تيانشان تورابى   ›   جاڭالىقتار   ›   ماڭىزدى حابارلار

«شي جينپيڭ جىڭديڭدا» باسپادان شىقتى

  شينحۋا اگەنتتىگىنىڭ 3 - ايدىڭ 16 - كۇنى بەيجيڭنەن بەرگەن حابارى. جەلىلەس سۇحبات ەستەلىگى − «شي جينپيڭ جىڭديڭدا» جۋىردا جۇڭگو كوممۋنيستىك پارتياسى ورتالىق كوميتەتى پارتيا مەكتەبى باسپاسىنان باسپادان شىعىپ، بۇكىل ەلدە تاراتىلدى.

  1982 - جىلى 3 - ايدان 1985 - جىلى 5 - ايعا دەيىن شي جينپيڭ جولداس حىبەي ولكەسى جىڭديڭ اۋداندىق پارتكومنىڭ ورىنباسار شۋجيى، اۋداندىق پارتكومنىڭ شۋجيى بولىپ، جىڭديڭدا 3 جىلدان استام ۋاقىت قىزمەت ىستەدى. ول جىڭديڭداعى قالىڭ كادر - بۇقارامەن ەتەنە ارالاسىپ، تۇتاس اۋداننىڭ بارلىق قىستاعىن تۇگەل ارالاپ، رەفورما جاساۋدىڭ، ەسىك اشۋدىڭ ءبىرىنشى شەبىندە كۇرەس جاساپ، قىزمەتتەردى جاپپاي ىلگەرىلەتىپ، وراسان زور ساياسي ناتيجەگە، ەلەۋلى ساياسي بەدەلگە يە بولدى. وسى جەلىلەس سۇحبات ەستەلىگى جيىنى 22 ماقالادان قۇرالعان، سۇحبات قابىلداعانداردىڭ اراسىندا ورتالىق كوميتەت ۇيىمداستىرۋ بولىمىندەگى ساقا جولداستار دا، سول كەزدەگى جىڭديڭ اۋداندىق پارتكومنىڭ باسشىلىق القاسىنىڭ مۇشەلەرى دە، سول جىلدارداعى ورگان قىزمەتكەرلەرى مەن وعان تىلشىلىك جاساعان تىلشىلەر دە بار، مۇنان سىرت، كەيبىر قاراپايىم كادر، بۇقارا دا بار. سۇحبات ەستەلىگى سۇحبات قابىلداۋشىلاردىڭ اۋىزشا بايانداۋى ارقىلى شي جينپيڭ جولداستىڭ اۋداندىق پارتكومنىڭ شۋجيى قىزمەت ورنىندا كۇرەس جاساعان كەشىرمەلەرىن جاندى تۇردە قايتا ەلەستەتىپ، پارتياعا ادال، حالىق ءۇشىن ءادىل بيلىك جۇرگىزگەن، ىشكەرىلەي تەكسەرۋ - زەرتتەۋ جاساعان، شىندىققا جۇگىنىپ، ناقتى جۇمىس تىندىرعان، قاجىرلىلىقپەن العا ىلگەرىلەگەن، باتىلدىقپەن جاۋاپكەرشىلىك ارقالاعان تاڭداۋلى جاس كادردىڭ وبرازىن شىنايى ايگىلەدى. شي جينپيڭ جولداس ءوزىنىڭ جۇرەك قانى مەن اشتى تەرى ارقىلى جىڭديڭ دالاسىندا سۇيىسپەنشىلىگى تاسقىنداعان جاستىقتىڭ اسەرلى جىرىن جازدى.

  «شي جينپيڭ جىڭديڭدا» كىتابىنىڭ جازۋ ستيلى قاراپايىم، مازمۇنى ەگجەي - تەگجەيلى، ول − شي جينپيڭ جولداستىڭ پارتيا مەن حالىقتىڭ كوسەمى رەتىندەگى ەسەيۋ، كۇرەس جاساۋ بارىسىن تۇسىنۋدەگى جاندى وقۋلىق، جاڭا داۋىردە باسشى كادرلاردى، اسىرەسە، جاس كادرلاردى جاۋاپكەرشىلىك ارقالاپ، ىسكەرلىك كورسەتۋگە شابىتتاندىرۋداعى جاندى وقۋلىق، وقىساڭىز رۋحىڭىز تاسقىندايدى، قىزمەتىڭىزگە تىڭ وي سالادى.
 

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى