ءتىلشى لياڭ ليحۋا 3 - ايدىڭ 18 - كۇنى ۇرىمجىدەن حابارلايدى. 3 - ايدىڭ 18 - كۇنى تۇستەن بۇرىن اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ (كەڭەيتىلگەن) ءماجىلىسىن اشىپ، مەملەكەتتىك ەكى ءماجىلىستىڭ رۋحى، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن، 3 - ايدىڭ 16 - كۇنى اشىلعان اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسىنىڭ رۋحىن، ت. ب سياقتىلاردى جەتكىزدى، ۇيرەندى، دايەكتىلەندىرۋ، تياناقتاندىرۋ شارالارىن اقىلداستى.
اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ شۋجيى، مەڭگەرۋشى شاۋكەت يمىن ءماجىلىستى باسقاردى جانە ءسوز سويلەدى.
ءماجىلىس مىنالاردى اتاپ كورسەتتى: 13 - كەزەكتى مەملەكەتتىك حالىق قۇرىلتايىنىڭ 2 - ءماجىلىسى مەن مەملەكەتتىك ساياسي كەڭەس 13 - كەزەكتى كوميتەتىنىڭ 2 - ءماجىلىسى جاپپاي دوڭگەلەك داۋلەتتى قوعام ورناتۋدىڭ، ءبىرىنشى 100 جىلدىق كۇرەس نىساناسىن جۇزەگە اسىرۋدىڭ شەشۋشى جىلىندا اشىلعان ەرەكشە ماڭىزدى ءماجىلىس، ەلىمىزدىڭ ساياسي ومىرىندەگى ءىرى ءىس. ءماجىلىس كەزىندە شينجياڭ ۋاكىلدەر ۇيىرمەسى بۇكىل رايونىمىزداعى ءار ۇلت حالقىنىڭ ماڭىزدى تاپسىرماسىن ارقالاپ، تاسقىنداعان قىزمەت ىنتاسىمەن، كوتەرىڭكى رۋحاني كوڭىل كۇيمەن، كۇشتى جاۋاپكەرشىلىك تانىممەن، مىندەتتى قاتاڭ اتقارۋ رۋحىمەن ماجىلىسكە قاتىناسىپ، شينجياڭ ۋاكىلدەر ۇيىرمەسىنىڭ تاماشا وبرازىن ايگىلەپ، ءماجىلىستىڭ تولىق تابىستى بولۋىنا تيەسىلى ۇلەس قوستى.
ءماجىلىس مىنالاردى باسا دارىپتەدى: باس شۋجي شي جينپيڭنىڭ ەكى ءماجىلىس كەزىندەگى ماڭىزدى ءسوزى كەزەكتەگى جانە بۇدان بىلايعى ءبىر مەزگىلدەگى پارتيا مەن مەملەكەت قىزمەتىن ويداعىداي ىستەۋگە ايقىن بەتالىس كورسەتىپ، بويسۇناتىن ولشەم ازىرلەدى. مەملەكەتتىك ەكى ءماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنىپ، ۇگىتتەپ، دايەكتىلەندىرىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، حالىق قۇرىلتايىنىڭ فۋنكتسيالىق رولىن تولىق ساۋلەلەندىرىپ، زاڭ شىعارۋ ۇقىعىن، باقىلاۋ ۇقىعىن، شەشىم جاساۋ ۇقىعىن، مىندەتكە تاعايىنداۋ - مىندەتىنەن قالدىرۋ ۇقىعىن زاڭ بويىنشا ويداعىداي جۇرگىزىپ، ورنىقتىلىق، دامۋ سىندى ەكى ءىرى ءىستى شىنايى مىقتى يگەرىپ، جاپپاي دوڭگەلەك داۋلەتتى قوعام ورناتۋدى ورىنداۋعا شەشۋشى نەگىز قالاپ، جاڭا جۇڭگو قۇرىلعاندىعىنىڭ 70 جىلدىعىن ۇزدىك ناتيجەمەن قۇتتىقتاۋىمىز كەرەك.
ءماجىلىس مىنالاردى تالاپ ەتتى: پارتيانىڭ جالپى بەتتىك باسشىلىعىنا باستان - اياق تاباندى بولىپ، تيتتەي دە اۋىتقىماي، العان بەتتەن قايتپاي، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن تاباندىلىقپەن دايەكتىلەندىرىپ، تياناقتاندىرىپ، جاڭا دامۋ ۇستانىمىن ىشكەرىلەي دايەكتىلەندىرىپ، حالىق قۇرىلتايىنىڭ فۋنكتسياسىمەن بىرلەستىرىپ، اۆتونوميالى رايوندىق پارتكومنىڭ ”1 + 3 + 3 + رەفورما جاساۋ، ەسىك اشۋ“ قىزمەت ورنالاستىرۋىن تياناقتاندىرۋ؛ زاڭدى عىلمي شىعارۋدى، زاڭدى دەموكراتيالى شىعارۋدى، زاڭدى زاڭ بويىنشا شىعارۋدى ىشكەرىلەي ىلگەرىلەتىپ، ءتۇيىندى سالالاردا زاڭ شىعارۋدى بەلسەنە ىلگەرىلەتىپ، شىعارۋدى، وزگەرىس ەنگىزۋدى، كۇشىنەن قالدىرۋدى تەڭ جۇرگىزۋ جانە شۇعىل قاجەتتىلەرىن الدىمەن شىعارۋ پرينسيبىنەن جازباي، تۇراقتى كوميتەتتىڭ زاڭ شىعارۋ جوباسى مەن جىلدىق زاڭ شىعارۋ جوسپارىن ويداعىداي تياناقتاندىرىپ، زاڭ شىعارۋ ساپاسىنا كەپىلدىك ەتۋ العى شارتىندا، زاڭ شىعارۋ اياق الىسىن جەدەلدەتۋ؛ باقىلاۋ قىزمەتىنىڭ باعىتتامالىلىعىن، ونىمدىلىگىن كۇشەيتىپ، دۇرىس باقىلاۋعا، ءونىمدى باقىلاۋعا تاباندى بولىپ، ”ۇكىمەتتى، باقىلاۋ - تەكسەرۋ كوميتەتىن، حالىق سوتى مەكەمەسىن، حالىق پروكۋراتۋراسى“ن باقىلاۋ قىزمەتىن ولاردىڭ زاڭ بويىنشا مىندەت اتقارۋعا تاباندى بولۋىمەن ورگانيكالى بىرلىككە كەلتىرىپ، قىزمەتتى كۇشەيتۋدىڭ جانە جاقسارتۋدىڭ بىرىككەن كۇشىن قالىپتاستىرۋ؛ ۋاكىلدەردىڭ مىندەت اتقارۋ قىزمەت مەحانيزمىن ۇزدىكسىز كەمەلدەندىرىپ، ۋاكىلدەردى باۋلۋ جوسپارىن ويداعىداي تياناقتاندىرىپ، ۋاكىلدەردىڭ مىندەت اتقارۋ قابىلەتىن ۇزدىكسىز ءوسىرۋ؛ حالىق قۇرىلتايى تۇراقتى كوميتەتىنىڭ وزىندىك قۇرىلىسىن جاپپاي كۇشەيتىپ، مىندەت اتقارۋ قابىلەتىن ۇزدىكسىز ءوسىرىپ، ستيلدى ۇزبەي جاقسارتىپ، قوسىن قۇرىلىسىن كۇشەيتىپ، پارتيا مەن حالىق جۇكتەگەن ساياسي جاۋاپكەرشىلىكتى شىن مانىندە ارقالاۋ كەرەك.
اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ ورىنباسار شۋجيلەرى، ورىنباسار مەڭگەرۋشىلەرى لي شۋەجۇن، ۋاڭ يۇڭميڭ، پارتيا باسشىلىق گرۋپپاسىنىڭ مۇشەلەرى، ورىنباسار مەڭگەرۋشىلەرى باداي، گۇلشات ابدىقادىر، مانەن زەينەل ۇلى، سو يۋە ماجىلىسكە قاتىناستى، ورىنباسار مەڭگەرۋشى دۇڭ شينگۋاڭ ماجىلىسكە سىرتتاي قاتىناستى.
