تيانشان تورى   ›   جاڭالىقتار   ›   شۋجي ەستەلىگى

شينجياڭ ۋاكىلدەر ۇيىرمەسى ءماجىلىستىڭ قاۋلى جوبالارىن قارادى

  چىن چۋانگو، ەركىن يمىرباقى، شاۋكەت يمىن، سۇن جينلۇڭ قاراۋعا قاتىناستى

  تىلشىلەر ياۋ تۇڭ، سۇي يۇنيان، لي ياڭ 3 - ايدىڭ 14 - كۇنى بەيجيڭنەن حابارلايدى. 3 - ايدىڭ 14 - كۇنى تۇستەن بۇرىن جانە تۇستەن كەيىن 13 - كەزەكتى مەملەكەتتىك حالىق قۇرىلتايىنىڭ 2 - ماجىلىسىندەگى شينجياڭ ۋاكىلدەر ۇيىرمەسى گرۋپپالار جيىنىن جانە جالپى جيىن وتكىزىپ، ءماجىلىستىڭ ءتۇرلى قاۋلى جوباسىن، داۋىسقا سالۋ نۇسقاسىن، قارارىن قارادى.

  شينجياڭ ۋاكىلدەر ۇيىرمەسىنىڭ باستىعى، مەملەكەتتىك حالىق قۇرىلتايىنىڭ ۋاكىلى، اۆتونوميالى رايوندىق پارتكومنىڭ شۋجيى چىن چۋانگو، مەملەكەتتىك حالىق قۇرىلتايىنىڭ ۋاكىلى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى جانە مەملەكەتتىك حالىق قۇرىلتايىنىڭ ۋاكىلدەرى شاۋكەت يمىن، سۇن جينلۇڭ قاتارلىلار قاراۋعا قاتىناستى.

  ۋاكىلدەر ءبىر اۋىزدان ۇكىمەت قىزمەتى بايانداماسىنا، 2018 - جىلعى حالىق شارۋاشىلىعى جانە قوعامدىق دامۋ جوسپارىنىڭ اتقارىلۋ جاعدايى مەن 2019 - جىلعى حالىق شارۋاشىلىعى جانە قوعامدىق دامۋ جوسپارىنا، 2018 - جىلعى ورتالىق پەن جەرگىلىكتىڭ مەجە ەسەبىنىڭ اتقارىلۋ جاعدايى مەن 2019 - جىلعى ورتالىق پەن جەرگىلىكتىڭ مەجە ەسەبىنە، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىنا، ەڭ جوعارى حالىق سوتى مەكەمەسىنىڭ قىزمەت بايانداماسىنا، ەڭ جوعارى حالىق پروكۋراتۋراسىنىڭ قىزمەت بايانداماسىنا قاتىستى 6 قاۋلى جوبانى قۇپتادى، شەتەل ساۋداگەرلەرى قارجى قوسۋ زاڭى جوباسىنىڭ ۇسىنىستىق داۋىسقا سالۋ نۇسقاسىن قۇپتادى.

   مەملەكەتتىك حالىق قۇرىلتايىنىڭ ۋاكىلدەرى نايىم ياسىن، شى داگاڭ، لي ۋي، لو دۇڭچۋان، پىڭ جيارۇي، عانيبات سابىكەي ۇلى، ابدۇرىقىپ ءتۇمۇرنياز قاتارلىلار جيىنعا قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.