تيانشان تورابى   ›   ۇيرەنۋ   ›   ماڭىزدى حۇجاتتار

مەملەكەتتىك كەڭەستىڭ اقپارات كەڭسەسى «شينجياڭنىڭ لاڭكەستىككە قارسى تۇرۋ، ۇشقارىلىقتى الاستاۋ كۇرەسى جانە ادامدىق ۇقىقتى قامتاماسىزداندىرۋى» اتتى اق تىستى كىتاپتى جاريالادى

  شينحۋا اگەنتتىگىنىڭ 3 - ايدىڭ 18 - كۇنى بەيجيڭنەن بەرگەن حابارى (تىلشىلەر باي يىڭ، فۋ شۋاڭچي). مەملەكەتتىك كەڭەستىڭ اقپارات كەڭسەسى 3 - ايدىڭ 18 - كۇنى «شينجياڭنىڭ لاڭكەستىككە قارسى تۇرۋ، ۇشقارىلىقتى الاستاۋ كۇرەسى جانە ادامدىق ۇقىقتى قامتاماسىزداندىرۋى» اتتى اق تىستى كىتاپتى جاريالادى.

  اق تىستى كىتاپتا بىلاي دەلىندى: لاڭكەستىك − ادامزات قوعامىنىڭ ورتاق جاۋى، حالىقارالىق قوعام تىزە قوسا سوققى بەرەتىن وبيەكتى. لاڭكەس كۇشتەر زورلىقتى كۇش، ءبۇلدىرۋ، قورقىتۋ سەكىلدى تاسىلدەرمەن ادامدىق ۇقىقتى قالاعانىنشا اياق استى ەتىپ، جازىقسىز جاندارعا زيانكەستىك جاساپ، الەۋمەتتىك حاۋىپسىزدىككە قاتەر ءتوندىردى، قوعامدا ۇرەي تۋدىرىپ، دۇنيە ءجۇزىنىڭ بەيبىتشىلىگى مەن تىنىشتىعىنا اۋىر حاۋىپ ءتوندىردى. ۇشقارى يدەيانىڭ سىنالانىپ كىرۋى مەن ءورشۋى زورلىقتى كۇش لاڭكەستىك ارەكەتتەردىڭ تۋىلۋىنا مۇرىندىق بولدى، ادامداردىڭ ءتۇرلى ادامدىق ۇقىعىنا تىكە حاۋىپ ءتوندىردى. جۇڭگو ۇكىمەتى ءارقانداي فورماداعى لاڭكەستىككە، ۇشقارىلىققا قارسى تۇرادى، لاڭكەستىكتى، ۇشقارىلىقتى ۋاعىزدايتىن، لاڭكەستىك ارەكەتتەردى ۇيىمداستىرىپ، جوبالاپ اتقاراتىن، ازاماتتاردىڭ ادامدىق ۇقىعىنا قول سۇعاتىن ارەكەتتەرگە زاڭ بويىنشا قاتاڭ سوققى بەرەدى.

  اق تىستى كىتاپتا بىلاي دەپ اتاپ كورسەتىلدى: ءبىر مەزگىل ۋاقىتتان بەرى جۇڭگونىڭ شينجياڭ ءوڭىرى ۇلتتىق بولشەكتەۋشى كۇشتەردىڭ، ءدىني ۇشقارى كۇشتەردىڭ، زورلىقتى كۇش لاڭكەستەردىڭ قات - قابات ىقپالىنا ۇشىرادى، لاڭكەستىك شابۋىلدار ءجيى تۋىلىپ، ءار ۇلت حالقىنىڭ باس اماندىعىنا، مال - مۇلكىنىڭ حاۋىپسىزدىگىنە اسا زور زيان سالىپ، ادامزاتتىڭ ار - ۇجدانىن تابانعا تاپتادى. شينجياڭ لاڭكەستىكتىڭ، ۇشقارىلىقتىڭ ناقتى قاتەرىنە قاراتا باتىل شارا قولدانىپ، لاڭكەستىككە قارسى تۇرۋ جانە ۇشقارىلىقتى الاستاۋ كۇرەسىن زاڭ بويىنشا ورىستەتىپ، لاڭكەستىك ارەكەتتەر كوپ تۋعان، قايتا - قايتا تۋعان جاعدايدى ءونىمدى تەجەپ، ءار ۇلت حالىق بۇقاراسىنىڭ ءومىر ءسۇرۋ ۇقىعى، دامۋ ۇقىعى سەكىلدى نەگىزگى ۇقىقتارىن ەڭ جوعارى شەكتە قامتاماسىز ەتتى.

    اق تىستى كىتاپتا بىلاي دەلىندى: جۇڭگو − سوتسياليستىك زاڭمەن باسقارىلاتىن مەملەكەت، ادامدىق ۇقىقتى قۇرمەتتەۋ جانە قامتاماسىزداندىرۋ − جۇڭگونىڭ نەگىزگى زاڭىنداعى پرينسيپ. جۇڭگو شينجياڭىنىڭ لاڭكەستىككە قارسى تۇرۋ، ۇشقارىلىقتى الاستاۋ كۇرەسى − حالىقارالىق قوعامنىڭ لاڭكەستىككە قارسى كۇرەسىنىڭ ماڭىزدى قۇرامداس بولىگى، ول بىرلەسكەن مەملەكەتتەر ۇيىمىنىڭ لاڭكەستىككە سوققى بەرۋ، نەگىزگى ادامدىق ۇقىقتى قورعاۋ باستى ماقساتىنا جانە پرينسيبىنە بۇكىلدەي ۇيلەسەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورابى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

بىزبەن بايلانىس جارناما قىزمەتى لەبىز قالدىرۋ ءبىز تۋرالى