− الدىڭعى 2 ايداعى ەكونوميكالىق ساندى مالىمەتكە تۇسىنىك
شينحۋا اگەنتتىگىنىڭ تىلشىلەرى چىن ۋيۋي، حۋ لۋ
مەملەكەتتىك ساناق مەكەمەسى 3 - ايدىڭ 14 - كۇنى بيىلعى 1 - ايدان 2 - ايعا دەيىنگى ەكونوميكالىق اينالىمنىڭ باستى ساندى مالىمەتتەرىن جاريالادى. ساناقتا كورسەتىلۋىنشە، كوپ ساندى كورسەتكىش تۇراقتىلىقتى ساقتاعان. مەملەكەتتىك ساناق مەكەمەسىنىڭ اقپارات مالىمدەمەشىسى ماۋ شىڭيۇڭ سول كۇنى مەملەكەتتىك كەڭەس اقپارات ءىسحاناسىنىڭ اقپار جاريالاۋ جينالىسىندا بىلاي دەدى: 1 - ايدان 2 - ايعا دەيىن، ەكونوميكا ءۇرتىس ۇيلەسىمدى ارالىقتا اينالىم جاساپ، جالپى جاقتان ورنىقتى بولۋ، ورنىقتىلىق بارىسىندا ىلگەرىلەۋدەي دامۋ ارىنىن ساقتادى، جاقسارۋ بەتالىسى بىرتىندەپ كورنەكتىلەندى.
ماۋ شىڭيۇڭ الدىڭعى 2 ايدا ەكونوميكالىق اينالىمدا مىناداي بىرنەشە ەرەكشەلىك كورنەكتىلەنگەندىگىنە تالداۋ جاسادى:
− ىشكى سۇرانىس ورنىقتىلىق بارىسىندا جوعارىلادى. قارجى قوسۋدان قاراعاندا، 1 - ايدان 2 - ايعا دەيىن تۇراقتى مال - مۇلىككە قوسىلعان قارجى سايكەستى مەزگىلدەگىدەن % 6.1 ارتىپ، ارتۋ جىلدامدىعى بىلتىرعى تۇتاس جىلداعىدان 0.2 پايىز تەزدەدى. تۇتىنۋدان قاراعاندا، 1 - ايدان 2 - ايعا دەيىن قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى سايكەستى مەزگىلدەگىدەن % 8.2 ارتىپ، ارتۋ جىلدامدىعى بىلتىرعى 12 - ايداعىمەن قارايلاس بولدى؛ باعا فاكتورىن شىعارىپ تاستاساق، ءىس جۇزىندىك ارتۋى % 7.1 بولىپ، بىلتىرعى 12 - ايداعىدان 0.5 پايىز تەزدەدى.
− جۇمىستانۋ، زات باعاسى جالپى جاقتان ورنىقتى بولدى. زات باعاسىنان قاراعاندا، 1 - ايدان 2 - ايعا دەيىن بۇكىل ەلدەگى تۇرعىنداردىڭ تۇتىنۋ باعاسى ورتاشا % 1.6 ارتىپ، ورنىقتى جاعدايدى جالعاستىردى. جۇمىستانۋدان قاراعاندا، 2 - ايدا بۇكىل ەلدىڭ قالا - قالاشىقتارىندا تەكسەرۋ جۇرگىزۋدە جۇمىسسىزدىق سالىستىرماسى % 5.3 بولىپ، 1 - ايدان 0.2 پايىز جوعارىلادى.
ماۋ شىڭيۇڭ بىلاي دەدى: 2 - ايداعى تەكسەرۋدە جۇمىسسىزدىق سالىستىرماسىنىڭ جوعارى بولۋىنداعى باستى سەبەپ كوكتەم مەرەكەسى فاكتورىنىڭ ىقپالى. كوكتەم مەرەكەسىنەن كەيىن، سىرتقا شىعىپ جۇمىس ىستەيتىن قىرۋار جۇمىسكەر قالاعا شوعىرلى ورالىپ جۇمىس ىزدەپ، جۇمىسسىزدىق سالىستىرماسىن جوعارىلاتتى. مۇنان سىرت، بۇكىل ەلدەگى 22 ولكەنىڭ جۇمىسشى ىستەتۋ جاعدايىنا جۇرگىزىلگەن ارناۋلى تەكسەرۋگە نەگىزدەلگەندە، %80 اينالاسىنداعى كاسىپورىندا جۇمىسشىلاردىڭ جۇمىس ورنىنا ورالۋ سالىستىرماسى % 90 تەن اسىپ، جۇمىستانۋ جاعدايى جالپى جاقتان ورنىقتى بولدى.
− قۇرىلىمنىڭ ساپالىلانۋ جاعدايى جالعاستى. ءوندىرىس تۇرعىسىنان قاراعاندا، كوكتەم مەرەكەسى فاكتورىنىڭ ىقپالىن شىعارىپ تاستايتىن بولساق، 1 - ايدان 2 - ايعا دەيىن بۇكىل ەلدە كولەمنەن جوعارى ونەركاسىپتىڭ ارتقان قۇنىنىڭ ءىس جۇزىندىك ارتۋ جىلدامدىعى بىلتىرعى 12 - ايداعىدان تەزدەدى؛ ستراتەگيالىق جاڭادان گۇلدەنگەن كاسىپ سالاسىنىڭ ارتقان قۇنىنىڭ ارتۋ جىلدامدىعى %10.1كە جەتتى؛ وسى زامانعى قىزمەت وتەۋ كاسىبىنىڭ ارتۋ جاعدايى دا ءبىرشاما جاقسى بولدى. سۇرانىس تۇرعىسىنان قاراعاندا، حالىقتىق قارجى قوسۋدىڭ ارتۋ جىلدامدىعى ءبىرشاما تەزدەپ، سايكەستى مەزگىلدەگىدەن % 7.5 ارتتى؛ جوعارى تەحنيكا كاسىپ سالاسىنا قارجى قوسۋدىڭ، ونەركاسىپ تەحنيكاسىن جاڭالاۋعا قارجى قوسۋدىڭ ارتۋ جىلدامدىعى جەكە - جەكە جالپى قوسىلعان قارجىدان 2.5 جانە 13.4 پايىز تەزدەدى.
− بازار مەجەسىنىڭ بەتالىسى جاقساردى. 2 - ايدا تۇتىنۋشىلاردىڭ سەنىم كورسەتكىشى 1 - ايدان 2.3 سان جوعارىلادى، جاساۋ كاسىپتەرىنىڭ ساتىپ الۋ ساۋدا كورسەتكىشىنىڭ ىشىندە جاڭادان تاپسىرىس بەرۋ كورسەتكىشى دە 1 - ايدان ءبىر پايىز جوعارىلاپ، سۇرانىستىڭ جاقسارعاندىعىن اڭداتتى.
”جالپى جاقتان العاندا، 1 - ايدان 2 - ايعا دەيىن حالىقتىق شارۋاشىلىقتىڭ اينالىمى ۇزدىكسىز جالپى جاقتان ورنىقتى بولۋ، ورنىقتىلىق بارىسىندا ىلگەرىلەۋدەي دامۋ جاعدايىن ساقتادى. سونىمەن بىرگە سىرتقى ورتانىڭ ورنىقسىزدىق، تۇراقسىزدىق فاكتورلارى ءبىرشاما كوپ، ەلى ءىشىنىڭ قۇرىلىمدىق قايشىلىعى كورنەكتى ەكەندىگىن، ەكونوميكانىڭ قۇلدىراۋ قىسىمى ءالى دە ورىن تەۋىپ وتىرعاندىعىن دا كورە ءبىلۋىمىز كەرەك“، - دەدى ماۋ شىڭيۇڭ.
الدىڭعى 2 ايدا اۆتوكولىك جاساۋ كاسىبىنىڭ ارتقان قۇنى سايكەستى مەزگىلدەگىدەن % 5.3، ءونىم مولشەرى % 15.1 تومەندەدى. ماۋ شىڭيۇڭ بىلاي تالداۋ جاسادى: اۆتوكولىك جاساۋ كاسىبىندە وسى بىرنەشە ايدا وندىرىستە، ساتۋدا تومەندەۋ جارىققا شىقتى. الايدا، سونىمەن بىرگە جوعارى تەحنيكالى جاساۋ كاسىپتەرى سياقتى كاسىپتەردىڭ ارتۋى جەدەلدەدى. كەلەسى ساتىدا جاساۋ كاسىپتەرىنىڭ دامۋ بازار مەجەسى بىرتىندەپ جاقسارىپ، ناقتى ەكونوميكانىڭ، ميكرولىق نەگىزگى تۇلعالاردىڭ دامۋىن قولدايتىن سالىقتى ازايتۋ، اقىنى تومەندەتۋ ساياساتى بىرتىندەپ تياناقتانادى، جاساۋ كاسىبىنىڭ ارتۋىندا ءالى دە ساياساتتىق تىرەك بولادى.
وتكەن بىرنەشە ماۋسىمدا ەكونوميكانىڭ ارتۋ جىلدامدىعىنىڭ بولماشى تومەندەۋىنە مەڭزەس ماۋ شىڭيۇڭ مىنانى ءبىلدىردى: ەلىمىز ەكونوميكاسىنىڭ ارتۋ جىلدامدىعىنىڭ ازىن - اۋلاق جوعارىلاۋىنا، ازىن - اۋلاق تومەندەۋىنە باسا ءمان بەرۋدىڭ قاجەتى جوق، حالىق تۇرمىسىن جاقسارتۋدى، جۇمىستانۋدى قامتاماسىزداندىرۋدى، تۇرعىنداردىڭ كىرىسىن ارتتىرۋدى، ەكولوگيالىق ورتانى جاقسارتۋدى ەكونوميكالىق ارتۋمەن بىرگە ويلاسىپ، ەكونوميكانىڭ ۇيلەسىمدى ارالىقتا اينالىم جاساۋىنا كەپىلدىك ەتۋمەن بىرگە، ەكونوميكالىق قۇرىلىمدى رەتتەۋدى جانە تيبىن وزگەرتىپ، دارەجەسىن جوعارىلاتۋدى ىلگەرىلەتۋ كەرەك.
ماۋ شىڭيۇڭ بىلاي دەدى: كەلەسى قادامدا كەرى پەريود بويىنشا رەتتەۋدىڭ ءتۇرلى ساياساتتارىن تولىق تياناقتاندىرىپ، ەكونوميكالىق اينالىمنىڭ ورنىقتىلىعىنا شىنايى كەپىلدىك ەتىپ، جاقسارۋ بەتالىسىن بەلسەنە كەڭەيتىپ، ەلىمىزدىڭ ەكونوميكالىق دامۋىنىڭ باستاماسىن جاقسى باستاۋىن، اياق الىستى جاقسى باسۋىن جەبەۋ كەرەك.
(شينحۋا اگەنتتىگىنىڭ 3 - ايدىڭ 14 - كۇنى بەيجيڭنەن بەرگەن حابارى)
