− مەملەكەتتىك ساياسي كەڭەس 13 - كەزەكتى كوميتەتى 2 - ءماجىلىسىنىڭ جەڭىسپەن جابىلعاندىعىن قىزۋ قۇتتىقتايمىز
”كوكتەمدە داريا مەن تاۋ كوركەم تۇسكە ەنىپ، كوكتەم سامالى اكەلەدى حوش ءيىسىن گۇلدەردىڭ“. كوكتەمدە مەملەكەتتىك ساياسي كەڭەس 13 - كەزەكتى كوميتەتىنىڭ 2 - ءماجىلىسى كەلەلى تاپسىرمانى اقتاپ، بورىشتى ادا ەتىپ، ءتۇرلى كەڭەستىك تارتىپتەردى تولىق ورىنداپ، 3 - ايدىڭ 13 - كۇنى بەيجيڭدە جەڭىسپەن جابىلدى. ءماجىلىستىڭ تابىستى بولعانىن قىزۋ قۇتتىقتايمىز!
بۇل − دەموكراتيالى، ىنتىماقتى، شىندىققا جۇگىنگەن، قايراتتانا العا ۇمتىلعان ءماجىلىس بولدى. ءماجىلىس كەزىندە، باس شۋجي شي جينپيڭ قاتارلى پارتيا مەن مەملەكەتتىڭ باسشى جولداستارى ماجىلىسكە قاتىناسقان مۇشەلەرگە امانداستى ءارى بىرىككەن گرۋپپا ماجىلىسىنە قاتىناسىپ پىكىر، ۇسىنىستاردى تىڭدادى، مەملەكەت ىستەرىن بىرگە اقىلداستى. مۇشەلەر بورىشتارىن مۇقيات ادا ەتىپ، ساياسي كەڭەس 13 - كەزەكتى مەملەكەتتىك كوميتەتى تۇراقتى كوميتەتىنىڭ قىزمەت بايانداماسىن، ۇسىنىس جوبا قىزمەتىنىڭ جاعدايى جونىندەگى باياندامانى تىڭدادى جانە قارادى، 13 - كەزەكتى مەملەكەتتىك حالىق قۇرىلتايىنىڭ 2 - ماجىلىسىنە قاتىناسىپ، ۇكىمەت قىزمەتىنەن باياندامانى، سونداي - اق باسقا دا قاتىستى باياندامالاردى تىڭدادى ءارى تالقىلادى. ءماجىلىس جەتكىزگەن وڭ ەنەرگيا، تاراتقان جاقسى ءۇن، كورسەتكەن جاڭا تابىستار جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس ءتۇزىمىنىڭ جالىندى ومىرشەڭدىك كۇشىن كورنەكتى ايگىلەدى، سوتسياليستىك كەڭەستىك دەموكراتيانىڭ وزگەشە ارتىقشىلىعىن تولىق ايگىلەدى.
ماڭىزدى ۋاقىت كەزەڭى − ءبىزدىڭ كۇرەس كوورديناتامىز. بيىل − جاڭا جۇڭگو قۇرىلعاندىعىنىڭ 70 جىلدىعى، جۇڭحۋا ۇلتىنىڭ تاريحىندا بولسىن، الدە دۇنيە ءجۇزى تاريحىندا بولسىن، وسى 70 جىل − جەر - الەمدى جالت قاراتقان كەرەمەت كۇرەس داستانى. بولاشاققا بەت تۇزەسەك، ”قوس 100 جىل“دىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن، بۇكىل ۇلتتىڭ اقىل - پاراساتى مەن كۇش - قۋاتىن توپتاپ، ورتاق تانىمدى كەڭ كولەمدە ۇيىستىرىپ، ىنتىماقتى ۇزدىكسىز نىعايتۋعا تۋرا كەلەدى. بيىل، سونداي - اق حالىق ساياسي كەڭەسى قۇرىلعاندىعىنىڭ 70 جىلدىعى، جاڭا تاريحي باستامادا العا ىلگەرىلەۋ ءۇشىن، حالىق ساياسي كەڭەسى حالىق ساياسي كەڭەسىنىڭ سيپاتىن ءداپ باسىپ يگەرىپ، نازاردى پارتيا مەن مەملەكەتتىڭ وزەكتى مىندەتتەرىنە شوعىرلاندىرا وتىرىپ بورىشتى وتەپ، ۇسىنىس قويىپ، اقىل - كەڭەس بەرۋ جانە ورتاق تانىمدى ۇيىستىرۋ سىندى قوس باعىتقا كۇش سالىپ، ءبىر نيەت، ءبىر تىلەكپەن جۇڭگو ارمانىنا قۇلاش سەرمەپ، كوركەم جاڭا ءداۋىردى بىرگە اشۋ كەرەك.
جۇرت تىلەگى − ەڭ ۇلكەن ساياسي. كوركەم جاڭا ءداۋىردى بىرگە قۇرىپ، ەڭ ۇلكەن سەنترلەس شەڭبەردى ويداعىداي سىزايىق! بۇگىن مەملەكەتىمىزدە جەر مەن كوكتەي وزگەرىس تۋىلىپ، ۇلتىمىز ۇلى گۇلدەنۋدىڭ نۇرلى بولاشاعىن كۇتىپ الدى، الدىمىزداعى بورىش ءتىپتى داڭقتى، مىندەت ءتىپتى جاپالى، سىن - سايىس ءتىپتى قاتاڭ، قىزمەت ءتىپتى ۇلى. كەمە اعىس ورتاسىنا كەلگەندە تولقىن ونان ارى كۇشەيگەن، ادام تاۋدىڭ بەل ورتاسىنا كەلگەندە جول ونان ارى قيىنداعان ساتتە، تۇرلىشە پارتيا - توپتارداعى، تۇرلىشە ۇلتتاعى، تۇرلىشە جىكتەگى، تۇرلىشە سەنىمدەگى ەل ءىشى - سىرتىنداعى جۇڭحۋا ۇلاندارىن ۇيىستىرىپ، وتاننىڭ تۇتاستىعى مەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا كۇش سالاتىن ەڭ كەڭ كولەمدى وتانشىلدىق بىرلىكساپتى قالىپتاستىرعانىمىزدا عانا، العا باسۋ جولىنداعى بارلىق جاپا - ماشاقات، حاۋىپ - قاتەر، كەدەرگىلەردى جەڭە الامىز. ۇلى ىنتىماقتان، ۇلى بىرلىكتەن جازباي، بارلىق بەلسەندى فاكتوردى مۇمكىندىكتىڭ بارىنشا جۇمىلدىرىپ، ىنتىماقتاسۋعا بولاتىن بارلىق اداممەن ىنتىماقتاسىپ، ۇلى ىسكە بىرگە كومەك تيگىزەتىن قۇدىرەتتى كۇشتى توپتاۋ، مىنە بۇل حالىق ساياسي كەڭەسىنىڭ بورىشى.
ورتاق تانىم قايراتتانا العا باسۋدىڭ قوزعاۋشى كۇشى. كوركەم جاڭا ءداۋىردى بىرگە قۇرىپ، قۇدىرەتتى وڭ ەنەرگيانى ۇيىستىرايىق. ”الەمدەگى ادامداردىڭ تۇرعىسىنان كوز سالساڭ، كورمەيتىنىڭ جوق؛ الەمدەگى ادامداردىڭ تۇرعىسىنان قۇلاق تۇرسەڭ، تىڭدامايتىنىڭ جوق؛ الەمدەگى ادامداردىڭ تۇرعىسىنان وي جۇگىرتسەڭ، تۇسىنبەيتىنىڭ جوق“. قايراتتانا العا ۇمتىلعان جاڭا داۋىردە، ەلىمىز قوعامىنداعى باستى قايشىلىقتىڭ تاريحي وزگەرىسى پارتيا مەن مەملەكەت قىزمەتىنە كوپتەگەن جاڭا تالاپتار قويدى. قازىر ەل ءىشى - سىرتى ورتاسى تەرەڭ كۇردەلى وزگەرىستەر ىشىندە تۇر، جاڭا جاعداي، جاڭا ماسەلەلەر تولاسسىز جارىققا شىعىپ، جاڭا ءادىس، جاڭا تاجىريبەلەر توقتاۋسىز بارلىققا كەلۋدە. رەفورما، دامۋ ۇردىسىندەگى قايشىلىقتار مەن ماسەلەلەردى شەشىپ، جۇڭگونىڭ ىستەرىن ويداعىداي بىرگە ىستەۋ ءۇشىن، ۇسىنىس ارنالارىن كەڭەيتىپ، كوپتىڭ اقىلىن مولىنان جيناپ، كوپشىلىكتى بىرگە ويلاۋعا، بىرگە ىستەۋگە جۇمىلدىرىپ، پارتيا مەن مەملەكەت قىزمەتىندە ءدوپ كەلگەن كورنەكتى ماسەلەلەر توڭىرەگىندە تەكسەرۋ - زەرتتەۋدى كۇشەيتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ جالپى جاعدايى توڭىرەگىندە كەڭ كولەمدە وڭ ەنەرگيا ۇيىستىرىپ، رەفورما، دامۋ ءۇشىن قۇلشىنا ناقتى شارا، پاراساتتى امال قاراستىرۋ كەرەك. سوتسياليستىك كەڭەستىك دەموكراتيانىڭ ماڭىزدى ارناسىن جانە ارناۋلى كەڭەس قۇرىلىمدارىنىڭ رولىن ويداعىداي ساۋلەلەندىرىپ، ىستەردى كوپ اقىلداسۋ، ىستەردى اقىلداسىپ شەشۋ، ىستەردى اقىلداسا ءبىلۋ، اقىل - كەڭەس، ۇسىنىستى قاجەتتى كەزدە بەرۋ، ۇكىمەت ءىسىن كەڭەسۋدە ءدال ورنىن تاۋىپ، باقىلاۋدا تەتىكتى ءدال باقىلاپ، كەڭەسۋ ارقىلى ورتاق تانىمدى ۇيىستىرىپ، كۇش توپتاۋ، مىنە بۇل حالىق ساياسي كەڭەسىنىڭ ارتىقشىلىعى.
”ۇلى مۇرات بولسا، جەتپەيتىن جەر جوق، جەردىڭ تۇبىنە بارام دەسەڭ دە ەشكىم توسا المايدى“. جاڭا داۋىردە، جاڭا باعداردا جاڭا بورىش ارقالاعان حالىق ساياسي كەڭەسى ءىرى ىستەر تىندىرا الادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، ەل ءىشى - سىرتىنداعى جۇڭحۋا ۇلاندارىنىڭ ىنتىماعىن كۇشەيتىپ، ءبىر نيەتپەن قول ۇشىن بەرىپ، كوپ بولىپ اقىل قوسىپ، ءورىس اشا قايراتتانا العا ۇمتىلىپ، كوركەم جاڭا ءداۋىردى بىرگە اشىپ، گۇلدەنۋدىڭ جاڭا داستانىن بىرگە جازايىق!
(شينحۋا اگەنتتىگىنىڭ 3 - ايدىڭ 13 - كۇنى بەيجيڭنەن بەرگەن حابارى)
