13 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى بەيجيڭدە جابىلدى

　　13 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى 3 - ايدىڭ 15 - كۇنى بەيجيڭدەگى حالىق سارايىندا جابىلۋ جيىنىن وتكىزدى. ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى لي جانشۋ باسقاردى ءارى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى پاڭ شيڭلەي تۇسىرگەن

　　شينحۋا اگەنتتىگىنىڭ 3 - ايدىڭ 15 - كۇنى بەيجيڭنەن بەرگەن حابارى. 13 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى ءتۇرلى كەڭەستىك تارتىپتەردى تابىسپەن ورىنداعان سوڭ، 3 - ايدىڭ 15 - كۇنى تۇستەن بۇرىن حالىق سارايىندا جابىلدى. ءماجىلىس ۇكىمەت قىزمەتىنەن بايانداما، مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما قاتارلىلاردى بەكىتتى. ءماجىلىس شەتەل ساۋداگەرلەرى قارجى قوسۋ زاڭىن ماقۇلدادى، مەملەكەت ءتوراعاسى شي جينپيڭ 26 - ءنومىرلى ءتوراعا بۇيرىعىنا قول قويىپ، وسى زاڭدى جاريالادى.

　　جابىلۋ جيىنىن ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى لي جانشۋ باسقاردى. ءماجىلىس ءتوراعالار القاسىنىڭ تۇراقتى ءتوراعالارى، اتقارۋشى ءتوراعالارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ى - شياڭ، چىن جۋ، ۋاڭ دۇڭميڭ، بايما چىلين، ديڭ جۇڭلي، حاۋ ميڭجين، ساي دافىڭ، ۋ ۋيحۋا، ياڭ جىن - ۋ ءتوراعالار مىنبەسىنىڭ اتقارۋشى ءتوراعالار ورنىنا جايعاستى.

　　شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان جانە ءماجىلىس ءتوراعالار القاسىنىڭ قۇرامىنداعىلار ءتوراعالار مىنبەسىنەن ورىن الدى.

　　ماجىلىسكە قاتىناسۋعا ءتيىستى ۋاكىل 2974 ادام، قاتىناسقانى 2948 ادام، قاتىناسپاعانى 26 ادام، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

　　تۇستەن بۇرىن ساعات 9دا لي جانشۋ جيىننىڭ باستالعاندىعىن جاريالادى.

　　جيىن داۋىسقا سالۋ ارقىلى 13 - كەزەكتى مەملەكەتتىك حالىق قۇرىلتايى 2 - ءماجىلىسىنىڭ ۇكىمەت قىزمەتىنەن بايانداما جونىندەگى قاۋلىسىن ماقۇلدادى. قاۋلىدا مىنالار اتاپ كورسەتىلدى: ءماجىلىس مەملەكەتتىك كەڭەستىڭ وتكەن ءبىر جىلداعى قىزمەتتەرىن تولىق تۇراقتاندىرىپ، بايانداما ورتاعا قويعان 2019 - جىلعى ەكونوميكالىق، قوعامدىق دامۋدىڭ جالپى تالابىن، ساياساتتىق بەتالىسىن، نىساناسى مەن مىندەتتەرىن جانە ءتۇيىندى قىزمەتتەرىن قۇپتاپ، وسى باياندامانى بەكىتۋدى ۇيعاردى.

　　جيىن داۋىسقا سالۋ ارقىلى شەتەل ساۋداگەرلەرى قارجى قوسۋ زاڭىن ماقۇلدادى. شەتەل ساۋداگەرلەرى قارجى قوسۋ زاڭى 2020 - جىلى 1 - ايدىڭ 1 - كۇنىنەن باستاپ اتقارىلادى.

　　جيىن 13 - كەزەكتى مەملەكەتتىك حالىق قۇرىلتايى 2 - ءماجىلىسىنىڭ 2018 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2019 - جىلعى حالىق شارۋاشىلىعى مەن قوعامدىق دامۋ جوسپارى جونىندەگى قاۋلىسىن داۋىسقا سالىپ ماقۇلدادى، 2018 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2019 - جىلعى حالىق شارۋاشىلىعى مەن قوعامدىق دامۋ جوسپار جوباسى جونىندەگى باياندامانى بەكىتۋدى، 2019 - جىلعى حالىق شارۋاشىلىعى مەن قوعامدىق دامۋ جوسپارىن بەكىتۋدى ۇيعاردى؛ 13 - كەزەكتى مەملەكەتتىك حالىق قۇرىلتايى 2 - ءماجىلىسىنىڭ 2018 - جىلعى ورتالىق پەن جەرگىلىكتى مەجە ەسەپتىڭ اتقارىلۋ جاعدايى جانە 2019 - جىلعى ورتالىق پەن جەرگىلىكتى مەجە ەسەپ جونىندەگى قاۋلىسىن داۋىسقا سالىپ ماقۇلدادى، 2018 - جىلعى ورتالىق پەن جەرگىلىكتى مەجە ەسەپتىڭ اتقارىلۋ جاعدايى جانە 2019 - جىلعى ورتالىق پەن جەرگىلىكتى مەجە ەسەپ جوباسى جونىندەگى باياندامانى بەكىتۋدى، 2019 - جىلعى ورتالىق مەجە ەسەبىن بەكىتۋدى ۇيعاردى.

　　جيىن 13 - كەزەكتى مەملەكەتتىك حالىق قۇرىلتايى 2 - ءماجىلىسىنىڭ مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جونىندەگى قاۋلىسىن داۋىسقا سالىپ ماقۇلدادى. قاۋلىدا مىنالار اتاپ كورسەتىلدى: مەملەكەتتىك حالىق قۇرىلتايى تۇراقتى كوميتەتىنىڭ وتكەن ءبىر جىلداعى قىزمەتىن تولىق تۇراقتاندىرىپ، باياندامادا ورتاعا قويىلعان الداعى ءبىر جىلداعى باستى مىندەتتەر مەن قىزمەت ورنالاستىرۋلارىن قۇپتاپ، وسى باياندامانى بەكىتۋدى ۇيعاردى.

　　جيىن داۋىسقا سالۋ ارقىلى 13 - كەزەكتى مەملەكەتتىك حالىق قۇرىلتايى 2 - ءماجىلىسىنىڭ ەڭ جوعارى حالىق سوتى مەكەمەسىنىڭ قىزمەتىنەن بايانداما جونىندەگى قاۋلىسىن، ەڭ جوعارى حالىق پروكۋراتۋراسىنىڭ قىزمەتىنەن بايانداما جونىندەگى قاۋلىسىن ماقۇلداپ، وسى ەكى باياندامانى بەكىتۋدى ۇيعاردى.

　　جيىن 13 - كەزەكتى مەملەكەتتىك حالىق قۇرىلتايى 2 - ءماجىلىسىنىڭ مەملەكەتتىك حالىق قۇرىلتايى تۇراقتى كوميتەتىنىڭ جاڭ رۇڭشۇننىڭ 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ مۇشەسى مىندەتىنەن بوساۋ ءوتىنىشىن قابىلداۋدى بەكىتۋ جونىندەگى قاۋلىسىن داۋىسقا سالىپ ماقۇلدادى.

　　وسىدان كەيىن لي جانشۋ ءسوز سويلەدى. ول بىلاي دەدى: 13 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى ءتۇرلى كەڭەستىك تارتىپتەردى تولىق ورىندادى. ءماجىلىس بىلاي دەپ قارادى: وتكەن ءبىر جىلدا شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قايراتتانا العا باسىپ، قيىندىقتاردان قامال الىپ، ءتۇرلى قىزمەتتەردە جاڭا تابىستارعا قول جەتكىزدى، ءماجىلىس مۇنى جوعارى باعالادى.

　　لي جانشۋ بىلاي دەدى: ءماجىلىس دەموكراتيانى تولىق ساۋلەلەندىرىپ، ءىستى زاڭ بويىنشا قاتاڭ جۇرگىزىپ، ۇكىمەت قىزمەتىنەن باياندامانى جانە باسقا دا باياندامالاردى قاراپ بەكىتتى. ۋاكىلدەر ءوز بورىشتارىن ادالدىقپەن اتقارىپ، حالىقتىڭ قالاۋىن جەتكىزىپ، تاماشا بەينەلەرىن ايگىلەدى. بۇل ءبىر رەتكى دەموكراتيالى، ىنتىماقتى، شىندىققا تالپىنعان، ەكپىندەي ىلگەرىلەگەن ءماجىلىس بولدى. ءبىز جاۋاپكەرشىلىك ارقالاۋعا باتىل بولىپ، قىزمەتتى تىڭعىلىقتى ىستەپ، ءماجىلىس تۇراقتاندىرعان ءتۇرلى نىسانالار مەن مىندەتتەردى ورىنداۋعا شىنايى كەپىلدىك ەتۋىمىز كەرەك.

　　لي جانشۋ بىلاي دەدى: ءماجىلىس قاراپ ماقۇلداعان شەتەل ساۋداگەرلەرى قارجى قوسۋ زاڭى − جاڭا داۋىردەگى سىرتقا ەسىك اشۋدى جوعارى دەڭگەيدە جەبەيتىن نەگىزدىك سيپاتتى زاڭ. ءبىز ىشكەرىلەي ۇيرەنىپ، جالپى بەتتىك دايەكتىلەندىرىپ، سىرتقا ەسىك اشۋدى جوعارى دەڭگەيدە جۇرگىزىپ، ەكونوميكانىڭ جوعارى ساپالى دامۋىن ىلگەرىلەتۋىمىز كەرەك.

　　لي جانشۋ بىلاي دەپ اتاپ كورسەتتى: جۇڭگوشا سوتسياليزم جاڭا داۋىرگە ءوتتى، حالىق قۇرىلتايى قىزمەتىن ويداعىداي ىستەۋدە تىڭ ءارى ءتىپتى دە جوعارى تالاپتار قويدى. حالىق قۇرىلتايى جانە ونىڭ تۇراقتى كوميتەتى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي ۇيرەنىپ جانە دايەكتىلەندىرىپ، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ جاندى بىرلىگىنە تاباندى بولىپ، پارتيا مەن مەملەكەت قىزمەتىنىڭ جالپى جاعدايىن ارقاۋ ەتە وتىرىپ، نەگىزگى زاڭ مەن زاڭداردا جۇكتەلگەن قىزمەت جاۋاپكەرشىلىگىن مۇقيات اتقارىپ، پارتيا مەن حالىقتىڭ سەنىمى مەن ماڭىزدى تاپسىرماسىن اقتاۋ كەرەك.

　　لي جانشۋ سوڭىندا بىلاي دەدى: جۇڭحۋا ۇلتى ۇلى گۇلدەنۋدىڭ شەشۋشى كەزەڭىندە تۇر. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، بورىشتى ەستە بەرىك ساقتاپ، ءورىس اشا العا ىلگەرىلەپ، جاپپاي دوڭگەلەك داۋلەتتى قوعام ورناتۋدى ورىنداۋعا شەشۋشى نەگىز قالاپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن ۇزدىك ناتيجەمەن قۇتتىقتاۋىمىز كەرەك.

　　ساعات 9دان 29 مينۋت وتكەندە، لي جانشۋ: جۇڭحۋا حالىق رەسپۋبليكاسى 13 - كەزەكتى مەملەكەتتىك حالىق قۇرىلتايى 2 - ءماجىلىسى جابىلدى، - دەپ جاريالادى. ءماجىلىس ايبىندى مەملەكەت انىمەن اياقتادى.

　　ديڭ شۋەشياڭ، ليۋ حى، شۇي چيلياڭ، سۇن چۇنلان، لي شي، لي چياڭ، لي حۇڭجۇڭ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين - ىر، حۋ چۇنحۋا، گو شىڭكۇن، حۋاڭ كۇنميڭ، ساي چي، يوۋ چۋان، ۋي فىڭحى، ۋاڭ يۇڭ، ۋاڭ ي، شياۋ جيە، جاۋ كىجى، جوۋ چياڭ، جاڭ جۇن، جاڭ چيڭلي، ليۋ چيباۋ، دۇڭ جيانحۋا، ۋان گاڭ، حى حوۋحۋا، لۋ جانگۇڭ، ۋاڭ جىڭۋي، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، ياڭ چۋانتاڭ، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋي، شاۋ حۇڭ، گاۋ يۇنلۇڭ، سونداي - اق ورتالىق اسكەري ىستەر كوميتەتىنىڭ مۇشەلەرى لي زوچىڭ، مياۋ حۋا، جاڭ شىڭمين قاتارلىلار دا ءتوراعالار مىنبەسىنەن ورىن الدى.

　　ورتالىق پەن مەملەكەت ورگاندارىنىڭ قاتىستى تاراۋلارىنىڭ، ازاتتىق ارميانىڭ قاتىستى ورىندارىنىڭ، حالىقتىق ۇيىمداردىڭ قاتىستى جاۋاپتىلارى ماجىلىسكە سىرتتاي قاتىناستى نەمەسە ءماجىلىستى سىرتتاي تىڭدادى.

　　ءار ەلدىڭ جۇڭگوداعى ەلشىلەرى ءماجىلىستى سىرتتاي تىڭدادى.