− جاڭادان وزگەرىس ەنگىزىلگەن «پارتيا، ۇكىمەت باسشى كادرلارىن تاڭداپ ءوسىرۋ، مىندەتكە قويۋ قىزمەت ەرەجەسى» جاريالانىپ، اتقارىلۋى بايلانىسىمەن
شينحۋا اگەنتتىگىنىڭ ءتىلشىسى
بولاشاقتىق ۇلى ىستەردىڭ تەتىگى ادام ىستەتۋدە.
پارتيا 18 - قۇرىلتايىنان بەرى شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، كادرلار قىزمەتى تاڭداۋلى داستۇرگە مۇراگەرلىك ەتۋ نەگىزىندە كونەنى جويىپ، جاڭانى ورناتۋ بارىسىندا كۇن سايىن كەمەلدەنىپ، جاڭا بەينەنى ايگىلەپ، جاڭا ناتيجەگە جەتتى.
جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋدىڭ شەشۋشى مەزگىلىندە، جاڭادان وزگەرىس ەنگىزىلگەن «پارتيا، ۇكىمەت باسشى كادرلارىن تاڭداپ ءوسىرۋ، مىندەتكە قويۋ قىزمەت ەرەجەسىنىڭ» رەسمي جاريالانىپ اتقارىلۋى قالىڭ كادرلار مەن بۇقارانىڭ نازارىن اۋداردى جانە قىزۋ تالقىسىنا اينالدى.
داۋىرمەن بىرگە ىلگەرىلەگەن زاڭ ەرەجەدە، تۇزىمدە ءداۋىردىڭ تىنىسى ايگىلەنەتىنى، امالياتتىڭ تاڭباسى باسىلاتىنى تابيعي. كەزەكتە جۇڭگوشا سوتسياليزم جاڭا داۋىرگە ءوتتى، كادرلاردى تاڭداپ ءوسىرۋ، مىندەتكە قويۋ قىزمەتىنىڭ نەگىزگى بويسۇنۋ ولشەمى رەتىندە جاعدايدىڭ، مىندەتتىڭ وزگەرىسىنە ساي وزگەرىس ەنگىزىلگەن ەرەجە − پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كادرلار قىزمەتىنە جەتەكشىلىك ەتىپ، نازاريادا، امالياتتا، تۇزىمدە جاڭالىق اشۋىنداعى قورىتىندىسى، دەڭگەيىنىڭ جوعارىلاۋى، تاريحقا بولعان جاۋاپكەرشىلىك ارقالاۋى ءارى ىسكە جانە كادرلارعا جاۋاپتى بولۋى.
بۇل رەتكى ەرەجەگە وزگەرىس ەنگىزۋ قىزمەتى 2018 - جىلى 3 - ايدا رەسمي باستالدى، ءبىر جىل ۋاقىت جۇمسالدى. وزگەرىس ەنگىزۋ بارىسىندا شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جانە پارتيا 19 - قۇرىلتايىنىڭ، ۇيىمداستىرۋ قىزمەتى جونىندەگى مەملەكەتتىك ءماجىلىستىڭ جاڭا داۋىردەگى كادرلار قىزمەتى جونىندە جاساعان ناقتى بايىمداۋلارى، ورتاعا قويعان ايقىن تالاپتارى وزگەرىس ەنگىزۋ قىزمەتىنىڭ نىساناسىن ايقىندادى، بەتالىسىن اشالادى. ءار دارەجەلى پارتكومدار (پارتيا باسشىلىق گرۋپپالارى) جانە ونىڭ ۇيىمداستىرۋ، كادرلار ءىسى تاراۋلارى باس شۋجي شي جينپيڭنىڭ ماڭىزدى نۇسقاۋلارىن، تالاپتارىن ىشكەرىلەي ۇيرەنىپ، دايەكتىلەندىرىپ، ادام تاڭداۋدا، ادام ىستەتۋدە بەلگىلەمەگە قاتاڭ بويسۇنۋمەن بىرگە، نازاردى بۇرىن شەشۋدى ويلاساق تا شەشىلمەي كەلگەن قيىن ماسەلەلەرگە شوعىرلاندىرىپ، اسا كوپ ونىمدىلىككە يە ءادىس - شارا جونىندە ىزدەنىس جاسادى، كادرلار قىزمەتى ”توركىنىن تۇزەپ، قاينارىن تازارتتى، تەگىنە ورالدى“، ادام تاڭداۋدىڭ، ادام ىستەتۋدىڭ ساپاسى مەن دەڭگەيى ۇزدىكسىز جوعارىلاپ، وزگەرىس ەنگىزۋ قىزمەتى امالياتتىڭ قۇنارلى توپىراعىنا تەرەڭ تامىر تارتىپ، قاينار كوزگە يە بولدى.
پارتيانىڭ جالپى بەتتىك باسشىلىعىن كۇشەيتىپ، پارتيا كادرلاردى باسقارۋعا، ۇيىم ادام تاڭداۋعا تاباندى بولىپ، ءار دارەجەلى باسشىلىق ۇقىقتى پارتيا مەن حالىققا ادال ادامداردىڭ مىقتاپ مەڭگەرۋىنە كەپىلدىك ەتتى
پارتيا، ۇكىمەت، ارميا، حالىقتىق قۇرىلىمدارعا، عىلىم - ءبىلىم سالاسى سياقتى بارلىق سالاعا جانە بارلىق جەرگە پارتيا باسشىلىق ەتەدى. پارتيانىڭ باسشىلىعى جۇڭگوشا سوتسياليزمنىڭ ەڭ ماندىك ەرەكشەلىگى ءارى جۇڭگو ەرەكشەلىگىنە يە كادرلار، كادرلار ءىسى قىزمەتىنىڭ ءتۇبىرلى تالابى، ايقىن قاسيەتى، ەرەجەنى ءوز ىشىنە العان ءتۇرلى زاڭ ەرەجە، تۇزىمدەردىڭ ماڭىزدى مازمۇنى.
پارتيانىڭ تاريحىنا قايىرىلا قارايتىن بولساق، پارتيانىڭ باسشىلىعى قاي ۋاقىتتا پارمەندى، تەبىندى بولسا، پارتيا مەن حالىق قاجەت ەتكەن جاقسى كادرلار جان - جاقتى مولىنان شىققاندىعىن؛ پارتيانىڭ باسشىلىعى قاي ۋاقىتتا السىرەسە، ادام تاڭداۋدا، ادام ىستەتۋدە بۇرىس ستيل جارىققا شىعىپ، ورشىگەندىگىن كورۋگە بولادى. مىنانى دا كورە بىلگەن ءجون: وتكەن ءبىر مەزگىلدە ءبىر ءبولىم ورىنداردىڭ ادام تاڭداۋ، ادام ىستەتۋ قىزمەتىندە پارتيانىڭ باسشىلىعىن السىرەتۋ، كومەسكىلەندىرۋ، سولعىنداتۋ ماسەلەسى جارىققا شىعىپ، كورسەتۋ بەلەتىنە، ەمتيحان ناتيجەسىنە، GDPعا جانە جاسىنا اسىرە ءمان بەرۋ ادام ىستەتۋدىڭ دۇرىس بەتالىسىنىڭ ويداعىداي ايگىلەنبەۋىن جارىققا شىعارىپ، ناشار نىسايدىڭ بارعان سايىن ءورشىپ، بەلەت جيۋ ارەكەتىنىڭ ايلا - شارعىسى كوبەيىپ، تيداۋ سالسادا تيىلماي، پارتيا ستيلىنە، ۇكىمەت ستيلىنە داق سالدى.
ماسەلە ءداۋىردىڭ ءۇنى. ءداۋىردىڭ ۇنىنە سايكەسىپ، ءداۋىر اعىمىنا جەتەكشىلىك ەتۋدە، ءسوز جوق، ماسەلەگە بەتپە - بەت كەلۋگە، ماسەلەنى شەشۋگە باتىلدىق ەتۋ كەرەك.
”پارتيانىڭ باسشىلىعى مەن دەموكراتيانىڭ تولىق ساۋلەلەنۋىن ۇشتاستىرۋدى كۇشەيتىپ، پارتيا ۇيىمىنىڭ كادرلاردى تاڭداپ ءوسىرۋ، مىندەتكە قويۋ قىزمەتىندەگى باسشىلىعىن جانە وتكەلدى مەڭگەرۋ رولىن ساۋلەلەندىرۋ كەرەك“، ”ەگەر باسشىلىق القاسى، ارناۋلى قىزمەتكە جاۋاپتى باسشى جانە ۇيىمداستىرۋ تاراۋلارى قايسى كادردىڭ مىقتى، قايسى كادردىڭ ءالسىز ەكەندىگىن ايتىپ بەرە الماسا، وندا جاۋاپكەرشىلىگىن وتەمەگەندىگى“... پارتيا كادرلاردى باسقارۋ پرينسيبىنە تاباندى بولىپ، پارتيا ۇيىمدارىنىڭ ادام تاڭداۋدا، ادام ىستەتۋدە وتكەلدى مەڭگەرۋ، بەتالىستى تۇراقتاندىرۋ رولىن ساۋلەلەندىرۋ جونىندە باس شۋجي شي جينپيڭ جاساعان ءبىر قىدىرۋ ماڭىزدى بايىمداۋلار سانانى سەرپىلتىپ، ادامداردى تەرەڭ ويعا سالادى.
بالىق تورى جايىلسا، تور كوزى اشىلادى، ءبىر مازمۇن شەشىلسە، بارلىق مازمۇن ايقىندالادى. باس شۋجيدىڭ ماڭىزدى بايىمداۋى شەشۋشى جانە ماڭىزدى تۇيىندەردى يگەرىپ، كادرلار قىزمەتىن كۇن شۋاعىنا بولەدى، جاماندىقتى تيىپ، جاقسىلىقتى دارىپتەدى، بۇرىستى تۇزەپ، دۇرىستى قولدادى. پارتيا 18 - قۇرىلتايىنان بەرى ءار دارەجەلى پارتكومدار (پارتيا باسشىلىق گرۋپپالارى) جانە ونىڭ ۇيىمداستىرۋ، كادرلار ءىسى تاراۋلارى باس شۋجيدىڭ نۇسقاۋىن، تالاپتارىن مۇقيات ۇيرەنىپ، ءتۇسىنىپ، پارتيانىڭ جالپى بەتتىك باسشىلىعىنا تاباندى بولۋدى جانە ونى كۇشەيتۋدى ارقاۋ ەتىپ، كادرلار قىزمەتىندەگى قيىن ماسەلەلەردى كۇش سالا شەشىپ، كادرلار قىزمەتىندە كورنەكتى ىلگەرىلەۋشىلىككە قول جەتۋىن، كەلەلى وزگەرىس بولۋىن ىلگەرىلەتتى.
− دەموكراتيالىق كورسەتۋدى جاقسارتىپ، ”تەك بەلەتكە قاراۋ“ ماسەلەسىن ادا - كۇدە شەشتى. دەموكراتيالىق كورسەتۋ يقۋاتىنىڭ ورنىن قايتادان تۇراقتاندىرىپ، دەموكراتيالىق كورسەتۋدىڭ ءتيىستى رولىن اناعۇرلىم جاقسى ساۋلەلەندىردى.
− باسەكەمەن تاڭداپ ءوسىرۋ جاقسارىپ، ”تەك نومىرگە قاراۋ“ ”تيىلۋعا“ قاراي بەت الدى. باسەكەمەن تاڭداپ ءوسىرۋ كولەمىن ۇيلەسىمدى تۇراقتاندىرىپ، ونى كادرلاردى تاڭداپ وسىرۋدەگى باستى ءتاسىل، اۋەلى، بىردەن - ءبىر ءتاسىل ەتۋگە بولمايتىندىعىن، باسەكەمەن تاڭداپ ءوسىرۋدىڭ دۇركىن سانى مەن سالىستىرماسىن وزگەرمەستەي ەتىپ بەلگىلەۋگە بولمايتىندىعىن ايقىندادى.
− باعالاۋ قىزمەتىن كەمەلدەندىرىپ، ”تەك GDPعا قارايتىن“ قىزمەت ناتيجەسى كوزقاراسىنا تۇبىرىنەن بۇرىلىس جاسادى. كادرلاردىڭ قىزمەت ناتيجەسىن باعالاۋدى جاقسارتۋ جونىندە حۇجات شىعارىپ، ەكونوميكانىڭ ارتۋ قارقىنى مەن كادرلاردىڭ ءمورالى، قابىلەتى، ىسكەرلىگى، ناتيجەسى، پاكتىگى اراسىنا جاي عانا تەڭدىك بەلگىسىن قويۋعا بولمايتىندىعىن باسا دارىپتەپ، تەك قانا GDP ارقىلى مىقتىلىقتى كورسەتۋدىڭ الدىن الدى.
− قارت، ورتا جاس، جاس ساتىسى بويىنشا دايىنداۋعا باسا ءمان بەرىپ، ”تەك جاسقا قاراۋ“ ماسەلەسىن ءونىمدى شەشۋدى ىلگەرىلەتتى. جاس كادرلاردى ۇدايىلانعان جولمەن دايىنداۋ نىساناسىن ءبىر تۇتاس ورتاعا قويىپ، كادرلار بايلىعىنىڭ ساپالى ورنالاسۋىن جەبەپ، كادرلار قوسىنىنداعى قارت، ورتا جاس، جاس كادرلاردىڭ ارىندى، بولاشاقتى بولۋىنا مۇمكىندىك جاسادى.
...
ۇشقالاقتىق ازايدى، تاباندىلىق كوبەيدى. كادرلار مەن بۇقارا وسى جىلداردان بەرى كادرلار قىزمەتىندەگى ەڭ كورنەكتى ناتيجە − تۋى ايقىن تۇردە پارتيانىڭ باسشىلىعىنا تاباندى بولۋ ەكەندىگىن، ”ءتورتتى عانا ولشەم ەتۋ“ سىڭايى باتىل تۇزەتىلسە، كادرلاردىڭ مۇنان كەيىن ەندىگارى ”بەلەت“، ”ءنومىر“، GDP، جاس ءۇشىن باس قاتىرمايتىندىعىن جاپپاي اڭىس ەتتى. اسىرەسە، 19 - كەزەكتى ”ەكى كوميتەت“ كانديداتتارىن تەكسەرۋ جانە ولكەنىڭ، قالانىڭ، اۋداننىڭ، اۋىلدىڭ باسشىلىق القاسىنىڭ كەزەك اۋىستىرۋ قىزمەتىندە پارتيانىڭ باسشىلىعى مەن دەموكراتيانى تولىق ساۋلەلەندىرۋدى ۇشتاستىرۋعا تاباندى بولىپ، كورسەتۋ تاسىلىندە ”ماجىلىستە جاپپاي كورسەتۋ“، ”بەلەتكە ايىرىپ، بەلگى سالۋ“ جايتىن ىستەمەي، ونىڭ ورنىنا ىشكەرىلەي سويلەسىپ، تەكسەرۋ - زەرتتەۋ جۇرگىزىپ، وسى نەگىزدە پايدالانۋ ءتىزىمىن ورتاعا قويىپ، ونان كەيىن ماجىلىستە كورسەتتى؛ تەكسەرۋدى، سويلەسۋدى ءبىر بۋىننان جالپى بارىسقا كەڭەيتىپ، سويلەسۋ كولەمىن اناعۇرلىم كەڭەيتىپ، سويلەسۋ مازمۇنىن اناعۇرلىم تەرەڭدەتىپ، حالىق تىلەگىن بەينەلەۋدىڭ كەڭ كولەمدىلىك سيپاتىن، ناقتىلىق سيپاتىن، ونىمدىلىك سيپاتىن كورنەكتى جوعارىلاتتى. ”كادرلاردىڭ كوڭىل كۇيى وتە ورنىقتى بولدى، باسشىلاردىڭ اينالاسى وتە تىنىش بولدى، قوعامدىق اڭىس وتە جىم - جىلاس بولدى“، كوپتەگەن كادرلار مەن بۇقارا كەزەك اۋىستىرۋ قىزمەتىن مىنە وسىلاي تولىق تۇراقتاندىردى.
جاڭادان وزگەرىس ەنگىزىلگەن ەرەجە پارتيانىڭ باسشىلىعىن كۇشەيتۋدى، پارتيا كادرلاردى باسقارۋ پرينسيبىنە تاباندى بولۋدى اناعۇرلىم تەرەڭدەتتى جانە جۇيەگە ءتۇسىردى، ۇسىنىس - تالاپتاردى تولىقتىردى، دەموكراتيالىق كورسەتۋ ءتارتىبىن رەتتەدى، دەموكراتيالىق ورتالىقتاندىرۋ ءتۇزىمىنىڭ قاتىستى مازمۇنداردى قاتاڭ دايەكتىلەندىرۋدى، اتقارۋدى كورنەكتىلەندىردى، پارتيانىڭ باسشىلىعى تالداۋ جاساۋ، تۇجىرىمداۋ جانە ۇسىنىس بەرۋ، دەموكراتيالىق كورسەتۋ، تەكسەرۋ، تالقىلاۋ، ۇيعارۋ، مىندەتكە قويۋ سياقتى ءارقايسى بۋىن، سونداي - اق زاڭ بويىنشا كورسەتۋ، اتىن اتاۋ سياقتى ءتۇرلى قىزمەتتەرگە اناعۇرلىم توعىستىرىلىپ، پارتيا كادرلاردى باسقارۋ پرينسيبىنە اناعۇرلىم ويداعىداي تاباندى بولۋعا مۇمكىندىك جاساپ، پارتيانىڭ باسشىلىعى مەن وتكەلدى مەڭگەرۋ، بەتالىستى تۇراقتاندىرۋ رولىن تولىق ايگىلەدى. اسىرەسە، سويلەسۋ، تەكسەرۋ - زەرتتەۋ ارقىلى كورسەتۋ، ماجىلىستە كورسەتۋ ءتارتىبىن جاقسارتىپ، ايىرىم ءوسىرۋدىڭ، مىندەتكە قويۋدىڭ جانە دەموكراتيالىق كورسەتۋدەن اناعۇرلىم پايدالانۋدىڭ يكەمدىلىگىن كۇشەيتىپ، اشىق تاڭداپ ءوسىرۋ مەن باسەكەمەن قىزمەت ورنىنا شىعۋدىڭ سالماعىنا رەتتەۋ جۇرگىزىپ، ورتالىقتىڭ جاڭا تالاپتارىن پارمەندى دايەكتىلەندىرىپ، شىندىقتى ءىس جۇزىنەن ىزدەۋ رۋحىن ايگىلەدى، ول وتە كۇشتى باعىتتامالىلىق سيپاتقا جانە جەتەكشىلىك سيپاتقا يە، كادرلاردى تاڭداپ ءوسىرۋ، مىندەتكە قويۋ قىزمەتىنىڭ ساپاسىن جوعارىلاتۋعا، جاقسى ادامدى تاڭداۋعا، جاقسى ادامدى ىستەتۋگە بەرىك كەپىلدىك ازىرلەدى.
جاڭا داۋىردەگى جاقسى كادر ولشەمىن ايقىن العا قويىپ، ساپانى جەتىلدىرۋ جۇيەسى قۇرىلىسىن بەلسەنە ىلگەرىلەتىپ، كادرلاردىڭ تولىسۋ بەتالىسىن اناعۇرلىم ايقىندادى، جولىن اناعۇرلىم جاقسارتتى
ساياسي لۋشيان بەلگىلەنگەننەن كەيىن، كادرلار شەشۋشى فاكتور بولادى. 2013 - جىلى 6 - ايدىڭ 28 - كۇنى ۇيىمداستىرۋ قىزمەتى جونىندەگى مەملەكەتتىك ماجىلىستە باس شۋجي شي جينپيڭ پارتيا مەن حالىق قاجەت ەتەتىن جاقسى كادرلاردى باۋلۋعا، تاڭداپ وسىرۋگە كۇش سالۋ جونىندە ارناۋلى تەرەڭ بايىمداۋ جاساپ، تۋى ايقىن تۇردە جاڭا داۋىردەگى جاقسى كادر ولشەمىن العا قويدى. وسىدان كەيىن باس شۋجي تاعى دا ”ۇشتە قاتاڭ، ۇشتە شىنايى بولۋ“، ادال، پاك بولۋ، جاۋاپكەرشىلىكتى ارقالاۋ، ”ءتورت بولۋ“، ”ءتورت قۇرىشتاي بولۋ“، ”بەستە ىسىلۋ“ سياقتى تالاپتاردى ىشكەرىلەي العا قويدى. جاڭا داۋىردەگى جاقسى كادر ولشەمىنىڭ ورتاعا قويىلۋى ءارى ۇزدىكسىز اشالانۋى، شىنايىلانۋى، ناقتىلانۋى ۇيىمنىڭ ادام تاڭداۋىنا بۇيسۇنۋ ولشەمىن ازىرلەۋمەن بىرگە، ۇيىمنىڭ ادام تاربيەلەۋىنىڭ ماڭىزدى ءتۇيىنىن دە ايقىندادى، ونان دا ماڭىزدىسى، كادرلاردىڭ ءوز باسىندىق ەسەيىپ - ەرجەتۋىنە ايقىن بەتالىس كورسەتتى.
نازاريادا سەرگەك بولعاندا عانا، ساياسيدا سەرگەك بولۋعا بولادى، نازاريادا تاباندى بولعاندا عانا، ساياسيدا تاباندى بولۋعا بولادى. پارتيا 18 - قۇرىلتايىنان بەرى ورتالىق كوميتەتتىڭ ۇيىمداستىرۋ ءبولىمى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى كادرلاردى تاربيەلەۋدەگى، تاڭداپ وسىرۋدەگى ماڭداي الدى ساياسي مىندەت ەتىپ، پارتيا ورتالىق كوميتەتىنىڭ تالاپتارىنا ساي، جاڭادان كىرگەن ورتالىق كوميتەت مۇشەلەرىنە، كانديدات مۇشەلەرىنە جانە ولكە، مينيستر دارەجەلى نەگىزگى باسشى كادرلارعا ارناۋلى تاقىرىپتىق ۇيرەنۋ، زەرتتەۋ - تالقى كۋرسىن ۇيىمداستىرىپ، اۋدان، باسقارما دارەجەلىدەن جوعارى باسشى كادرلاردى شوعىرلى تاربيەلەۋدى ويداعىداي يگەرىپ، ىلگەرىندى - كەيىندى 2 رەت كادرلاردى تاربيەلەۋ، باۋلۋ جوباسىن جاساپ، مەملەكەتتىك كادرلاردى تاربيەلەۋ، باۋلۋ قىزمەت جينالىسىن اشىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ساباق جۇيەسى، وقۋلىق جۇيەسى، ءپان جۇيەسى قۇرىلىسىن ىلگەرىلەتتى. جەر - جەر، تاراۋلار جەتە ۇيرەنۋدى، جەتە يگەرۋدى، شىنايى تياناقتاندىرۋدى كورنەكتىلەندىرىپ، وزەكتى ۇيرەنۋ گرۋپپاسىنىڭ ۇيرەنۋى، توپتىق ۇگىت - لەكسيا، كادرلاردى كەزەكپەن باۋلۋ، ارناۋلى تاقىرىپتىق زەرتتەۋ - تالقى سىندى ءتۇرلى تاسىلدەردى جالپى بەتتىك قولدانىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ىشكەرىلەي ءورىس الۋىن، ناقتىلانۋىن، جۇرەكتەردەن ورىن الۋىن ىلگەرىلەتتى.
مۇرات - سەنىم كادرلاردىڭ رۋحاني ”كالتسيى“. تاياۋ جىلداردان بەرى، پارتيا ورتالىق كوميتەتى ءتۇبىردى بەكەمدەپ، نەگىزدى جەتىلدىرۋگە تاباندى بولىپ، يدەيالىق قۇرىلىسقا، ساياسي قۇرىلىسقا وسكەلەڭ ءمان بەرىپ، ىلگەرىندى - كەيىندى پارتيانىڭ بۇقارالىق لۋشيان تاربيەسى جانە امالياتتىق قيمىلىن، ”ۇشتە قاتاڭ، ۇشتە شىنايى بولۋ“ تاقىرىپتىق تاربيەسىن، ”ەكىنى ۇيرەنۋ، بىردە تولىمدى بولۋ“ ۇيرەنۋ تاربيەسىن ورنالاستىرىپ ورىستەتتى، قالىڭ كادرلار تەرەڭ يدەيالىق تازارۋ جانە پارتيالىق تاربيە قابىلدادى. كەلەسى قادامدا پارتيا 19 - قۇرىلتايىنىڭ ورنالاستىرۋىنا ساي، ”اۋەلگى ماقساتتى ۇمىتپاي، بورىشتى ەستە بەرىك ساقتاۋ“ تاقىرىپتىق تاربيەسى جاپپاي ورىستەتىلەدى. بۇل قالىڭ كادرلاردى جاڭا ءداۋىردىڭ تالىقپاس كۇرەسكەرى بولۋعا تالپىنۋعا جۇمىلدىرۋ، باستاۋ جونىنەن كەلەلى ءمان الادى.
”ءمورال − دارىننىڭ تىزگىنى، دارىن − ءمورالدىڭ نەگىزى“. باسشى كادرلار جونىنەن ايتقاندا، ساياسيدا ىسىلعاندا عانا، قادامى ورنىقتى، ارەكەتى الۋەتتى بولادى، ونەرى ۇستەم بولعاندا عانا، اۋىر مىندەت ارقالاپ، الىستارعا جەتە الادى. پارتيا 18 - قۇرىلتايىنان بەرى باس شۋجي شي جينپيڭ كادرلار قوسىنىنداعى قابىلەت جەتىسپەۋ، ”ونەر ۇرەيى“ ماسەلەلەرىن جەڭۋ كەرەك دەگەندى قايتالاي باسا دارىپتەپ كەلەدى. پارتيا ورتالىق كوميتەتىنىڭ تالابىنا ساي، ءبىر جاعىنان، ءار دارەجەلى پارتيا ۇيىمدارى پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن مىقتاپ ارقاۋ ەتىپ، ناقتى دا جارامدى ماماندانعان كۋرستاردى ورىستەتتى؛ ەندى ءبىر جاعىنان، ورتالىقتاعى ورىندارداعى جانە ەكونوميكاسى دامىعان وڭىرلەردەگى تاڭداۋلى كادرلاردى كەدەيلىكتەن ارىلتۋدان قامال الۋدىڭ ءبىرىنشى شەبىنە بارىپ اۋىر مىندەت ارقالاۋعا بەلسەندىلىكپەن تاڭداپ جىبەرىپ، كادرلاردىڭ شيزاڭعا كومەكتەسۋ، شينجياڭعا كومەكتەسۋ، چيڭحايعا كومەكتەسۋ قىزمەتىن ۇزدىكسىز كەمەلدەندىرىپ، تاڭداۋلى كادرلاردى جاپالى شەت - شالعاي وڭىرلەر، شيۇڭ - ان جاڭا رايونى جانە حاينان ەركىن ساۋدا پورتى قۇرىلىسى سياقتى رەفورمانىڭ الدىڭعى شەپتەرىنە بارىپ شىنىعۋعا، شىڭدالۋعا تاڭداپ جىبەردى.
جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن، تۇپتەپ كەلگەندە، سان ۇرپاق سەنىمدى ءىزباسارلاردى جەتىلدىرۋ، تۇلعالاۋ كەرەك. تاڭداۋلى جاس كادرلاردى بار كۇشپەن بايقاۋ، تاڭداپ ءوسىرۋ − پارتيانىڭ ىستەرىن ۇرپاقتار بويى جالعاستىرۋعا، مەملەكەتتىڭ باياندى تىنىشتىعىنا ساياتىن ءتۇبىرلى جوسپارى. پارتيامىز ەجەلدەن كادرلار قوسىنىن قاينارىنان جەتىلدىرۋگە، جاس - ساقا كادرلار اراسىنداعى سەلبەستىك پەن ورىن باسۋعا وسكەلەڭ ءمان بەرىپ كەلەدى. تاڭداۋلى جاس كادرلاردى جەتىلدىرۋ، تاڭداپ ءوسىرۋ قىزمەتى اڭگىمە ءماجىلىسىن اشۋدان جاس كادرلاردى ۇدايىلاندىرىپ دايىنداۋ نىساناسىن العا قويۋعا دەيىن، ارناۋلى تاقىرىپتىق تەكسەرۋ - زەرتتەۋدى زەر سالا ۇيىمداستىرۋدان تاڭداۋدىڭ، جەتىلدىرۋدىڭ، باسقارۋدىڭ، ىستەتۋدىڭ تۇتاس تىزبەكتىك مەحانيزمىن ءبىر تۇتاس جوسپارلاپ ورناتۋعا دەيىن... پارتيا 18 - قۇرىلتايىنان بەرى ءار دارەجەلى پارتكومدار (پارتيا باسشىلىق گرۋپپالارى)، سونداي - اق ولاردىڭ ۇيىمداستىرۋ، كادرلار ءىسى تاراۋلارى ءبىر توپ تاڭداۋلى جاس كادرلاردىڭ مولىنان شىعۋىن، ەسەيىپ - جەتىلۋىن قۇلشىنا ىلگەرىلەتتى جانە جەبەدى.
وسى رەتكى ەرەجەگە وزگەرىس ەنگىزۋدە جالپى ەرەجە بولىمىندە - اق ادال، كىرشىكسىز، جاۋاپكەرشىلىك ارقالايتىن جوعارى ساپالى ماماندانعان پارتيا، ۇكىمەت باسشى كادرلارى قوسىنىن قۇرۋ، نەگىزگى ساتىعا جانە امالياتقا ءمان بەرەتىن بەتالىس ورناتۋ، تاڭداۋلى جاس كادرلاردى بايقاۋعا جانە جەتىلدىرۋگە، تاڭداپ وسىرۋگە ءمان بەرۋ سياقتى تالاپتاردى ايقىن العا قويدى، سونىمەن بىرگە تاڭداپ ءوسىرۋدىڭ، مىندەتكە قويىپ ىستەتۋدىڭ نەگىزگى شارتتارى مەن تولىمدىلىقتارىن كەمەلدەندىرىپ، ساياسي ساپانى، ءمورالدىق قاسيەتتى، ماماندىق ونەگەنى، قىزمەتتەگى ناقتى ناتيجەنى جانە كاسىپتىك جەتىلۋدى كورنەكتىلەندىرە تەكسەرۋدى باسا دارىپتەپ، جاڭا داۋىردە ”قانداي ادامدى تاڭداۋ“ سىندى كەلەلى ماسەلەگە جاقسى جاۋاپ بەرىپ قانا قالماستان، ”ادامدى قالاي جەتىلدىرۋدىڭ“ كۇش سالۋ باعدارىن دا ايقىن كورسەتتى.
ساياسي ساپا مەن ساياسي بەينە جاعدايىن يەلەۋدى كورنەكتىلەندىرىپ، ىسىنە قاراي ادام تانۋ جۇيەسى قۇرىلىسىن بەلسەندىلىكپەن ىلگەرىلەتتى، كادر تاڭداۋدىڭ، القا سەپتەۋدىڭ نەگىزى اناعۇرلىم تياناقتى، ءتاسىلى اناعۇرلىم دالمە - ءدال، عىلمي بولدى
ادام ىستەتۋدىڭ لايىقتى بولۋى، باستىسى، ادامدى تانۋدا.
ادامدى دالمە - ءدال، عىلمي تاڭداۋ، ىستەتۋ باس شۋجي شي جينپيڭنىڭ كادرلار قىزمەتىنە قويعان ماڭىزدى تالابى. كادرلار قىزمەتىنىڭ ساياسي سيپاتى، ساياساتتىق سيپاتى كۇشتى، ول پارتيا مەن مەملەكەت ىستەرىنىڭ دامۋىنا سايادى، قالىڭ پارتيالى كادر دارىندىلاردىڭ ءتول مۇددەسىنە سايادى، ءسوز جوق، دالمە - ءدال، عىلمي بولۋ، شىندىقتى ءىس جۇزىنەن ىزدەۋ كەرەك. كادرلار قىزمەتىندە دالمە - ءدال، عىلمي بولۋ تالابىن امالياتتا ايگىلەۋ ادام تانۋ ۇستانىمى، ءادىس - امالى، مەحانيزمى سىندى ماڭىزدى جاقتاردى قامتيدى، ول ادام تاڭداۋعا، ادام ىستەتۋگە عىلمي يدەيالىق ءادىس، قىزمەت ءادىسىن ازىرلەپ بەردى.
”ادام ىستەتۋدە مىندەتتى سوڭىنا دەيىن ورىنداي الاتىن - المايتىندىعىن سىناۋ كەرەك، مىندەت جۇكتەلگەن ەكەن، ونى وتەي الاتىن بولۋ كەرەك“. كادرلاردى باعالاۋ كادرلاردى باسقارۋداعى ماڭىزدى بۋىن، ”ديريجەر تاياقشاسى“ رولىن اتقارادى، ءسوز جوق، دالمە - ءدال، عىلمي بولۋ كەرەك.
كەزەكتە باس شۋجي شي جينپيڭنىڭ كادرلاردى تەكسەرۋ، باعالاۋ ءتۇزىمىن جاقسارتۋ، كەمەلدەندىرۋ جونىندەگى ماڭىزدى نۇسقاۋىنىڭ رۋحىنا ساي، ورتالىق كوميتەتتىڭ ۇيىمداستىرۋ ءبولىمى پارتيا، ۇكىمەت باسشى كادرلارىن باعالاۋ قىزمەت ەرەجەسىن جاساۋ جونىندە زەرتتەۋ جۇرگىزىپ، ورتالىق ۇيىمداستىرۋ بولىمىندە ارحيۆكە الىنعان باسشىلىق القا مەن باسشى كادرلاردىڭ جىلدىق باعالاۋىن ۇزدىكسىز ورىستەتىپ، شتات ورنالاستىرۋىن ۇزدىكسىز كەمەلدەندىرىپ، اڭىس قايتارۋ ءتاسىلىن جاقسارتۋدا. جەر - جەر، تاراۋلار جايشىلىقتاعى باعالاۋ، جىلدىق باعالاۋ، مىندەت مەرزىمىندەگى باعالاۋ، ارناۋلى قىزمەت باعالاۋى قاتارلى قىزمەتتەردى ۇزدىكسىز كەمەلدەندىرىپ، باعالاۋ ناتيجەسىن پايدالانۋدى كۇشەيتىپ، كوپ ىستەۋ مەن از ىستەۋ، جاقسى ىستەۋ مەن ناشار ىستەۋ، ىستەۋ مەن ىستەمەۋ بىردەي بولۋ ماسەلەسىن بەلسەنە شەشتى. عىلمي جۇيەگە تۇسكەن باعالاۋ ارقىلى ءىس جۇزىندىككە ءمان بەرەتىن، شىن سويلەيتىن، ناقتى ءىس تىندىراتىن، ناقتى ونىمدىلىكتى كوزدەيتىن كادرلار ماداقتالىپ - سيلاندى جانە شابىتتاندىرىلدى، جۇمىس تىندىرماعان، سوز بۇيدالىققا سالىنعان، ءىس تىندىرعانسىعان، بەتالدى ىستەگەن كادرلار تىزگىندەرىن تارتتى جانە جازالانىپ عيبىرات الدى.
كادرلاردى باعالاۋ مەن كادرلاردى تەكسەرۋ ىسىنە قاراي ادام تانۋ جانە ادامدى جان - جاقتى باعالاۋ بارىسىندا ءبىرىن - ءبىرى ايعاقتاپ، ءبىرىن - ءبىرى تولىقتايدى. جاقىنعى جىلداردان بەرى ءار دارەجەلى پارتكومدار (پارتيا باسشىلىق گرۋپپالارى)، سونداي - اق ولاردىڭ ۇيىمداستىرۋ، كادرلار ءىسى تاراۋلارى كادرلاردى ءدال، ناقتى باعالاۋدا كوپتەگەن جاسامپاز شارالاردى جولعا قويدى. ماسەلەن، ولكەنىڭ، قالانىڭ، اۋداننىڭ، اۋىلدىڭ كەزەك اۋىستىرۋ قىزمەتىندە جاعدايدى ءبىلۋ دارەجەسى، بايلانىس دارەجەسى جانە ۋاكىلدىك سيپاتى تالابىنا ساي، اڭگىمەلەسۋ كولەمىن ۇيلەسىمدى تۇراقتاندىرىپ، اڭگىمەلەسۋ ولشەمىن دەن قويا جوبالادى. ماسەلەن، تەكسەرىلەتىن كادرلاردىڭ ”8 ساعاتتان“ سىرتقى قوعامدىق بايلانىس شەڭبەرى، تۇرمىس شەڭبەرى قاتارلى جاعدايلارىنا ءمان بەردى. ماسەلەن، كادرلاردى تەكسەرۋ ماتەريالدارىن ناقتى، جاندى جازىپ، كادرلارعا دالمە - ءدال، جاندى تۇردە ”پورترەت“ سىزىپ، كادرلاردىڭ دارا ەرەكشەلىكتەرى مەن ارتىقشىلىقتارىن، كەمشىلىكتەرىن قاعاز جۇزىندە كورنەكتىلەندىردى.
كادرلاردى تەكسەرۋدە ساياسي وتكەلدى مەڭگەرۋ مەن ساياسي ساپاسىن تەكسەرۋ ماڭداي الدى ورىندا تۇرادى. ”ادامدى وڭىنە ەمەس، جۇرەگىنە قاراپ تانۋ كەرەك“. ساياسيدا ”ەكىبەتكەيلەر“ جالعان بەينەگە ەنىپ، تەرەڭ جاسىرىناتىندىقتان، ولاردى ءداپ باسىپ تانۋ وتە قيىن. ءار دارەجەلى پارتكومدار (پارتيا باسشىلىق گرۋپپاسى)، سونداي - اق ولاردىڭ ۇيىمداستىرۋ، كادرلار ءىسى تاراۋلارى ادام تاڭداۋ، ادام ىستەتۋ بارىسىندا ناقتى ارەكەت ەرەكشەلىگىن يگەرە تەكسەرىپ تانۋعا ءمان بەرۋ، ياعني ونىڭ ءسوزىن تىڭداۋمەن بىرگە، ارەكەتىن دە كوبىرەك بايقاۋ، سىرتقى بەينەسىن قاداعالاۋمەن بىرگە، ىشكى جاعىنا كوبىرەك تالداۋ جاساۋ، پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاي المايتىنداردى، ”ەكىنى قورعاۋ“دى باتىل ورىنداي المايتىنداردى ءبىر داۋىسپەن تەرىستەۋ؛ پارتيا ورتالىق كوميتەتىنىڭ شەشىمدەرىنە، ورنالاستىرۋلارىنا پوزيتسياسى كۇڭگىرت، اۋەلى، ىشتەي نارازى بولىپ، باسقاشا ىستەيتىندەردى ءبىر داۋىسپەن تەرىستەۋ؛ تۇرعىسى بەرىك ەمەس، ىڭعايعا قاراي قۇلايتىن، جەكە باسىن كۇيتتەيتىن، ايتىلمىش ”سارايى اشىق بىلىكتى“ بولىپ الاتىنداردى، جاۋاپكەرشىلىك ارقالاۋعا باتىلدىق ەتپەيتىندەردى ءبىر بەلەتپەن تەرىستەۋ كەرەك.
جاڭادان وزگەرىس ەنگىزىلگەن ەرەجە ادامدى ءدال تانۋ تاسىلدەرىن كەڭەيتۋدى كوزدە ۇستاپ، ادامدى عىلمي ىستەتۋدىڭ تۇيىندەرىن كورنەكتىلەندىرىپ، ادامعا ءادىل باعا بەرۋدىڭ شەشۋشى ءتۇيىنىن مىقتى يگەرىپ، تالداۋ جاساپ تۇجىرىمداۋدىڭ جانە ۇسىنىس قويۋدىڭ سالماعىن شىن مانىندە ارتتىرىپ، جەكە سويلەسۋ سياقتى تەكسەرۋ تاسىلدەرىنەن جاقسى پايدالانۋدى باسا دارىپتەۋمەن بىرگە، تەكسەرۋ وبيەكتىسىمەن بەتپە - بەت سويلەسۋدى ءبىر ءتارتىپ رەتىندە ارناۋلى ورنالاستىردى ءارى كورنەكتىلەندىرە تالاپ ەتتى. اسىرەسە، ادام تاڭداۋ شارتىندا وتكەلدى يگەرۋگە وسكەلەڭ ءمان بەرىپ، ادام تاڭداۋدىڭ، ادام ىستەتۋدىڭ ساياسي ولشەمىن ايقىن ورناتىپ، ساياسي ساپانى تەكسەرۋدى ماڭىزدى ورىنعا قويۋدى ايقىنداپ، كادرلاردىڭ ءمورالىن تەكسەرۋدى كۇشەيتىپ، كادرلاردىڭ ماماندىق دەڭگەيىن ۇعىسۋعا ءمان بەرىپ، پاكتىك جاعدايىن تەكسەرۋدى كۇشەيتىپ، ادام تاڭداۋدىڭ ساياسي وتكەلى، ءمورال وتكەلى، قابىلەت وتكەلى، ستيل وتكەلى، پاكتىك وتكەلى تالاپتارىنىڭ اناعۇرلىم دالمە - ءدال بولۋىن قاتاڭ مەڭگەرەدى.
لايىقتى ادامداردى ۇيلەسىمدى ورىنعا قويۋعا باسا ءمان بەرىپ، تاڭداپ ءوسىرۋ، مىندەتكە قويۋ جۇيەسى قۇرىلىسىن بەلسەنە ىلگەرىلەتىپ، ىستەردىڭ جارامدىلاردى، قابىلەتتىلەردى قاجەت ەتۋ بەتالىسىنىڭ اناعۇرلىم ايقىن بولۋىن، كەلۋ قاينارىنىڭ اناعۇرلىم كەڭ بولۋىن كوزدەۋ
ۇلى ءىس ۇلى امالياتتى قاجەت ەتەدى. جوعارى ساپالى كادرلار ۇلى امالياتتى ايگىلەۋدەگى نەگىزگى كۇش. باس شۋجي شي جينپيڭ مىنالاردى قايتا - قايتا باسا دارىپتەدى: ءىستى بارىنەن جوعارى ورىنعا قويۋعا، ءادىل، تۋراشىل بولۋعا تاباندى بولىپ، جاقسى كادر ولشەمىن شىنايى تياناقتاندىرۋ كەرەك. پارتيا 18 - قۇرىلتايىنان بەرگى كادرلار قىزمەتىنىڭ ماڭىزدى ءبىر ەرەكشەلىگى مەن ايقىن بەتالىسى − ءىستى بارىنەن جوعارى ورىنعا قويۋعا تاباندى بولۋ، پارتيا مەن حالىقتىڭ ىستەرىن شىعار ءتۇيىن ەتە وتىرىپ كادر تاڭداۋ، كادر ىستەتۋ.
پارتيا 18 - قۇرىلتايىنان بەرى مەيلى 19 - كەزەكتى ورتالىق كوميتەتى ”ەكى كوميتەت“ىنىڭ كانديداتىن تەكسەرۋدە، ولكە، قالا، اۋدان، اۋىل باسشىلىق القاسىنىڭ كەزەك اۋىستىرۋىندا بولسىن، الدە كادرلاردى جايشىلىقتاعى تولىقتاۋدا، رەتتەۋدە بولسىن، بارىندە ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس جوسپارلاپ ىلگەرىلەتۋ مەن ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋگە باسا ءمان بەرىپ، جاڭا دامۋ ۇستانىمىن دايەكتىلەندىرۋ، تياناقتاندىرۋ، جوعارى ساپالى دامۋدى ىلگەرىلەتۋ، قامداۋ جاعىنداعى قۇرىلىمدىق رەفورمانى تەرەڭدەتۋ، ”ءۇش ۇلكەن قامال الۋ شايقاسىن“ ويداعىداي جۇرگىزۋ بارىسىندا بەينەسى ۇزدىك بولعان كادرلاردى بايقاپ تاۋىپ، ىستەتىپ، ىستەردىڭ ناقتى دامۋ قاجەتىنە ساي، ۇيلەسىمدى ادامدى لايىقتى ورىنعا قويدى. وسى رەتكى قۇرىلىمدىق رەفورما بارىسىندا ءار دارەجەلى پارتكوم (پارتگرۋپپا) باسشىلىق القاسىن سەپتەۋ مەن قىزمەتكەرلەردى ورنالاستىرۋدى ءبىر تۇتاس جوسپارلاپ، ويلاستىرىپ، باسشىلار سانىن باسقارۋدا جانە كادرلاردى تاڭداپ ءوسىرۋ، مىندەتكە قويۋدا ”ءبىر سىدىرعىلىق ىستەمەي“، ”بارلىعىن توستىرىپ تا قويماي“، ىستەردىڭ بەتالىسىن، ىستەردىڭ قاجەتىن كورنەكتىلەندىردى.
كەزەكتە رەفورما جاساۋدىڭ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ ۇزدىكسىز العا ىلگەرىلەۋىنە ىلەسە، ءتۇرلى قىزمەتتەر ماماندانۋعا، ارنايىلانۋعا، ناقتىلانۋعا بارعان سايىن جوعارى تالاپتار قويدى، باسشىلىق قىزمەتتى ويداعىداي ىستەۋ ءۇشىن كاسىپتىك وي جۇيە، كاسىپتىك ساپا، كاسىپتىك ءادىس بولۋى ءتيىس؛ كاسىپتىك ساپا كاسىپتىك ءبىلىمنىڭ، كاسىپتىك قابىلەتتىڭ، كاسىپتىك ستيلدىڭ، كاسىپتىك رۋحتىڭ بىرلىگى، تەك كاسىپتىك سايكەسۋ سىندى قاراپايىم عانا ءىس ەمەس.
ءىس جۇزىندىك قىزمەت بارىسىندا جەر - جەر، تاراۋلار ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋدى تياناق ەتىپ، ۇقساماعان فۋنكتسيالىق ورىندى، دامۋ ساتىسىن پارىقتاپ، ءارى باسشىلىق تالانتى بار، ءارى كاسىپتىك قابىلەتى بار كادرلاردى كۇش سالا تاڭداپ ءوسىرىپ، باسشىلىق القانىڭ كاسىپتىك ساپاسىن ءبىر جەردىڭ دامۋ قاجەتىنە، ءبىر ورىننىڭ وزەكتى فۋنكتسياسىنا، ءبىر كاسىپورىننىڭ نەگىزگى تيجارات كاسىپتەرىنە جالپىلىق جاقتان ۇيلەستىرۋگە قۇلشىنىپ، باسشىلىق القانىڭ ماماندانۋ ورەسى كورنەكتى جوعارىلادى.
”تاۋ اسىل تاستان قۇرالادى، ءزاۋلىم ساراي الۋان ءتۇرلى اعاشتان تۇلعالانادى“ شار تاراپتىڭ ىستەرىن شار تاراپتان كەلگەن دارىندىلار تىندىرادى. جاقىنعى جىلداردان بەرى، جەر - جەر كادرلاردىڭ كەلۋ ارناسىن كەڭەيتۋگە ءمان بەرىپ، پارتيا، ۇكىمەت ورگاندارىنداعى كادرلار مەن مەملەكەت مەنشىگىندەگى كاسىپورىندارداعى، ءىسورىندارىنداعى كادرلار اراسىنداعى بارىس - كەلىستى بەلسەنە ىلگەرىلەتىپ، كاسىپورىندارداعى، ءىسورىندارىنداعى كاسىپتى تۇسىنەتىن، قابىلەتتى، ناتيجەسى جاقسى ءبىر توپ ۇزدىك دارىندىلاردى ءار دارەجەلى باسشىلىق ورىندارىنا تاڭداپ ءوسىردى. الدىڭعى كەزەكتى قالالىق، اۋداندىق پارتيا، ۇكىمەت باسشىلىق القاسىنىڭ كەزەك اۋىستىرۋى كەزىندە، كاسىپورىن، جوعارى مەكتەپ، عىلمي زەرتتەۋ ورىندارى سياقتى ورىندارداعى قىزمەت تاجىريبەسى بار ءبىر توپ كادر پارتيا، ۇكىمەت باسشىلىق ورنىنا شىقتى، ولار كادرلار قوسىنىنىڭ قۇرىلىمىن ساپالىلاندىرىپ، باسشىلىق القاسىنىڭ تۇلعالىق يقۋاتىن كۇشەيتتى.
”باسىن جاقسى باستاساڭ اياعى باياندى بولادى. ىرگەسىن جاقسى قالاساڭ تۇلعاسى بەكەم بولادى.“ ۇيىمدىق لۋشيان ساياسي لۋشيان ءۇشىن قىزمەت ەتەدى، كادر تاڭداۋدا، باسشىلىق القاسىن سەپتەۋدە، ءسوز جوق، پارتيا مەن حالىق ىستەرىنىڭ دامۋ قاجەتىن كوزدە ۇستاۋ كەرەك. وزگەرىس ەنگىزىلگەن ەرەجە ”ءىستى بارىنەن جوعارى قويۋدى، ادام مەن ورىن سايكەسۋدى، ادام مەن ءىس ۇيلەسۋدى“ ماڭىزدى پرينسيپتىڭ ءبىرى ەتىپ، كادرلاردىڭ ساياسي ساپاسىن، ءمورالدىق قاسيەتىن، سيتل ورەسىن، پاكتىك جاعدايىن ىشكەرىلەي تەكسەرۋدى ورتاعا قويۋمەن قوسا، قىزمەت ناتيجەسىن، قىزمەت جاۋاپكەرشىلىگىن ادا ەتۋ سياقتى جاقتاردا دا تەكسەرۋدى كورنەكتىلەندىرىپ، جاۋاپتى بولۋدان تايىنبايتىن، باتىلدىقپەن جاۋاپكەرشىلىك ارقالايتىن، ىسكەرلىك كورسەتۋگە شەبەر، ناقتى ناتيجەسى كورنەكتى ۇزدىك كادرلاردى كۇش سالا ءوسىرۋدى باسا دارىپتەدى. ەرەجە ادام تاڭداۋدىڭ كوز اياسىن جانە ارناسىن كەڭەيتىپ، كاسىپورىن، جوعارى مەكتەپ، عىلمي زەرتتەۋ ورىندارى سياقتى ورىنداردان، سونداي - اق قوعامدىق ۇيىمداردان پارتيا، ۇكىمەت باسشىلارىن تاڭداپ وسىرۋگە ءمان بەرۋدى ايقىن ورتاعا قويدى ءارى مەملەكەت مەنشىگىندەگى كاسىپورىندارداعى، ءىسورىندارىنداعى، قوعامدىق ۇيىمدارداعى كادر - دارىندىلاردىڭ پارتيا، ۇكىمەت ورگاندارىنا دەر كەزىندە كىرۋى ءۇشىن تۇزىمدىك ورنالاستىرۋ جاساپ، پارتيامىزدىڭ شار تاراپتاعى دارىندىلاردى تاڭداپ ىستەتەتىن دارقان پەيىلىن تولىق ايگىلەپ، ءار جاقتىڭ ۇزدىك دارىندىلارىن پارتيا مەن حالىق ىستەرى ءۇشىن توپتاۋعا قۇلشىندى.
ۇزدىكسىز كۇش سالۋعا ءمان بەرىپ، شەشۋشى ازشىلىقتى يگەرىپ، قاتاڭ باسقارۋ جۇيەسى قۇرىلىسىن بەلسەنە ىلگەرىلەتتى، ادام تاڭداۋدىڭ، ادام ىستەتۋدىڭ ەكولوگياسى كورنەكتى جاقسارىپ، سالتى كۇن سايىن تازاردى
باس شۋجي شي جينپيڭ: جاقسى كادر تاڭداۋدان شىعادى، ءتىپتى باسقارۋدان شىعادى، - دەپ باسا دارىپتەدى. باس شۋجيدىڭ تالابىن تياناقتاندىرۋ ءۇشىن، ءسوز جوق، قاتاڭ تاربيەلەۋگە، قاتاڭ باسقارۋعا، قاتاڭ باقىلاۋعا تاباندى بولىپ، ءاربىر كادردىڭ باقىلاۋ مەن تەجەۋ استىندا قىزمەت ىستەپ، تۇرمىس كەشىرىپ ادەتتەنۋىنە مۇمكىندىك تۋدىرۋ كەرەك. كادرلاردى قاتاڭ باسقارۋدى، قاتاڭ باقىلاۋدى تەرەڭدەي، جەتكىلىكتى ىستەگەندە عانا كادرلار قوسىنى ”تازا سۋ“عا اينالىپ، ۇزدىگىن تاڭداپ ىستەتۋدىڭ نەگىزى سوندا عانا بەكەمدەلەدى.
پارتيا 18 - قۇرىلتايىنان بەرى، پارتيا ورتالىق كوميتەتى ماڭگى جالعاساتىن قاجىر - قايراتپەن جانە تاباندىلىقپەن ماسەلەدەن باستاپ ىسكە كىرىسۋگە، ۇساق بۋىنداردان باستاپ يگەرۋگە تاباندى بولىپ، بوساڭسىماي، ۇزبەي كۇش سالىپ، تاباندىلىقپەن ناتيجە جاراتتى.
− يدەيالىق تاربيەنى قاتايتتى. ”كىشكەنە ساڭلاۋدى بىتەمەسەڭ، ۇلكەن ساڭلاۋعا تاپ بولاسىڭ.“ ورتالىق كوميتەتتىڭ ۇيىمداستىرۋ ءبولىمى ۇيىمداستىرۋ - كادرلار ءىسى تاراۋلارىنىڭ باسشى كادرلارعا ەسكەرتۋ جاساۋ، حات ارقىلى سۇراستىرۋ جانە ساقتاندىرۋ جونىندەگى اتقارۋ ناقتى ەرەجەسىن شىعارىپ، ساياسي قاعيدا مەن ساياسي ءتارتىپ بويىنشا تاربيەلەۋدى، باقىلاۋدى قاتايتتى. ءار دارەجەلى پارتيا ۇيىمدارى سىرلاسۋ، سويلەسۋ، شارلاۋ - شارلاپ تەكسەرۋ، جىلدىق باعالاۋ، كۇندەلىكتى ۇعىسۋ سياقتى تاسىلدەردەن جالپىلىق پايدالانىپ، كادرلاردىڭ دەر كەزىندە قۇلاعىن بۇراپ، ەتەك جەڭىن تۇزەپ، بەتىن قىزارتىپ، تەر شىعارۋدى شىنىمەن قالىپتى جاعدايعا اينالدىردى. اتقارۋ ەرەجەسى جاريالانعاننان بەرى، ءار دارەجەلى ۇيىمداستىرۋ، كادرلار ءىسى تاراۋلارى جيىنى ءبىر ميلليون 396 مىڭ ادام - رەت ەسكەرتۋ جاسادى، حات ارقىلى سۇراستىردى، ساقتاندىردى، مۇنىڭ ىشىندە ءبىر ميلليون 108 مىڭ ادام - رەت ەسكەرتۋ جاسادى، 169 مىڭ ادام - رەت حات ارقىلى سۇراستىردى، 119 مىڭ ادام - رەت ساقتاندىردى.
− ”ماسەلەنى قاتاڭ رەتتەپ - تۇزەتتى. ” ءۇشتى اسىرۋ، ەكىنى بەتالدى ىستەۋ“، ”سالت باستى ءمانساپتىلار“، ”جاتىپ ىشەرلەر“، سونداي - اق كادرلار ارحيۆىن جالعاننان جاساۋ، باسشى كادرلار ەرەجەگە قايشىلىق جاساپ قوسىمشا مىندەت اتقارۋ، جەكەلىك جۇمىسپەن شەتەلگە (شەكارا) شىعۋ سياقتىلاردى ارناۋلى رەتتەپ - تۇزەتۋدى شوعىرلى ورىستەتتى. تەك كادرلار ارحيۆىن جالعاننان جاساۋ ءىسىن اداقتاۋ، رەتتەپ - تۇزەتۋ سىندى وسى ءبىر ءتۇردىڭ وزىندە، پارتيا 19 - قۇرىلتايىنان بۇرىن 15 ميلليوننان استام ادامنىڭ كادرلار، كادرلار ءىسى ارحيۆى تەكسەرىلىپ، 3 ميلليون 500 مىڭنان استام ادامنىڭ ارحيۆ ينفورماتسياسى قايتادان تۇراقتاندىرىلىپ، وزگەرتۋگە، جالعاننان جاساۋعا شارپىلعان 59 مىڭ ادام ءبىر جاقتى ەتىلدى. سونىمەن قوسا، ”شەشۋشى ازشىلىق“تى كورنەكتىلەندىرىپ، ادامعا، قازىناعا، بايلىققا شەشىم جاساۋ ۇقىعى، ورنالاستىرۋ ۇقىعى بار ماڭىزدى ورىنداعى كادرلاردى باقىلاۋدى ءتۇيىندى كۇشەيتىپ، باسشى كادرلاردىڭ ەكونوميكالىق جاۋاپكەرشىلىگىن قازىنالىق باقىلاۋ ءتۇزىمىن كەمەلدەندىرىپ، شاڭحاي قاتارلى 5 ولكە، رايون، قالادا پارتيا، ۇكىمەت باسشى كادرلارىنىڭ تۋىس - تۋعاندارىنىڭ ساۋدامەن اينالىسىپ، كاسىپورىن قۇرۋ ارەكەتىن ارناعا ءتۇسىرۋ سىناق ءتۇيىنى قىزمەتىن ورىستەتتى.
− ستيلدى قاتاڭ رەتكە سالدى. ”ءتورت ءتۇرلى بۇرىس ستيل“ − بۇقارانىڭ زىعىردانى قايناپ وتىرعان، اڭىسى ەڭ كۇشتى ماسەلە ءارى پارتيا مەن بۇقارانىڭ، كادرلار مەن بۇقارانىڭ قاتىناسىن زياندايتىن باستى قاينار. پارتيا 18 - قۇرىلتايىنان بەرى، پارتيا ورتالىق كوميتەتى ”ءتورت ءتۇرلى بۇرىس ستيل“ دەرتىن شەشۋدى بۇقارالىق لۋشيان تاربيەسى جانە امالياتتىق قيمىلىنداعى ەڭ ماڭىزدى ءىس ەتىپ، 21 ءتۇرلى ارناۋلى رەتتەۋ - جونگە سالۋ مىندەتىن تۇراقتاندىرىپ، ”داستارقانداعى ىسىراپشىلدىق“تى ”اۆتوكولىك ىستەتۋدەگى شىرىكتەسۋ“دى ”ساحناداعى ءسانقويلىق“تى ”ساۋىقحانالارداعى تەرىس پيعىلدار“دى باتىل تيىپ، ”ءتورت ءتۇرلى بۇرىس ستيل“دەگى ءتۇرى وزگەرىپ كومەسكىلەنىپ العان ماسەلەلەردى ۇزبەي رەتتەپ - جونگە سالدى، اسىرەسە، جاڭا فورماشىلدىق، تورەشىلدىك سياقتى بۇرىس ستيلدەردى باتىل تۇزەتتى. ءار دارەجەلى پارتكومدار (پارتيا باسشىلىق گرۋپپالارى)، سونداي - اق ءتارتىپ تەكسەرۋ، باقىلاۋ - تەكسەرۋ ورگاندارى، ۇيىمداستىرۋ، كادرلار ءىسى تاراۋلارى پارتيا ورتالىق كوميتەتىنىڭ تالاپتارىن باتىل دايەكتىلەندىرىپ، تياناقتاندىرىپ، ستيلدى رەتتەۋ - جونگە سالۋ، باقىلاۋ جانە جاۋاپقا تارتۋ سياقتى قىزمەتتەردى ويداعىداي يگەرىپ، كادرلاردى ورتالىقتىڭ «8 ءتۇرلى بەلگىلەمەسى»نىڭ جانە ونى اتقارۋ ناقتى ەرەجەسىنىڭ رۋحىنا بويسۇنىپ، ”ءتورت ءتۇرلى بۇرىس ستيل“گە باتىل قارسى تۇرۋعا جەتەكتەدى.
− ءتارتىپ ارقىلى تەجەۋدى قاتايتتى. ورتالىق كوميتەتتىڭ ۇيىمداستىرۋ ءبولىمى «كادرلاردى ماسەلەسى بار بولا تۇرا ءوسىرۋ»دەن ساقتانۋ پىكىرى مەن كادرلاردى جوعارىلاتىپ تا، تومەندەتىپ تە ىستەتۋدى جەبەۋ جونىندەگى بەلگىلەمەنى باسىپ تاراتتى، كادرلاردى تاڭداپ ءوسىرۋ، مىندەتكە قويۋ قىزمەتىن باقىلاۋدى كۇشەيتۋ، كادرلاردى تاڭداپ ءوسىرۋ، مىندەتكە قويۋ ناقتى ەستەلىگىن، پارتكومنىڭ (پارتيا باسشىلىق گرۋپپاسىنىڭ) كادرلاردى مىندەتكە تاعايىنداۋدى، مىندەتىنەن قالدىرۋدى تالقىلاپ بەكىتۋ ىستەرىن ارناعا ءتۇسىرۋ سياقتى تۇزىمدەر شىعارىپ، ادام تاڭداۋ، ادام ىستەتۋ قىزمەتىن شارلاپ تەكسەرۋ جونىندە ارناۋلى تەكسەرۋ جۇرگىزىپ، «ءتورت ءسوزسىز»، «قوس قول قويۋ» ءتۇزىمىن قاتاڭ اتقارىپ، پاكتىك جاعىندا ماسەلەسى بارلاردى استە ىرقىنا جىبەرمەدى. اسىرەسە، جەرگىلىكتى ورىن باسشىلىق القالارىنىڭ كەزەك اۋىستىرۋىندا، لياۋنيڭدەگى پارا بەرىپ بەلەت جيۋ دەلوسىنان، حۋناننىڭ حىڭياڭ قالاسىنداعى سايلاۋدى ءبۇلدىرۋ دەلوسىنان، سىچۋاننىڭ نانچۇڭ قالاسىنداعى پارا بەرىپ بەلەت جيۋ دەلوسىنان تەرەڭ ساباق الىپ، كەزەك اۋىستىرۋ باستالىسىمەن ءتارتىپ قىزىل سىزىعىن سىزىپ، ساقتاندىرۋ، تاربيە بەرۋ ماقساتىندا «دابىل» مەن «عيبىرات» اتتى فيلم جاساپ، باقىلاۋ گرۋپپاسىن شىعارىپ، كەزەك اۋىستىرۋ جاعدايىن ارالاپ ءجۇرىپ باقىلاپ، ستيلگە قارسى كەلىپ، تارتىپكە قايشىلىق جاساعان تيپتىك دەلولاردى دەر كەزىندە ءبىر جاقتى ەتىپ جانە حابارلاندىرىپ، كەزەك اۋىستىرۋ ستيلىنىڭ پاك، تۋرا بولۋىنا شىنايى كەپىلدىك ەتتى.
كادرلار مەن بۇقارا مىنانى جاپپاي اڭىس ەتتى: پارتيا 18 - قۇرىلتايىنان بەرى، پارتيا ورتالىق كوميتەتى «كەشەندى شارالار» شىعارىپ، شىنايى باسقارۋ، قاتاڭ باسقارۋ، باسقارۋعا، قاتاڭ بولۋعا باتىل بولۋ، ۇزاق ۋاقىت قاتاڭ بولۋ تالابىن ناقتاپ تياناقتاندىرىپ، ءتۇزىم قاپاسىن بەرىكتەپ، توڭمويىندىق دەرتتى الاستاپ، ساياسي ەكولوگيانى تازارتىپ، كادرلار قوسىنىن كىرشىكسىزدەندىرىپ، كادرلاردى تاڭداپ ءوسىرۋ، مىندەتكە قويۋ قىزمەتىنىڭ ساپاسىنا تۋ باستان كەپىلدىك ەتتى.
جاڭادان وزگەرىس ەنگىزىلگەن ەرەجە پارتيانى جاپپاي قاتاڭ جونگە سالۋدى ىشكەرىلەي دامىتۋ تالابىنا ۇيلەسىپ، قاتىستى تۇزىمدىك جەتىستىكتەردى تولىق قابىلداپ جانە ولارمەن ۇتىمدى ۇشتاستىرىپ، وتكەلدى تالداۋ جاساۋ، تۇجىرىمداۋ جانە ۇسىنىس بۋىنىندا قاتاڭ يگەرۋدى، قاتىستى جۇمىستاردى الدىن الا تەكسەرۋدى العا قويىپ، قاتاڭ تاڭداپ ءوسىرۋ تىزبەگىن ۇزارتىپ، ”ءتورت ءسوزسىز“، ”قوس قول قويۋ“ سياقتى تالاپتاردى بەكەمدەپ، تۇزىمدىك ساقتىق قاپاسىن مىقتاپ توقىدى؛ ماجىلىستە تالقىلاۋعا تاپسىرۋعا بولمايتىن ناقتى جاعدايلاردى ايقىنداپ، وتكەلدى قاتاڭ يگەرۋ شارالارىن كەمەلدەندىردى؛ پارتكومداردان (پارتيا باسشىلىق گرۋپپالارىنان)، ۇيىمداستىرۋ، كادرلار ءىسى تاراۋلارىنان، ءتارتىپ تەكسەرۋ، باقىلاۋ - تەكسەرۋ ورگاندارىنان، كادرلاردى تەكسەرۋ گرۋپپالارىنان مىندەت جاۋاپكەرشىلىگىن شىنايى اتقارۋدى تالاپ ەتىپ، ادام تاڭداۋ تۇلعالىق جاۋاپكەرشىلىگىن كۇشەيتىپ، ساياساتتىڭ، ءتۇزىمنىڭ بەدەلدىلىگىن، جۇيەلىلىگىن، قاتاڭدىعىن تولىق ايگىلەدى.
شارالاردى ءبىر تۇتاس جوسپارلاپ اتقارۋعا، جاۋاپكەرشىلىك ارقالاپ، ىسكەرلىك كورسەتۋگە شابىتتاندىرۋعا ءمان بەرىپ، دۇرىس باعىتتا شابىتتاندىرۋ جۇيەسى قۇرىلىسىن بەلسەندىلىكپەن ىلگەرىلەتىپ، قالىڭ كادرلاردى جاڭا داۋىردە تىڭ جاۋاپكەرشىلىك ارقالاپ، تىڭ ىسكەرلىك كورسەتۋگە ىنتالاندىرۋدىڭ رايى مەن ورتاسىن ىشكەرىلەي قالىپتاستىردى
ءار ۇرپاقتىڭ ءوز ۇزاق ساپارى، ءار ۇرپاقتىڭ ءوز جاۋاپكەرشىلىگى مەن بورىشى بار. پارتيامىزدىڭ 90 جىلدان استام بوران - شاشىندى تاريحي بارىسىنا قايىرىلا قاراساق، ءارقانداي كەزدەگى قىزمەتتەر قالىڭ كادرلاردىڭ بەلسەندىلىگىن، ىرىقتىلىعىن، جاسامپازدىعىن جۇمىلدىرۋدان جانە ساۋلەلەندىرۋدەن ايىرىلا الماعاندىعىن كورۋگە بولادى.
2019 - جىلى 1 - ايدىڭ 21 - كۇنى، باس شۋجي شي جينپيڭ ولكە، مينيستر دارەجەلى نەگىزگى باسشى كادرلاردىڭ ارناۋلى تاقىرىپتىق زەرتتەۋ، تالقى كۋرسىنىڭ اشىلۋ سالتىنا قاتىناسقاندا ءارى ماڭىزدى ءسوز سويلەگەن كەزدە: ءار دارەجەلى باسشىلىق القالارى مەن باسشى كادرلار كۇرەس جاساۋ ارقىلى شىڭدالۋدى كۇشەيتىپ، كۇرەس جاساۋ شەبەرلىگىن ارتتىرىپ، كۇرەس جاساۋ رۋحىن ماڭگى ساقتاپ، ”ويلى - شۇڭقىردى تەگىستەپ، داڭعىل جول جاسايتىن، جاپا - ماشاقات پەن حاۋىپ - قاتەردى جەڭىپ، تاعى دا جولعا شىعاتىن“ قايتپاس ەرىكپەن، ەلەۋلى حاۋىپ - قاتەرلەر مەن سىن - سايىستارعا ويداعىداي توتەپ بەرىپ، رەفورما، دامۋ، ورنىقتىلىق قىزمەتتەرىن شىن مانىندە ناقتى تياناقتاندىرۋ، جاقسى ىستەۋ كەرەك، - دەپ باسا دارىپتەدى.
قالىڭ كادرلاردىڭ كۇرەس جاساۋ رۋحىن كۇشەيتىپ، جاۋاپكەرشىلىك ارقالاۋعا، ىسكەرلىك كورسەتۋگە شابىتتاندىرۋدا، قاتاڭ باسقارۋعا سۇيەنۋمەن بىرگە، كوڭىل ءبولۋ، ايالاۋعا دا سۇيەنۋ كەرەك، مىنە، بۇل بۇرىننان بەرى ”تەڭگەنىڭ ەكى بەتى“ سياقتى ورگانيكالى ءبىر تۇتاس جالپى تۇلعا. 2018 - جىلى 5 - ايدا ورتالىق كوميتەت كەڭسەسى «جاڭا داۋىردە قالىڭ كادرلاردى جاڭا جاۋاپكەرشىلىك ارقالاپ، تىڭ ىسكەرلىك كورسەتۋگە ونان ارى ىنتالاندىرۋ جونىندەگى پىكىر»دى باسىپ تاراتىپ، كادرلاردىڭ بەلسەندىلىگىنە ىقپال ەتەتىن شەشۋشى ءتۇيىندى مىقتاپ يگەرىپ، ساياسي جاقتان تاربيەلەۋ، يدەيالىق جاقتان جەتەكتەۋ، تاڭداپ ءوسىرۋ، مىندەتكە قويۋ، مامىلەسىنە كەپىلدىك ەتۋ، گۋمانيتارلىق قامقورلىق سياقتى جاقتاردا كوپتەگەن ناقتىلى، كادەگە جارايتىن شارالاردى العا قويىپ، قالىڭ كادرلاردىڭ جەتىلۋىنە باعدار سىلتەپ قانا قالماستان، قايتا كادرلار قىزمەتىن كۇشەيتۋدى، جاقسارتۋدى جەتەكشىلىكپەن قامدادى.
جۋىق جىلداردان بەرى، پارتيا ورتالىق كوميتەتى مەملەكەتتىك 100 تاڭداۋلى اۋداندىق پارتكوم شۋجيلەرىن سالتاناتتى ماداقتاپ - سيلاپ، جياۋ يۇيلۋ، لۋ ياڭ، لياۋ جۇنبو قاتارلى وزات تيپتەردەن ۇيرەنۋ قيمىلىن كەڭ كولەمدى ورىستەتىپ، قىزمەت مىندەتى مەن قىزمەت دارەجەسىن قاتار الىپ ءجۇرۋدى ىلگەرىلەتىپ، اۋىل - قالاشىق كادرلار قوسىنى قۇرىلسىن كۇشەيتىپ، تاڭداۋلى قىستاق كادرى، ستۋدەنت قىستاق كادرى جانە اۋىل - قالاشىق ءىسورىن شتاتى قىزمەتكەرلەرى اراسىنان اۋىل - قالاشىق باسشى كادرلارىن تاڭداپ ءوسىرۋ تەبىنىن كۇشەيتىپ، اۋىل - قالاشىق قىزمەتى جاردەماقى ءتۇزىمىن اتقارىپ، پارتيانىڭ قامقورلىعىن قالىڭ كادرلاردىڭ، اسىرەسە، نەگىزگى ساتى كادرلارىنىڭ كوڭىلىنە ۇيالاتىپ، كادرلاردى قۇلشىنا ۇمتىلىپ، ىسكەرلىك كورسەتۋگە ايرىقشا جەلپىندىردى جانە شابىتتاندىردى.
”ادام ىستەتۋگە شەبەر كىسى، ءسوز جوق، دارىندىلاردىڭ قابىلەتىن بارىنشا ۇشتايدى، بىلىمدىلەردىڭ اقىل - پاراساتىن بارىنشا پايدالانادى“. ادامدى جاقسى تاڭداۋ، دۇرىس ىستەتۋ − ەڭ ءونىمدى، ەڭ تىكە شابىتتاندىرۋ. ءار دارەجەلى پارتيا ۇيىمدارى امالياتتى، ناقتى ىستەۋدى، ناقتى ونىمدىلىكتى كورنەكتىلەندىرىپ، ىسكەرلىك كورسەتكەندە عانا قىزمەت ورنىن بەرۋگە تاباندى بولىپ، ادام تانۋدا، ادام بايقاۋدا جاۋاپكەرشىلىكتى باتىل ارقالاۋىنا قاراپ، ادام تاڭداۋدا، ادام ىستەتۋدە ىسكەرلىك كورسەتۋىنە باسا ءمان بەرىپ، ءار دارەجەلى ورىنداردا، ءارقايسى تاراۋلاردا، ءارقايسى سالالاردا ءبىر توپ ءىس ىستەگىسى كەلەتىن، ىستەي الاتىن، ءىس تىندىرا الاتىن بەلدى ادامدار مەن تاڭداۋلى باسشىلاردى تاڭداپ ءوسىردى، دايىندادى. تيپتىك ۇلگىلەر ارقىلى جەتەكتەۋگە تاباندى بولىپ، جاۋاپكەرشىلىكتى باتىل ارقالايتىن، ىسكەرلىك كورسەتۋگە شەبەر كادرلارعا ساحنا ازىرلەدى، ماداقتاپ - سيلادى.
جارامسىزىن ايىرعاندا عانا جاقسىسىن سارالاۋعا بولادى. ءىس تىندىرماعان، بەتالدى ىستەگەن كادرلاردى رەتتەپ، ءبىر توبىنا تاربيە بەرىپ، ءبىر توبىنا ەسكەرتۋ بەرىپ تىكسىندىرەتىن اسەر قالىپتاستىردى. جۋىق جىلدان بەرى، جاۋاپقا تارتۋ ەرەجەسى، باسشى كادرلاردى جوعارىلاتىپ تا، تومەندەتىپ تە ىستەتۋدىڭ ءبىرقانشا بەلگىلەمەلەرى قاتارلى حۇجاتتاردىڭ اتقارىلۋىمەن كادرلاردىڭ تاڭداۋلى نەمەسە جارامسىز بولۋ ولشەمى، ”جوعارىلاتۋ“ مەن ”تومەندەتۋ“دىڭ ولشەمى ايقىندالدى، ءار دارەجەلى پارتيا ۇيىمدارى جاۋاپكەرشىلىك ارقالامايتىن، ىسكەرلىك كورسەتپەيتىن كادرلاردى ناقتى جاعدايىنا قاراي مىندەتتەن قالدىراتىندارىن قالدىرىپ، رەتتەيتىندەرىن رەتتەپ، مىندەتىن تومەندەتەتىندەرىن تومەندەتىپ، ىسكەرلىك كورسەتپەيتىن، سوز بۇيدالىققا سالىناتىن كادرلارعا شىن مانىندە ورنىن بوساتتىرىپ، سەسكەندىردى.
ءىس ىستەۋدىڭ قاشاندا حاۋىپ - قاتەرى بولادى، ءاربىر قىزمەتتە تەك قانا جەڭىسكە جەتۋدى كوزدەپ، ساتسىزدىككە جولىقپاۋدى كوكسەۋگە بولمايدى. 2016 - جىلى 1 - ايدا، باس شۋجي شي جينپيڭ ”ءۇشتى پارىقتاندىرۋ“ ماڭىزدى تالابىن ايقىن ورتاعا قويدى. ءار دارەجەلى پارتيا ۇيىمدارى وسى ماڭىزدى تالاپتى مۇقيات دايەكتىلەندىرىپ، تياناقتاندىرىپ، قاتەلىككە كەشىرىممەن قاراۋ، قاتەلىكتى تۇزەتۋ پرينسيبى، ناقتى جاعدايى، قىزمەت ءتارتىبى سياقتىلاردى اناعۇرلىم ايقىندادى، اشالادى، قازىر كوپتەگەن جەرلەر وسىعان قاراتا سايكەستى حۇجاتتاردى كەمەلدەندىرىپ، شىعارىپ، شىندىقتى ءىس جۇزىنەن ىزدەۋگە، ناقتى ماسەلەگە ناقتى تالداۋ جاساۋعا تاباندى بولىپ، كەشىرۋگە بولاتىندارىن جۇرەكتىلىكپەن كەشىرىپ، كەشىرۋگە بولمايتىندارىنا استە كەڭشىلىك ەتپەدى.
بۇل رەتكى جاڭادان وزگەرىس ەنگىزىلگەن ەرەجە، قاتاڭ باسقارۋ مەن ايالاۋدى ۇشتاستىرۋعا، شابىتتاندىرۋ مەن تەجەۋگە تەڭ ءمان بەرۋگە تاباندى بولىپ، ”جۇرەكتىلىكپەن ىستەتۋ، باتىلدىقپەن اۋىستىرۋ، كەشىرۋگە بولاتىندارىن كەشىرۋ“ تالابىن دايەكتىلەندىرىپ، كادرلاردى جاۋاپكەرشىلىك ارقالاۋعا، ىسكەرلىك كورسەتۋگە شابىتتاندىرۋدى دۇرىس ادام تاڭداۋ، ادام ىستەتۋ بەتالسىن ورناتۋداعى بولۋعا ءتيىستى مىندەت رەتىندە قاراپ، رەفورما جاساۋدى، جاڭالىق اشۋدى ىلگەرىلەتۋدى، جاۋاپكەرشىلىك ارقالاۋعا باتىل بولۋدى تەكسەرۋ مازمۇنىنا ەنگىزىپ، باسشى كادرلاردىڭ جوعارىلاپ تا، تومەندەپ تە ىستەي الۋىن ىلگەرىلەتۋدى باسا دارىپتەپ، كادرلاردىڭ رەفورما جاساۋ، جاڭالىق اشۋ بارىسىنداعى اعاتتىقتارى مەن قاتەلىكتەرىنە كەڭشىلىكپەن قاراۋدى العا قويدى، قاتىستى بەلگىلەمەلەردەگى قاتەلىككە كەڭشىلىكپەن قاراۋعا ۇيلەسەتىن كادرلارعا وبيەكتيۆ، ءادىل مامىلە جاساۋ ”تاڭداۋلىلارى شىعاتىن، ادەتتەگىلەرى تۇسەتىن، ناشارلارى قاتاردان قالاتىن“ عىلمي مەحانيزمنىڭ ىشكەرىلەي قالىپتاسۋىنا ءتيىمدى بولدى.
ماياك ساپارعا جول نۇسقايدى، يدەيا بەتالىسقا جەتەكشىلىك ەتەدى. شي جينپيڭنىڭ جاڭا ءداۋىر جۇڭگوشا سوتسياليزم يدەياسى، اسىرەسە، ادام تاڭداۋ، ادام ىستەتۋ جونىندەگى ماڭىزدى بايىمداۋلارى، جاڭا داۋىردە كادرلار قىزمەتىن ويداعىداي ىستەۋدىڭ ءتۇبىرلى بويسۇنۋ ولشەمى جانە ارەكەت باعدارناماسى. ءار دارەجەلى پارتكومدار (پارتيا باسشىلىق گرۋپپالارى) جانە قالىڭ كادرلار، ۇيىمداستىرۋ قىزمەتى كادرلارى جەتە ۇيرەنۋ، جەتە يگەرۋ، شىنايى تياناقتاندىرۋعا شىنايى كۇش سالىپ، ناقتى ونىمدىلىك كورسەتىپ، ەرەجەنى دايەكتىلەندىرۋدى، تياناقتاندىرۋدى وراي ەتىپ، كادرلار قىزمەتىن عىلميلاندىرۋ، تۇزىمدەندىرۋ، ولشەمدەندىرۋ ورەسىن ۇزدىكسىز جوعارىلاتىپ، ادال، كىرشىكسىز، جاۋاپكەرشىلىك ارقالايتىن، جوعارى ساپالى، ماماندانعان بيلىك جۇرگىزەتىن تىرەكتى كادرلاردى ۇزدىكسىز باۋلىپ، جەتىلدىرىپ، ”قوس 100 جىلدىق“ كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا پارمەندى كەپىلدىك ازىرلەۋ كەرەك.
(شينحۋا اگەنتتىگىنىڭ 3 - ايدىڭ 17 - كۇنى بەيجيڭنەن بەرگەن حابارى)
