تيانشان تورابى   ›   جاڭالىقتار   ›   شينجياڭ حابارلارى

رايونىمىز جاڭالىق اشۋ سىناق رايونى قۇرىلىسىن ىلگەرىلەتتى

  ”بەس جەردەگى جەتى باقشا“عا 22 كەلەلى جاڭالىق اشۋ، شارۋاشىلىق قۇرۋ نىسانى ىرگە تەپتى 

  ءتىلشى حى حۇڭۋي 3 - ايدىڭ 16 - كۇنى ۇرىمجىدەن حابارلايدى. ءتىلشىنىڭ اۆتونوميالى رايوندىق عىلىم - تەحنيكا مەڭگەرمەسىنەن ۇعىسۋىنشا، وتكەن جىلدان بەرى رايونىمىز كوپ ءتۇرلى شارانى قاتار قولدانىپ، جىبەك جولى ەكونوميكالىق بەلدەۋى وزەكتى رايونىنىڭ دامۋعا جاڭالىق اشۋ ارقىلى دەم بەرۋ سىناعىن بار كۇشپەن ىلگەرىلەتكەن. قازىرگە دەيىن ”بەس جەردەگى جەتى باقشا“عا 22 كەلەلى جاڭالىق اشۋ، شارۋاشىلىق قۇرۋ نىسانى ىرگە تەۋىپ اتقارىلىپ، 7 سىرتتا جەتىلدىرگىش سالىنىپ، كاسىپ بىرلەستىگى شوعىرىنان ۇشەۋى قۇرىلعان، مەملەكەتتىك كەڭەستىڭ بەكىتۋىمەن ءۇرىمجىنىڭ، سانجىنىڭ، شىحىزىنىڭ 3 جوعارى، جاڭا تەحنيكالىق كاسىپتەردى اشۋ رايونىن مەملەكەتتىك ءوز كۇشىنە سۇيەنىپ جاڭالىق اشۋدان ۇلگى كورسەتۋ رايونى ەتىپ قۇرۋ ماقۇلداندى.

  بىلتىر «شينجياڭنىڭ جاڭالىق اشۋ سىناق رايوندارىنىڭ جالپى تۇلعالىق اتقارۋ جوسپارى (2020 ~ 2018 - جىل)» جاريالانىپ، ”بەس جەردەگى جەتى باقشا“ قۇرۋ الدىمەن جۇرگىزىلدى. ”بەس جەردەگى جەتى باقشا“ دەگەنىمىز ءۇرىمجى قالاسىنداعى، سانجى حۇيزۋ اۆتونوميالى وبلىسىنداعى، شىحىزى قالاسىنداعى، قۇمىل قالاسىنداعى جانە قارامايلى قالاسىنداعى 7 مەملەكەت دارەجەلى جوعارى، جاڭا تەحنيكالىق كاسىپتەردى اشۋ رايونى، ەكونوميكالىق اشۋ رايونى، اۋىل شارۋاشىلىق عىلىم - تەحنيكا باقشا رايونى.

  كاسىپورىنداردىڭ جاڭالىق اشۋ بارىسىنداعى قارجى قۇراۋ، زەرتتەپ اشۋ سياقتى جاقتارداعى ”ولقىلىق“ ماسەلەسىن شەشۋ ءۇشىن، اۆتونوميالى رايوندىق قازىنا جاڭالىق اشۋ سىناق رايونىنىڭ ”جاڭالىق اشۋ، دامۋ قورى“ن قارجى شىعارىپ قۇردى ءارى شينجياڭعا كومەكتەسۋ قارجىسىنا سۇيەنىپ عىلىم - تەحنيكادان، فينانستان قىزمەت وتەۋ جۇيەسى قۇرىلىسىن ۇزدىكسىز كۇشەيتتى. قازىر جۇڭكى شينجياڭعا كومەك قورى 13 جوعارى، جاڭا تەحنيكالىق كاسىپورىنعا قارجى قوستى.

  ”جاڭالىق اشۋشى كاسىپورىنداردى ەڭ ساپالى قىزمەت وتەۋمەن قامداۋ − جاڭالىق اشۋ سىناق رايونىن قۇرۋدىڭ اۋەلگى ماقسات، ول ساياسات، قارجى، تۇعىر بويىنشا قولداۋ كورسەتۋ شارالارى ارقىلى عىلىم - تەحنيكالىق كاسىپورىنداردىڭ ۇزدىكسىز دامىپ ۇلعايۋىنا، ’ءبىر بەلدەۋ، ءبىر جول‘دى بىرگە قۇرۋ ورايىنان پايدالانىپ سىرتقا شىعۋىنا مۇمكىندىك جاسايدى“، - دەدى ءۇرىمجى جوعارى - جاڭا تەحنيكا كاسىپ سالاسىن اشۋ رايونى (جاڭا قالا رايونى) عىلىم - تەحنيكا مەكەمەسىنىڭ باستىعى ليۋ دۇڭۋەي.

  تۇزىمدىك قامتاماسىزداندىرۋ جاعىندا، رايونىمىز «اۆتونوميالى رايوننىڭ عىلىم - تەحنيكا جەتىستىكتەرىن جاڭالاۋدى، كادەگە جاراتۋدى جەبەۋ ارەكەت جوسپارى»ن شىعارىپ، ءبىر قىدىرۋ ساياساتتىق حۇجاتتاردى جانە اتقارۋ پىكىرلەرىن جاساپ، كوپ بولىپ شارۋاشىلىق قۇرۋدى، جالپى جۇمىلا جاڭالىق اشۋدى ىلگەرىلەتىپ، ”تيانشان كوپ بولىپ شارۋاشىلىق قۇرۋ، جالپى جۇمىلا جاڭالىق اشۋ ارەكەتى“ن ىشكەرىلەي اتقارىپ، كاسىپورىنداردىڭ، مەكەمە - ورىنداردىڭ، جوعارى مەكتەپتەردىڭ تەحنيكانى زەرتتەپ اشۋ تۇعىرىن جانە كاسىپتىك تەحنيكادا جاڭالىق اشۋ ستراتەگيالىق بىرلەستىگىن بىرگە قۇرۋىنا قولداۋ كورسەتىپ، دارىندى ەنگىزۋ، اقىل - پاراسات ەنگىزۋ ورتاسىن ۇزدىكسىز جاقسارتىپ، اقىل - پاراسات ەنگىزۋ جەتىستىكتەرىنەن ۇلگى كورسەتۋ، جالپىلاستىرۋ جانە ”قايتالاي ەنگىزۋ“ قىزمەتىن جاقسى ىستەدى؛ جاس دوكتورلاردى ەنگىزۋ جوسپارى، تيانشان جاسامپاز قوسىن جوسپارى سياقتىلاردى تايانىش ەتىپ، جاسامپاز دارىندىلاردى بار كۇشپەن باۋلىدى.

   اۆتونوميالى رايوندىق عىلىم - تەحنيكا مەڭگەرمەسىنىڭ باستىعى جاڭ شياۋلەي بىلاي دەپ تانىستىردى: بيىل اۆتونوميالى رايوندىق عىلىم - تەحنيكا مەڭگەرمەسى دامۋعا جاڭالىق اشۋ ارقىلى دەم بەرۋ ستراتەگياسىن ۇزدىكسىز كۇشەيتىپ اتقارىپ، شينجياڭداعى جاڭالىق اشۋ سىناق رايونىن، ءۇرىمجى - سانجى - شىحىزى مەملەكەتتىك ءوز كۇشىنە سۇيەنىپ جاڭالىق اشۋدان ۇلگى كورسەتۋ رايونى قۇرىلىسىن تەتىك ەتىپ، عىلىم - تەحنيكادا جاڭالىق اشۋدى جانە ءتۇزىلىس - مەحانيزمدە جاڭالىق اشۋدى جەدەل ىلگەرىلەتىپ، جاڭالىق اشۋعا، شارۋاشىلىق قۇرۋعا قولداۋ كورسەتەتىن تاماشا ورتانى كۇش سالا قالىپتاستىرىپ، عىلىم - تەحنيكادا جاڭالىق اشۋ جەتىستىكتەرىنىڭ ورنىقتىلىق پەن دامۋعا اناعۇرلىم ۇتىمدى قىزمەت وتەۋىن جەبەپ، جاڭالىق اشۋ سىناق رايونى مەن ءوز كۇشىنە سۇيەنىپ جاڭالىق اشۋ رايونى قۇرىلىسىن ىشكەرىلەي جەدەلدەتەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • پىشەن شابىلدى
  • چارقىلىق - نيە جوعارى جىلدامدىقتى تاس جول ينجەنەرياسى اياقتادى
  • قاعىر تاۋلار جاسىل جەلەك جامىلىپ، قونىستانۋعا جايلى، كىرىستى ارتتىرۋعا ىڭعايلى بولدى
  • قىشى اتىزىندا جەدەل باپتاۋ جۇرگىزىلۋدە