تاياۋدا، بايىنعولين موڭعۇل اۆتونوميالى وبلىسى يانجي حۇيزۋ اۆتونوميالى اۋدانى يۇڭنيڭ قالاشىعى ماليانتان قىستاعىنىڭ كەدەي وتباسى راحىمان ٴۇش دوڭگەلەكتى ەلەكترلى ۆەلوسيپەدپەن اۋىل شارۋاشىلىق ءوندىرىس ماتەريالدارىن باسىپ، قۋانا بىلاي دەدى: «ەكى كۇننەن بەرى وسى ەگىس جۇمىستارىنا باسىمدى قاتىرىپ جۇرگەن ەدىم، بۇگىن قىزمەت اترەتىنىڭ كادرلارى ٴشوپ وتاعىش، ەگىس دارىلەرىن بەرىپ، حيميالىق تىڭايتقىشتى اكەلىپ بەرۋگە ۋادە بەردى، ولار مەنىڭ قيىنشىلىعىمدى ءبىر جاقتىلى ەتتى، قىزمەت اترەتىنە كوپ راقىمەت».
كوكتەمگى ەگىس دايىندىعى ديقانداردىڭ ءبىر جىلدىق ونىمىنە اسەر ەتەدى، يانجي حۇيزۋ اۆتونوميالى اۋداندىق حاۋىپسىزدىكتى باقىلاۋ مەكەمەسىنىڭ يۇڭنيڭ قالاشىعى ماليانتان قىستاعىندا تۇراتىن «ۇعىسۋ، تيىمدىلىك جاساۋ، توعىستىرۋ» قىزمەت اترەتى قىستاق كادرلارىمەن بىرلىكتە ءار وتباسىن ارالاپ، قيىنشىلىقتارىن شەشىپ، قىستاق تۇرعىندارىنا پارتيا مەن ۇكىمەتتىڭ شىنايى قامقورلىعىن جانە مەيىر شاپاعاتىن جەتكىزدى.
اۋدان بويىنشا قىس ماۋسىمىنداعى ءار وتباسىن ارالاۋ قىزمەتى بارىسىندا، قىستاق كادرلارى ماليانتان قىستاعىنداعى كەيبىر كەدەي وتباسىنىڭ كوكتەمگى ەگىس وندىرىسىندە ساقتالعان ماسەلەلەردى بايقاپ، دەر كەزىندە قاتىستى ورىندارعا اڭىس ەتتى. قىزمەت اترەتى 2 توننا حيميالىق تىڭايتقىش، 400 كيلوگرام تۇقىم، سونداي-اق ەگىس دارىلەرى سياقتى اۋىل شارۋاشىلىق ماتەريالدارىن بەلسەنە ازىرلەپ، «كەدەي وتباسىنا كومەكتەسۋ، حيميالىق تىڭايتقىش جەتكىزۋ، كوكتەمگى ەگىس جۇمىسىنا جاردەمدەسۋ» قيمىلىن ورىستەتىپ، 15 كەدەي وتباسىنا اۋىل شارۋاشىلىق ٴوندىرىس ماتەريالدارىن تەگىن تاراتىپ، ولاردىڭ كوكتەمگى ەگىس وندىرىسىندەگى قيىنشىلىقتارىن شەشتى.