مەملەكەتتىك ساياسي كەڭەس 13 - كەزەكتى كوميتەتىنىڭ 2 - ءماجىلىسى جابىلدى"> تيانشان تورى
تيانشان تورابى   ›   جاڭالىقتار   ›   ماڭىزدى حابارلار

مەملەكەتتىك ساياسي كەڭەس 13 - كەزەكتى كوميتەتىنىڭ 2 - ءماجىلىسى جابىلدى

شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتىناستى

ۋاڭ ياڭ ءسوز سويلەدى

  3 - ايدىڭ 13 - كۇنى جۇڭگو حالىق ساياسي كەڭەسى 13 - كەزەكتى مەملەكەتتىك كوميتەتىنىڭ 2 - ءماجىلىسى بەيجيڭدە جابىلدى. شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءتوراعالار مىنبەسىنەن ورىن الدى. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

  3 - ايدىڭ 13 - كۇنى جۇڭگو حالىق ساياسي كەڭەسى 13 - كەزەكتى مەملەكەتتىك كوميتەتىنىڭ 2 - ءماجىلىسى بەيجيڭدەگى حالىق سارايىندا جابىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ جابىلۋ جيىنىن باسقاردى ءارى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  شينحۋا اگەنتتىگىنىڭ 3 - ايدىڭ 13 - كۇنى بەيجيڭنەن بەرگەن حابارى.جۇڭگو حالىق ساياسي كەڭەسى 13 - كەزەكتى مەملەكەتتىك كوميتەتىنىڭ 22 - ءماجىلىسى ءتۇرلى كەڭەستىك تارتىپتەرىن تولىق اياقتاعان سوڭ، 3 - ايدىڭ 13 - كۇنى تۇستەن بۇرىن حالىق سارايىندا جابىلدى. ءماجىلىس: حالىق ساياسي كەڭەسىنىڭ ءار دارەجەلى ۇيىمدارىن، ءارقايسى قاتىسۋشى ورىندار جانە قالىڭ ساياسي كەڭەس مۇشەلەرىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، ۇزدىكسىز كۇرەس جۇرگىزىپ، جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن جانە حالىق ساياسي كەڭەس قىزمەتىنە قويعان تالاپتارىن شىن مانىندە تياناقتاندىرىپ، ەل ءىشى - سىرتىنداعى جۇڭحۋا ۇلاندارىنىڭ جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ اقىل - پاراساتى مەن كۇش - قۋاتىن توپتاپ، جاڭا جۇڭگو قۇرىلعاندىعىنىڭ 70 جىلدىعىن ۇزدىك ناتيجەمەن قۇتتىقتاپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋگە، ەلىمىزدى باي، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋعا جاڭا ءارى اناعۇرلىم زور ۇلەس قوسۋعا ۇندەدى.

  ءماجىلىستى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ باسقاردى. مەملەكەتتىك ساياسي كەڭەستىڭ ورىنباسار ءتوراعالارى جاڭ چيڭلي، ليۋ چيباۋ، پابالا گىليەلاڭجيە، دۇڭ جيانحۋا، ۋان گاڭ، حى حوۋحۋا، لۋ جانگۇڭ، ۋاڭ جىڭۋي، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ، گاۋ يۇنلۇڭ ءتوراعالار مىنبەسىنىڭ الدىڭعى قاتارىنان ورىن الدى.

  شي جينپيڭ، لي كىچياڭ، لي جانشۋ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءتوراعالار مىنبەسىنەن ورىن الدى.

  تۇستەن بۇرىن ساعات 9دان 30 مينۋت وتكەندە جابىلۋ جيىنى باستالدى. ۋاڭ ياڭ جۇڭگو حالىق ساياسي كەڭەسى 13 - كەزەكتى مەملەكەتتىك كوميتەتىنىڭ 2 - ماجىلىسىنە قاتىناسۋعا ءتيىستى مۇشە 2157 ادام، قاتىناسقان مۇشە 2123 ادام ەكەنىن، مۇنىڭ بەلگىلەنگەن ادام سانىنا ۇيلەسەتىندىگىن جاريالادى.

  ءماجىلىس ساياسي كەڭەس 13 - كەزەكتى مەملەكەتتىك كوميتەتى 2 - ءماجىلىسىنىڭ تۇراقتى كوميتەتتىڭ قىزمەت بايانداماسى جونىندەگى قاۋلىسىن، ساياسي كەڭەس 13 - كەزەكتى مەملەكەتتىك كوميتەتى ۇسىنىس جوبا كوميتەتىنىڭ ساياسي كەڭەس 13 - كەزەكتى مەملەكەتتىك كوميتەتى 2 - ءماجىلىسىنىڭ ۇسىنىس جوبالارىن تەكسەرۋ جاعدايى جونىندەگى بايانداماسىن، ساياسي كەڭەس 13 - كەزەكتى مەملەكەتتىك كوميتەتى 2 - ءماجىلىسىنىڭ ساياسي قاۋلىسىن ماقۇلدادى.

  ۋاڭ ياڭ سوزىندە بىلاي دەدى: وسى رەتكى ءماجىلىس جاپپاي دوڭگەلەك داۋلەتتى قوعام ورناتۋدىڭ شەشۋشى جىلىنا قادام تاستاعان كەزدە اشىلدى، جۇڭگو كوممۋنيستىك پارتياسى ورتالىق كوميتەتى وسكەلەڭ ءمان بەرىپ، قاتىستى جاقتار زور كۇشپەن قولدادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلى پارتيا مەن مەملەكەتتىڭ باسشى جولداستارى ماجىلىسكە قاتىناستى ءارى سالالار گرۋپپالارىنا ىشكەرىلەي ارالاسىپ، پىكىر - ۇسىنىستارىن تىڭداپ، مۇشەلەرمەن ەل ءىسىن بىرگە اقىلداستى. ساياسي كەڭەس مۇشەلەرى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن مۇقيات ۇيرەنىپ جانە دايەكتىلەندىرىپ، وسكەلەڭ ساياسي جاۋاپكەرلىك سەزىممەن جانە تاريحي بورىشتىلىق سەزىممەن ىشكەرىلەي اقىلداسىپ، بەلسەنە كەڭەس بەرىپ، كەلەلى تابىستارعا قول جەتكىزدى. ءماجىلىس دەموكراتيانى تولىق ساۋلەلەندىرىپ، ورتاق تانىمدى كەڭىنەن شوعىرلاندىرىپ، شىندىقتى ءىس جۇزىنەن ىزدەگەن، ىنتىماقتاسا ەكپىندەي ىلگەرىلەگەن ءماجىلىس بولىپ، حالىق ساياسي كەڭەسى سىندى وسى ءبىر ارناۋلى كەڭەسۋ قۇرىلىمىنىڭ دارا ابزالدىلىعىن، جۇڭگوشا سوتسياليستىك دەموكراتيالىق ساياسيدىڭ جالىندى ومىرشەڭدىك قۋاتىن ايگىلەدى.

  ۋاڭ ياڭ بىلاي دەپ اتاپ كورسەتتى: بيىل جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى، حالىق ساياسي كەڭەسى دە 70 جىلدىعىن قارسى الادى. 70 جىلدان بەرى حالىق ساياسي كەڭەسى جاڭا جۇڭگونى قۇرۋ، جاڭا جۇڭگونى كوركەيتۋ، رەفورما جولىن قاراستىرۋ، جۇڭگو ارمانىن جۇزەگە اسىرۋ ايبىندى امالياتىنا بەلسەنە ات سالىسىپ، شۇعىلالى تاريحي بارىستى باستان وتكىزىپ، تاريحي ەڭبەك ءسىڭىردى. جۇڭگوشا سوتسياليزم جاڭا داۋىرگە ءوتىپ، حالىق ساياسي كەڭەسىنىڭ ساحناسى بۇرىنعىدان ارى كەڭەيدى، جاۋاپكەرشىلىگى بۇرىنعىدان دا ماڭىزدى بولا ءتۇستى. اۋەلگى ماقساتتى ۇمىتپاي، بورىشتى ەستە بەرىك ساقتاپ، حالىق ساياسي كەڭەسىنىڭ سيپاتى مەن ورنىنا تاباندى بولىپ، حالىق ساياسي كەڭەسىنىڭ جاڭا تاريحي باعدارىن مىقتى يگەرىپ، سەنىم مەن تاباندىلىقتان بۇلجىماي، تاجىريبە قابىلداپ جانە اقىل - پاراسات جيناپ، حالىق ساياسي كەڭەسى ىستەرىن ۇزدىكسىز العا دامىتۋ كەرەك. ۇيرەنۋدى قاستەرلەپ، ۇيرەنۋدى كۇشەيتىپ، يدەيالىق ساياسي جەتەكشىلىكتى نىعايتىپ، عىلمي نازاريامەن قارۋلانۋ تابىستارىن ىنتىماقتاسا كۇرەس جۇرگىزۋدىڭ ورتاق يدەيالىق - ساياسي نەگىزىنە اينالدىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسى تۋى استىندا قول ۇستاسا العا ىلگەرىلەۋ كەرەك. جاڭالىق اشۋدى قاستەرلەپ، جاڭالىق اشۋعا باتىل بولىپ، كەڭەستىك دەموكراتيا قۇرىلىسىن كۇشەيتىپ، ساياسي كەڭەستىڭ كەڭەستىك دەموكراتيا ءتۇزىمى ءتارتىبى مەن جۇمىس جۇرگىزۋ ءتاسىلىنىڭ كەمەلدەنۋىن ىلگەرىلەتىپ، حالىق ساياسي كەڭەسىءتۇزىمىنىڭ اناعۇرلىم تولىسۋىن، اناعۇرلىم تۇلعالانۋىن ىلگەرىلەتۋ كەرەك. ىنتىماقتى قاستەرلەپ، ىنتىماقتى نىعايتىپ، قوس باعىتتا كۇش سالۋ قىزمەتىن كۇشەيتىپ، پارتيا مەن مەملەكەتتىڭ وزەكتى مىندەتى ءۇشىن قىزمەت ەتۋدىڭ بىرىككەن كۇشىن توپتاپ، ەڭ ۇلكەن سەنترلەس شەڭبەردى قۇلشىنا سىزۋ كەرەك.

  ۋاڭ ياڭ بىلاي دەپ باسا دارىپتەدى: جاڭا داۋىردەگى حالىق ساياسي كەڭەسىندە جاڭا ءداۋىردىڭ بەينەسى بولۋى، جاڭا داۋىردەگى ساياسي كەڭەس مۇشەلەرىندە دە جاڭا ءداۋىردىڭ وبرازى بولۋى كەرەك. مۇشەلەر قوسىنى قۇرىلىسىن جاپپاي كۇشەيتىپ، جالپى تۇلعالىق ساپا مەن مىندەت اتقارۋ قابىلەتىن كۇش سالا جوعارىلاتىپ، جاڭا بورىش ارقالاپ، جاڭا داڭقتارعا قول جەتكىزۋ كەرەك. كۇرەسكەرلىك بەينەسى مەن قايراتىن ساقتاپ، جاۋاپكەرلىك ارقالاۋعا باتىل، كۇرەس جۇرگىزۋگە شەبەر بولىپ، توقىراۋدان، قاجۋدان ماڭگى اۋلاق بولىپ، باستان - اياق مەملەكەت ىسىنە ىنتا قويىپ، حالىققا ىقىلاس بەرىپ، حالىق ساياسي كەڭەسى ءتۇزىمىنىڭ قاتىناسۋشىسى، امالياتتا ايگىلەۋشىسى، ىلگەرىلەتۋشىسى بولىپ، ءار جىلعى ”مۇشەلەر تاپسىرما“سىن ويداعىداي ورىنداپ، ءداۋىر شىعارعان ەمتيحانعا ويداعىداي جاۋاپ بەرىپ، جاڭا ءداۋىر ساياسي كەڭەس مۇشەلەرىنىڭ تارتىمدى كەلبەتىن ايگىلەپ، حالىق ساياسي كەڭەسى ىستەرى دامۋىنىڭ شۇعىلالى داستانىن جازۋ كەرەك.

  ديڭ شۋەشياڭ، ۋاڭ چىن، ليۋ حى، شۇي چيلياڭ، سۇن چۇنلان، لي شي، لي چياڭ، لي حۇڭجۇڭ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين - ىر، حۋ چۇنحۋا، گو شىڭكۇن، حۋاڭ كۇنميڭ، ساي چي، يوۋ چۋان، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايماچىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا، ۋي فىڭحى، ۋاڭ يۇڭ، ۋاڭ ي، شياۋ جيە، جاۋ كىجى، جوۋ چياڭ، جاڭ جۇن قاتارلى باسشى جولداستار دا جابىلۋ جيىنىنا قاتىناستى.

  جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك حالىق قۇرىلتايى تۇراقتى كوميتەتىنىڭ، مەملەكەتتىك كەڭەستىڭ قاتىستى تاراۋلارىنداعى جاۋاپتى جولداستار جابىلۋ جيىنىنا سىرتتاي قاتىناستى. شەتەلدەردىڭ جۇڭگودا تۇراتىن ەلشىلەرى، اقپاراتقا جاۋاپتى ءمانساپتىلارى جانە شەتەلدەردەگى چياۋمين باۋىرلاستار، ت. ب ۇسىنىس بويىنشا جابىلۋ جيىنىنا قاتىناستى.

  ءماجىلىس ايبىندى مەملەكەت انىمەن جابىلدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى