تيانشان تورى   ›   جاڭالىقتار   ›   شينجياڭ حابارلارى

شينجياڭدا تۇراتىن مەملەكەتتىك ساياسي كەڭەستىڭ مۇشەلەرى ۇرىمجىگە قايتىپ كەلدى

  ءتىلشى ميھىرگۇل عۇپۇر 3 - ايدىڭ 14 - كۇنى ۇرىمجىدەن حابارلايدى. مەملەكەتتىك ساياسي كەڭەس 13 - كەزەكتى كوميتەتىنىڭ 2 - ماجىلىسىنە قاتىناسقان شينجياڭدا تۇراتىن مەملەكەتتىك ساياسي كەڭەستىڭ مۇشەلەرى ءماجىلىستىڭ ءتۇرلى كەڭەستىك ءتارتىبىن تابىستى ورىنداعاننان كەيىن، 3 - ايدىڭ 14 - كۇنى ۇشاقپەن ۇرىمجىگە قايتىپ كەلدى.

  ۇعىسۋعا قاراعاندا، مەملەكەتتىك ساياسي كەڭەس 13 - كەزەكتى كوميتەتىنىڭ 2 - ءماجىلىسى كەزىندە، شينجياڭدا تۇراتىن مەملەكەتتىك ساياسي كەڭەستىڭ مۇشەلەرى قىزمەت جاۋاپكەرشىلىگىن مۇقيات اتقارىپ، ۇسىنىس جوبا قويۋ، ماجىلىستە جارىس سوزگە شىعۋ، گرۋپپا جانە بىرلەسكەن گرۋپپا تالقىسى سياقتى فورمالار ارقىلى بەلسەنە اقىل - كەڭەس بەردى. حالىق بۇقاراسى كوڭىل ءبولىپ وتىرعان قولامتالى ماسەلەلەر توڭىرەگىندە، جىبەك جولى ەكونوميكالىق بەلدەۋى وزەكتى رايون قۇرىلىسى، وڭتۇستىك شينجياڭداعى اۋىر كەدەي وڭىرلەردىڭ اۋىل شارۋاشىلىق ونىمدەرىن جىنتىكتەي مانەرلەۋ، شينجياڭنىڭ توقىماشىلىق، كيىم - كەشەك كاسىبىن دامىتۋ سياقتى جاقتاردا بەلسەندىلىكپەن سىندارلى اقىل - كەڭەس بەرىپ، ماجىلىسكە جيىنى 100 ۇسىنىس جوبا تاپسىردى.

  مۇشەلەر ىركەس - تىركەس مىنانى ءبىلدىردى: قىزمەت ورنىمىزعا قايتىپ بارعاننان كەيىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى توتەنشە ماڭىزدى جۇمىس دەپ بىلۋگە تاباندى بولىپ، ءماجىلىستىڭ رۋحىن مۇقيات يگەرىپ، باس شۋجي شي جينپيڭنىڭ حالىق ساياسي كەڭەسىنىڭ قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ۇيرەنۋ - تالقىلاۋ قيمىلىنىڭ ناتيجەسىن بەكەمدەۋگە، كەڭەيتۋگە قۇلشىنىپ، وسكەلەڭ ساياسي جاۋاپكەرشىلىك سەزىممەن ۇكىمەت ىسىنە بەلسەنە قاتىناسىپ، كەڭەس بەرىپ، ورەلى اقىل - كەڭەس بەرىپ، نازاردى باس نىساناعا شوعىرلاندىرىپ، اۆتونوميالى رايوننىڭ ورنىقتىلىق، دامۋ ءتۇرلى ىستەرىنە تىڭ ۇلەس قوسامىز.

  ”وسى رەتكى ءماجىلىستىڭ مازمۇنى باي، جاڭا ساتىداعى قىزمەتكە تاماشا جوبا بەلگىلەپ بەردى“. مۇشە باۋ انميڭ بىلاي دەدى: ”ءبىز، ءسوز جوق، ءماجىلىستىڭ رۋحىن مۇقيات ۇيرەنىپ، دايەكتىلەندىرىپ، باس شۋجيدىڭ تاپسىرماسىن ەسىمىزدە بەرىك ساقتاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ءماجىلىستىڭ رۋحىن ءىس تىندىرىپ، شارۋاشىلىق قۇرۋدىڭ ءىس جۇزىندىك ارەكەتىنە اينالدىرىپ، ورەلى اقىل - كەڭەس بەرۋگە جانە ورتاق تانىم ۇيىستىرۋعا قوس باعىتتا كۇش شىعارىپ، شينجياڭنىڭ قوعام ورنىقتىلىعى مەن باياندى تىنىشتىعىنا ورەلى اقىل - كەڭەس بەرۋىمىز كەرەك“.

 مۇشە ءدىلشات ياقۇپ بىلاي دەدى: ”ءماجىلىستىڭ رۋحىن ويداعىداي ۇيرەنىپ، ويداعىداي ۇگىتتەپ، ويداعىداي دايەكتىلەندىرىپ، حالىقتى وزەك ەتۋگە تاباندى بولىپ، قىزمەت جاۋاپكەرشىلىگىمىز بەن بورىشىمىزدى مۇقيات اتقارىپ، نەگىزگى ساتىعا بەلسەندىلىكپەن ىشكەرىلەي ارالاسىپ، تەكسەرىپ - زەرتتەۋ جۇرگىزىپ، سالاماتتى جۇڭگو، سالاماتتى شينجياڭ قۇرۋعا ۇلەس قوسامىن“.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.