(13 - كەزەكتى مەملەكەتتىك حالىق قۇرىلتايىنىڭ 2 - ماجىلىسىندە 2019 - جىلى 3 - ايدىڭ 15 - كۇنى ماقۇلداندى)
13 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى كوميتەت باستىعى لي جانشۋدىڭ مەملەكەتتىك حالىق قۇرىلتايى تۇراقتى كوميتەتىنىڭ تاپسىرۋىمەن جاساعان قىزمەت بايانداماسىن تىڭدادى جانە قارادى. ءماجىلىس مەملەكەتتىك حالىق قۇرىلتايى تۇراقتى كوميتەتىنىڭ وتكەن ءبىر جىلداعى قىزمەتىن تولىق تۇراقتاندىرىپ، باياندامادا ورتاعا قويىلعان الداعى ءبىر جىلداعى باستى مىندەتتەر مەن قىزمەت ورنالاستىرۋلارىن قۇپتاپ، وسى باياندامانى بەكىتۋدى ۇيعاردى.
ءماجىلىس مىنانى تالاپ ەتتى: مەملەكەتتىك حالىق قۇرىلتايىنىڭ تۇراقتى كوميتەتى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەت ەكىنشى، ءۇشىنشى جالپى ماجىلىستەرىنىڭ رۋحىن جالپى بەتتىك دايەكتىلەندىرىپ، ”ءتورت تانىم“دى بەرىك ورناتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ جاندى بىرلىگىنە تاباندى بولىپ، پارتيا مەن مەملەكەت قىزمەتىنىڭ جالپى جاعدايىن مىقتاپ ارقاۋ ەتە وتىرىپ زاڭ بويىنشا مىندەت اتقارىپ، جاۋاپكەرشىلىكتى ادا ەتىپ، زاڭمەن جونگە سالۋ ارقىلى حالىقتىڭ ۇقىق - مۇددەسىن قامتاماسىزداندىرۋ، حالىق تۇرمىسى ىرىسىن كۇشەيتۋ كەرەك. نەگىزگى زاڭدى اتقارۋدى جانە باقىلاۋدى كۇشەيتىپ، ءتۇيىندى سالالاردا زاڭ شىعارۋدى ىلگەرىلەتىپ، زاڭدى عىلمي شىعارۋ، زاڭدى دەموكراتيالى شىعارۋ، زاڭدى زاڭ بويىنشا شىعارۋ ورەسىن جوعارىلاتىپ، رەفورمانى، دامۋدى، ورنىقتىلىقتى زاڭمەن جونگە سالۋ نەگىزىن بەكەمدەپ، دۇرىس باقىلاۋعا، ءونىمدى باقىلاۋعا تاباندى بولىپ، نەگىزگى زاڭنىڭ، زاڭداردىڭ ءونىمدى اتقارىلۋىنا شىنايى كەپىلدىك ەتىپ، ”حالىق ۇكىمەتىن، باقىلاۋ - تەكسەرۋ كوميتەتىن، حالىق سوتى مەكەمەسىن، حالىق پروكۋراتۋراسىن“ كۇشەيتۋ، جاڭالاۋ قىزمەتىن ىلگەرىلەتىپ، حالىق بۇقاراسىمەن بايلانىستى قويۋلاتىپ، حالىق قۇرىلتايى ۋاكىلدەرىنىڭ رولىن اناعۇرلىم ويداعىداي ساۋلەلەندىرىپ، جاڭا داۋىردەگى حالىق قۇرىلتايى قىزمەتىنىڭ جاڭا جاعدايىن قۇلشىنا اشىپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن ۇزدىك ناتيجەلەرمەن قۇتتىقتاۋ كەرەك.
