ءتىلشى جاڭ يانفاڭ 3 - ايدىڭ 18 - كۇنى ۇرىمجىدەن حابارلايدى. 3 - ايدىڭ 18 - كۇنى تۇستەن كەيىن اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ (كەڭەيتىلگەن) ءماجىلىسىن اشتى جانە نازاريا ۇيرەنۋ وزەكتى گرۋپپاسىنىڭ توپتىق ۇيرەنۋىن وتكىزىپ، مەملەكەتتىك ەكى ءماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن جەتكىزدى، ۇيرەندى، تاياۋدا اشىلعان اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسىنىڭ، اۆتونوميالى رايوندىق پارتكومنىڭ ساياسي - زاڭ قىزمەتى ءماجىلىسىنىڭ، اۆتونوميالى رايوندىق پارتكوم نازاريا ۇيرەنۋ وزەكتى گرۋپپاسىنىڭ ارناۋلى تاقىرىپتىق ۇيرەنۋ ءماجىلىسىنىڭ رۋحىن، ت.ب جەتكىزىپ، ۇيرەنىپ، ساياسي كەڭەستىڭ قىزمەتتى تياناقتاندىرۋىنا ورنالاستىرۋ جاسادى.
اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ شۋجيى، ءتوراعا نۇرلان ءابىلماجىن ۇلى ءماجىلىستى باسقاردى جانە ءسوز سويلەدى.
ءماجىلىس بىلاي دەپ باسا دارىپتەدى: ساياسي دەڭگەيدى جوعارىلاتىپ، مەملەكەتتىك ەكى ءماجىلىس رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن جاقسى ۇيرەنۋدى، جاقسى ۇگىتتەۋدى، جاقسى دايەكتىلەندىرۋدى ماڭىزدى ساياسي مىندەت ەتىپ، قاز - قالپىندا ۇيرەنىپ، قايتا - قايتا ىشكەرىلەي ۇيرەنىپ، رۋحاني ءمانىن ءتۇسىنىپ، وزەكتى مازمۇنىن يگەرىپ، ”ءتورت تانىم“دى مىقتاپ ورناتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، مىندەت اتقارۋدىڭ اسا ءونىمدى امالياتىمەن اۆتونوميالى رايوننىڭ ورنىقتىلىق، دامۋ قىزمەتتەرىنە قىزمەت وتەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تەرەڭ تامىر تارتۋىن ىلگەرىلەتۋ كەرەك.
ءماجىلىس مىنالاردى تالاپ ەتتى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، نازاردى باس نىساناعا شوعىرلاندىرىپ، ىنتىماق جانە دەموكراتيا سىندى ەكى ۇلكەن تاقىرىپقا تاباندى بولىپ، مەملەكەتتىك ەكى ءماجىلىس رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ساياسي كەڭەستىڭ قىزمەتتەرىندە شىن مانىندە تياناقتاندىرۋ كەرەك. نازاريامەن قارۋلانۋعا جاڭالىق ەنگىزۋدى كۇشەيتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى حالىق ساياسي كەڭەسىنىڭ پارتيا قۇرىلىسىندا ”قاتاڭ بولىپ“، ساياسي كەڭەس قىزمەتىن ورنالاستىرۋدى تياناقتاندىرۋدى ”كۇشەيتىپ“، ۇسىنىس - پىكىر بەرۋ جانە ورتاق تانىم ۇيىستىرۋدا قوس باعىتتا كۇش سالۋدى ”ارەكەتكە كەلتىرىپ“، مۇقياتتىلىقپەن مىندەت اتقارىپ، جاۋاپكەرشىلىك وتەپ، جاڭا داۋىردەگى شينجياڭ ساياسي كەڭەسىنىڭ جاڭا بەينەسىن، جاڭا لەبىن ايگىلەۋ كەرەك.
ءماجىلىس مىنالاردى تالاپ ەتتى: ورنىقتىلىقتى قورعاۋدى ءبارىن باسىپ تۇسەتىن ساياسي مىندەت، تايشان تاۋىنان دا سالماقتى ساياسي جاۋاپكەرشىلىك دەپ ءبىلىپ، نازاردى باس نىساناعا تاپجىلماي شوعىرلاندىرىپ، ىرىقتىلىقپەن باتىل ءۇن قاتىپ، ايقىن پوزيتسيا ءبىلدىرىپ، بۇكىل رايونىمىزداعى ءار ۇلت بۇقاراسىن تۋى ايقىن تۇردە ”ءۇش ءتۇرلى كۇش“كە جانە ”ەكىبەتكەي“لەرگە قارسى باتىل كۇرەس جۇرگىزۋگە جەتەكشىلىك ەتۋ؛ بۇقارالىق قىزمەتتى ىشكەرىلەي ىجداعاتتىلىقپەن جاقسى ىستەپ، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىن، ”ۇلتتار ىنتىماعىنىڭ بەرەكەلى شاڭىراعى“ قيمىلىن جانە ۇلتتار ىنتىماعى بىرلەسكەن دوستىق قيمىلىن ءۇرتىس ىشكەرىلەي ورىستەتىپ، قوعام ورنىقتىلىعىن قورعاۋدىڭ مىعىم وڭ ەنەرگياسىن بارىنشا ۇيىستىرۋ؛ ەلىمىزدىڭ ءىسلام ءدىنىن جۇڭگوشالاندىرۋ بەتالىسىنا تاباندى بولىپ، ءار ۇلت، ءار سالا مۇشەلەرىنىڭ رولىن تولىق ساۋلەلەندىرىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەۋ كەرەك. اۆتونوميالى رايوندىق پارتكومنىڭ تالابىنا ساي، كەدەيلىكتەن ارىلتۋدان قامال الۋعا دەم بەرۋدى مىندەت اتقارۋدىڭ ءتۇيىنى ەتىپ، ”ەكىدەن تارىقتىرماۋ، ءۇشتى قامتاسىز ەتۋ“دى تىعىز ارقاۋ ەتىپ، ”التى دالمە - ءدال“دى تياناقتاندىرىپ، ”جەتى ءبىر توپ“تى ىلگەرىلەتىپ، ”ءۇشتە سەرپىندى ارتتىرۋ“دى جەبەپ، ”توعىزدى ايقىنداۋ“دى جۇزەگە اسىرىپ، بەلسەنە اقىل - كەڭەس قوسىپ، كەڭ كولەمدە ورتاق تانىم ۇيىستىرىپ، كەدەيلىكتەن ارىلتۋدان قامال الۋ شايقاسىن تاباندىلىقپەن، باتىلدىقپەن جەڭىستى جۇرگىزۋ كەرەك.
اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ ورىنباسار شۋجيى، ورىنباسار ءتوراعا چىڭ جىنشان، پارتيا باسشىلىق گرۋپپاسىنىڭ مۇشەلەرى، ورىنباسار ءتوراعالار ءجۇرات يمىن، ءيىلھام سابىر، ما شيۇڭچىڭ ماجىلىسكە قاتىناستى.
