ءتىلشى جاۋ جىيۇن 3 - ايدىڭ 18 - كۇنى ۇرىمجىدەن حابارلايدى. 3 - ايدىڭ 17 - كۇنى اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق حالىق ۇكىمەتىنىڭ ۇنەمىلىك ىستەر ءماجىلىسىن باسقارىپ اشىپ، 2018 - جىلعى اۆتونوميالى رايوننىڭ «بۇكىل مەملەكەتتىك سۋ - توپىراقتى ساقتاۋ جوسپارىن (2015 − 2030 - جىل)» اتقارۋ جاعدايى، اۆتونوميالى رايوننىڭ جەرگىلىكتى اۋرۋلاردان ساقتانۋ جانە ونى تىزگىندەۋ، اۆتونوميالى رايوننىڭ 2019 - جىلعى استىق حاۋىپسىزدىگىنە ولكە باستىعى جاۋاپتى بولۋ ءتۇزىمىن تياناقتاندىرۋ، عىلمي زەرتتەۋ قۇرىلىمدارى مەن قىزمەتكەرلەرىنە اناعۇرلىم ۇلكەن دەربەس ۇقىق بەرۋ جونىندەگى قاتىستى حۇجاتتاردى دايەكتىلەندىرۋ، تياناقتاندىرۋ، جالپىلىق قورعامالى باجى اۋماعىنىڭ جوعارى دەڭگەيدە شەتەلگە ەسىك اشۋىن، جوعارى ساپالى دامۋىن جەبەۋ قىزمەتى سياقتىلاردى اقىلداستى.
ءماجىلىس مىنالاردى باسا دارىپتەدى: 2018 - جىلى اۆتونوميالى رايونىمىز ”تۇنىق سۋ، جاسىل تاۋ − باعالى بايلىق“ دەيتىن جاڭا دامۋ ۇستانىمىن بەرىك ورناتىپ، سۋ مەن توپىراقتى ساقتاۋ قىزمەتىندەگى تۇلعالىق جاۋاپكەرشىلىكتى جاپپاي تياناقتاندىرىپ، الدىن الا ساقتانۋدى نەگىز ەتۋگە، قورعاۋدى الدىمەن ويلاستىرۋعا تاباندى بولىپ، جاپپاي جوسپارلاپ، جەردىڭ ىڭعايىنا قاراي ىستەپ، تابيعي قالپىنا كەلتىرۋگە ءمان بەرىپ، جالپىلىق جونگە سالۋدى كورنەكتىلەندىرىپ، باقىلاۋ - باسقارۋدى كۇشەيتىپ، سۋ - توپىراق بايلىعىنىڭ باياندى پايدالانىلۋىن جۇزەگە اسىرىپ، سۋ مەن توپىراقتىڭ زايا بولۋىنان ساقتانۋ جانە ونى تىزگىندەۋ جۇيەسىن وسىزامانداندىرۋ قۇرىلىسىن ىلگەرىلەتىپ، سۋ مەن توپىراقتىڭ زايا بولۋىنان ساقتانۋ جانە ونى تىزگىندەۋ قابىلەتىن ءونىمدى جوعارىلاتىپ، اۆتونوميالى رايوننىڭ سۋ مەن توپىراقتى ساقتاۋ قىزمەتىندە كەزەڭدىك جەتىستىككە قول جەتكىزدى. كەلەسى قادامدا، جەر - جەر سۋ مەن توپىراقتى ساقتاۋ قىزمەتىنىڭ تۇلعالىق جاۋاپكەرشىلىگىن جاپپاي تياناقتاندىرىپ، ماسەلەنى باعدار ەتۋگە تاباندى بولىپ، ءتۇزىلىس - مەحانيزمدى كەمەلدەندىرىپ، جونگە سالۋ تابىستارىن بەكەمدەپ، جونگە سالۋ اياق الىسىن جەدەلدەتىپ، شينجياڭنىڭ تاۋىنىڭ ماڭگى جاسىل بولۋىنا، تۇنىق سۋىنىڭ ماڭگى سارقىلماۋىنا مۇمكىندىك جاساۋ كەرەك.
ءماجىلىس مىنالاردى اتاپ كورسەتتى: جەرگىلىكتى اۋرۋلاردان ساقتانۋ جانە ونى تىزگىندەۋدى اۋىل - قىستاقتى گۇلدەندىرۋ ستراتەگياسىمەن جانە كەدەيلىكتەن ارىلتۋدان قامال الۋمەن تىعىز بىرلەستىرىپ، ءار جاقتىڭ كۇشىن جۇمىلدىرىپ، ءتۇرلى بايلىقتاردى بىرىكتىرىپ، ءتۇرلى شارالاردى كۇشەيتىپ، جەرگىلىكتى اۋرۋلاردان ساقتانۋ جانە ونى تىزگىندەۋ قىزمەتىن شىنايى ويداعىداي ىستەپ، سالاماتتى شينجياڭ قۇرىلىسىن ىلگەرىلەتۋ، كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋ ءۇشىن بەرىك نەگىز قالاۋ كەرەك. اۆتونوميالى رايوندىق پارتكومنىڭ ورنالاستىرۋى، تالابى بويىنشا، استىق حاۋىپسىزدىگىنە ولكە باستىعى جاۋاپتى بولۋ ءتۇزىمىن ناقتى تياناقتاندىرىپ، استىق حاۋىپسىزدىگىن قامتاماسىز ەتۋدىڭ اناعۇرلىم جوعارى دەڭگەيدەگى، اناعۇرلىم جوعارى ساپاداعى، اناعۇرلىم ءونىمدى، اناعۇرلىم باياندى جۇيەسىن جەدەل ورناتىپ، اۆتونوميالى رايوننىڭ استىق حاۋىپسىزدىگىن بار كۇشپەن قامتاماسىز ەتۋ كەرەك.
ءماجىلىس مىنالاردى اتاپ كورسەتتى: عىلىم - تەحنيكا ءتۇزىلىسى رەفورماسىن ىشكەرىلەي ىلگەرىلەتىپ، عىلمي زەرتتەۋ قۇرىلىمدارى مەن قىزمەتكەرلەرىنە اناعۇرلىم ۇلكەن دەربەس ۇقىق بەرىپ، عىلمي زەرتتەۋ قىزمەتكەرلەرىنىڭ اۋىرتپالىعىن شىنايى جەڭىلدەتۋ عىلمي زەرتتەۋ قىزمەتكەرلەرىنىڭ بەلسەندىلىگىن جۇمىلدىرۋدا، جاڭالىق اشۋدىڭ، جاسامپازدىقتىڭ ومىرشەڭدىگىن تولىق قاۋلاتۋدا، ەكونوميكانىڭ جوعارى ساپالى دامۋىن جۇزەگە اسىرۋدا ايرىقشا ماڭىزدى مانگە يە. تاراۋلار، مەكەمە - ورىندار جاڭادان جاريالانعان ساياساتتاردىڭ رۋحىنا ۇيلەسپەيتىن بەلگىلەمەلەردى اداقتاپ جانە وزگەرتىپ، مەكەمە - ورىن ىشىندەگى باسقارۋ تۇزىمدەرىن اقاۋسىزداندىرىپ، كەمەلدەندىرىپ، ءوز مەكەمە - ورنىنىڭ ناقتى اتقارۋ ءادىسىن جانە ءتۇزىمىن جاساۋ جانە وعان وزگەرىس ەنگىزۋ كەرەك.
ءماجىلىس مىنالاردى اتاپ كورسەتتى: جەر - جەر، تاراۋلار جالپىلىق قورعامالى باجى اۋماعىنىڭ جوعارى دەڭگەيدە سىرتقا ەسىك اشۋىن، جوعارى ساپالى دامۋىن جەبەۋدىڭ، رەفورما جاساۋدى، ەسىك اشۋدى جاپپاي تەرەڭدەتۋدىڭ جاڭا بيىگىن قالىپتاستىرۋدىڭ ماڭىزدى ءمانىن تولىق تانىپ، ۇيىمدىق باسشىلىقتى نىعايتىپ، سايكەسۋدى، سەلبەسۋدى كۇشەيتىپ، ءبىر تۇتاس جوسپارلاۋدى ويداعىداي ىستەۋ كەرەك. اۆتونوميالى رايوننىڭ قاتىستى تاراۋلارى بىرەگەي شارۋاشىلىق - ساۋدا ورتاسىن بەلسەنە قالىپتاستىرىپ، جالپىلىق قورعامالى باجى اۋماعىنىڭ دامۋ ساپاسىن ونان ارى جوعارىلاتۋ كەرەك. ايماقتىق، وبلىستىق، قالالىق حالىق ۇكىمەتتەرى (اكىمشىلىك مەكەمەلەرى) تۇلعالىق جاۋاپكەرشىلىكتى شىنايى تياناقتاندىرىپ، حاۋىپسىزدىكتى باقىلاۋ - باسقارۋدى كۇشەيتىپ، جالپىلىق قورعامالى باجى اۋماعىنىڭ جوعارى دەڭگەيدە سىرتقا ەسىك اشۋىن، جوعارى ساپالى دامۋىن جەبەۋ كەرەك.
ءماجىلىس باسقا دا ىستەردى اقىلداستى.
