تيانشان تورى
تيانشان تورى   ›   جاڭالىقتار   ›   ماڭىزدى حابارلار

«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى

  «اقپارات قۇرالدارىن توعىستىرا دامىتۋدى جەدەل ىلگەرىلەتىپ، جالپىلىق اقپارات قۇرالدارى تاراتۋ ارناسىن قالىپتاستىرايىق» 

  شينحۋا اگەنتتىگىنىڭ 3 - ايدىڭ 15 - كۇنى بەيجيڭنەن بەرگەن حابارى. 3 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 6 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «اقپارات قۇرالدارىن توعىستىرا دامىتۋدى جەدەل ىلگەرىلەتىپ، جالپىلىق اقپارات قۇرالدارى تاراتۋ ارناسىن قالىپتاستىرايىق» اتتى ماڭىزدى ماقالاسى جاريالانادى.

  ماقالادا مىنالار باسا دارىپتەلدى: اقپارات قۇرالدارىن توعىستىرا دامىتۋدى ىلگەرىلەتۋ، جالپىلىق اقپارات قۇرالىن قۇرۋ ءبىز ءدوپ كەلگەن شۇعىل تاقىرىپقا اينالدى. ينفورماتسيا توڭكەرىسىنىڭ جەتىستىكتەرىنەن پايدالانىپ، اقپارات قۇرالدارىن توعىستىرا دامىتۋدى ىلگەرىلەتىپ، نەگىزگى اعىمدىق قوعامدىق پىكىردى ۇلعايتىپ، كۇشەيتىپ، بۇكىل پارتيانىڭ، بۇكىل ەل حالقىنىڭ ىنتىماقتاسا كۇرەس جاساۋ ورتاق يدەيالىق نەگىزىن بەكەمدەپ، «قوس 100 جىلدىق» كۇرەس نىساناسىن جۇزەگە اسىرۋدى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى مىعىم رۋحاني كۇشىمەن جانە قوعامدىق پىكىرمەن قولداۋدى قامتاماسىز ەتۋ كەرەك.

  ماقالادا مىنالار اتاپ كورسەتىلدى: جالپىلىق اقپارات قۇرالدارى ءداۋىرىنىڭ سىن - سايىستارى مەن ورايلارىن تەرەڭدەي تانۋ كەرەك. ۇگىت - يدەيا قىزمەتى جاعدايعا قاراي جوسپار جاساپ، جاعدايعا سايكەس قيمىلداپ، جاعدايعا ساي ىستەپ، اقپارات قۇرالدارىن توعىستىرا دامىتۋدى جەدەل ىلگەرىلەتىپ، نەگىزگى اقپارات قۇرالدارىن قۇدىرەتتى تاراتۋ قۋاتىنا، جەتەكتەۋ قۋاتىنا، ىقپال قۋاتىنا، الەۋمەتتىك سەنىمدىلىك قۋاتىنا يە ەتىپ، جەلى مەن جەلى سىرتىنىڭ سەنترلەس شەڭبەرىن قالىپتاستىرىپ، جالپى حالىقتى مۇرات - سەنىم، قۇن ۇستانىمى، ءمورالدىق كوزقاراس جاعىندا تىعىز ىنتىماقتاستىرىپ، وڭ ەنەرگياعا اناعۇرلىم سەرپىن بەرىپ، نەگىزگى اۋەندى اناعۇرلىم اسقاقتاتا ءتۇسۋ كەرەك.

  ماقالادا مىنالار اتاپ كورسەتىلدى: اقپارات قۇرالدارىن توعىستىرا دامىتۋدىڭ بەتالىسى مەن زاڭدىلىعىن جاپپاي يگەرۋ كەرەك. ءبىر تۇلعالاندىرىپ دامىتۋ بەتالىسىنان جازباي، ءوزارا قوسۋ ساتىسىنان ءوزارا توعىستىرۋ ساتىسىنا قاراي قادام تاستاۋدى جەدەلدەتىپ، قۇدىرەتتى ىقپالعا، باسەكەلىك قۋاتقا يە ءبىر توپ جاڭاشا نەگىزگى اقپارات قۇرالدارىن قالىپتاستىرۋ كەرەك. جىلجىمالى تاراتۋدى الدىمەن دامىتۋ تاكتيكاسىنا تاباندى بولىپ، نەگىزگى اقپارات قۇرالدارىنىڭ جىلجىمالى تاراتۋدان پايدالانىپ، قوعامدىق پىكىرگە جەتەكشىلىك ەتۋ، يدەياعا جەتەكشىلىك ەتۋ، مادەنيەتكە مۇراگەرلىك ەتۋ، حالىققا قىزمەت ەتۋ سىندى تاراتۋ باسىمدىعىن مىقتاپ يەلەۋىنە مۇمكىندىك جاساۋ كەرەك. جاساندى زەردەنى اقپارات جيناۋعا، شىعارۋعا، تاراتۋعا، قابىلداۋعا، اڭىس ەتۋگە قولدانۋ جونىندە ىزدەنىس جاساپ، قوعامدىق پىكىرگە جەتەكشىلىك ەتۋ قابىلەتىن جاپپاي جوعارىلاتۋ كەرەك. بايلىق شوعىرلانعان، قۇرىلىمى ۇيلەسىمدى، پارىقتى دامىعان، سايكەستى، جوعارى ءونىمدى جالپىلىق اقپارات قۇرالدارى تاراتۋ ارناسىن قالىپتاستىرۋ كەرەك. جاڭادان گۇلدەنگەن اقپارات قۇرالدارىن باسقارۋدى زاڭ بويىنشا كۇشەيتۋ كەرەك.

  ماقالادا مىنالار باسا دارىپتەلدى: اقپارات قۇرالدارىن توعىستىرا تەرەڭدەي دامىتۋدى ىلگەرىلەتىپ، ءبىر تۇلعاعا اينالعان، بىرىككەن جالپىلىق اقپارات قۇرالدارىنىڭ تاراتۋ جاعدايىن جەدەل قالىپتاستىرۋ كەرەك. وڭ ەنەرگيا − باس تالاپ، باسقارۋ − داۋ جۇرمەس قيسىن، ويداعىداي پايدالانۋ − ناعىز قابىلەت. جوعارى دەڭگەيدە جوبالاۋدى تىڭعىلىقتى ىستەپ، جاڭاشا تاراتۋ تۇعىرىن ورناتىپ، جاڭاشا نەگىزگى اقپارات قۇرالدارىن قۇرىپ، نەگىزگى اعىم قۇن ىقپالىنا يە الاپتى كەڭەيتىپ، پارتيا ءۇنىنىڭ اناعۇرلىم اشىق تارالۋىنا، اناعۇرلىم كەڭ تارالۋىنا، اناعۇرلىم تەرەڭ تارالۋىنا مۇمكىندىك جاساۋ كەرەك. تۋى ايقىن تۇردە دۇرىس ساياسي بەتالىسقا، قوعامدىق پىكىر بەتالىسىنا، قۇن بەتالىسىنا تاباندى بولىپ، ۇستانىم، مازمۇن، فورما، ءادىس، ءتاسىل سياقتىلارعا جاڭالىق ەنگىزۋ ارقىلى ۇنامدى جاقتاعى ۇگىتتىڭ ساپاسى مەن دەڭگەيىن كورنەكتى جوعارىلاتۋ كەرەك. نەگىزگى اقپارات قۇرالدارى اناعۇرلىم كوپ شىنايى، وبيەكتيۆ، كوزقاراسى ايقىن ينفورماتسيا مازمۇندارىمەن دەر كەزىندە قامداپ، قوعامدىق پىكىر ءورىسىنىڭ ىرىقتىلىق ۇقىعى مەن جەتەكشىلىك ۇقىعىن يگەرۋ كەرەك. جالپىلىق اقپارات قۇرالدارى تاراتۋ جۇمىسىن زاڭمەن جونگە سالۋ ارناسىندا جۇرگىزۋ ءۇشىن جەلىنى تەحنيكامەن جونگە سالۋ قابىلەتى مەن دەڭگەيىن جاپپاي جوعارىلاتۋ كەرەك. ءار دارەجەلى باسشى كادرلار اقپارات قۇرالدارىمەن بايلانىس جاساۋ قابىلەتىن كۇشەيتىپ، ەل باسقارۋ قابىلەتى مەن دەڭگەيىن ۇزبەي جوعارىلاتۋ كەرەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.