شينحۋا اگەنتتىگىنىڭ 3 - ايدىڭ 17 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى وزگەرىس ەنگىزىلگەننەن كەيىنگى «پارتيا، ۇكىمەت باسشى كادرلارىن تاڭداپ ءوسىرۋ، مىندەتكە قويۋ قىزمەت ەرەجەسىن» (تومەندە قىسقارتىلىپ «كادرلاردى مىندەتكە قويۋ ەرەجەسى» دەلىنەدى) باسىپ تاراتتى، سونداي - اق حابارلاندىرۋ شىعارىپ، جەر - جەردەن، تاراۋلاردان ءىس جۇزىندىككە ۇشتاستىرىپ، وسى بويىنشا مۇقيات اتقارۋدى تالاپ ەتتى.
حابارلاندىرۋدا مىنالار باسا دارىپتەلدى: «كادرلاردى مىندەتكە قويۋ ەرەجەسى» − پارتيانىڭ ىشكى ماڭىزدى زاڭ ەرەجەسى، كادرلاردى تاڭداپ ءوسىرۋ، مىندەتكە قويۋ قىزمەتىنىڭ نەگىزگى بويسۇنۋ ولشەمى. 2014 - جىلى وزگەرىس ەنگىزىلىپ جاريالانعان «كادرلاردى مىندەتكە قويۋ ەرەجەسى» ەرەكشە ماڭىزدى رول اتقاردى. بۇل رەتكى وزگەرىس ەنگىزىلگەن «كادرلاردى مىندەتكە قويۋ ەرەجەسى» پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، ساياسي ولشەمدى ماڭداي الدى ورىنعا قويۋدان جازباي، ادامدى دالمە - ءدال، عىلمي تاڭداۋعا، ىستەتۋگە تاباندى بولىپ، قاتاڭدىق تالابىن باستان - اياق دايەكتىلەندىرۋگە تاباندى بولىپ، پارتيا 18 - قۇرىلتايىنان بەرى پارتيامىزدىڭ ادام تاڭداۋ، ادام ىستەتۋ قىزمەتىندە ىزدەنىس جاساپ قالىپتاستىرعان امالياتتىق جەتىستىگىن قابىلداپ، تاياۋ جىلداردان بەرى شىعارىلعان قاتىستى جاڭا ساياساتتارمەن، جاڭا زاڭ ەرەجەلەرمەن ۇشتاستىرىپ، كادرلار قىزمەتىندە جارىققا شىققان ءىشىنارا جاڭا جاعدايلارعا، جاڭا ماسەلەلەرگە جاۋاپ بەرىپ، كادرلاردى تاڭداپ ءوسىرۋ، مىندەتكە قويۋ قىزمەتىنىڭ تۇزىمدەنۋىن، ولشەمدەنۋىن، عىلميلانۋىن اناعۇرلىم ىلگەرىلەتەدى.
حابارلاندىرۋدا مىنالار تالاپ ەتىلدى: ءار دارەجەلى پارتكومدار (پارتيا باسشىلىق گرۋپپاسى) «كادرلاردى مىندەتكە قويۋ ەرەجەسىن» مۇقيات ۇيرەنىپ، ۇگىتتەپ، قاتاڭ دايەكتىلەندىرىپ، اتقارىپ، ءىستى پرينسيپ بويىنشا، ءتۇزىم بويىنشا، ءتارتىپ بويىنشا قاتاڭ ىستەپ، ادام تاڭداۋدىڭ، ادام ىستەتۋدىڭ تۇلعالىق جاۋاپكەرشىلىگىن جالپى بەتتىك اتقارۋ كەرەك. پارتيا كادرلاردى باسقارۋ پرينسيبىن تياناقتاندىرىپ، پارتيا ۇيىمىنىڭ باسشىلىعىن جانە وتكەلدى مەڭگەرۋ رولىن شىنايى كۇشەيتىپ، ادام تاڭداۋ، ادام ىستەتۋ قىزمەتىنىڭ دۇرىس بەتالىسىنا شىنايى كەپىلدىك ەتۋ كەرەك. ساياسي ولشەمدى كورنەكتىلەندىرىپ، ”ءتورت تانىم“دى بەرىك ورناتقان، ”ءتورت سەنىم“دى بەكەمدەگەن، ”ەكىنى قورعاۋ“دى باتىل ورىنداعان، پارتيانىڭ نازارياسى مەن لۋشيان، باعىت - ساياساتىن جالپى بەتتىك دايەكتىلەندىرگەن، اتقارعان كادرلاردى ءوسىرۋ، ماڭىزدى مىندەتكە قويۋ كەرەك. ءىستى بارىنەن جوعارى قويۋعا تاباندى بولىپ، ادام ىستەتۋ كوز اياسىن كەڭەيتىپ، جاۋاپكەرشىلىك ارقالاۋعا، ىسكەرلىك كورسەتۋگە شابىتتاندىرىپ، جاۋاپكەرلىك ارقالاۋعا، مىندەت ارقالاۋعا باتىل، ىسكەرلىك كورسەتۋگە شەبەر، ناقتى ناتيجەسى كورنەكتى كادرلاردى تاڭداپ وسىرۋگە كۇش سالۋ كەرەك. قاتاڭدىق تالابىن تياناقتاندىرىپ، تەكسەرىپ بەكىتۋ وتكەلىن مەڭگەرۋدى كۇشەيتىپ، ءتارتىپتى، باقىلاۋدى كۇشەيتىپ، ادام تاڭداۋ، ادام ىستەتۋ جاعىنداعى بۇرىس ستيلدى باتىل وڭاۋ كەرەك. قاتىستى سايكەستى تۇزىمدەردى كەمەلدەندىرىپ، كادرلاردىڭ ساپاسىن جەتىلدىرۋ، ىستەگەن ىسىنە قاراۋ، تاڭداپ ءوسىرۋ، مىندەتكە قويۋ، قاتاڭ باسقارۋ، ۇنامدى جاقتان شابىتتاندىرۋ جۇيەسىن ورناتۋدى، اقاۋسىزداندىرۋدى ارقاۋ ەتىپ، جۇيەسى كەمەلدى، عىلمي، ولشەمدى، ۇتىمدى، جارامدى، اتقارۋعا قولايلى ادام تاڭداۋ، ادام ىستەتۋ ءتۇزىمى مەحانيزمىنىڭ قالىپتاسۋىن ىلگەرىلەتۋ كەرەك. دايەكتىلەندىرۋ، اتقارۋ جاعدايىن باقىلاۋدى، تەكسەرۋدى شىنايى كۇشەيتىپ، جاۋاپكەرشىلىكتى قاتاڭ قۋزاستىرىپ، «كادرلاردى مىندەتكە قويۋ ەرەجەسىنىڭ» بەدەلى مەن اتقارىلۋ قۋاتىن اناعۇرلىم جوعارىلاتۋ كەرەك. جەر - جەر، تاراۋلار «كادرلاردى مىندەتكە قويۋ ەرەجەسىن» اتقارۋ بارىسىنداعى ماڭىزدى جاعدايلار مەن ۇسىنىستاردى پارتيا ورتالىق كوميتەتىنە دەر كەزىندە مالىمدەۋ كەرەك.
«كادرلاردى مىندەتكە قويۋ ەرەجەسى» جالپى 12 تاراۋ، 69 تارماق، 2019 - جىلى 3 - ايدىڭ 3 - كۇنىنەن باستاپ اتقارىلادى. جۇڭگو كوممۋنيستىك پارتياسى ورتالىق كوميتەتىنىڭ 2014 - جىلى 1 - ايدىڭ 14 - كۇنى باسىپ تاراتقان «پارتيا، ۇكىمەت باسشى كادرلارىن تاڭداپ ءوسىرۋ، مىندەتكە قويۋ قىزمەت ەرەجەسى» وسىمەن ءبىر ۋاقىتتا كۇشىن جويادى.
