شينجياڭدا كوكتەم ساياحاتىنىڭ شىمىلدىعى اشىلدى
ءتىلشى جاڭ حايفىڭ 3 - ايدىڭ 16 - كۇنى ۇرىمجىدەن حابارلايدى. كوكتەمنىڭ 3 - ايى، تۇرپاننىڭ ورىك گۇلى اشىلا باستادى. 3 - ايدىڭ 16 - كۇنى تۇرپاننىڭ ورىك گۇلى ساياحاتى باستالدى، بۇل 2019 - جىلعى شينجياڭنىڭ كوكتەم ساياحاتىنىڭ رەسمي باستالعاندىعىن كورسەتەدى.
تۇرپان ويپاتى تيانشاننىڭ وڭتۇستىگى مەن سولتۇستىگى بويىنشا كوكتەمدى ەڭ ەرتە قارسى الاتىن جەر ءارى شينجياڭنىڭ كوكتەمگى گۇل تاماشالاۋ ساياحاتىنداعى ”ءبىرىنشى بەكەت“. جاقىنعى جىلداردان بەرى، موتورلى ۆاگون پويەزىنىڭ قاتىناۋىنا ىلەسە، كوكتەم مەزگىلىندە تۇرپانعا كەلىپ ورىك گۇلىن تاماشالاۋ ۇرىمجىدەگى كوپتەگەن قالا تۇرعىندارىنىڭ سەيىل - سەرۋەن جاڭا سالتىنا اينالدى، ورىك گۇلىن تاماشالاۋ ءبىر كۇندىك ساياحاتى ۇرىمجىدەگى ساياحات سەرىكتەستىكتەرىنىڭ دە كەم بولسا بولمايتىن كوكتەم ساياحات ونىمىنە اينالدى.
”ءبىز 3 - ايدىڭ 16 - كۇنىنەن باستاپ ۇيىرمە ۇيىمداستىردىق، كۇنىنە 3تە 5 ۇيىرمە جىبەرەمىز، وسىلايشا 3 - ايدىڭ سوڭىنا دەيىن جالعاسادى. ساياحاتشىلاردىڭ ساياحات اۆتوبۋزىنا دا، موتورلى ۆاگون پويەزىنا دا وتىرىپ كەلۋىنە بولادى، بارلىعى ءبىر كۇندىك ساپار. قازىرگە دەيىن ساياحاتشىلاردىڭ تىزىمدەلۋ جاعدايى ايتارلىقتاي جاقسى“، - دەدى 3 - ايدىڭ 15 - كۇنى شينجياڭ كروران جينجوۋ ساياحات كووپەراتيۆى بىتىراندى قارجىگەرلەر ءبولىمىنىڭ ديرەكتورى چىن لياڭ تىلشىگە، - ”قازىر تۇرپاننىڭ اۋا تەمپەراتۋراسى ℃20تان استى، كوپتەگەن ورىك گۇلى ءتۇيىن الدى، ورىك گۇلىن الدىن - الا تاماشالاعىسى كەلەتىندەر وسى ءبىر ەكى كۇندە بارسا بولادى، ورىك گۇلىنىڭ اشىلۋىن تاماشالاعىسى كەلەتىندەر تاعى بىرنەشە كۇن كۇتەدى“.
شينجياڭ تيەچيڭ جيارى ساياحات كووپەراتيۆى 3 - ايدىڭ 16 - كۇنى ۇيىرمە ۇيىمداستىرىپتى. ”ءبىز موتورلى ۆاگون پويەزىن تاڭدادىق، مۇندايدا ساياحاتشىلاردىڭ ۋاقىت ۇنەمدەپ، كورىنىس تۇيىندەرىن كوبىرەك تاماشالاۋىنا مۇمكىندىك تۋادى. ورىك گۇلىن تاماشالاعاننان كەيىن، ساياحاتشىلار تۇرپان ەكولوگيالىق اۋىل شارۋاشىلىق عىلىم - تەحنيكا سەيىل - سەرۋەن باقشاسىنا بارىپ، جاسىل ونىمدەرى ۇزۋگە ارالاسا الادى، ءپىشانداعى قۇمتاع شولىنە بارىپ ساياحاتتاۋىنا دا بولادى“، - دەپ تانىستىردى شينجياڭ تيەچيڭ جيارى ساياحات كووپەراتيۆىنىڭ باس ديرەكتورى لي حۇي.
3 - ايدىڭ 15 - كۇنى، ءتىلشى شينجياڭ تيەچيڭ جيارى ساياحات كووپەراتيۆىنەن ءبىر توپ نانجيڭدىق ساياحاتشىعا جولىقتى، ولار 3 - ايدىڭ 16 - كۇنگى تۇرپاندا گۇل تاماشالاۋ ءبىر كۇندىك ساياحات ۇيىرمەسىنە تىزىمدەلىپتى. ”تۇرپان بارىپ كورۋگە تاتيىتىن جەر، وسى ورايدا سول جەردى جاقسىلاپ ءبىر تاماشالاسام دەيمىن“، - دەدى ساياحاتشى چىڭ شينحۋا.
لي حۇي تىلشىگە: بۇرىندارى تۇرپاننىڭ ورىك گۇلىن تاماشالايتىن ساياحاتشىلار، نەگىزىنەن ۇرىمجىدەن باراتىن، سوڭعى 2 جىلدان بەرى، ىشكى وڭىرلەردەن كەلەتىن ساياحاتشىلار دا كوبەيدى“، - دەدى.
”ءبىز 3 - ايدىڭ 23 - كۇنى تۇرپانعا بارىپ ورىك گۇلىن تاماشالاۋعا ارنايى كەزەكشى موتورلى ۆاگون پويەزىن قاتىناتۋدى جوسپارلاپ وتىرمىز، بيىل ساياحاتشىلاردىڭ تىزىمدەلۋ جاعدايى جاقسى. ءىس جۇزىندىك قاجەتكە قاراي، ءبىز ارناۋلى كەزەكشى پويەز قوسۋدى ويلاستىرىپ جاتىرمىز“، - دەدى ءۇرىمجى تەمىر جولى حالىقارالىق ساياحات كووپەراتيۆىنىڭ باس ديرەكتورى حۋاڭ تيڭفىن.
