(13 - كەزەكتى مەملەكەتتىك حالىق قۇرىلتايىنىڭ 2 - ماجىلىسىندە 2019 - جىلى 3 - ايدىڭ 15 - كۇنى ماقۇلداندى)
13 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى ەڭ جوعارى حالىق سوتى مەكەمەسىنىڭ باستىعى جوۋ چياڭ جاساعان قىزمەت بايانداماسىن تىڭدادى جانە قارادى. ءماجىلىس ەڭ جوعارى حالىق سوتى مەكەمەسىنىڭ قىزمەتىن تولىق تۇراقتاندىرىپ، باياندامادا ورتاعا قويىلعان 2019 - جىلعى قىزمەت ورنالاستىرۋلارىن قۇپتاپ، وسى باياندامانى بەكىتۋدى ۇيعاردى.
ءماجىلىس مىنالاردى تالاپ ەتتى: ەڭ جوعارى حالىق سوتى مەكەمەسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەت ەكىنشى، ءۇشىنشى جالپى ماجىلىستەرىنىڭ رۋحىن جالپى بەتتىك دايەكتىلەندىرىپ، ”ءتورت تانىم“دى بەرىك ورناتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، پارتيانىڭ شارتسىز باسشىلىعىنا ەش بۇلجىماستان تاباندى بولىپ، حالىقتى وزەك ەتۋگە تاباندى بولىپ، پارتيا مەن مەملەكەت قىزمەتىنىڭ جالپى جاعدايىن ارقاۋ ەتىپ نەگىزگى زاڭدا، زاڭداردا جۇكتەلگەن مىندەت جاۋاپكەرشىلىگىن ادالدىقپەن اتقارىپ، مەملەكەتتىڭ ساياسي حاۋىپسىزدىگىن قورعاۋعا، قوعامدىق جالپى جاعدايدىڭ ورنىقتىلىعىنا شىنايى كەپىلدىك ەتۋگە، قوعامدىق ادىلدىكتى، تۋراشىلدىقتى جەبەۋگە، حالىقتىڭ تىنىش ءومىر، شات - شادىمان تىرشىلىك كەشىرۋىن قامتاماسىز ەتۋگە كۇش سالىپ، ءادىليا ءتۇزىلىسى رەفورماسىن جالپى بەتتىك تەرەڭدەتىپ، ىسىلعان قوسىن قۇرىلىسىن كۇشەيتىپ، ”اتقارۋ قيىن بولۋدى نەگىزىنەن شەشۋ“ تابىسىن بەكەمدەپ، حالىق سوتى مەكەمەسىنىڭ تەرگەۋ فۋنكتسياسىن اناعۇرلىم ويداعىداي ساۋلەلەندىرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋگە اناعۇرلىم جوعارى دەڭگەيدەگى ءادىليالىق كەپىلدىك ازىرلەپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن ۇزدىك ناتيجەلەرمەن قۇتتىقتاۋ كەرەك.
