداۋ ءتۇزىمىن ورناتىپ، ورىنباسار ءتوراعالاردىڭ ارناۋلى كوميتەتتەرمەن بايلانىس جاساۋ ءتاسىلىن كەمەلدەندىرىپ، ارناۋلى كوميتەتتەردىڭ مەڭگەرۋشىلەرى ءماجىلىسىن اشىپ، ارناۋلى كوميتەتتەردىڭ جۇڭگو كوممۋنيستىك پارتياسى بولىمشە پارتيا ۇيىمدارى قۇرىلىسىن كۇشەيتىپ، ارناۋلى كوميتەتتەردىڭ نەگىزدىك رولىن ونان ارى ويداعىداي ساۋلەلەندىردى. مۇشەلەردىڭ تۇلعالىق ورنىنا قۇرمەت ەتىپ، مۇشەلەردىڭ جاۋاپكەرشىلىك تانىمىن كۇشەيتىپ، ورىنباسار ءتوراعالاردىڭ بايلانىس سالالارىن جانە مۇشەلەر قىزمەت ءادىسىن بەلگىلەپ، ءتوراعالار ءماجىلىسىنىڭ قۇرامىنداعىلار جەرگىلىكتى ورىندارعا بارىپ قىزمەت ورىستەتكەندە جەرگىلىكتى ورىندا تۇراتىن مەملەكەتتىك ساياسي كەڭەس مۇشەلەرىنە امانداسا بارىپ احۋال ۇعىسۋ مەحانيزمىن ورناتىپ، مۇشەلەردىڭ مىندەت وتەۋ قىزمەت ەرەجەسىنە وزگەرىس ەنگىزىپ، مۇشەلەردىڭ مىندەت وتەۋ احۋالىن ساناققا الىپ، مۇشەلەردىڭ مىندەت وتەۋ ارحيۆىن تۇرعىزۋ، تۇراقتى مۇشەلەر مىندەت وتەۋ مالىمەتىن تاپسىرۋ ءتۇزىمىن ورناتتى، 298 تۇراقتى مۇشە مىندەت وتەۋ مالىمەتىن ۋاعىندا تاپسىردى، مەملەكەتتىك ساياسي كەڭەس پارتيا باسشىلىق گرۋپپاسىنىڭ مۇشەلەرى پارتيالى تۇراقتى مۇشەلەردىڭ مىندەت وتەۋ، ۇسىنىس - پىكىر بەرۋ احۋالى جونىنەن جەكە - جەكە باعالاۋ جۇرگىزىپ، مۇشەلەردى توپقا ءبولىپ تۇراقتى كوميتەتتىڭ ماجىلىسىنە سىرتتاي قاتىناستىرۋ سياقتى تۇزىمدىك مەحانيزمدەردى ورناتىپ، بارلىق مۇشەلەردى ”جىلدىق تاپسىرما“نى ويداعىداي ىستەۋگە قوزعاۋشىلىق ەتتى، مۇشەلەردىڭ مىندەت وتەۋىنىڭ تەرەڭدىگى مەن كەڭدىگى كورنەكتى دارەجەدە جوعارىلادى، مۇشەلەردىڭ جىلىنا بىرەر رەت باس كورسەتۋ جاعدايىن ءونىمدى وزگەرتتى. قاتاڭ تالاپ قويۋعا تاباندى بولىپ، ۋستاۆ بويىنشا 3 ادامنىڭ مەملەكەتتىك ساياسي كەڭەس مۇشەسى تولىمدىلىعىن كۇشىنەن قالدىردى. تەكسەرۋ - زەرتتەۋ قىزمەت ءتۇزىمىن ورناتۋدى كۇشەيتىپ جانە جاقسارتىپ، قولامتالى، قيىن، تولعاقتى ماسەلەلەردى، قوعامنىڭ جاعدايى مەن جۇرت تىلەگىنە قاتىستى ينفورماتسيالاردى جيناپ مالىمدەۋدى كورنەكتىلەندىرىپ، جارىس ءسوز جونىندە كەڭەسۋ - سارالاۋ مەحانيزمىن كەمەلدەندىرىپ، رەفورمالاۋ، ەسىك اشۋدىڭ 40 جىلدىعىنا قاتىستى ەستەلىكتەردى اۋىزشا بايانداۋ تاريحي ماتەريالىن تۇڭعىش رەت دىبىس - كەسكىن ءتاسىلى ارقىلى جيناپ، جۇڭگو حالىق ساياسي كەڭەسى نازاريا زەرتتەۋ قوعامىنىڭ كەلەلى نازاريالار مەن امالياتتىق ماسەلەلەردى زەرتتەۋگە ۇيىمداستىرۋ رولىن ساۋلەلەندىرىپ، ماڭىزدى ماجىلىستەردى، كەلەلى قيمىلداردى، مۇشەلەردىڭ مىندەت وتەۋ احۋالىن اقپاراتتىق حابار ارقىلى حابارلاۋ تەبىنىن ارتتىردى. پارتيانىڭ ساياسي قۇرىلىسى ارقىلى ساياسي كەڭەستىڭ ورگان قۇرىلىسىن ىلگەرىلەتۋگە ءبىر تۇتاس باستاماشىلدىق ەتىپ، كادرلار قوسىنىنىڭ قۇرىلىمىن ساپالىلاندىرىپ، ءتۇيىندى قىزمەتتەرمەن بىرلەستىرە وتىرىپ، اماليات جاعىنان شىنىقتىرۋدى كۇشەيتىپ، ىشكى جاقتان شارلاۋ جۇرگىزۋ جانە ساقتىق تاربيەسىن ورىستەتىپ، ”ءتورت بۇرىس ستيل“گە تىنباي قارسى تۇرىپ، ۇلگىلى ورگان قۇرۋعا قۇلشىندى. ورتالىق ءتارتىپ تەكسەرۋ كوميتەتى مەملەكەتتىك باقىلاۋ - تەكسەرۋ كوميتەتىنىڭ ساياسي كەڭەس ورگانىندا تۇراتىن ءتارتىپ تەكسەرۋ، باقىلاۋ - تەكسەرۋ گرۋپپاسىنىڭ قىزمەتىن قولدادى. جەرگىلىكتى ساياسي كەڭەس ءتوراعالارىنىڭ اڭگىمە ءماجىلىسى ءتۇزىمىن ورناتىپ، جەرگىلىكتى ساياسي كەڭەس باس حاتشىلارىنىڭ قىزمەتى جونىندەگى مەملەكەتتىك ءماجىلىستى اشىپ، جەرگىلىكتى ساياسي كەڭەس قىزمەتىنە جەتەكشىلىكتى كۇشەيتتى.
مۇشەلەر، وتكەن ءبىر جىلداعى قىزمەت ناتيجەلەرىمىز شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىنىڭ جەمىسى، ءار دارەجەلى پارتكومداردىڭ، ۇكىمەتتەردىڭ جانە قوعامنىڭ ءارقايسى سالالارىنىڭ بارىنشا قولداۋىنىڭ جەمىسى، حالىق ساياسي كەڭەسىنە قاتىناسقان ورىنداردىڭ، ءار دارەجەلى ۇيىمداردىڭ جانە قالىڭ مۇشەلەردىڭ ىنتىماقتاسا كۇرەس جۇرگىزۋىنىڭ جەمىسى. مەن مەملەكەتتىك ساياسي كەڭەس تۇراقتى كوميتەتى اتىنان شىن جۇرەكتەن العىس ايتامىن!
سونىمەن بىرگە، قىزمەتىمىزدە ءالسىز بۋىندار مەن جەتەرسىزدىكتەر ءالى دە ورىن تەۋىپ وتىر، كەيبىر جولداستاردىڭ جاڭا داۋىردەگى ساياسي كەڭەس قىزمەت بورىشى مەن مىندەتىن ارقالاۋ تانىمىن جانە قابىلەتىن ءالى دە كۇشەيتۋگە، ارناۋلى كەڭەس قۇرىلىمىنىڭ رولىن ساۋلەلەندىرۋدىڭ تۇزىمدىك مەحانيزمىن كەمەلدەندىرە ءتۇسىپ، قوس باعىتتا كۇش شىعارۋ قىزمەتىنىڭ ساپاسىن اناعۇرلىم جوعارىلاتىپ، تەكسەرىپ - زەرتتەۋ، باعالاۋ قىزمەتىن اناعۇرلىم جاقسارتىپ، جەرگىلىكتى ساياسي كەڭەس قىزمەتىنە جەتەكشىلىكتى اناعۇرلىم كۇشەيتۋگە تۋرا كەلەدى. بۇل ماسەلەلەرگە، ءسوزسىز، باسا ءمان بەرىپ، مۇقيات شەشۋىمىز كەرەك.
2. 2019 - جىلعى باستى مىندەتتەر
2019 - جىل − جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى، حالىق ساياسي كەڭەسى دە 70 جىلدىعىن قارسى الادى. حالىق ساياسي كەڭەسى قىزمەتىنىڭ جالپى تۇلعالىق تالابى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جۇڭگو كوممۋنيستىك پارتياسى 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى باتىل قورعاۋ“دى ورىنداپ، بورىش پەن مىندەتتى تۇراقتاندىرىپ، ىنتىماق جانە دەموكراتيا سىندى ەكى ۇلكەن نەگىزگى تاقىرىپقا تاباندى بولىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس ىلگەرىلەتۋدى، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدى ارقاۋ ەتىپ، نازاردى جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋ، ءۇش ۇلكەن قامال الۋ شايقاسىن ويداعىداي جۇرگىزۋ قاتارلى ءتۇيىندى مىندەتتەرگە شوعىرلاندىرىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە ارالاسۋ، اقىل - كەڭەس بەرۋ فۋنكتسياسىن مۇقيات وتەپ، اقىل - كەڭەس بەرۋ مەن ورتاق تانىمعا كەلۋ سىندى قوس باعىتتا كۇش سالۋ قىزمەتىنىڭ ساپاسىن جوعارىلاتىپ، جاڭا جۇڭگو قۇرىلعاندىعىنىڭ 70 جىلدىعىن ۇزدىك ناتيجەلەرمەن قۇتتىقتاۋ.
باس شۋجي شي جينپيڭ 2019 - جىلى تابيعي تۇردە وراي مەن سىناقتاردىڭ ءبىر - بىرىنە قاباتتاساتىندىعىن باسا اتاپ كورسەتتى. بيىلعى ساياسي كەڭەس قىزمەتىن جاقسى ىستەۋ ءۇشىن، ءسوز جوق، ساياسيدى دارىپتەپ، جالپى جاعدايعا ءمان بەرۋ، قىزمەتتى ورنىقتىلىق بارىسىندا ىلگەرىلەتۋ نەگىزگى ارناسىنان جازباي، زاماننىڭ جانە جاعدايدىڭ وزگەرىسىنە سايكەسىپ، قيىنشىلىق جانە تاۋقىمەت تانىمىن كۇشەيتىپ، ورنىقتىلىقتىڭ ماڭىزدى ءمانى مەن مازمۇنىن يگەرىپ، ىلگەرىلەۋدىڭ شارالارىن كۇشەيتۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ساياسي كەڭەس قىزمەتىن ءبىر تۇتاس مەڭگەرۋدىڭ باس باعدارلاماسى ەتىپ، ۇيرەنۋدى قادىرلەپ، ۇيرەنۋدى كۇشەيتىپ، جۇڭگوشا سوتسياليزمگە تاباندى بولۋدى جانە ونى دامىتۋدى نەگىزگى ءوس ەتە وتىرىپ، ورتاق يدەيا مەن ساياسي نەگىزدى ۇزدىكسىز بەكەمدەۋ كەرەك. حالىق ساياسي كەڭەسى ءتۇزىمىنىڭ اناعۇرلىم پىسىپ - جەتىلۋىن، اناعۇرلىم تۇلعالانۋىن، ارناۋلى كەڭەس قۇرىلىمىنىڭ رولىن ويداعىداي ساۋلەلەندىرۋدى جاڭا داۋىردەگى جاڭا باعىت، جاڭا بورىش ەتىپ، جاڭالىق اشۋدى قاستەرلەپ، جاڭالىق اشۋعا باتىل بولىپ، نازاريالىق زەرتتەۋدى كۇشەيتىپ، ءتۇزىم مەحانيزمىن كەمەلدەندىرىپ، امالياتتىق دامۋدى ىلگەرىلەتۋ كەرەك. يدەيالىق ساياسي جاقتا جەتەلەۋدى كۇشەيتۋدى، ورتاق تانىمدى كەڭ كولەمدى قالىپتاستىرۋدى حالىق ساياسي كەڭەسىنىڭ قىزمەت مىندەتىن وتەۋىنىڭ وزەكتى بۋىنى ەتىپ، ىنتىماقتى قاستەرلەپ، بەرەكە - بىرلىكتى كۇشەيتىپ، بارلىق بەلسەندى فاكتورلاردى جۇمىلدىرىپ، ءبىر نيەت، ءبىر تىلەكتە بولا وتىرىپ، گۇلدەنۋ ۇلى ىسىنە بىرگە ات سالىسۋ كەرەك.
(1) شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ەڭ ماڭىزدى ءتۇيىن ەتۋگە تاباندى بولۋ. نازاريا ۇيرەنۋدى اناعۇرلىم كورنەكتى ورىنعا قويىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ اڭگىمە ءماجىلىسى ءتۇزىمىن تياناقتاندىرىپ، باس شۋجي شي جينپيڭنىڭ ەڭ جاڭا ماڭىزدى سوزدەرىنىڭ رۋحىن دەر كەزىندە ۇيرەنىپ، جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ ساياسي قۇرىلىسىن كۇشەيتۋ جونىندەگى ماڭىزدى شەشىمدەرى مەن ورنالاستىرۋلارىن مۇقيات دايەكتىلەندىرۋ كەرەك. باس شۋجي شي جينپيڭنىڭ حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ۇيرەنۋ، زەرتتەۋ - تالقىلاۋ قيمىلدارىنىڭ تابىستارىن بەكەمدەپ جانە كەڭەيتىپ، «مەملەكەتتىك ساياسي كەڭەستىڭ حالىق ساياسي كەڭەس قىزمەتىن كۇشەيتۋ جانە جاقسارتۋداعى ءتۇيىندى مىندەتتەرىن اتقارۋ جوباسى»نداعى 27 ءتۇرلى ناقتى شارانى مۇقيات تياناقتاندىرىپ، اماليات ارقىلى تانىمدى تەرەڭدەتىپ، تانىمدىق تابىستار ارقىلى امالياتتىق دامۋدى ىلگەرىلەتۋ كەرەك. ارناۋلى كوميتەتتەردى بەلگىلى مەرزىم بويىنشا ارناۋلى ۇيرەنۋگە، زەرتتەۋ - تالقىلاۋعا ۇيىمداستىرىپ، ءوزىن - ءوزى تاربيەلەۋ مەن ءوز ورەسىن جوعارىلاتۋدى ماقسات ەتكەن ۇيرەنۋ - اڭگىمە وتكىزۋدى، پارتيا سىرتىنداعى مۇشەلەردىڭ ءوزىن - ءوزى تاربيەلەۋدى ماقسات ەتكەن ارناۋلى كوزدەن كەشىرۋدى، يدەيا - ساياسي جاقتا جەتەلەۋدى ىنتىماق جانە دەموكراتيا بارىسىنداعى سىرلاسۋعا، كەڭەسۋگە ءسىڭىرۋ قاتارلى قىزمەتتەردى ويداعىداي يگەرىپ، عىلمي نازاريانى ىنتىماقتاسا كۇرەس جاساۋدىڭ ورتاق يدەيالىق ساياسي نەگىزىنە اينالدىرىپ، حالىق ساياسي كەڭەسىنە قاتىناسقان پارتيا - توپتار مەن ءار ۇلت، ءار سالا قايراتكەرلەرىن جەتەلەپ، جۇڭگو كوممۋنيستىك پارتياسى مەن جۇڭگوشا سوتسياليزمدى ساياسي جاقتا شىنايى مويىنداۋدى، يدەيالىق جاقتا شىنايى مويىنداۋدى، نازاريالىق جاقتا شىنايى مويىنداۋدى، سۇيىسپەنشىلىك جاقتا شىنايى مويىنداۋدى ۇزدىكسىز كۇشەيتىپ، جۇڭگوشا سوتسياليستىك ساياسيدى دامىتۋ جولىمەن اۋىقتىماي ءجۇرۋ، ءارقانداي بوران - شاشىندا ودان استە اۋىتقىماۋ كەرەك.
(2) پارتيا مەن مەملەكەتتىڭ وزەكتى مىندەتتەرىن ارقاۋ ەتە وتىرىپ، ۇكىمەت ىسىنە كەڭەس بەرىپ، ۇسىنىس قويۋ. جاپپاي دوڭگەلەك داۋلەتتى قوعام ورناتۋدىڭ شەشۋشى جىلىنداعى شەشۋشى ماسەلەلەرگە، ءۇش ۇلكەن قامال الۋ شايقاسىن ويداعىداي جۇرگىزۋ سىندى كەلەلى ماسەلەلەرگە نازاردى شوعىرلاندىرىپ، ”بەكەمدەۋ، كۇشەيتۋ، جوعارىلاتۋ، ىركىلىسسىزدەندىرۋ“ باعىتىن دايەكتىلەندىرىپ، قامداۋ جاعىنداعى قۇرىلىمدىق رەفورمانى اناعۇرلىم ىلگەرىلەتىپ، ءبىر توپ جوعارى ساپالى ۇسىنىس تابىستارىن قۇلشىنا قالىپتاستىرۋ كەرەك. ءتۇيىندى اقىل - كەڭەس بەرۋ قيمىلدارىن ويداعىداي يگەرىپ، جاساۋ كاسىبىنىڭ جوعارى ساپالى دامۋىن ىلگەرىلەتۋدى، وقۋ - اعارتۋدى حالىق رازى بولارلىقتاي ويداعىداي باسقارۋدى ارقاۋ ەتىپ، ۇكىمەت ىسىنە كەڭەس بەرۋ سيپاتىنداعى ارناۋلى تۇراقتى كوميتەت ءماجىلىسىن ايىرىم - ايىرىم اشۋ؛ جاڭالىق اشۋ ارقىلى دامۋعا دەم بەرۋدى، اۋىل - قىستاقتاردىڭ نەگىزدىك الەۋمەتتىك مادەنيەت بويىنشا قىزمەت وتەۋ قۇرىلىسىن كۇشەيتۋدى كوزدەي وتىرىپ ارناۋلى كەڭەسۋدى ايىرىم - ايىرىم ورىستەتۋ كەرەك. قوس اپتالىق كەڭەسۋ اڭگىمە ءماجىلىسى، توراپ ارقىلى ۇكىمەت ءىسىن الىس ارالىقتان كەڭەسۋ سياقتى فورمالاردان پايدالانىپ، جۇمىستاندىرۋدى جەبەۋ، ەكونوميكانىڭ دامۋىنان ورتاق يگىلىكتەنۋ، اۆتورلىق ۇقىق زاڭىنا وزگەرىس ەنگىزۋ، ۇلى كانال مادەنيەت بەلدەۋى قۇرىلىسى قاتارلى قوعام نازار اۋدارىپ وتىرعان ماسەلەلەر جونىندە، ”تورتتە جاقسى اۋىل - قىستاق جول“ قۇرىلىسى، بالاباقشا وقىتۋشىلارىن تولىمدىلىق بويىنشا تاربيەلەۋ، وتباسى تاربيەسى جانە وتباسى سالتى قۇرىلىسى، قارتتاردى كۇتىمدەۋ جونىنەن قىزمەت وتەۋ جۇيەسى قۇرىلىسى، سالاماتتى جۇڭگو ستراتەگياسى، جەكەلەر ينفورماتسياسىن قورعاۋ قاتارلى بۇقارانىڭ ءتول مۇددەسىنە قاتىستى ماسەلەلەر جونىندە ىشكەرىلەي تەكسەرىپ - زەرتتەۋ جۇرگىزۋ نەگىزىندە ۇكىمەت ىسىنە اقىل - كەڭەس بەرۋ كەرەك. باقىلاۋدى كەڭەسۋگە ءسىڭىرۋدىڭ ارتىقشىلىعىن ساۋلەلەندىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ، حالىقتىق شارۋاشىلىقتىڭ اقاۋسىز دامۋىن جەبەۋ، جاراتىلىستىق قورىق ساياساتى، جايلىم ەكولوگياسىن قورعاۋ سياقتىلار اياسىنداعى اقىل - كەڭەس بەرۋ فورماسىنداعى باقىلاۋدى ورىستەتىپ، پارتيا مەن مەملەكەتتىڭ قاتىستى شەشىمدەرى مەن ورنالاستىرۋلارىنىڭ تياناقتانۋىن ىلگەرىلەتۋ كەرەك.
(3) ىنتىماقتاسۋ، دوستاسۋ قىزمەتىن ونان ارى كۇشەيتۋ. جاعدايدى حابارلاندىرۋ، اڭگىمەلەسۋ، پىكىر اۋىستىرۋ، بىرلەسىپ تەكسەرۋ - زەرتتەۋ تۇزىمدەرىن كەمەلدەندىرۋ، دەموكراتيالىق پارتيا - توپتاردىڭ جانە پارتيادا، توپتاردا جوق قايراتكەرلەردىڭ ساياسي كەڭەستە مىندەت وتەۋىنە بەلسەنە شارت - جاعداي ازىرلەۋ كەرەك. پارتيا سىرتىنداعى زيالىلارمەن، جالپىلىق مەنشىككە جاتپايتىن شارۋاشىلىقپەن شۇعىلداناتىن قايراتكەرلەرمەن جانە جاڭا قوعامدىق جىكتەگى قايراتكەرلەرمەن بارىس - كەلىس جاساۋ ارنالارىن كەڭەيتۋ كەرەك. پارتيانىڭ ۇلت ساياساتى مەن ءدىن قىزمەتىنىڭ نەگىزگى باعىتىن جاپپاي دايەكتىلەندىرىپ، جاڭا داۋىردەگى قالاداعى ۇلتتار قىزمەتىن ويداعىداي ىستەۋ، مەشىتتەردى، بۇتحانالاردى، شىركەۋلەردى باسقارۋ قاتارلىلار جونىندە تەكسەرىپ - زەرتتەۋ جۇرگىزۋ، اقىلداسۋ كەرەك. ”ءبىر ەل، ەكى ءتۇزىم“، ”شياڭگاڭدى شياڭگاڭدىقتار باسقارۋ“، ”اۋمىندى اۋمىندىقتار باسقارۋ“، وسكەلەڭ اۆتونوميا باعىتىن جاپپاي، دۇرىس دايەكتىلەندىرىپ، ەرەكشە اكىمشىلىك رايونىنىڭ ۇكىمەتى مەن اكىمىنىڭ زاڭ بويىنشا اكىمشىلىك جۇرگىزۋىن قولداپ، شياڭگاڭدىق، اۋمىندىق جاستاردىڭ ىشكى ولكەلەرگە كەلىپ ۇيرەنۋ، اۋىس - ءتۇيىس جاساۋ جوسپارىن جالعاستى اتقارىپ، ىشكى وڭىرلەردىڭ شياڭگاڭدىق، اۋمىندىق جاستارمەن اۋىس - ءتۇيىس جاساۋىن جەبەۋ، گۋاڭدۇڭ، شياڭگاڭ، اۋمىن ۇلكەن شىعاناق رايونىنىڭ دامۋ جوباسى پروگرامماسىن تياناقتاندىرۋ قاتارلىلار جونىندە ۇسىنىس قويۋ كەرەك. باس شۋجي شي جينپيڭنىڭ «تايۋاندىق باۋىرلاستارعا حات» جاريالانعاندىعىنىڭ 40 جىلدىعىن ەسكە ءتۇسىرۋ جينالىسىنداعى ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، ءبىر جۇڭگو پرينسيبى مەن ” 1992 - جىلعى ورتاق تانىم“عا تاباندى بولىپ، ”تايۋاندى دەربەستەندىرۋ“گە باتىل قارسى تۇرىپ، تايۋان ارالىنداعى قاتىستى پارتيا - توپتارمەن، قايراتكەرلەرمەن اۋىس - ءتۇيىستى تەرەڭدەتىپ، بۇعاز تالقى مىنبەرىنە قاتىستى قيمىلداردى وتكىزۋگە قاتىناسۋ. شەتەلدەگى چياۋمين باۋىرلاستارمەن كەڭ كولەمدى ىنتىماقتاسىپ، چياۋمين باۋىرلاستاردىڭ زاڭدى ۇقىق - مۇددەسىن قورعاۋ كەرەك.
(4) جۇڭگوشا ءىرى ەلدىك ديپلوماتياعا قىزمەت وتەۋگە اقىل - پاراسات پەن كۇش - قۋاتتى ارناۋ. جوعارى جىكتەگىلەردىڭ ءوزارا ساپاردا بولۋىن بەلسەندى ورىستەتىپ، الەۋمەتتىك ديپلوماتيا، گۋمانيتارلىق اۋىس - ءتۇيىس مەحانيزمىندە جاڭالىق اشۋ كەرەك. ارناۋلى كوميتەتتەردىڭ، جۇڭگو ەكونوميكالىق - قوعامدىق القالار كەڭەسىنىڭ، جۇڭگو ءدىن سالاسى بەيبىتشىلىك كوميتەتىنىڭ ابزالدىلىعى مەن رولىن ساۋلەلەندىرىپ، 17 - رەتكى جۇڭگو - ەۆروپا دوڭگەلەك ۇستەل ءماجىلىسىن، ”ءبىر بەلدەۋ، ءبىر جول“ حالىقارالىق سەلبەستىك ارناۋلى تالقى ءماجىلىسىن، تۇرلىشە ءدىن - مادەنيەت بەيبىتشىلىك سۇحباتى حالىقارالىق زەرتتەۋ - تالقى ءماجىلىسى قاتارلى قيمىلداردى وتكىزىپ، پىكىر اۋىستىرۋدى، سەلبەستىكتى كۇشەيتۋ، تاراپتاردىڭ ورتاق تانىمىن شوعىرلاندىرۋ كەرەك. مۇشەلەردى ”ءبىر بەلدەۋ، ءبىر جول“ جاڭالىق اشۋ سەلبەستىگىن تەرەڭدەتۋ، شەتەلدەن دارىندىلاردى ەنگىزۋگە ءمان بەرۋ قاتارلى ماسەلەلەر جونىندە تەكسەرىپ - زەرتتەۋ جۇرگىزۋگە ۇيىمداستىرۋ كەرەك. سىرتقا جۇڭگو اڭگىمەسىن ويداعىداي اڭگىمەلەۋ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەك.
(5) ساياسي كەڭەستىڭ ءوز قۇرىلىسىن تىڭعىلىقتى يگەرۋ. ۇكىمەت ىسىنە اقىل - كەڭەس بەرۋدىڭ ساپا جۇيەسى قۇرىلىسىن ىلگەرىلەتىپ، پاراسات قامباسىن جانە ۇكىمەت ىسىنە ارالاسۋ، اقىل - كەڭەس بەرۋ دارىندىلار قامباسىن قۇرىپ جانە ودان پايدالانىپ، مىندەتىن جوعارى ساپالى وتەۋگە، جوعارى ساپالى اقىل - كەڭەس بەرۋگە سۇيەنىش بولۋ كەرەك. ينتەرنەتتىڭ ارتىقشىلىعىنان پايدالانىپ، مۇشەلەردىڭ جىلجىمالى مىندەت وتەۋ تەكشەسى يقۋاتىن كەمەلدەندىرىپ، الىس ارالىقتى كەڭەسۋ ءماجىلىسى مەن توراپ تالقى ءماجىلىسىن ويداعىداي اشىپ، ارناۋلى كەڭەس بەرۋ قۇرىلىمدارىنىڭ كومەسكى قابىلەتى مەن ونىمدىلىگىن ساۋلەلەندىرۋ كەرەك. ارناۋلى كوميتەتتەردىڭ قىزمەت ءماجىلىسىن اشىپ، ولشەمدى حۇجات شىعارىپ، ارناۋلى كوميتەتتەردىڭ ەگجەي - تەگجەيلى اتقارۋ ەرەجەسىن جاساۋ كەرەك. سالالاردىڭ ەرەكشەلىگى مەن ابزالدىلىعىن ايگىلەۋ جولدارىن قاراستىرىپ، سالالاردىڭ ساياسي كەڭەس قىزمەتىندەگى رولىن ويداعىداي ساۋلەلەندىرۋ كەرەك. مۇشەلەردىڭ ۇيرەنۋىن، ولاردى تاربيەلەۋدى جانە ولارعا قىزمەت وتەۋدى، باسقارۋدى كۇشەيتىپ، مۇشەلەردىڭ جاۋاپكەرشىلىك تانىمى مەن قوس باعىتتا كۇش سالۋ ىرىقتىلىعىن كۇشەيتۋ كەرەك. ۇسىنىس جوبا، جارىس سوزگە شىعۋ، كوزدەن كەشىرۋ، تەكسەرۋ، قوعام جاعدايى مەن جۇرت تىلەگى ينفورماتسيالارى قاتارلى ۇنەمىلىك قىزمەتتەردى جاقسارتۋ كەرەك. مۇشەلەردىڭ تەكسەرىپ - زەرتتەۋدە تاقىرىپ تاڭداۋدى مالىمدەۋ ءتۇزىمىن، تەكسەرىپ - زەرتتەۋ قىزمەتىن ارناۋلى باعالاۋ - قورىتىندىلاۋ مەحانيزمىن ورناتۋ كەرەك. ۇلگىلى ورگان قۇرۋدى نىسانا ەتىپ، قاتاڭ تاربيەلەۋ، قاتاڭ تالاپ قويۋ، قاتاڭ باسقارۋ، قاتاڭ باقىلاۋ، پارتيا ستيلى، پاكتىك قۇرىلىسى جانە ءىرىپ - شىرۋگە قارسى تۇرۋ كۇرەسىن ىشكەرىلەي ىلگەرىلەتۋ، ىسىلعان ساياسي كەڭەس ورگان كادرلارى قوسىنىن قۇرۋ، ورگاننىڭ قىزمەت وتەۋدى قامتاماسىزداندىرۋ ورەسىن جوعارىلاتۋ كەرەك. جەرگىلىكتى ساياسي كەڭەس ءتوراعالار اڭگىمە ءماجىلىسى، جەرگىلىكتى ساياسي كەڭەس باس حاتشىلارى قىزمەت ءماجىلىسى تۇزىمىنە تاباندى بولىپ، اۋدان دارەجەلى ساياسي كەڭەستى ءتۇيىن ەتە وتىرىپ، جەرگىلىكتى ساياسي كەڭەس قىزمەتىنە ارناۋلى تەكسەرىپ - زەرتتەۋ جۇرگىزىپ، مەملەكەت بويىنشا جەرگىلىكتى ساياسي كەڭەس قىزمەتى جونىندە تاجىريبە الماستىرۋ ءماجىلىسىن اشىپ، ساياسي كەڭەس جۇيەسى قىزمەتىنىڭ سايكەسىمدىلىگىن كۇشەيتۋ كەرەك.
(6) حالىق ساياسي كەڭەسى قۇرىلعاندىعىنىڭ 70 جىلدىعىن قۇتتىقتاۋ قيمىلىن ورىستەتۋگە ۇيىمداستىرۋ. جۇڭگو كوممۋنيستىك پارتياسى ورتالىق كوميتەتىنىڭ ءبىر تۇتاس ورنالاستىرۋى بويىنشا، جاڭا جۇڭگو قۇرىلعاندىعىنىڭ 700 جىلدىعىن قۇتتىقتاۋ قىزمەتتەرىن ويداعىداي ىستەۋ، سونىمەن بىرگە، قىزمەت جاعىنان، نازاريا جاعىنان تولىق ازىرلىك جاساپ، حالىق ساياسي كەڭەسى قۇرىلعاندىعىنىڭ 70 جىلدىعىن قۇتتىقتاۋمەن بىرلەستىرە وتىرىپ قاتىستى قيمىلداردى ويداعىداي ۇيىمداستىرۋ كەرەك. جەرگىلىكتى ساياسي كەڭەستەر مەن قاتىستى جاقتاردى ۇيىمداستىرىپ، حالىق ساياسي كەڭەسىنىڭ 70 جىلدىق تاجىريبەلەرىن جان - جاقتىلى قورىتىندىلاپ، حالىق ساياسي كەڭەسىنىڭ كەلەلى نازاريالىق جانە امالياتتىق ماسەلەلەر جونىندەگى زەرتتەۋىن تەرەڭدەتۋ كەرەك. مۇشەلەردىڭ جىلجىمالى مىندەت وتەۋ تەكشەسىندەگى پىكىر - ۇسىنىستارىن ىشكەرىلەي قابىلداپ، حالىق ساياسي كەڭەسى قۇرىلعاندىعىنىڭ 70 جىلدىعىن قۇتتىقتاۋ جونىندەگى ادەبي جانە تاريحي ماتەريالداردى جيناۋ، نەگىزگى تاقىرىپتىق كىتاپتاردى باسپادان شىعارۋ، فوتوسۋرەت، كوركەم جازۋ جانە سۋرەت كورمەسى سياقتى جەلىلەس قيمىلداردى ورىستەتۋگە ۇيىمداستىرۋ كەرەك. حالىق ساياسي كەڭەسىنىڭ رەسپۋبليكامىزبەن بىرگە ەسەيىپ - ەرجەتكەن كەرەمەت بارىسىن كوپ ءتۇرلى فورمامەن تولىق ايگىلەپ، ءار كەزەك ساياسي كەڭەس مۇشەلەرىنىڭ تىنباي كۇرەس جۇرگىزگەن رۋحي بەت - بەينەسىن ايگىلەپ، داڭق سەزىمى مەن بورىش سەزىمىن اناعۇرلىم كۇشەيتىپ، جاڭا تاريحي باستامادا حالىق ساياسي كەڭەسى ىستەرىن ۇزدىكسىز العا ىلگەرىلەتۋ كەرەك.
3. جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ جالپى جاعدايىن ارقاۋ ەتىپ، وڭ ەنەرگيانى كەڭ كولەمدى توپتاۋ
بيىل − جاپپاي دوڭگەلەك داۋلەتتى قوعام ورناتۋداعى، ءبىرىنشى 100 جىلدىق كۇرەس نىساناسىن جۇزەگە اسىرۋداعى شەشۋشى جىل. جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ قامال الاتىن، اسۋدان اساتىن شەشۋشى كەزەڭگە جەتتى، بيىلعى قىزمەتتەردى ويداعىداي ىستەۋ توتەنشە ماڭىزدى. شەشۋشى شايقاستا جەڭىسكە جەتۋ مىندەتىنىڭ كوكەي كەستىلىگى مەن جاپالىلىعى الدىندا، ءتۇرلى حاۋىپ - قاتەرلەر مەن سىناقتاردىڭ قاتاڭدىعى، كۇردەلىلىگى الدىندا حالىق ساياسي كەڭەسى، ءسوزسىز، جالپى جاعدايعا قىزمەت وتەپ، جالپى جاعدايدى قورعاپ، جۇڭگو كوممۋنيستىك پارتياسى ورتالىق كوميتەتىنىڭ شەشىمدەرى مەن ورنالاستىرۋلارىن باتىل دايەكتىلەندىرىپ، مىندەتىن اتقارۋ بارىسىندا جۇرت جۇرەگىن توعىستىرىپ، ورتاق تانىمعا كەلىپ، اقىل - پاراساتتى، كۇش - قۋاتتى شوعىرلاندىرىپ، ۇلى ءىستى ورىنداۋعا ءبىر نيەتپەن تىزە قوسا ات سالىسۋ كەرەك. بۇل حالىق ساياسي كەڭەسىنىڭ جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋداعى ءىس جۇزىندىك ارەكەتى بولىپ تابىلادى.
(1) جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ ءۇشىن قىزمەت وتەۋدەگى جاۋاپكەرشىلىك سەزىم مەن بورىشتىلىق سەزىمدى شىنايى كۇشەيتۋ. ءبىر ميلليارد نەشە ءجۇز ميلليون حالىق جاپپاي دوڭگەلەك داۋلەتتى قوعام ورناتۋدىڭ يگىلىگىن كورەدى، ول − جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ماڭىزدى نەگىزى جانە شەشۋشى قادامى، ءاربىر جۇڭگولىقتىڭ باقىتى مەن جاۋاپكەرشىلىگى. جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ ءۇشىن قىزمەت وتەۋ − ءداۋىر، سونداي - اق حالىق ساياسي كەڭەسى ءتۇزىمى ءار دارەجەلى ساياسي كەڭەس ۇيىمدارى مەن قالىڭ ساياسي كەڭەس مۇشەلەرىنە جۇكتەگەن تاريحي جاۋاپكەرشىلىك جانە قاسيەتتى بورىش. حالىق ساياسي كەڭەسى − جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس ءتۇزىمىن اتقارۋدىڭ ماڭىزدى ساياسي فورماسى جانە ۇيىمدىق فورماسى، ساياسي كەڭەس مۇشەلەرى − وسى ساياسي ۇيىمنىڭ نەگىزگى تۇلعاسى، ءسوز جوق، ساياسي مىندەت ارقالاۋدى، تاريحي مىندەت ارقالاۋدى، جاۋاپكەرشىلىك ارقالاۋدى جاپپاي دوڭگەلەك داۋلەتتى قوعام ورناتۋعا قىزمەت وتەۋدىڭ ۇلى امالياتىندا ناقتى، شىنايى دايەكتىلەندىرۋى كەرەك. شەشۋشى شايقاس كىرىسۋدەن باستالادى، جاۋاپكەرشىلىكتى ارقالاۋ ارەكەتتە، كۇرەس جۇرگىزۋ سەنىمدە ايگىلەنەدى. ءبىز، ءسوز جوق، بورىش پەن جاۋاپكەرشىلىكتى، مىندەتتى تۇراقتاندىرىپ، پارتيا - توپتاردىڭ، ءار ۇلت، ءار سالا قايراتكەرلەرىنىڭ بەلسەندىلىگىن، ىرىقتىلىعىن، جاسامپازدىعىن تولىق ساۋلەلەندىرىپ، اقىل - پاراساتتىڭ، ءبىلىمنىڭ، تەحنيكانىڭ نەگىزگى شايقاس مايدانىنا شوعىرلانۋىن، ادام كۇشىنىڭ، زاتتىق كۇشتىڭ، قازىنا كۇشىنىڭ نەگىزگى شايقاس مايدانىنا توپتالۋىن جەبەپ، بۇل ۇلى ءىستىڭ قاتىناسۋشىسى، امالياتتا ايگىلەۋشىسى، ىلگەرىلەتۋشىسى بولۋىمىز كەرەك.
(2) ارناۋلى كەڭەس قۇرىلىمىنىڭ جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە قىزمەت وتەۋدەگى ابزالدىلىعى مەن رولىن تولىق ساۋلەلەندىرۋ. دەموكراتيانىڭ اناعۇرلىم اقاۋسىزدانۋى − جاپپاي دوڭگەلەك داۋلەتتى قوعام ورناتۋدىڭ ماڭىزدى مازمۇنى، دەموكراتيانى تولىق ساۋلەلەندىرۋ − شەشۋشى شايقاستا شەشۋشى جەڭىسكە جەتۋ ءۇشىن پىكىر توپتاۋدىڭ، كوپتىڭ اقىل - پاراساتىن شوعىرلاندىرۋدىڭ ماڭىزدى جولى. ارناۋلى كەڭەس قۇرىلىمى بولعان ساياسي كەڭەس − جۇڭگوشا سوتسياليستىك ساياسي ءتۇزىلىستىڭ ەرەكشە جوباسى، حالىق دەموكراتياسىن اتقارۋدىڭ ماڭىزدى تەكشەسى. ساياسي كەڭەس مۇشەلەرىنىڭ پارتيا مەن ۇكىمەتتىڭ ساياسات بەلگىلەۋى، شەشىمدەردى كەمەلدەندىرۋى ءۇشىن پىكىر بەرىپ، ۇسىنىس قويۋى − دەموكراتيانى ساۋلەلەندىرۋ بولىپ تابىلادى، پارتيا مەن ۇكىمەتتىڭ كەڭەسۋ بارىسىندا ءار جاقتى ورتاق تانىمعا كەلتىرۋى دە دەموكراتيانى ساۋلەلەندىرۋ بولىپ تابىلادى. مەملەكەتتىك ساياسي كەڭەستە 34 سالا بار، 2100دەن استام مۇشە بار،ءسوز جوق، نازاردى جاپپاي دوڭگەلەك داۋلەتتى قوعام ورناتۋعا شوعىرلاندىرىپ، ارناۋلى كەڭەسۋ قۇرىلىمىندىق رولىن ساۋلەلەندىرىپ، پارتيا مەن ۇكىمەتكە سايكەسىپ حالىقتىڭ ءۇنىن تىڭداۋى، جۇرتتىڭ اقىل - پاراساتىن شوعىرلاندىرۋى كەرەك. تولعاقتى، قيىن ماسەلەلەردى كوزدەپ، كومەسكى حاۋىپ - قاتەردى دەر كەزىندە بايقاپ، قوعام جاعدايى مەن جۇرت تىلەگىن بەلسەنە اڭىس ەتىپ، پارتيا مەن ۇكىمەتتىڭ ماسەلەنى شەشۋى، حاۋىپ - قاتەردى جويۋى ءۇشىن قۇندى پىكىر - ۇسىنىس بەرۋى كەرەك. ولقىلىقتار مەن السىزدىكتەرگە مەڭزەس، ساياسي كەڭەستىڭ دەموكراتيالىق باقىلاۋىن كەڭەسۋگە ءسىڭىرىپ، ءتۇرلى مىندەتتىڭ شىنايى تياناقتانۋىن ىلگەرىلەتۋ كەرەك. ”جاپپاي“ دەگەن ءسوزدى مىقتى يگەرىپ، ءتۇرلى دەموكراتيالىق كەڭەسۋ تاسىلىمەن كەلەلى كەڭەس، دۇرىس پىكىرلەردى توپتاپ، حالىق تۇرمىسىن جاقسارتۋعا قولقابىس تيگىزىپ، حالىقتىڭ تابىس سەزىمىن، باقىت سەزىمىن، حاۋىپسىزدىك سەزىمىن ارتتىرۋ كەرەك.
(3) جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدى ارقاۋ ەتىپ، ورتاق تانىم مەن ىنتىماقتى كۇشەيتۋگە كۇش سالۋ. ورتاق تانىم − قايراتتانا العا ۇمتىلۋدىڭ قوزعاۋشى كۇشى، ىنتىماق − جەڭىستىڭ اسىلى. كەزەكتە، جاپپاي دوڭگەلەك داۋلەتتى قوعام ورناتۋدا شەشۋشى جەڭىسكە جەتۋدىڭ مىندەتى اۋىر، قايشىلىق، حاۋىپ - قاتەر، سىن - سايىس كوپ، مۇددە جونىندەگى ارىز - تالاپتىڭ كۇردەلىلىگى بۇرىن - سوڭدى كەزىكپەگەن دارەجەدە. حالىق ساياسي كەڭەسى ۇلى ىنتىماق، ۇلى بىرلەسۋ ۇيىمىندىق رولىن ساۋلەلەندىرىپ، بىردەيلىك پەن كوپ تۇرلىلىكتىڭ قاتىناسىن دۇرىس ءبىر جايلى ەتىپ، پارىقتاردى قويا تۇرىپ، ۇقساستىققا ۇمتىلۋى، پارىقتاردى جويىپ، ۇقساستىقتى شوعىرلاندىرۋى، بۇكىلدەي بىردەي بولۋعا جارماسىپ الماي، بىردەيلىكتى ارتتىرۋى، باستاماشىلدىعىنان ايىرىلماي، كەڭ پەيىل، الۋان ءتۇرلى بولۋعا ۇمتىلۋى، كوپتىڭ كوڭىلى مەن كۇش - قۋاتىن توعىستىرۋداعى ءتۇرلى قىزمەتتەردى ىشكەرىلەي ەگجەي - تەگجەيلى، شىنايى ىستەۋى كەرەك. جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدى قىزمەتتىڭ قوزعاۋشى كۇش قاينارى جانە العا باسۋدىڭ باعدار بەلگىسى ەتىپ، ساياسي كەڭەستىڭ سالاسى كوپ، جىگى الۋان ءتۇرلى، تالابى كوپ نەگىزدى بولۋ ەرەكشەلىگىن يگەرىپ، كەيبىر سەزىمتال، قاتەرلى، نازار اۋداراتىن تۇيىندەر بويىنشا يدەيا، ساياسي جاقتان جەتەلەپ، ورتاق تانىم قالىپتاستىرۋ كەرەك. جۇڭگو كوممۋنيستىك پارتياسى ورتالىق كوميتەتىنىڭ اۋىر حاۋىپ - قاتەردەن ساقتانۋ جانە ونى جويۋ جونىندەگى ورنالاستىرۋىنىڭ تالابى بويىنشا، ساياسي كەڭەستىڭ ءتۇرلى مىندەت وتەۋ قيمىلدارىمەن بىرلەستىرىپ، مۇشەلەر ساباقحاناسى، كەلەلى ارناۋلى قىزمەت مۇشەلەرىنىڭ ۇگىت - لەكسيا ۇيىرمەسى سياقتى تەكشەلەردەن ويداعىداي پايدالانىپ، قوعامعا ساياساتتى ءتۇسىندىرىپ، قارىم - قاتىناستى سايكەستىرۋ، ءار جاقتى ەل ءىشى - سىرتىنداعى جاعدايدىڭ وزگەرىسى مەن رەفورمالاۋ، دامۋ بارىسىندا ءدوپ كەلگەن حاۋىپ - قاتەرگە، سايىستارعا وبيەكتيۆتىك تۇرعىدان مامىلە جاساۋعا جەتەلەپ، جۇدىرىقتاي جۇمىلىپ، قامال الىپ، قيىنشىلىقتى جەڭىپ، جاپا مەن راقاتتا بىرگە بولىپ، باتىلدىقپەن كۇرەس جاساپ، بىرلىكتە جاپپاي دوڭگەلەك داۋلەتتى قوعام ورناتۋدىڭ، ودان تەڭ يگىلىكتەنۋدىڭ ەڭ ۇلكەن وزەكتەس شەڭبەرىن سىزىپ شىعۋعا قۇلشىنۋ كەرەك.
(4) ساياسي كەڭەستىڭ جاپپاي دوڭگەلەك داۋلەتتى قوعام ورناتۋعا قىزمەت وتەۋدەگى قىزمەت ساپاسىن قۇلشىنا جوعارىلاتۋ. باس شۋجي شي جينپيڭ: جاپپاي دوڭگەلەك داۋلەتتى قوعام ورناتۋ، ءسوز جوق، حالىقتىڭ قۇپتاۋىنا يە بولۋى، تاريحتىڭ سىنىنان ءوتۋى كەرەك، - دەپ باسا دارىپتەگەن بولاتىن. بۇل حالىق ساياسي كەڭەسىنىڭ جاپپاي دوڭگەلەك داۋلەتتى قوعام ورناتۋعا جوعارى ساپالى قىزمەت وتەۋ قىزمەتىن ويداعىداي ىستەۋىنىڭ تالابى. ءبىز ساياسي ورنىمىزدى جوعارىلاتىپ، ساياسي قابىلەتىمىزدى ءوسىرۋىمىز، پارتيانىڭ جان - جاقتىلى باسشىلىعىنا باستان - اياق تاباندى بولىپ، جۇڭگو كوممۋنيستىك پارتياسى ورتالىق كوميتەتىنىڭ جاپپاي دوڭگەلەك داۋلەتتى قوعام ورناتۋداعى كەلەلى شەشىمدەرى مەن ورنالاستىرۋلارىن جانە حالىق ساياسي كەڭەسىنىڭ قىزمەتى جونىندەگى تالابىن بۇلجىتپاي دايەكتى تياناقتاندىرىپ، ەركىمىزدى، اياق الىسىمىزدى، ارەكەتىمىزدى بىرلىككە كەلتىرىپ، جاپپاي دوڭگەلەك داۋلەتتى قوعام ورناتۋعا قىزمەت وتەۋدىڭ ونىمدىلىگىن قىزمەتتىڭ ساپاسى مەن دەڭگەيىن تەكسەرۋدىڭ ماڭىزدى ولشەمى ەتىپ، قىزمەتتى ىلگەرىلەتۋدىڭ دۇرىس ساياسي بەتالىسىن مىقتى يگەرۋىمىز كەرەك. جاپپاي دوڭگەلەك داۋلەتتى قوعام ورناتۋدا تاقىرىپتى ءدال تاڭداۋدى مىقتى يگەرىپ، ءبىرقانشا تەكسەرىپ - زەرتتەۋ بازاسىن تۇراقتاندىرىپ، تۇيىندە تۇرىپ بورشالاۋ مەن جالپىلىق تەكسەرىپ - زەرتتەۋدى ءوزارا بىرلەستىرىپ، تەكسەرۋ مەن زەرتتەۋدى ءوزارا ۇشتاستىرىپ، جاي اسەر، جالپىلاما راي ءبىلدىرۋدى باتىلدىقپەن دوعارىپ، ۇسىنىسىمىزدىڭ ورىندى، نەگىزدى بولۋىن، شارالارىمىزدىڭ اتقارۋعا، پايدالانۋعا بولاتىن بولۋىن ورىنداۋىمىز كەرەك. قىزمەتتەگى فورماشىلدىق پەن تورەشىلدىكتى باتىل جويىپ، ءتۇيىندى كورنەكتىلەندىرىپ، تەتىكتى مىقتى يگەرىپ، جاڭا دامۋ ۇستانىمىن دايەكتىلەندىرۋدى ارقاۋ ەتىپ، نازاردى قامداۋ جاعىنداعى قۇرىلىمدىق رەفورمانى تەرەڭدەتۋ، ەكونوميكانىڭ جوعارى ساپالى دامۋىن ىلگەرىلەتۋ، ءۇش ۇلكەن قامال الۋ شايقاسىن ويداعىداي جۇرگىزۋ قاتارلى كەلەلى مىندەتتەرگە شوعىرلاندىرىپ، ناقتى جاعدايدى تەكسەرىپ، ناقتى ءادىس - امال تاۋىپ، ورتاق تانىم قالىپتاستىرىپ، ۇكىمەت ىسىنە اقىل - كەڭەس بەرۋ مەن ورتاق تانىم قالىپتاستىرۋ بويىنشا قوس باعىتتا كۇش سالۋدىڭ ساپاسىن جوعارىلاتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدى ءتىپتى دە ءونىمدى ىلگەرىلەتۋىمىز كەرەك.
مۇشەلەر! يدەيا ءداۋىردى جەتەلەيدى، كۇرەس ارمانعا جەتكىزەدى. جاڭا تاريحي ورىندا تۇرعان حالىق ساياسي كەڭەسىنىڭ مىندەتى اۋىر، ساپارى ۇزاق؛ جاڭا بورىش پەن مىندەتتى ارقالاعان حالىق ساياسي كەڭەسىنىڭ مول يگى ءىس تىندىراتىنى ءسوزسىز. ءبىز شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ءبىر نيەتپەن قايراتتانا العا ۇمتىلىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، جاڭا ءداۋىر جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا جاڭا ءتىپتى دە زور ۇلەس قوسايىق!
(شينحۋا اگەنتتىگىنىڭ 3 - ايدىڭ 13 - كۇنى بەيجيڭنەن بەرگەن حابارى)
(جۇڭگو ۇلتتار اۋدارما مەكەمەسى اۋداردى)
