باس شۋجيدىڭ ماڭىزدى ءسوزىنىڭ رۋحىن ساياسي كەڭەس قىزمەتىن ىلگەرىلەتۋدىڭ قۇدىرەتتى قوزعاۋشى كۇشىنە اينالدىرايىق
ءتىلشى ميھىرگۇل عوپۇر 3 - ايدىڭ 17 - كۇنى ۇرىمجىدەن حابارلايدى. 3 - ايدىڭ 14 - كۇنى تۇستەن كەيىن اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ (كەڭەيتىلگەن) ءماجىلىسىن اشىپ جانە نازاريا ۇيرەنۋ وزەكتى گرۋپپاسىنىڭ توپتىق ۇيرەنۋىن وتكىزىپ، باس شۋجي شي جينپيڭنىڭ مەملەكەتتىك ەكى ءماجىلىس كەزىندە سويلەگەن ماڭىزدى ءسوزىنىڭ رۋحىن، مەملەكەتتىك ساياسي كەڭەس 13 - كەزەكتى كوميتەتىنىڭ 2 - ءماجىلىسىنىڭ رۋحىن، ت. ب جەتكىزدى، ۇيرەندى.
اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ شۋجيى، ءتوراعا نۇرلان ءابىلماجىن ۇلى ءماجىلىستى باسقاردى ءارى ءسوز سويلەدى.
ءماجىلىس مىنالاردى باسا دارىپتەدى: باس شۋجي شي جينپيڭنىڭ مەملەكەتتىك ەكى ءماجىلىس كەزىندە سويلەگەن ماڭىزدى ءسوزىنىڭ رۋحىن ويداعىداي ۇيرەنۋدى، ويداعىداي ۇگىتتەۋدى، ويداعىداي دايەكتىلەندىرۋدى قازىرگى جانە مۇنان بىلايعى ءبىر مەزگىلدەگى كەلەلى ساياسي مىندەت ەتىپ، كوپ ءتۇرلى تاسىلدەرمەن ءسوزدىڭ رۋحىن پارتيا مۇشەلەرىنە، كادرلارعا دەرەۋ جەتكىزىپ، جەتە ۇيرەنۋگە، ساناعا ۇيالاتۋعا كەپىلدىك ەتۋ كەرەك. يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن شىن مانىندە بىرلىككە كەلتىرىپ، ”ءتورت تانىم“دى بەرىك ورناتىپ، ”ءتورت سەنىم“دى بەكەمدەپ، ”ەكىنى قورعاۋ“دى باتىل ورىنداپ، ۇيتقىنى قورعاۋ، وزەككە قىزمەت ەتۋ، جۇرت تىلەگىن توعىستىرۋ بورىشتىلىق سەزىمى مەن جاۋاپكەرشىلىك سەزىمىن ۇزدىكسىز كۇشەيتىپ، باس شۋجيدىڭ ماڭىزدى ءسوزىنىڭ رۋحىن ساياسي كەڭەس قىزمەتىنىڭ جاڭالىق اشا دامۋىن ىلگەرىلەتۋدىڭ قۇدىرەتتى قوزعاۋشى كۇشىنە شىن مانىندە اينالدىرىپ، ونىمدىلىككە يە مىندەت اتقارۋ امالياتى ارقىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تۇبەگەيلى تياناقتانۋىن ىلگەرىلەتۋ كەرەك.
ءماجىلىس مىنالاردى تالاپ ەتتى: ساياسي كەڭەس قىزمەتىنىڭ ءىس جۇزىندىگىن شىعار ءتۇيىن ەتىپ، مەملەكەتتىك ساياسي كەڭەس 13 - كەزەكتى كوميتەتىنىڭ 2 - ءماجىلىسىنىڭ رۋحىن دەن قويا دايەكتىلەندىرىپ، تياناقتاندىرىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، حالىق ساياسي كەڭەسىنىڭ سيپاتىن، ورنىن ءداپ باسىپ يگەرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن مىقتاپ ارقاۋ ەتىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ مىندەتتى اتقارىپ، جاۋاپكەرشىلىكتى وتەۋ كەرەك. نازاريا ۇيرەنۋدى اناعۇرلىم كورنەكتى ورىنعا قويىپ، ۇيرەنۋدى ارداقتاپ، ۇيرەنۋدى كۇشەيتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋ اڭگىمە ءماجىلىسى ءتۇزىمىن ويداعىداي تياناقتاندىرىپ، يدەيالىق، ساياسي جاقتان جەتەكتەۋ نەگىزگى شەبەرلىگىن ۇزدىكسىز كۇشەيتۋ كەرەك. دەموكراتيانى ساۋلەلەندىرۋ مەن ىنتىماقتى نىعايتۋدىڭ ءوزارا توعىسۋىنا، سىندارلى اقىل - كەڭەس بەرۋ مەن ورتاق تانىمدى ۇيىستىرۋ سىندى قوس باعىتتا كۇش سالۋعا تاباندى بولىپ، اۆتونوميالى رايوندىق پارتكومنىڭ ”1 + 3 + 3 + رەفورما جاساۋ، ەسىك اشۋ“ قىزمەت ورنالاستىرۋىن ارقاۋ ەتىپ، تەبىندى، قۇندى جوعارى ساپالى اقىل - كەڭەس ناتيجەلەرىن قۇلشىنا قالىپتاستىرىپ، اقىل - پاراسات پەن كۇش - قۋاتتى قوعام ورنىقتىلىعىن قورعاۋعا، ەكونوميكانىڭ جوعارى ساپالى دامۋىن ىلگەرىلەتۋگە ۇيىستىرىپ، ءبىر نيەت، ءبىر تىلەكپەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرۋدىڭ، تياناقتاندىرۋدىڭ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ قۇدىرەتتى بىرىككەن كۇشىن قالىپتاستىرۋ كەرەك. ىنتىماق، بىرلەسكەن دوستىق قىزمەتىن كۇشەيتىپ، دەموكراتيالىق پارتيا - توپتاردىڭ، ساۋدا - ونەركاسىپشىلەر بىرلەستىگىنىڭ جانە پارتيادا، توپتا جوق قايراتكەرلەردىڭ ساياسي كەڭەستە مىندەت اتقارۋىنا شارت - جاعداي جاساپ، ۇلتتار ىنتىماعى جانە ءدىن جاراسىمدىلىعى سىندى وسى ەڭ ۇلكەن بۇقارالىق قىزمەتتى ىشكەرىلەي، باياندى ويداعىداي ىستەپ، باس نىسانانى جۇزەگە اسىرۋعا ورتاق تانىمدى بارىنشا ۇيىستىرىپ، كۇش - قۋاتتى توپتاۋ قاجەت. جاڭالىق اشۋدى ارداقتاپ، باتىلدىقپەن جاڭالىق اشىپ، مەملەكەتتىك ساياسي كەڭەستىڭ ايقىن داۋىرلىك ەرەكشەلىككە يە ناقتى ءىس تىندىرۋ شاراسىنان ۇيرەنىپ، ۇلگى الىپ، ينتەرنەتتە ۇكىمەت ءىسىن كەڭەسۋ، ۇسىنىس جوبالاردى جاقسارتۋ، سالالاردىڭ ارتىقشىلىعىن ساۋلەلەندىرۋ، مۇشەلەردىڭ مىندەت اتقارۋ قابىلەتىن ءوسىرۋ سياقتى جاقتاردا بەلسەنە ىزدەنىس جاساپ، اۆتونوميالى رايوندىق ساياسي كەڭەس قىزمەتىنىڭ جاڭا ءداۋىردىڭ اياق الىسىنا ىلەسۋىنە مۇمكىندىك جاساۋ ءتيىس.
ءماجىلىس تاياۋ مەزگىلدەگى ءتۇيىندى قىزمەتتەرگە ورنالاستىرۋ جاسادى.
اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ ورىنباسار شۋجيى، ورىنباسار ءتوراعا چىڭ جىنشان، پارتيا باسشىلىق گرۋپپاسىنىڭ مۇشەلەرى، ورىنباسار ءتوراعالار ءجۇرات يمىن، ءمۇتالىپ وبۇل، ءيلھام سابىر، ما شيۇڭچىڭ ماجىلىسكە قاتىناستى.
