− 13 - كەزەكتى مەملەكەتتىك حالىق قۇرىلتايى 2 - ءماجىلىسىنىڭ جەڭىسپەن جابىلعانىن قىزۋ قۇتتىقتايمىز
”كوپتىڭ كۇشىمەن ىستەلگەن ءىس جەڭىسكە جەتپەي قويمايدى، كوپتىڭ پاراساتىمەن ىستەلگەن جۇمىس ورىندالماي قويمايدى“.
3 - ايدىڭ 15 - كۇنى 13 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى ءتۇرلى كەڭەستىك تارتىپتەرىن تابىسپەن ورىنداعان سوڭ، بەيجيڭدە جەڭىسپەن جابىلدى. 3000عا جۋىق مەملەكەتتىك حالىق قۇرىلتايى ۋاكىلى وسكەلەڭ جاۋاپكەرشىلىكپەن جانە تاريحي بورىشتىلىقپەن حالىق اتىنان سويلەپ، بار پەيىلىمەن مىندەتتەرىن اتقارىپ، دەموكراتيانىڭ، ىنتىماقتىڭ، شىندىققا تالپىنۋدىڭ، ەكپىندەي العا ىلگەرىلەۋدىڭ تىڭ تاراۋىن جازدى. ءبىز ءماجىلىستىڭ تابىستى اشىلعاندىعىن قىزۋ قۇتتىقتايمىز، زاڭ بويىنشا مىندەتتەرىن اتقارىپ، جاۋاپكەرشىلىكتەرىن وتەگەن ۋاكىلدەرگە وسكەلەڭ قۇرمەت بىلدىرەمىز!
بۇل رەتكى ءماجىلىس جاپپاي دوڭگەلەك داۋلەتتى قوعام ورناتۋدىڭ شەشۋشى جىلىندا اشىلعان ءبىر رەتكى ماڭىزدى ءماجىلىس بولدى. ءماجىلىس وتكەن ءبىر جىلدا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا مەملەكەتتىڭ ءتۇرلى ىستەرىندە، ءتۇرلى جاقتاعى قىزمەتتەردە قول جەتكەن تابىستاردى جوعارى باعالادى. ءماجىلىس ۇكىمەت قىزمەتىنەن باياندامانى جانە باسقادا ماڭىزدى باياندامالاردى قارادى جانە بەكىتتى. ۋاكىلدەر ءبىر اۋىزدان: ۇكىمەت قىزمەتىنەن بايانداما شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ رۋحىن ايگىلەگەن، پارتيا ورتالىق كوميتەتىنىڭ بيىلعى قىزمەت تۋرالى جالپى ورنالاستىرۋلارى مەن تالاپتارىن ايگىلەگەن، شىندىقتى ءىس جۇزىنەن ىزدەگەن، ناقتى ءىس تىندىرعان، ادامدى جەلپىندىرەتىن، رەفورما جاساعان، جاڭالىق اشقان جاقسى بايانداما بولدى دەپ قارادى. ءماجىلىس شەتەل ساۋداگەرلەرى قارجى قوسۋ زاڭىن قاراپ بەكىتتى، بۇل ەلىمىزدىڭ شەتەل ساۋداگەرلەرى قارجى قوسۋ سالاسىنداعى نەگىزدىك زاڭ بولىپ، جاڭا داۋىردە ەلىمىزدىڭ سىرتقا ەسىك اشۋدى اناعۇرلىم كەڭەيتەتىن، شەتەل ساۋداگەرلەرىن قارجى قوسۋعا بەلسەنە جەبەيتىن بەكىمى مەن سەنىمىن تولىق ايگىلەدى. ءماجىلىس مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن باياندامانى تىڭداپ، قاراپ، مەملەكەتتىك حالىق قۇرىلتايى تۇراقتى كوميتەتىنىڭ ءبىر جىلدان بەرى زاڭ بويىنشا مىندەت اتقارىپ، ورنىقتىلىق بارىسىندا العا ىلگەرىلەۋگە ۇمتىلىپ، توتەنشە تابىستى قىزمەت ىستەپ، تاماشا باستاما اشقانىن تولىق تۇراقتاندىردى. ءماجىلىستىڭ تابىستى بولۋى پارتيا مەن مەملەكەت ىستەرىنىڭ دامۋىن ىلگەرىلەتۋگە كەڭ اۋقىمدى ورتاق تانىم ۇيىستىرىپ، قىزمەت مىندەتتەرىن ايقىندادى.
”وتانىم ءالى دە سول كونە شاڭىراق، باعالى مۇرالاردى ساقتادى ۇزاق. كەزىندە بۇرىنعىلار شىىققان ورگە، قازىرگى ۇرپاقتار دا شىعىپ بارادى“. بيىل جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى. 70 جىلدان بەرى، پارتيامىز حالىقتى ىنتىماقتاستىرىپ جانە باستاپ، قيىندىقتاردى جەڭىپ، العا تارتىپ، بوران - شاشىندى ەلەڭ قۇرلى كورمەي، بولاشاققا شەرۋ تارتىپ، دۇنيە ءجۇزىن جالت قاراتقان جۇڭگو كەرەمەتتەرىن جاراتتى. بولاشاققا بەت العاندا، ءتىپتى دە داڭقتى بورىشتار ءبىزدىڭ ارقالاۋىمىزدى كۇتۋدە، مۇنان دا ۇلى كەرەمەتتەر ءبىزدىڭ جاراتۋىمىزدى كۇتۋدە. جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ساپارىندا ءبىز نەعۇرلىم ىلگەرىلەگەن سايىن سولعۇرلىم قيىنداي تۇسەتىن، نەعۇرلىم العا ىلگەرىلەگەن سايىن قاتەرى سولعۇرلىم مولايا تۇسەتىن، ونىڭ ۇستىنە العا ىلگەرىلەمەسەك ارتقا شەگىنەتىن، العا ىلگەرىلەمەي بولمايتىن كەزدە تۇرمىز. نەعۇرلىم وسىنداي قيىن كەزگە جولىققان سايىن، ءبىز ”ءتورت تانىم“دى سولعۇرلىم كۇشەيتىپ، ”ءتورت سەنىم“دى سولعۇرلىم بەكەمدەپ، ”ەكىنى قورعاۋ“دى سولعۇرلىم ورىنداپ، قىزمەتتى ورنىقتىلىق بارىسىندا ىلگەرىلەتۋ جالپى ارناسىنان جازباي، ءبىر تىلەكپەن جۇمىلىپ، ىنتىماقتاسا كۇرەس جاساپ، العا باسۋ جولىنداعى ءتۇرلى حاۋىپ - قاتەر مەن سايىستاردى جەڭىپ، جاڭا داۋىردە جۇڭحۋا ۇلتىنىڭ اناعۇرلىم زور جاڭا كەرەمەتتەرىن جاراتىپ، بۇكىل دۇنيە ءجۇزى تامسانا قارايتىن ءتىپتى دە زور جاڭا كەرەمەتتەر جاراتۋىمىز كەرەك.
حالىق − رەسپۋبليكانىڭ بەرىك نەگىزى، حالىق − پارتيامىزدىڭ بيلىك جۇرگىزۋىنىڭ ەڭ زور جىگەر - قايراتى. باسىپ وتكەن ساپاردا جۇڭگو حالقى ءوز كۇشىنە سۇيەنىپ ءومىر ءسۇرىپ، قاجىرلىلىقپەن كۇرەس جۇرگىزىپ، كۇدىرلەردەن داڭعىل جول سالىپ، مۇمكىن ەمەستەردى مۇمكىندىككە اينالدىرىپ، مەملەكەت پەن ۇلتتىڭ دامۋىنىڭ ايبىندى داستانىن جازدى. باس شۋجي ”بارلىق ناتيجە حالىققا ءتان، بارلىق داڭق حالىققا ءتان“ دەپ باسا دارىپتەدى. جاڭا ساپاردا قانداي قيىن - قىستاۋ كەزەڭگە، داۋىلدى تولقىندارعا جولىقساق تا، بارلىعىندا، ءسوزسىز، حالىققا بەرىك سۇيەنۋىمىز كەرەك. قاي - قاشان دا حالىقتى وزەك ەتۋگە تاباندى بولىپ، حالىقتىڭ تۇلعالىق ورنىنا قۇرمەت ەتىپ، حالىقتىڭ پىكىرىنە قۇلاق اسىپ، حالىقتىڭ اقىل - پاراساتىن توپتاپ، حالىقتىڭ كۇتكەن ۇمىتىنە جاۋاپ بەرىپ، حالىقتىڭ قوجايىن بولۋىن مەملەكەتتىڭ ساياسي ءومىرى مەن قوعامدىق ومىرىندە ناقتى، شىنايى تياناقتاندىرۋعا كەپىلدىك ەتسەك، وندا ءبىز ءبىر ميلليارد 400 ميلليونعا جۋىق حالىقتىڭ تەڭدەسسىز كۇشىن ۇيىستىرىپ جانە قاۋلاتىپ، بۇرىنعىلار ىستەپ كورمەگەن ۇلى ءىستى العا ىلگەرىلەتە الامىز.
تاريح بىزگە مىنانى اڭعارتتى: جۇڭگودا سوتسياليستىك دەموكراتيالى ساياسيدى دامىتىپ، حالىقتىڭ قوجايىن بولۋىنا كەپىلدىك ەتۋدىڭ، مەملەكەتتىڭ ساياسي ءومىرىنىڭ جالىندى كۇشكە تولۋىنا ءارى تىنىش، ءتارتىپتى بولۋىنا كەپىلدىك ەتۋدىڭ تەتىگى − پارتيانىڭ باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ جاندى بىرلىگىنە تاباندى بولۋدا. اماليات مىنانى تولىق دالەلدەدى: پارتيانىڭ باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ جاندى بىرلىگىنە تاباندى بولۋداعى ءتۇبىرلى ساياسي تۇزىمدىك ورنالاستىرۋ ساناتىنداعى حالىق قۇرىلتايى ءتۇزىمى − جۇڭگونىڭ مەملەكەت جاعدايىنا جانە ءىس جۇزىندىگىنە ۇيلەسەتىن، سوتسياليستىك مەملەكەتتىڭ سيپاتىن ايگىلەيتىن، حالىقتىڭ قوجايىن بولۋىنا كەپىلدىك ەتەتىن، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى قامتاماسىز ەتەتىن تاماشا ءتۇزىم. جاڭا ساپاردا حالىق قۇرىلتايى ءتۇزىمى ارقىلى مەملەكەت پەن ۇلتتىڭ بولاشاعىن، تاعدىرىن حالىققا ۇزدىكسىز مىقتاپ مەڭگەرتىپ، حالىق قۇرىلتايى ءتۇزىمىنىڭ ارتىقشىلىعى مەن ەرەكشەلىگىن اناعۇرلىم تولىق ساۋلەلەندىرەتىن بولساق، ءبىز پارتيا مەن مەملەكەتتىڭ ومىرشەڭدىك قۋاتىن ۇزدىكسىز كۇشەيتىپ، حالىقتىڭ بەلسەندىلىگىن جۇمىلدىرىپ، سان ميلليونداعان حالىقتىڭ ۇلى ارمانىن شىندىققا اينالدىرا الامىز.
تاۋ قانشا بيىك بولعانىمەن، العا تارتا بەرسەڭ، توبەسىنە شىعا الاسىڭ؛ جول قانشا الىس بولعانىمەن، جۇرە بەرسەڭ جەتە الاسىڭ. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، بولاتتاي بەرىك سەنىم، ۋاقىتپەن جارىساتىن ارىن، قايىسپايتىن قايسارلىق ارقىلى تىلەكتەس، مۇراتتاس، ساپارلاس، باعىتتاس بولىپ، قيىندىقتاردان قامال الىپ، قايراتتانا ەكپىندەي العا ىلگەرىلەپ، جاپپاي دوڭگەلەك داۋلەتتى قوعام ورناتۋدى ورىنداۋعا شەشۋشى نەگىز قالاپ، ”قوس 100 جىل“دىق كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا اناعۇرلىم تىڭ ۇلەس قوسايىق.
(شينحۋا اگەنتتىگىنىڭ 3 - ايدىڭ 15 - كۇنى بەيجيڭنەن بەرگەن حابارى)
